استفسارات وتساؤلات الامهات عن كل شيئ)الجزء السادس(

dew.dew;13833061:
انا ابتديت ادى برتقال مخفف كرضعه مستقله
ده صح ولا لا
الدكتور هو اللى قاللى ابتدى بعصير البرتقال
بس انا خايفه يجبلو حموضه

وقاللى الزبادى مش قبل سنه!!!!!!!

لا ميبقاش رضعة لوحدها، يبقي حبة كده في وسط الرضعات، ومخفف بنسبة 1 ل 5
وكل ما يكبر تقللي نسبة المية لغاية ما ياخده عادي مركز بس ده طبعا قدام لسه
وممكن تحليه بنقطة عسل او تخلطي معاه عصير حاجة تانية بردو عادي، المهم انك تصفي الحاجة كويس
والزبادي اختلفت عليه الآراء بردو سواء في المواقع الاجنبية او الدكاترة هنا بس اغلبنا ادينا عادي بس لايت في الاول

كيوت لولا;13832738:
مش انا ولدت يا بنات
في وقت تاريخي
فجر تالت يوم العيد

الحمد لله ولدت طبيعي

هوا صحيح على راي الدكتورة صوتي سمع رشدي بحالها

بس الحمد لله عدت


جبت محمد

هوا عندة 12 يوم الوقتي
بس نفسي انام

سوال بقا

الدكاترة بيقولولي متدلهوش اعشاب

انتو ايه رايكم

لسة هالنوم بدرى وانا رأيى تبتدى تجربى الاعشاب من دلوقتى لانى سمعت كلام الدكاترة واتأخرت فى تجربتها فرفضتها

الف مبرووووووك للبنات اللي ولدوا طالبة الحق و كيوت لولا يتربوا في عزكوا الاامامير و يبقوا ذرية صالحة ان شاء الله

بنات هوا المفروض ابتدي ادي عصاير من نهاية الشهر ده و بالنسبة للاكل اعمل ايه بردو سيريلاك و لا مي بليلة و رز و لا ايه عايزة حد يفهمني بالتفصيل الممل بالله عليكو

كيوت لولا;13832738:
مش انا ولدت يا بنات
في وقت تاريخي
فجر تالت يوم العيد

الحمد لله ولدت طبيعي

هوا صحيح على راي الدكتورة صوتي سمع رشدي بحالها

بس الحمد لله عدت


جبت محمد

هوا عندة 12 يوم الوقتي
بس نفسي انام

سوال بقا

الدكاترة بيقولولي متدلهوش اعشاب

انتو ايه رايكم

الف مبرووووووووك ربنا يبركلك فيه يارررررررررب
انا عن نفسى اديت ادهم من اول يوم وانا بصراحة مش بسمع كلام لدكاترة فى كل حاجة برضه مفيش احسن من كلام الستات الكبار بيفيد اوقات اكتر من الدكترة فاانا راى ادى لابنك عشان يريح معدته شوية من الرضاعة

طالبة الحق;13832958:
السلام عليكم ورحمة الله
ازيكم يا احلى امهات
انا كمان ولدت الحمدلله بس قبل العيد باسبوع بالضبط، ولدت طبيعي الحمدلله وربنا رزقني بعمر
بس مش قادرة اقولكوا يا بنات معاناة الولادة شيء ومعاناة ما بعد الولادة شيء تاني ، مش في رعاية البيبي وكده ، لا في الجرح بتاع الولادة:'(
انا مش قادرة افهم حتى الان همه ازاي مش لاقيين طريقة تانية غير الخياطة والجرح وكده يعالجوا بيها موضوع الولادة الطبيعي، لان الجرح مخفش غير بعد اسبوعين تقريبا ، وزمان لما كانوا بيولدوا كده من غير اي تدخلات طبية كانت الواحدة بعد 3 ايام مثلا تقدر تتحرك من غير ما تحس بالام
انا يمكن تساؤلي غريب بس انا قلت افضفض معاكوا :badly:، لاني حاسة على راي احمد حلمي اني اتغرغر بيه، قعدوا يقولولي هتولدي طبيعي تلات ايام وهتبقى زي الفل ، وانا مقدرتش امارس حياتي الطبيعية غير بعد اسبوعين
الحمدلله على كل حال، وعشان المخالفة قبل كل حمام تقيل يعمله عمر او غازات احس انه مقريف اوي وبيعيط ، هل ده مش محتاج دوا ، ولا اجيبله دوا عشان يخفف عنه شوية؟

مبروك ياقمر وربنا يباركلك فيه ياررررررب
فعلا عندك حق بخصوص الولادة انا فعلا الخياطة كانت اصعب حاجة وجهتنى

مبروك لكل البنات الي ولدوا وربنا معاكم الفتره الجايا بئااا
بالنسبه للولاده انا شايفه ان القيصري اهون الف مرره من الطبيعي وانا جربت القيصري وطلق الطبيعي طلق الطبيعي لوحده معاناااة معرفش بئا بعد كده ايه اصل محمد حلف ما ينزل الا بقيصري مع ان كان فيا طلق بس يلا الحمد للهوانا بعد القيصري ببتاع 10 ايام كده كنت بمسح الشقه واعمل الاكل وكل حاجه عادي وبعد الولاده الحمد لله الالم مكنش جامد اوي لان هنا كانوا بيدونى مسكنات قويه ورعايتهم كويسه في العمليات والحاجات دي
بالنسبه لدندونا انا اديت محمد وهو 3 شهور عصير برتقان والحسه كده فاكهه على خفيف اعصرله عنب في بؤه كده يعني لما اديته زبادي في اخر التالت الدكتور هزانى بس انا مسالتش فيه واديته زبادي عادي لان اولاد اخو جوزي امهم موظفه ولما كانت بتسيبهم لماماتها كانوا عهايشين على الزبادي واليعال ماشاء الله صحتهم زي الفل انتى ابدئي اديله زبادي لايت كده معلقه ولا اتنين
ولما يخلص نص الرابع ابدايئ في التفاح المسلوق انا عملت كده لمحمد وواحده واحده تزوديله الكميه وتنوعيله الاكل

رجائي رضا ربي بصي حببتى انا جبت لمحمد العصاير بتاعت الاطفال دي بصراحه مقبلهاش وهي بتكون مخصوصه يعني للبيبيهات يعني مفيهاش مواد حافظه وجربت اديله هيرو بردو اكل خضار وفاكهه بردو مقبلش هو حسب كل طفل هو بيحب ياكل من اكلنا الصراحه ههههههه بس انا بردو بستعبط عليه ساعات واديهمله على سهوه كده
ومتقلقيش من حاجه الاطفال هنا الرقابه هنا شايفه شغلها كويس مش زي مصر
وبالنسبه لسالي تنوري الامارات يا عسل ولما هتيجي حياتك هتترتب وهتعرفي تتعاملي كويس مع ابنك دي غريزه يف كل ام وبالنسبه لركن الاطفال في في كارفور ركن البامبرز وشامبوهات الاطفال وكريماتهم ولبسهم هناك بئاا هتلاقي السيريلاك والاكل الجاهز والعصاير دي
وبالنسبه للعصير انا مره جبت لمحمد من العصير الي هو طازه يوم بيوم ده بيكون في تلاجه كده منفصله يف كارفور بيكون اغلى من العصاير التانيه فيها عصير بطيخ وجوافه وجريبفروت وجزر وبرتقال اعتقد دي كمان احلى بس تتخفف كمان مش فيها سكر خالص

بالنسبه للمشايه هي ريحتنى من شيل حمود كتير وحاساه مستمتع بيها جدا وبيروح ويجي ورايا في كل حته في الاول مكنش بيعرف يروح ويجي بيها بس واحده واحده اتعلم وبئت زي ما تكون لعبته وسالت دكتور مصري هنا وانا بطعمه تطعيم ال 6 شهور قلتله انا بحطه في المشايه عادي ولا ايه قالي عادي خالص متقلقيش فمش عارفه بئااا وحاساه لما اتعلم يمشي بيها انها بئت تقوي عضلات رجليه اناعامة بديله كالسي كول شراب بس هو كمان لسا مقعدش لوحده مش عارفه بئا غلط ولا ايه ياريت حد يفيدنى بجد من تجربة شخصيه له لان كلام الدكاتره كده اختلف

ازيكم يابنات عاملين اييييه

مورو انا والله كنتى ف بالى من كام يوم عامله ايه وال سلامه ع سندس

يابنات هى تايا لما بتاخد الببرونة عامتا وتبذل مجهود بتاخد ريست دقيقه ولا اتنين

ف انا سمعتكو بتقولو لو البيبي ساب حاجه من الرضعه الصناعي تترمي

ف كده ارميها ولا ايه النظام ؟

مممم وادعولها ر بنا يشفيها عندها كمية انتفاخات مغلباها ومغلبانى :(

miss_law2010;13815096:
مساء الخير
ازيكو يا بنات
انا اول مرة ادخل هنا من وقت ما اتجوزت مش عارفة حد هيفتكرنى ولا لاء انا الحمد لله ربنا رزقنى بابراهيم هيما حبيب قلبى بس مطلع عينى هو ماشى فى شهره الرابع يعنى عندو 3 ونص
بس فى كام حاجة عايزة اسأل عليها لو حد يقدر يفيدنى
هو مبيرضعش طبيعى للاسف بيرضع صناعى حاولت بقدر الامكان بس مفيش نصيب الحمد لله على كل شىء
طالعله بقعه فى خده ناشفة ومقشرة كده كان لونها محمر شوية بس افتحت دلوقتى ولسة مقشرة وموجودة مش عارفة ايه دى وممكن تكون حساسية ولا ايه؟
كمان صدره فى صوت كده على طول حشرجة كده لما يجى ياخد نفسو جامد لما الاعبه وبلاقى الصوت خارج من صدره كأن فى بلغم فى زوره فاهمنى بردو مش عارفة اوديه لدكتور ولا عادى
كمان اكله انا بديه جبنه نستو لافاش كيرى دلوقتى وزبادى عادية عشان يساعدو مع الرضاعه الصناعى ممكن اديلو ايه كمان؟
معلش اسئلتى كتيربس نفسى حد يفيدنى مش عارفة اعمل ايه؟

ياريت تردو عليا محدش جاوبنى خالص كده :'(:'(:'(

miss_law2010;13837647:
ياريت تردو عليا محدش جاوبنى خالص كده :'(:'(:'(

اعتقد لازم دكتور هو اللي يقولك على الموضوع ده وربنا يخليهولك يا رب

سؤال ضرورى دلوقتى هينار ساعات تنام بالاربع ساعات اصحيها ترضع ولا ايه وازاى؟ساعات بحاول ماترضاش فتقوم جعانة اوى تقعد تصرخ لدرحة انها ترفض صدرى وبعد صريخ متواصل كتيير اوى لدرجة انه بيوصل ل4 ساعات ترضى ترضع اعمل ايه?


تانى سؤال الدم مع اللولب نصلى معاه ولاايه؟وبيجى معاه بريود ولا ايه؟وبيقعد المغص بعد التركيب اد ايه والعلاقة بعد كام يوم؟


تالت سؤال هو لبن الام لو شفطت يقعد اد ايه؟

صحيح البنات اللىنصحونى بالحلبة مع عسل الاسود شكرا ليكم بجد فادنى اوىىىىىىىىىىىىىىىىىىىى

ام هينار اكنك بتتكلمى عن جودى و هى صغيرة انا كنت فاكرة زيك انها بتعوض النوم طول النهار بالرضاعة الكتير بليل بس ده غلط جدااااااااااااااااااااااا سيبيها تنام عادى متصحيهاش هى لما تجوع هتصحى ورضعيها ربع ساعة من كل بريست و هى كده هتكون شبعت و يمكن تلاحظى انها بعد شوية هتصرخ مع الرضاعة ده ليه؟؟؟؟ لانها مش جعانة خدت رضعتها و عاملة البريست تيتينة فبينزلها لبن بتبلعه و هى عايزة تلعب وده طبعا بيسبب مغص جامد لان كل ما ترضع اطول يدخلها هوا اكتر اسمعى كلامى جودى كانت نسخة و الدكتورة لما روحتلها هزاتنى قالتلى ازااااى ترضع بالساعات؟؟؟؟

ازيكم حبايبي ... النهارده وانا بحمي عيسى لقيت حبوب حمرا على ظهره ممكن يكون لانه بينام على ظهره كتيير ؟

وكمان لما باجى اشيله بعد ما يصحى من سريره بلاقيه كان عرقان اوى مكان ما بينام يعنى تحت راسه بلاقى المكان مبلول اوى اعمل ايه بخاف انيمه على جنبه وانا مش ملاحظاه ... وكمان لما بشيله بيكون التكييف شغال بخاف يبرد

ياريت تردوا عليا

مشمش ام محمد;13831805:
يعن اييه يا بسبس قبل كده تجيب تقووس؟؟ يعني ميركبش مشايه قبل ما يبدا يقف لوحده؟؟
طيب نصحتيني بيها انتي وهو لسا عهمره 5 شهور انا قلقانه كده يجراله حاجه؟؟ في رجليه؟؟
انا كمان ننصحت بيها بنات هنا بس ولادهم تموا ال 6 شهور

اايوه نصحتك بيها عشان رجلي مش هتطول الارض

هيقعد فيها بس كأنها كرسى عشان يتدرب بردو على القعاد

وهترفعيها على اعلى مستوى عشان رجليه متلمسش الارض

انما مش هيمشى بيها وكدا كدا هو اصلا مش هيطول الارض وهيطلع قصير عليها :thumbs_up:

katkooota_7aboooba ام حــور;13832023:
انا جبت لحور مشايه بس مش بحطها فيها كتير هى غلط ولا ايه؟؟؟

عادى يا بنتى تحطيها فيها هى طولها مش هيجيب ولا هتلمس الارض بس حطيها على المستوى التالت اعلى مستوى

انا بحط بنت اخت جوزى فى مشاية ياسين لما بيبقوا عندى عشان تدرب على القعاد وبتقعدد وبنزقها كأنها فى كرسى بعجل ورجليها مش بتلمس الارض وبتبقى مبسوطه اوى

رجائي رضا ربــــي;13832079:
ازيكم يا حبايبي ,,,

سؤال سريع كدا ابني لما بيركز على حاجة ما بين عينه بيجييله حول كدا لثانية ويروح دى حاجة عادية ؟

هوا الحمد لله هيخلص الثالث اديله عصاير اي ؟

سؤال لمشمش ... ازيك يا قمر وازى محمد ربنا يخليهولك ... بصى فى الجمعية لقيت عصاير فى قسم أكل الأطفال دى فريش ولا فيها مواد حافظة ؟؟؟؟

لاحظى عنيه بعد ما يتم ال 4 شهور المفروض ان الحول دا هيروح

اديله برتقان مخفف ورمان مخفف وجوافه مخفف

sally2007;13832209:
السلام عليكم ياقمرات
واحشتونى والله قوى
ليا سؤال بسيط كده البيبى لما يتم ال تلات شهور يكون وزنة كام

حسب وزن الولاده قوليلى وزن الولاده كام وانا اقولك

dew.dew;13833061:
انا ابتديت ادى برتقال مخفف كرضعه مستقله
ده صح ولا لا
الدكتور هو اللى قاللى ابتدى بعصير البرتقال
بس انا خايفه يجبلو حموضه

وقاللى الزبادى مش قبل سنه!!!!!!!

رضعه؟؟؟؟؟؟؟؟

لا تقيلوكتير

هو شويه كدا بس عشان فيتامين سى

والزبادى على 4 شهور بس لايت طبعا

dandona om jou;13833570:
الف مبرووووووك للبنات اللي ولدوا طالبة الحق و كيوت لولا يتربوا في عزكوا الاامامير و يبقوا ذرية صالحة ان شاء الله

بنات هوا المفروض ابتدي ادي عصاير من نهاية الشهر ده و بالنسبة للاكل اعمل ايه بردو سيريلاك و لا مي بليلة و رز و لا ايه عايزة حد يفهمني بالتفصيل الممل بالله عليكو

اه اديله عصاير بس مخففه

ابتدى بمية الرز لمدة اسبوع

مشمش ام محمد;13835261:
بالنسبه للمشايه هي ريحتنى من شيل حمود كتير وحاساه مستمتع بيها جدا وبيروح ويجي ورايا في كل حته في الاول مكنش بيعرف يروح ويجي بيها بس واحده واحده اتعلم وبئت زي ما تكون لعبته وسالت دكتور مصري هنا وانا بطعمه تطعيم ال 6 شهور قلتله انا بحطه في المشايه عادي ولا ايه قالي عادي خالص متقلقيش فمش عارفه بئااا وحاساه لما اتعلم يمشي بيها انها بئت تقوي عضلات رجليه اناعامة بديله كالسي كول شراب بس هو كمان لسا مقعدش لوحده مش عارفه بئا غلط ولا ايه ياريت حد يفيدنى بجد من تجربة شخصيه له لان كلام الدكاتره كده اختلف

لا ابنك كدا عنده استعداد للمشى بس كان عايز اللى يدربه

هو لو معندوش استعداد مكنتش رجليه شالته

M!ss Tuky;13837225:
ازيكم يابنات عاملين اييييه

مورو انا والله كنتى ف بالى من كام يوم عامله ايه وال سلامه ع سندس

يابنات هى تايا لما بتاخد الببرونة عامتا وتبذل مجهود بتاخد ريست دقيقه ولا اتنين

ف انا سمعتكو بتقولو لو البيبي ساب حاجه من الرضعه الصناعي تترمي

ف كده ارميها ولا ايه النظام ؟

مممم وادعولها ر بنا يشفيها عندها كمية انتفاخات مغلباها ومغلبانى :(

لا عادى دى بتريح وترجع تشفط تانى عادى

مش الدقيقه ولا الدقيقتين اللى هتفرق بس اللى هيفرق 10 دقايق ربع ساعه كدا

om_hienar;13838331:
سؤال ضرورى دلوقتى هينار ساعات تنام بالاربع ساعات اصحيها ترضع ولا ايه وازاى؟ساعات بحاول ماترضاش فتقوم جعانة اوى تقعد تصرخ لدرحة انها ترفض صدرى وبعد صريخ متواصل كتيير اوى لدرجة انه بيوصل ل4 ساعات ترضى ترضع اعمل ايه?


تانى سؤال الدم مع اللولب نصلى معاه ولاايه؟وبيجى معاه بريود ولا ايه؟وبيقعد المغص بعد التركيب اد ايه والعلاقة بعد كام يوم؟


تالت سؤال هو لبن الام لو شفطت يقعد اد ايه؟

صحيح البنات اللىنصحونى بالحلبة مع عسل الاسود شكرا ليكم بجد فادنى اوىىىىىىىىىىىىىىىىىىىى

بصى بقى ابنى كان زيها وعملت الاتى

بقيت اخد نقطه لبن من الصدر واحطهوله على شفايفه فا يحس انها رضاعه يقوم يفتح بوقه وهو نايم

لان الدكتور قالى ساعتها النوم الطويل كويس وبيكبر البيبى بس بردو بيخسس وزنه

انتى معاكى كنز اللى هو اول 4 شهور النونو بيتخن من كيلو الا ربع لكيلو بعد كدا ما بيكبرش غير ربع كيلو فى الشهر فا استغلى الكنز اللى معاكى

بالنسبه بقى للوب

بيختلف من واحده للتانيه بس هقولك تجربتى

انا ركبته ويويو عنده 4 شهور تقريبا لان كان عندى شوية مشاكل كدا

اثنااء التركيب او بعده مباشرة جالى مغص بيريود رزل جدا بس الدكتور كتبلى على مسكن لمدة 4 ايام وعلى دوا لايقاف النزيف لمده 5 ايام بس انا الحمدلله مجاليش نزيف

انواع اللوب كتير فى واحد عادى اللى بتنزل معاه البيريود الا لو كنتى انتى اصلا من النوع اللى بترضعى نضيف (زيى)

او فى نوع تانى اسمه االلوب الهرمونى اللى هو بيمنع نزول البيريود لانه بيفرز هرمونات ودا انا مينفعش اركبه لانه بيلعب فى الهرمونات وانا هرموناتى بتتلكك ههههههههههههههه

فا ركبت العادى

بالنسبه لدم اللوب مقدرش افيدك لانى موجهتنيش الموضوع دا وللا اعرف بردو وضع البيريود لنفس السبب

يارب اكون عرفت افيدك