لمتنا السورية اهلا وسهلا فيكم لشهر محرم1432

سورية الله يشهد شفت بمنامي عم اسرق بقى خدي احتياطك حبيبتي ايوا ههههههههههههههههههههه

له ياكاتي بدها تمرضي لتعرفي غلاوتك عنا يشهد ربي اه كلكم بهشات من ىغلاوة اخواتي والله باكل همكم وبدور على اخباركم دوارة وبتمنى تكونو دايما بصحة وسعادة بعدين ما بتعرفي مقولة رب اخ لك لم تلده امك ديري بالك على حالك ومتل ماقلتي يلي ربنا كاتبه يامحلاه واذا هالحمل في خير الله يحفظلك ياه ويقويه واذا لا فهو اعلم بالحال انت خليكي قوية بطاعة الله وهو معك ونحن كلنا قلبنا عندك الله يطمنى عليكي وسلامتها تالا والله السعلة غليظة

دمشقية يسلمو على فنجان القهوة وعنجد لون الطقم حلو ورايق مباركين الهداية بس بدنا نشوفهم عسريع وماقلتيلنا شو الهدية يلي كان جوزك مخبيها عند حماتك الله يخليكم لبعض ويحفظلكم هالقطقيط

سورية يسعد مساكي شامة اين انت الله يعينك غاطسة بدراسة الاولاد شامية اكيد هلق عاملة نفسة وعلى ودع واستقبل لولية ام العروس فاضية مشغولة هيك بيقولوا ياسمينة السمورة شو قصتك متل هلال العيد مونو بيرل اشتقنالكم بينو طمنونا عن اخباركم كل عام والجميع بخير الله يجعلها سنة خير وبركة كان نفسي روح اسهر ليلة عيد راس السنة بالحرم بس المشكلة بيكون جمعة وتاني يوم مدارس الله يباركلنا بايامنا جميع

عطلة نهاية اسبوع سعيدة عجميع وهابي نيو يير اخي ابو عنتر

هههههههههههههه هابي نيويير اختي ام عنتر ههههه الله يسعدك ويرحم من قالها خخخخخ
تسلميلنا يالولوة والله وانتي غالية على قلبنا والشاهد الله والله لا يحرمنا هاللمة الحلوة يارب ....
شفتي هالطقم تبع القهوة والله حلو صار خاطري فيه خخخخخ

ووالله لو انا مكانك مابقصر يالولوة بروح على الحرم بكسب صلاة العشى جماعة وبصلي نوافل وبقرا قران ... بقى لا تقصري وارجعي بكير
وان شالله هالسنة سنة خير يااارب والله مبارح المطر ماوقفت مدرة ساعتين تقريبا شي بياخد العقل والحمد لله الله سلم هالمرة وماحدا تضرر
والله يبعت الخير على الجميع وتكون هالمطرة فال خير يارب

وياحبايب قلبي بخصوص الهدايا صورتلكم ياهم بس لا تضحكوا والله انكم اخواتي وبحب شارككم بكل شي

زوجي يقبر قلبي كانت هديته اللي مخبيها عند امه عطري المفضل واللي بمووت عليه كوكو شانيل وعلبة مكياج من سنزي ...
بس لما قدملي الهدية فاجئني بهدية تانية كان مخبيها بسيارته:cool: حركااات جيمس بوند خخخخ ... والهدية كانت طقم ذهب ,,, الله يخليلي ياه ويديمو فوق قلبي وراسي ويطول ربي بعمره ويخليلكم زواجكم ياااااارب قولوا امين

وهي الصورة لجميع الهدايا العطر ومكياج سنزي والعلبة الحمرا طقم الدهب



وهون فتحتلكم ياهم المكياج الوانه حلوووة كتير وصيفية والعطر مايحتاج قلكم انه فوووووووق الروعة والطقم عااد ذوق زوجي شو رايكم فيه؟





وهي التعليقة كانت هدية حماتي والله ;) شورايكم بذمتكم مو كنة مرضية انا :D خخخخ ... الله يشفيها ويعافيها وكل موجوع



وهي صورة هدايايي لزوجي التيشرتات والقميص والشنطة والدبلة جبتها من داماس



الدبلة كانت موديل فرزاتشي كتير حلوة بس شكلي نسيت وماصورتها بصورلكم ياها اليوم ان شالله

وهدية حماتي لزوجي كانت طقم عطر لزوجي من CK كتيير حلوة رريحته



وبس توتة توتة خلصت الحتوتة وكل سنة وانا وانتو بخير يارب:oF:

شو رايكم ؟؟؟؟؟؟؟؟؟؟؟؟

علمتني العصافير لغة الحرية
ووهبتني تقاسيمَ عربيٍ يأبى الضيم..

علمتني العصافير لغة الجد والعمل

وتجرعت من زقزقتها لغة الحرية..

وأنَّ الحرية أسمى ما يرنو إليه الكائن

وحبسه موت بطيء


علمتني العصافير لغة تغيب عن البشر..

إنها لغة المودة والحب

وهي تسبح في ملكوت الله..

ليس للـريح سوى أصواتـِها تسمعها،

فتتوارى مع زقزقات لا يفهمها إلا المرهفون..

فما أجمل تلك الأصوات التى تبحث

عن مأوى بين ضلوع أضحت حيرى.

[FONT=Times New Roman][COLOR=#ff007f]

إن جمال العصفور المتألق

وهو يطير بهمة في فضاء رحب

يحيي الأمل في النفوس

ويوقظ الإيمان المخدر..

إنها تؤمن أن الله يرزقها

وهى تغدو خماصاً وتروح بطاناً

لقد علمتني العصافير أنغاماً

لايختلف على حلها اثنان

ولغةً لايفهمها إلا القليل من الناس

كم أثراني جمالها،

وكم أطربتني أصواتها

وكم أيقظتني من رقادي

ما أجمل تلك الأناشيد

ما أجمل ذلك الصباح

الذي نستيقظ فيه والأمل يملأ قلوبنا

والإيمان يعطر أوقاتنا

كم كان يأخذني غروب الشمس

وقد توارت العصافير خجلاً خلف الأشجار

ومن خلفها يبكى السحاب على الرحيل

وسرعان ماتهدأ الأصوات وتقل الحركة

ويعم السكون في الكون

في ليل الشتاء، المطير والطويل

كانت الطيور تسرع بعد عناء يومها

لتدخل أعشاشها آمنة هانئة

لا تحمل هم الغد

ولا تبكي على يومها الذي مضى

تكمش ريشها، وتلتحف بأجنحتها

وتأوي إلى مخدع آمن لتعاود دورتها من جديد....

رحم الله زمن العصافير الجميل

الذي خلّفَ وراءه قلباً متعباً يحن إلى الصبا
يحن إلى زمن البراءة..

يحن إلى تلك الليالي الخوالي..

يحن إلى البساطة، يحن إلى النغم الأصيل..

يحن إلى أعزاء رحلوا وتركوه يكتوى بنار فراقهم

ويتحسر على أخلاقهم ومبادئهم

تحياتى لكم[/COLOR][/FONT]

يابنات والله الدنيا بجدة بتخوووف اعاصير وامطار والله يمكن بالشام ماشفت منها
الله يجعلها سقيا رحمة يارب ولا يجعلها سقيا عذاب

آآآآآآآآآآآآآآآآآآآآآمين يارب بالفعل شي بيخوف الله يتلطف بعباده ومايصير متل هديك المرة والله انا كتير قلقانة على جوزي وكل شوي بتصل عليه الله يحميهم يارب

لؤلؤة الله يسعد اوقاتك يارب ومتل ماقلتي كلياتنا هون اخوات وربي يديم المحبة بيناتنا وان صحللك تروحي عالحرم روحي ولاتقصري وادعيلي والله مشتاقة شوف الكعبة يالله الله كريم

دمشقية والله لتشوفي وبعدين انتي واحلامك حبيبتي ان شاء الله تكون اختك ياااااااااااااااااااااااارب

سلام يابنات مسا الخير كيفكم ان شاء الله تكونو بخير وسلامة ويارب السنة الجديدة تحمل لكل وحدة منكم الشي الي بتحبه وتتمناه
كاتي حبوبتي ديري بالك عحالك وسلمي امرك لله فهو خير معين الله يكتبلك الخير وسلامتها تالا ومعقول حبيبتي بدك مين يقلك عن غلاوتك عنا
دمشقية شو هالهدايا الحلوة مباركين وملبوس الهنا الك ولجوزك والله يخليكن لبعض
سورية الله يبعت الخير ويجعلها سقيا رحمة يارب ويطعمك ويطعمني زيارة الكعبة
شامية واء واء واء شو اخبار الببو طمنينا عنك ولا خايفة تطلي نطالبك بالكراوية شوفي انا بالشام اجي اكل كراوية ولا لأ ديري بالك عحالك وعالببو بهالبردات الله يحميكن

لولو بلولو شلة حبيبي طالب من الله الحلو نصيبي
لؤلؤتي هي سبيشل مشانك كيفك وكيف الولاد كل عام وانتو بالف خير وهابي نيو يير روحي عالحرم ولا تقصري ويارب السنة الجاية بنكون سوا بايا مكان بالعالم مو فارقة المهم نكون سوا

هاي

اول مرة بشوف لمة السوريات
كنت مفكرة مافي غير كم وحدة سورية بالمنتدى

عجبتني اللمة ورح كون معكم ان شاء الله

باي

سورية وبفتخر;14085152:
كاتس صمصومة قلبي انتي :( سلامتك بالدنيا كلها ون شاء الله ربي بيعوضك وماشاءالله عليكي انتي مؤمنة ويلي الله كاتبله يامحلاه بس امانة انتبهي على حالك والله يخليلك امك وابن عمك ويخليلك تالا العسل ويشفيها

سورية وبفتخر;14090111:
آآآآآآآآآآآآآآآآآآآآآمين يارب بالفعل شي بيخوف الله يتلطف بعباده ومايصير متل هديك المرة والله انا كتير قلقانة على جوزي وكل شوي بتصل عليه الله يحميهم يارب

الدمشقية;14087979:
صباح الخير ياقمامير

كاتي مابدك مين يقلك عن غلاوتك عنا ... الله يفرج همك ويقضي حاجتك و الجميع يارب ....
وفي كتير قصص مشابهة حماتي لما حملت بزوجي حلفت انها حملت برميل كبير تبع زريعة غير انها اخدت حبوب وسبحان الله الله بعتلي هالقمر هههه
اللي هو زوجي يقبر قلبي ,,,,, بقى ربك على كل شي قدير

ومن عيوني ان شالله قريب بنزلك الصور ويالله دخيلك ببقى باخد احتياطاتي المرة الجاية بالنسبة للخاتم ههههه

الدمشقية;14087984:
سورية الله يشهد شفت بمنامي عم اسرق بقى خدي احتياطك حبيبتي ايوا ههههههههههههههههههههه

يسعدلي أيامكم جميع ياحبايب قلبي وشكرا كتير كتير كتير والله فرحكم فيني بتسوى الدنيا وانبسطت خيرات الله وخصوصي هالزلاغيط الحلوة

دمشقية وسوريا صحتين عالكراوية والله أكلة لذيذة كتير

شامة تسلم ايديك عالتهنئة وابني صحيح عم يفيقني بالليل بس على قلبي أحب من العسل وماما عم تساعدني والله كتير

كاتس لولية بيرل لؤلؤة وياسمنتنا ودمشقية وسوريا و شامة يعني كان بودي طعميكم كراوية وتضيفو من توزيعات ابني بس العين بصيرة والايد قصيرة بس يلي ساكن بالشام مالو عذر أمانة يلي بيقدر يزورني يراسلني عالخاص لابعتلو رقمي

لؤلؤة الشام0;14088411:
له ياكاتي بدها تمرضي لتعرفي غلاوتك عنا يشهد ربي اه كلكم بهشات من ىغلاوة اخواتي والله باكل همكم وبدور على اخباركم دوارة وبتمنى تكونو دايما بصحة وسعادة بعدين ما بتعرفي مقولة رب اخ لك لم تلده امك ديري بالك على حالك ومتل ماقلتي يلي ربنا كاتبه يامحلاه واذا هالحمل في خير الله يحفظلك ياه ويقويه واذا لا فهو اعلم بالحال انت خليكي قوية بطاعة الله وهو معك ونحن كلنا قلبنا عندك الله يطمنى عليكي وسلامتها تالا والله السعلة غليظة