لمتنا السورية اهلا وسهلا فيكم لشهر محرم1432

آمين يارب يا دمشقية والله صارلنا شهرين مشتهيين نقطة المطر الله كرمنا هيك دفعة وحدة يومين ورا بعض ما وقفت وان شالله تكون خير

ماشالله ربي يهنيكم واكيد انها خير يارب على الجميع
وبخصوص حماتك فرحتيني والله الحمد لله اللي قلبها حن وبالنهاية الدم مابصير مي والله يحببهم فيكي وبزوجك اكتر واكتر
والله يحميكي من عين سلفتك خخخخخ من هلأ بلشت الغيرة
قليلي خلصتي تجهيزات سالم ولا لسى ؟

لؤلؤة الشام0;13917118:
بعرف انه استئصال اللوز سهل كتير بس الصعب انه عندي بيبي ومدارس ولاد وبيت يعني اذا بغيب ساعة بتمشي الدنيا بالبيت بقى كيف عملية ومبيت ليلة بالمشفا
هلق بقول الله لا يحيجني وهو اعلم بالحال ويا محلا يلي كاتبه ربي
وتلاقي الخير يارب وجمعة مباركة عليكي وعجميع المسلمين

شامة;13925098:
سلام يابنات يارب تكونو كلكن بخير رحت مبارح عند حماتي بس والله ما اتهنيت شهد قلب معها الرشح لسعلة قوية بعد ما قلت انها تحسنت والمسكينة ما ركنتني كل القعدةومانيمتنا كل الليل واليوم ما حبيت اطلع برات البيت ابدا لانو وين ما رحنا مالح ننبسط الله لا يبارك بالوجع يعافي كل موجوع يارب

الدمشقية;13925142:
جمعة مباركة عليكي كاتي وربي يسعدك ويهنيكي يارب
واي الحمد لله انا بخير لا تقلقي ,,, وان شالله انتي دوم بخير F:
والله يعينكم على المنخفض بتعرفي مبارح نزلت عنا المطر كانت لربع ساعة بس بتجنن طلعت انا وولادي وشفناها ههههه واتبلبلوا شوي وفتنا والجو جدا راااائع يعني لا حر ولا رطوبة

اما عن الاكل الجديد فياستي على قولة المثل كول ماتشتهيه نفسك والبس مايليق بين الناس:):thumbs_up:
فمابلومك يعني في كتير ناس مابتقدر تجرب انا كنت هيك انا وبنت بس لما اتزوجت خربت اخلاقي هههههه

ووالله حبيبتي بدك تطولي روحك على الاخر مع تالا خصب عنك هلأ معك حق بس بعدين لما تفوت مدرسة مالها غيرك ههههه بقى وراكي وراكي
وان شالله بتشوفيها باحسن المراتب يارب
واي دخيلك كتري من هالسمايلات حتى اضيفهم عندي ههههه وربي يسعدك دوم مع احبابك

ومشاريعنا والله مبارح الخميس اجت سورية وماطلعنا بقينا عنا بالبيت اتعشينا وسهرنا على فيلم جديد اجنبي واليوم رحنا على مكان اسمه سوق الشاطئ منع محلات واسواق متنوعة ومنه جلسات والعاب للأطفال يعني اتسلينا شوي وغيرنا جو الحمد لله

الدمشقية;13926290:
يالله بنات تعالو اتحلوا واشربو قهوة


سُكسيه او الليزي كيك مع الدمشقية

شامية للعظم;13927301:
صباح الخير والمطر كيفكم ياجماعة مشتاقتلكم كتير
الحمد لله بعد شهرين من دخول الشتا واخيرا نزلت المطر لأول مرة بالشام بس شو مطرة بتجنن ماشالله كلها خير والحمد لله
وان شالله بعد هالمطر بينغسل الجو وبتخف هالأمراض والنزلات الصدرية لأنو الحال من بعضو كل هالناس عنا مريضة مو بس بنوتك شامة صاير الجو سقعة الصبح والمسا وبالنهار شمس هلق بعد هالمطرة ان شالله بيتحسن الوضع

ياجماعة فتت بالشهر التاسع طبعا مالي حاطة ببالي أولد قبل آخر أسبوع بشهري مو منشان شي منشان ما حط آمال اني رح أولد ببداية شهري وحس الأيام طويلة
وأنا عكس كل الحوامل بتمنى آكل شهري كلو كمان لأنو كل ما أتأخرت بالولادة مابعود بداوم بآخر العام الدراسي لأنو اجازتي 4 شهور واذا أخدتها بكير بدي اضطر داوم بآخر العام الدراسي

آخر أخباري مبارح كنت عند حماتي وحاببتني بشكل مو طبيعي أنا هيك حاسستها لأنو بتضل بتهتم فيني وما بتقعدني الا جنبها وما بتاكل حتى تسكبلي والسبب أنها حستني ست بيت والي لهفة وهي بتحب البنت الشاطرة بالطبخ وشغل البيت ولأنها حستني واعية وفهمانة وبتضل بتاخد وبتعطي معي وبتحكيلي قصص ومواعظ سبحان مغير الأحوال هي حماتي قلبها طيب حرام بس كانت كبرة نفسها مسيطرة عليها وطاغية على قلبها الطيب وقت مشي الحال وتم الصلح لك انا مستغربة كتير لدرجة أنها مبارح تقللي لا تسافري باجازة الأمومة خللي زوجك يرجع وتعالو اسكنو ببيت عين الفيجة كامل مكمل واذا مارضي يسطفل انت لا تسافري
تطور مو طبيعي والحمد لله لدرجة أنو سلفتي انتبهت مبارح وقالتلي والله مرت عمك حاببتك كتير لاحظت اهتمامها فيني بقى ألف الحمد لله والله الله بيعطي الانسان على حسب نيتو وأنا رح حاول قد مافيني اكسبها وسبحان الله أنا من النوع يلي بعجب الستات الكبار لاحظت هالشغلة كتير وزادت بعد ما تزوجت لأنو تفكيري أكبر من عمري

وهي كل أخباري الجديدة والمتطورة للأفضل والحمد لله طبعا انا قرأت أخبار الكل بس مارح أقدر رد عليكم لأنو ماشالله الشات صاير نشيط بشكل حلو والحبايب كلن على تواصل بس عم نستفقد لمونو غيباتها الطويلة هي وياسمينة وبيرل

لؤلؤة الشام0;13927489:
صباح الخير والاحساس والطيبة انا الحمد لله صرت احسن بقى عم اساتنى نتيجة المزرعة لشوف شو بده يطلع معنا والله يا دمشقية هاد 3 دكتور بروح لعنده غير بعض الاستشارات لدكتورة ولادي ولدكتور رفيق زوجي وكلهم نفس الكلام في صديد ولازم مضاد مشان ما ينزل الصديد عل المفاصل والكلا وتصير المشكلة اكبر
بس الله وكيلكم يوم بفيق مرتاحة ومافيني تعب بيكون مابدي شي غير استمتع بنهاري واشكر ربي واحمده اني بخير
شامة سلامتها شهودة حبيبة قلبي ديري بالك عليها
شامية الله يحبب فينا خلقه وخصوصي الحموات ;)ويكتر المحبين والله يقيمك بسلامة مجبورة الخاطر واعتقد انك بتاخدي شهرك كامل يعني اول شي بكرية تاني شي امورك ولله الحمد بسم الله وماشاء الله تمام
ليان الله يفرج همنا يارب والله هالجو هو السبب بهالامراض
انا اليوم موجاية على بالي اطبخ رح افتحلهم كبة لبنية الدرة واقلي بطاطا وعندي صحن ستي زبقي ومفركة بطاطا يلي بتدخل تقول شو سيرة الحب عندها مشان تذكرنا والله الاكل بيضيق الخلق استغفر الله العظيم

شامة;13928080:
سلام يا حلوات صباحكن فل وخير وصباحنا مطر بتجنن الله يبعت الخير
لؤلؤة حبيبتي سلامة قلبك الله يعافينا ويعافيكم عنجد ليان السبب بالامراض قلة المطر يارب هلق ينغسل الجو
شامية يارب يتمملك على خير وتقومي بالسلامة وفعلا حبيبتي الستات الكبار بدن مسايرة وببو الدلال والكلام الحلو فقد ما فيكي اكسبيها انا هيك بعمل مع حماتي واوقات بتزعل من ابنها وانا بتلاقيها معي عادي
صحي انت مدرسة شو وبأيا مدرسة
كاتي دمشقية سورية سلامات

leeean;13928861:
مسا الخيرات والليرات مبروك المطر والله يبعت الخير
كيف اخباركن
انا والله اليوم عاملة شرحات مطفاية وبطاطا مقلية وناغتس وسلطة روسية
وعنجد كل وحدة تكتبلنا شو طبختا انا كتير عم بحتااااااااااااااار كل يوم

بنت الشام المعذبه;13929583:
يسعد مسلكم ياحلوين والله مرض الشتا صعب إن شالله أجر وعافية

وبعدين شو سيرة هالحب ولي ماشاء الله عليكم :047: من عيني والله مو حسيده بس حسيت حالي قدامكم ولا شي يعني لطبخ هالطبخات يمكن بعد شي عشر سنين زواج

شامية للعظم;13936589:
يالله هي الصور

هي الصورة من شباك الصف بتطل على منطقة المالكي تقريبا




وهي الصورة كمان من الشباك




وهي الصورة بتطل على حيط باحة المدرسة





هي صورة الباحة والطلاب فيها فرحانين بالتلج




وهون بعد ما طلعو الطلاب من بالباحة وخربو التلجات الحلوين





طبعا هدول الصور بعد بشوي ممانزلت التلج بعد أقل من نص ساعة لأني رجعت عالبيت وكان لسا عم ينزل ولحد الآن عم ينزل الله يبعت الخير ماشالله كل شقفة قد الجارنكية هههههههههههه

الله يبعت الخير وان شالله نفيق بكرا نلاقي الشام مغطاية بالأبيض

لولية;13938866:

مسا الخير على عيونكن يا رب لك شو هالبرد هاد حبيبتي بنوتة تسلميلي يا رب ايه والله الوضع عنا صعب خطي بيوت عم توقع وأشجار عالسيارات وعواميد كهربا عم تتكسر لك كلشي عنا بلبنان بيصير أوفر ما بعرف ليه طبعا ولوليه خانم كل هاد وما شاء الله عليها لا يقف في وجهها لا أحوال طقس ولا عواصف ولا زلازل لإنه بدها تلاقي فساتين لبناتها أه ولك اللي بيعرف بيعرف واللي ما بيعرف عادي مو مشكلة أنا بقله لسه عم دور وشكلي بالأخير رح روح خيط متل كل مرة
المهم سلامتكن كلكن من الأمراض يا رب
بنات برجع بسألكن على مونو وينها ماعادت طلت حدا بيعرف عنها شي

كاتي انا الصلصة تبعي مضمونة اخي عطاني ياها هو دارس فندقي
بحط مايونيز وخل وزيت زيتون وشوية ملح وبسسسسسسسسسسسسسسسس
وبتطلع طيبة كتيييييييييييييييييير

لولية يالولية الله يعينك ويقويكي يارب والحمد لله انك بخير واهدي شوي بالبيت لا تعرضي حالك للخطر لا قدر الله ... وان شالله بتلاقي طلبك
انتي وبناتك يارب وعن مونو مافي اخبار بس اكيد انها بخير بس مشولة باخو زوجها واكيد اللاب توب مع زوجها
فالله يعينها

*************

بيرل عيد ميلاد مجيد مقدما وان شالله كل ايامك افراح واعياد يارب وان شالله تكوني بالف خير

**********
سمورة طمنينا عنك والله اشتقنالك واشتقنا لاخبارك

CATS_ANGEL;13938992:

حبيبتي دمشقية كيف الحلو اليوم :!!: ان شاء الله كل يوم بتكوني احسن من يلي قبلو يا رب

و الله يبعتلكم و يبعتلنا الخير يا رب لو تشوفي الجو عنا بخوف من مبارح و هو هوا و عواصف طيرت الدنيا و غير الغبرة يلي انقتلنا منها مع اني ما خليت و لا شي مفتوح ما بتعرفي من وين بتفوت و انا على تمسيح غبرة من مبارح و المشكلة ما في مطر غير كم نقطة و بتوقف الله يرحمنا برحمتو و انقطع الستلايت و النت عم يروح و يجي بكفي نق لهون ما بدي احكيلك كيف مقضيينها :mad:

و ان شاء الله اقدر اشوفك على المسنجر و تشوفي السمايلات العجب العجاب ههههههههههههه و مبارح نزلت واحد جديد يعبر عن الحالة الي انا فيها :lol:

ما شاء الله برنامجكن حلو كتير تتهنو يا رب طمنيني كيف صارت سورية هلأ خف الاكتئاب و لا بعدها :!!: اكيد اذا رحتي على محلات اشتريتي اشياءات خبريني شو شفتي شغلات و شو اشتريتي :rolleyes:

هلا ومليون غلا بالعسولة اي هيك طللي ولا تغطي برضاي عليكي:017:
وعن جد الله يعينكم وربي يبعت الخير عليكم يارب لان المطر بيغسل المرض اللي بالجو
وياخوافة ويابريدة في احلى من التلج ياربي مااحلاه نستناه ستنية الله يطعمنا هو مستحيل بجدة بس مافي شي على الله بعيد :)
وسورية على كيفك الحمد لله بتعرفي بماانو مسكينة ماعم تجيها الدورة والسبب انها بترضع فلازم يجيها الاكتئاب وصارت تمام ربي يفرج همها وهم الجميع
ووالله ماحزرتي مااشتريت شي خخخخخ صايرة كحتوتة انا :o بتعرفي وراي التزامات
عاد والله شفت خفافة كتير حلوة بس بعدين قلت هلأ مالي متعطلة عليكي بعدين
وبتعرفي كاتس شكلي راح اغير الهدية :o مابعرف ليش مالي حاسستها مناسبة كهدية عيد زواج وخايفة الكل يصير يجلس عليها وهالشي اكيد طبعا فمارح تكون في خصوصية
ولا شو رايك ؟

التلج في الشام اليوم 12\12\2010