استفسارات وتساؤلات الامهات عن كل شيئ)الجزء السادس(

رجائي رضا ربــــي;13840538:
ازيكم حبايبي ... النهارده وانا بحمي عيسى لقيت حبوب حمرا على ظهره ممكن يكون لانه بينام على ظهره كتيير ؟

وكمان لما باجى اشيله بعد ما يصحى من سريره بلاقيه كان عرقان اوى مكان ما بينام يعنى تحت راسه بلاقى المكان مبلول اوى اعمل ايه بخاف انيمه على جنبه وانا مش ملاحظاه ... وكمان لما بشيله بيكون التكييف شغال بخاف يبرد

ياريت تردوا عليا

شووفى البيجامه اللى كان لابسها مكان الخياطه ممكن يكون خشن او المسحوق اللى بتستخدميه قوى فا البيجامه متشفطتش كويس فا فى بقايا منه

بالنسبه للعرق عااااااااادى الدكتور قال عادى وياسين مازال زيى عيسى كدا بيعرق ربنا يحميهم

بسبس و ام بودى شوفوللى حل مع اللى كل يوم تصحالى بليل و تشتغل صريخ لحد ما ترضع دى و جربت انى معرضش عليهالا الرضاعة بس صريخ صريخ اعمل ايه مع انى بعشيها و هى مش بترضى تشرب من الببرونة بتقعد تلعب بيها لو قولتولى اعملها عصير يعنى

بنات عن تجربة عودوا أولادكم من الأول ع الأعشاب.. آدم كان جوزي عمل له بيبي درينك قبل ما أقوم م البنج أصلا و الحمدلله دلوقتي بيأخذها عادي .. وساعدتني جدا لما سمعت نصيحة دكتور مدحت الزيات ان رضعة بالليل دي لما يصحي من النوم تبقي أعشاب مش لبن.. دلوقتي أنا برضع آدم رضعة كويسه واغيرله ويكون واخد دوا المغص و انيمه قبل ما انام علي طول بقي يصحي مرة واحدة بالليل ما شاء الله أديله بيبي درينك يقوم نايم و مش يصحي الا الصبح و جوزي نازل الشغل يرضع و ينام ساعتين كده كمان الحمدلله.. يعني بقيت أعرف انام ما شاء الله دي تجربتي للبنات اللي بيشتكوا من قلت النوم

بوسي بقالك قد ايه بتعملي كده و بتصحي كام مرة يعني؟

ازيك ياقمر كل سنة وأنتي طيبة.. أنا تقريبا من لما كان عنده عشرين يوم لأن ساعتها سمعت دكتور مدحت قال كده وكنت هموت من قلت النوم ومش طايقه نفسي وكل شويه خناق مع جوزو.. هو خلاص اتعود علي كده دلوقتي الحمدلله.. و بدأت أنظم الرضاعة بس مش اتعود لسه بس أحسن م الأول.. بقي حاليا يصحي ساعة الفجر يأخذ بيبي درينك وينام يصحي ٧ يرضع وينام لحد الساعة ١٠ تقريبا ما شاء الله الحمدلله فعلا نعمة من ربنا

Bossy22;13841000:
بسبس و ام بودى شوفوللى حل مع اللى كل يوم تصحالى بليل و تشتغل صريخ لحد ما ترضع دى و جربت انى معرضش عليهالا الرضاعة بس صريخ صريخ اعمل ايه مع انى بعشيها و هى مش بترضى تشرب من الببرونة بتقعد تلعب بيها لو قولتولى اعملها عصير يعنى

لا دى مش جعانه دى اللثه عندها وجعاها وعايزه حاجه تعضعض فيها

نوبات الم بتيجى

هاتيلها مسكن للثه

الله يسلمكوا يا بنات دندونة وسالي وكتكوتة وشكرا على ردك ياجميل وهباه ادخل ان شاء الله شات الامهات
انا تاريخ ولادتي يا كوتى 10 / 11/ 2010

طالبة الحق;13841557:
الله يسلمكوا يا بنات دندونة وسالي وكتكوتة وشكرا على ردك ياجميل وهباه ادخل ان شاء الله شات الامهات
انا تاريخ ولادتي يا كوتى 10 / 11/ 2010

طمطم مبرووووووووووووووووك يا قمر وحمدلله على السلامه ربنا يباركلك فى عمر :adore:

بديها التيتينة يا بسبس مش بترضى تاخدها و تقعد تصرخ لغاية ما ترضع
بسمة لو قصدك بوسى انا ..انابدات اعشيها بقالى 4 ايام كده و بتصحى حوالى 3 مرات او مرتين اريد حلاااا للبنت دى

يارب تكونوا انتو واولادكوا ف احسن حال فية حد منكم بيدى ابنة فيتامين سى عشان المناعة *** عايزة مهدىء للمغص احسن كالمى مكس(يحتوى ع ماء غريب) ولا اكوا فيرا عشان دايما بلاقيكم تشكروا ف اكوا فيرا *** تالت سؤال تطعيم الدرن اللى بيبقى ف اول شهر ف الكتف لازم يسيب علامة او اثر ف الكتف ولا مش شرط المصيبة ان عندى واحدة صحبتى كل ماسالها ف حاجة ترعبنى بتقولى لو مشبس اثر لازم تتطعم تانى

العلامه هتبان بس مش علي طول بعد التطعيم اصبري عليها هتلاقيها ظهرت

بالنسبه لدوا المغص انا اكوا فيرا شايفاه ممتاز يا قمر
بوووسي انا محمد زي بنتك كده مهما اعشيييه لازم يصحالى 3 او 4 مرات نص الليل وعايز البتاع في بؤه كده وخلاص ويرضع على خفيف زي ما يكون ادمان عنده يقوم من النوم فاتح بؤه وهو مغمض ويدور عليه بايده وبؤه والله العظيم بضحك ساعات على المنظر بس هعمل ايه بديهوله وخلاص اصله مبيرضعش رضاعه رضاعه يعني على خفيف كده بحسه كيييف عندهم

يعني ابدا من دلوقتي و لا لما يتم يوسف الرابع ان شاء الله ابدا في موضوع العصاير و الزبادي و ايه رايكو في سيريلاك اللي من اربغ شهور حد جربه

دندونا انا جربت الميلوبا الي من الشهر الرابع الي هو بالر ده بس محمد مقبلهوش بردو مرتين تلاته وخلاص
وبالنسبه للعصاير ي ما بقولك معلقه ولا اتنين مش هيضروا ابتدي عرفيه ان في حاجه غير اللبن بتتاخد يعني مش كميات بؤ ولا اتنين وخلاص والزبادي خليكي في الرابع

كنت عايزة اسال كمان هل في اي دواء او شراب لتقوية المناعة لدى الاطفال اللي بيرضعوا صناعي

طالبة الحق;13841557:
الله يسلمكوا يا بنات دندونة وسالي وكتكوتة وشكرا على ردك ياجميل وهباه ادخل ان شاء الله شات الامهات
انا تاريخ ولادتي يا كوتى 10 / 11/ 2010

أم ياسين العسل;13842091:
طمطم مبرووووووووووووووووك يا قمر وحمدلله على السلامه ربنا يباركلك فى عمر :adore:

ردود مخالفة يا بنات ربنا يباركلكم في ولادكم مش عايزين الموضوع يتقفل:)

بصي يا ام حسام انا عايرت الاربع نقط لقيتهم ربع قطاره

هتلاقي عندك في القطاره شرط كده ربع و نص انتي عايري ربع قطاره هتلاقيهم اربع نقط افتحي بقه وحطيهم مره واحده

وطبعا ينفع تحطيهم مع العصير او المايه

جزاكي الله كل خير يا جميل فعلا بيبهدل الدنيا عشان بفتحلو بؤه

واحدة صاحبتى سالتلى الدكتور بتاعها ع علامة التطعيم بتاع الدرن بتبان ف الكتف وردت عليا ان قبل السنة اعملها التحليل ف معمل ولو احتاجت تتطعم تانى ممكن يتعاد بس لازم التحليل الاول