لمتنا السورية اهلا وسهلا فيكم لشهر محرم1432

love is blind اهلا وسهلا فيكي معنا وان شالله سنة خير عليكي وعلى احبابك ياقمر
ونور الموضوع بتواجدك

********************

هند الله يفرج همك وان شالله هالسنة تكون حلوة عليكي وبشارة خير يارب ونفرح فيكي
وتنضمي النا لان هالتجمع فيه بشاير خير واسئلي البنات ... بقى الله كريم وان شالله بتتزوجي قريب

كاتي القمر الحمد لله اللي اتطمنا عليكي وخدي المثبتات وتوكلي على الله وربي كريم ورحيم وان شالله مابصير الا كل خير صدقيني
وباذن الله الجنين بخير وعافية وباذن الله بتشوفيه على رمضان وهو كامل الخلقة وبصحة وعافية
وربي يختارلك كل الخير ياااااااااارب

وبخصوص تالا كمان طريقة لولوة كتييير رااائعة وجربتها والله وكتير فادت معي بقى انتي كمان جربيها وان شالله بتصير تالا متل مابدك
والله يهديهم هالصغار عن جد مابيربى جسد ليفنى جسد

كاتي الف الحمد لله انك بخير والله بالي عندك ويارب متل ماقلتلك اذا فيه خير الله يتمملك ويلا تعي ودردشي معنا متل زمان عم نفقدلك

love is blind;14108171:
مساء الخير اهلا بنات سوريا والله
انشاء الله سنه جديده بصحه وعافيع وحب
على الجميع ياحلوين

مسا النور حبيبة قلبي وسنة خير على الجميع يارب

هند حلوة الحلوات;14110289:
مرحبا

انا حاسة انو كلكن متزوجات

وانا بس يلي مخطوبة ان شاء الله كل عام وات\نتو بخير

ويارب تكون السنة الجديدة حلوة عالكل

انا امنيتي لهي السنة اني اتزوج لانو صرلي سنتين و4شهور مخطوبة هلق هي امنيتي اذا في كمان بقلكن

يلا باي ياحلوين

يارب سنة خير عليكي ومنشوفك عروس وبنفرح فيكي ومتل ماقالت دمشقية الشات وجه حلو عالبنات كتار ماكانو حتى مخطوبات سبحان الله خطبو وتزوجو وهلق بعضهم حوامل

الحمد لله على قيامك بالسلامو شامية
وان شاء الله يربى بعزك يا رب
طمنيني صعبة الولادة وبتوجع ولا عادي
بقولو الام بتنسى كل وجعها لم بتشوف ابنها

كل عام وانتو بخير صبايا وان شاء الله السنة الجديدة بتحمل لكل وحدة فيكون كل شي بتتمناه وبتريده

بنات هلق بدي اسألكون باي شهر بيتحرك الجنين هلق انا صرت بالشهر الرابع ولحد الان ما حسيت انو في حركة
فقلت انو ما شاء الله كلكون امهات فمنكم نستفيد

كاتي الحمد لله انك بخير والله سبحانه وتعالى كريم وما يصير غير المكتوب

اهلين سمورة الولادة سهلة بتيسير الله بقى لا تحطي الموضوع ببالك وفكري بشوفك ابنك وان شالله ربي يتمملك بالخير يارب
وسنة سعيدة عليكي انتي كمان وربي يحقق كل امالك واحلامك

الجنين عادة بيتحرك بالرابع هيك الشائع بس انا والله ماحسيت فيه الا بالشهر الخامس يعني بيختلف الموضوع من وحدة للتانية
وحركته الاولى بتكون متل الغازات بالبطن خخخخخ عن جد والله كيف احيانا بتحسي كركرة ببطنك نفس الشي البيبي وبعدين بتقدم الشهور بصير بيضربك ضرب
وخدي على بوكسات هههه سبحان الله وبصير بطنك متل الموج مرة على هالناحية بميل ومرة على هالناحية والله يتمم بالخير يارب

الدمشقية;14106781:
رجعتلك كاتي وقلبي عندك وبالي مشغووول عليكي ان شالله تكون امورك تمام يارب وماتحتاجي لا عملية ولا هم ,,, وغريبة انتي بتقولي مافي اوجاع :!!: والاجهاض وجعه متل الطلق تمام بس على خفيف عشان هيك انا متشككة بامرك وربي يكتبلك الخير ياارب بالله عليكي تطمنينا عنك بسرعة:(
وربي يبارك بعمرك تسلميلي هذا من ذوووقك ... F:F:ويارب تدوم هالضحكة عليكي ويخليلك زوجك ياقمر:)...

ويارب الله يسمع منك وربي يكتبلها الحمل هي وكل متمني ياارب ويبعند هالشي عن سورية خخخخخ خطية والله عشان ترتاحلها شوي ;)

اما بخصوص تالا.. الطفل بحس بالبيبي الجديد وبيتوتر قبل لا يجي سبحان الله وغير هيك شايفتك انتي تعبانة والكل مهتم فيكي فبصير معها متل غيرة بس بتجي على هدووء وكنة :-# ... فبدك تتحمليها شوي الله بعينك وبخصوص الاكل بدك تكوني حازمة معها شوي والشغلة مو بالضرب لاء لانها بتزيد عندها حاولي مثلا انك تبينيلها انك زعلانة منها اذا مااكلت وجبتها او ماشربت حليبها وتجاهليها شوي لا تتكلمي معها .. وحنني قلبها عليكي باسلوبك;) يعني خليها تاكل عشانك انتي وهما البنات حنونات الله يرضى عليهم :)
وفترة وبتعدي ياكاتي كلنا مرينا فيها :worn_out:وبخصوص فاتح الشهية انا استخدمته لأولادي وبالفعل يفتح شهيتهم وياكلوا عوافي بشكل ملحوظ بس لما تخلص العبوة بعد فترة ترجع نفسهم مسدودة هذا عيب فاتح الشهية .. بس كمان احسه كويس ولو لفترة
ياحبيبة قلبي انا محمود كان مجنني بالحليب يمووت بشي اسمه حليب والى الان ماشالله
بس لماكان صغير تعبت مثلك تمام يعني لا اكل ولا شي حليب وبس ...:thumbs_down:
المهم والله جربت هالطريقة ونجحن معه بشكل كبير كان لما يطلب الحليب اكون مجهزة اي وجبة تانية ياكلها المهم لما يطلب الحليب اقلله مافي حليب ماعندنا يجلس يبكي اخده واورجيه العلبة فاضية (( اما افضي العلبة او تكون عندي وحدة فاضية من قبل خخخخ ))
اقلله شفت مافي حليب تعال ناكل انا وانت هالوجبة وبس نخلصها نقول لبابا بشتريلنا حليب ... وبالفعل والله ياكل ولو شي بسيط المهم انه ياكل ومرة على مرة صار ياكل بشكل افضل من قبل

طولت عليكي بس حاولت اساعدك بتجربتي والله يعينك

لولية;14105780:

مسا الخير على أحلى بنوتات ما رح إقدر رد عليكن كتير لإنه أنا بحمص وجاي على انترنت كافييه شوي بس حبيت عايد عليكن والله يسعدكن كلكن بالسنة الجديدة
شامية حبيبتي ألف ألف مبروك يا رب ويتربى بعزك وعز أبوه وأنا ان شاء الله بحكيكي بكرة

شامة;14107082:
F:مسا الخير حبيباتي كل عام وانتم بالف خير F:
كاتي انا بتمنى دوام الصحة والعافية لكل عيلتي:032: والنجاح والتوفيق لولادي:046: وتدوم المحبة بيني وبين زوجي :086:ويعطينا ربي الرزق الحلال المبارك:027: وبتمنى اجتمع انا وتوأم روحي لؤلؤة باقرب وقت:077: وطبعا بتمنى اجتمع فيكم عنجد:04: ونقعد شي قعدة حلوة وظريفة :055:مع فنجان قهوة :C:ودردشة

ان شاء الله بتتحقق كل امانيكي و اكتر كمان و تحكونا انتي و لؤلؤة من مكان واحد الله كريم F:

شامة;14107633:
انا مبارح ودعت السنة توديعة غير شكل :01:
قررت ساوي كبة للغدا وقلت بساوي مقلية وشوربا عدس ولبنية مشان تكون سنة بيضا وانا عم اشتغل حطيت وجبة غسيل ولما فضت الغسالة طفت بلوعة المطبخ عفوا منكن :039:واجا جوزي نضفها الله يحن عليه ولما بدي اشطف بعد الوسخ وهو بده يتحمم السخان ما عاد اشتغل:badly: وفكه المسكين وعارك فيه لظبطه:060: المهم شطفت وكملت الطبخ وسكبت اللبنية وحطيت الجاط واندرت لاسكب التاني واذ دججججج ^o):confused:وقع الجاط وبلشت محسوبتكن تبكي متل الولاد الصغار :'(ورجعت عدت الشطف والتمسيح وزعلت طبعا عالكبات وتعبهن:( وبالنهاية اتغدينا الساعة سبعة المسا وبعد كل عالتعب كملنا السهرة والحمد لله كانت رايقة وجلسة عائلية حلوة واستقبلت السنة الجديدة وانا عم ادعي الله يديم علينا العافية والقوة

حياكم بالموضوع الفرفوشي
http://forums.3roos.com/showthread.php?t=573864

لؤلؤة الشام0;14107785:
يسعد مساكم والله يجعلها سنة خير عجميع
دمشقية عنتر عنتر :mad:برافو تاريكي حزيرة بس ليش بيطلعلك جاجة بقى مين اسمه عاسمي والله يسعدك ويحقق امانيكي كلها بهسنة الجديدة
سورية كل سنة وانت سالمة سنة خير وبركة عليكي وعلى كل عيلتك
لولية كل عام وانت بخير ان شاء الله تنبسطي بحمص بشوفة اهلك وهنن باحسن حال
شامة حبيبة قلبي الله يسلمك وتبوسك العافية يارب

لؤلؤة الشام0;14107972:
اول شي ياكاتي كل سنة وانت واهلك وعيلتك بصحة وسلامة
تاني شي امنياتي متلكم كلكم الله يديم الصحة والعافية على اهلي وجوزي وولادي ويهديلي ولادي ويحفظهم ويبعد عنهم كل شر ويوفقهم بدراستهم ويعافيلي جوزي من وجع الضهر ويرزقه رزق حلال ويقويه على طاعته اما عن نفسي فبتمنى ربي يمحي عني ذنوبي وكون منه اقرب ويقويني على طاعته ويتقبل مني كل فرض صلاة بصليه ومايضرب وجهي فيها يوم القيامة ويجمعني فيكم كلكم لانه عنجد حاسة بشوق لاتعرف عليكم كلكم ويجمعني بروحي شامة وهي باحسن حال
اما عن تالا فبدك تتوقعي انها تختلف كتير على وضعكم الجديد لانه الطفل متل ماقلتلك بيتوتر على توتر اهله بس طبعامابيقدر يعبر متل الكبار بس بيعبر بطريقته الخاصة بيرفض الاكل بيصير عدواني ببعض الاوقات وشغلات هيك يعني وبيجي دورك انك تحسسيها بالامان ولا تقولي ابدا انها بعدها صغيرة وما بتفهم بالعكس جربي حاكيها متل كانك عم تحاكي شخص كبير ومرة عن مرة صدقيني رح تحسي بالفرق
وبخصوص الاكل انا بتفق مع دمشقية بانك مالازم تضربيها بس بختلف معها بانك تتعاملي مع الموضوع بحزم انا براي حاولي يوم او يومين انك تطنشيها تحطي الاكل تاكلي انت وابوها بدون ماتصري عليها تاكل وخلي عطول قدامها اكل كيك فواكه سندويشات صغيرة بس لا تعزمي عليها تاكل وراقبيها من بعيد لبعيد انا هيك كنت اتعامل مع بنتي لما كانت صغيرة والله الطريقة جابت نتيجة كنت حط على التربيزة تفاح او سندويشات بالتوست واكل منهم واحكي قدامها انه الاكل بيطول الشعر وبيخلي البنات يكبرو ويصيرو حلوين لوحدها تروح تاخد وتاكل اول مرة لقمة تاني مرة اكتر شوي بعدين صارت تخلص الطبق
ومعلش بهالفترة لو جبتي شوكلا دهن ساويتيلها سندويش شوكلا او زيتون مقطع وعملتي على توست مدهون بالجبن عيون بالزيتون وفم بالخيار وشوفي كيف رح تقبل بأذن الله اسفة طولت عليكي بس حبيت فيدك قد مابقدر
ويلا تعي وطمنينا عنك بعد زيارة الدكتورة

سورية وبفتخر;14108846:
سلام للقمرات والحلوات والغاليات ههههههههههههه يعني لؤلؤة ودمشقية خخخخخخ طلعت اسمائكم متل بعض
كاتس الف الحمدلله ومنيح عطتك مثبتات يالله ياربي يتمملك على خير ومايضرك وبالنسبة لتالا هي ماشاءالله عليهم لؤلؤة ودمشقية ماقصروا اما عن راسي فوالله صاير رسمي يوجعني من اولادي وقلة نوم اه خليها لله وامنياتي للسنة الجديدة متل امنياتكم واهم الشي انه تطلعلي الاقامة ويصير وضعي ووضع اولادي نظامي

لؤلؤة الله يسعدك يارب وانتي بخير وصحة وعافية
شامية ياعليي عليكي يالله دخيلك منيح يلي اجت بالبلوعة والسخان والكبات وانتي ربي يعطيك الف عافية ويحقق امنياتك يارب

الدمشقية;14110646:
love is blind اهلا وسهلا فيكي معنا وان شالله سنة خير عليكي وعلى احبابك ياقمر
ونور الموضوع بتواجدك

********************

الدمشقية;14110654:
هند الله يفرج همك وان شالله هالسنة تكون حلوة عليكي وبشارة خير يارب ونفرح فيكي
وتنضمي النا لان هالتجمع فيه بشاير خير واسئلي البنات ... بقى الله كريم وان شالله بتتزوجي قريب

الدمشقية;14110662:
كاتي القمر الحمد لله اللي اتطمنا عليكي وخدي المثبتات وتوكلي على الله وربي كريم ورحيم وان شالله مابصير الا كل خير صدقيني
وباذن الله الجنين بخير وعافية وباذن الله بتشوفيه على رمضان وهو كامل الخلقة وبصحة وعافية
وربي يختارلك كل الخير ياااااااااارب

وبخصوص تالا كمان طريقة لولوة كتييير رااائعة وجربتها والله وكتير فادت معي بقى انتي كمان جربيها وان شالله بتصير تالا متل مابدك
والله يهديهم هالصغار عن جد مابيربى جسد ليفنى جسد

لؤلؤة الشام0;14113263:
كاتي الف الحمد لله انك بخير والله بالي عندك ويارب متل ماقلتلك اذا فيه خير الله يتمملك ويلا تعي ودردشي معنا متل زمان عم نفقدلك