استفسارات وتساؤلات الامهات عن كل شيئ)الجزء السادس(

على فكرة يا جماعة
الدكتور بتاع جنى كنت بساله مرة مفيش دوا حديد جنى تاخده؟
قالى هيا مش بتاكل كبدة وصفار بيض(قبل ما تكمل سنة)
قالى خلاص ملهاش لازمة الادوية
يعنى متمنعوهاش خالص عشان دى مفيدة برضه للعيال

اه صفار البيض جميل جدا للاطفال من اول 4 شهور

محدش بيرد عليا ليه

أم ياسين العسل;13913124:
دلوقتى ياكل الاتى:

هاتى نص بطاطسايه وكوسايه صغيره وجزرايه صغيرره اوك وقطعيهم نونو خالص واسلقيهم

ولما يتسلقوا تمااااااااااااااام هاتى شوكه مش الخلاط اوك

شوووووكه واهرسيهم بالشوكه عدل وحطى ندعة ملح وكمون بس انا كنت بكتر الكمون شويه لانه كان بيريح بطنه اوى من الغازات

وقلبى واديله بالمعلقه

مرديش بالمعلقه يبقى بايدك كدا خدى كوره نونو وحطيهاله فى خده من جوا كدا بحيث انه ميتفهاش

فهمانى؟؟
هتلاقيه هيمصها واحده واحده

انا ياسين حتى الان بيعذبنى فى اول كام معلقه على ما يفهم انه اكل وحلو

ولو طعمه مش حلو مش بياكله

حماتى تقولى هو بيفهم يعنى 8o|

قولتلها اه بيفهم طبعا واكتر من مره لما بكرر الصنف يومين ورا بعض بيرفضه تماماااااااااااااا

فا انتى تعملى الاكل زى مايكون انتى اللى هتاكلى

مش بحب الناس اللى تجيب بواقى الاكل وتقول العيل ياكلها

يعنى انتى ترضى تاكليها؟؟؟:mad:

انا يوميا والله بغير فى اكل ياسين يعنى بيحيرنى اكتر من ابوه هههههههههههههه

وبعدين جربى الطرقيه اللى هقولك عليها كمان

اعملى اكتر من صنف

يعنى هو مثلا دلوقتى ينفع ياكل رز على ملوخيه اوك

انا بعمله ايه بقى

بحط طبق فيه معلقتين رز على ملوخيه وطبق تانى فيه معلقتين رز على صلصه من الاكل او بطاطس بالصلصه كدا او رز على شورببة

المهم يبقى طعمين
اديله ملعقه من هنا ومعلقه من هنا

بحس انه مش بيزهق زى مايكون صنف واحد

وعارفه بقالى كام مره بعمل ايه

انا بسلق اللحمه او الفراخ معاها تحبيشة خضار كدا

بروح واخده الخضار دا بيبقى طعمه رووووووووعه اهرسه بشوكه وعليه شوية لسانن عصفور واديهوله بيعجبهم اوى

انا رغيت كتير بس الكلام فى الاكل عايز كلام كتير والله :o

انتى عسل والله وبستفيد من كلامك لازم اقراه حتى لو مش ليا انتى وكتكوته وام بودى من الناس الى بستفيد جدا من كلامهم ارغي ارغي براحتك :D

وبعدين انا عاوزة اسأل هو مفيش حاجه تاكلها من سن تلات شهور :D

وياريت لو تبدأى تحطيلنا كده لما العصاير تدخل يبقي كام رضعه ولما الاكلات التطعيم الخفيفه دى وهكذا لحسن انا عاوزة الفترة دى تيجي بقي لحسن تايا مغلبانى يا رضاعه يا عياط بدئت بس تريحلها 5 دقايق كده تقعد تلاغي فيهم بس نفسي تبقي ربع ساعه نفسي اخد دش براحتي ياناس

~OM-ADAM~;13909448:
توكي أنتي قصدك علي المقاس الصغير بتاع سانيتا اللي هو نيو بورن رقم واحد ولا اللي من ٣ ل ٦ كيلو اللي هو رقم ٢.. أصل أنا بجيب رقم ٢ لآدم تحفة فعلا بس العلبة ٦٠ واحدة ب ٤٥ جنيه شكلي بيتضحك عليا ولا ايه؟ههههههههه اتأكدي م الأسعار كده وقوليلي ضروري.. بس عموما هو فعلا تحفة و مش بيسرب الا لو سبتيه فترة طويلة جدا جدا و ده طبعا مستحيل

اه هو قالى حديث الولاده ي كيس لونو فوشيا وفي باكته ف كيس لونو ازرق ودى الارقام الى قالها والله :D

~OM-ADAM~;13909474:
اه يا توكي رقم ٢ ده علبته ازرق في اصفر دي اللي قصدك عليها؟ من ٣ ل ٦ كيلو دي تنفع لتايا لو دي اللي قصدك عليها

انا عن نفسي بغيرلها كل مثلا 6 ساعات واغيرلها قبل النوم وبعد النوم لازم حتى لو كان مفهوش حاجه بس عشان لما بتسر ب بتبقي ليلة ما يعلم بيها الا ربنا بغيرها طقم الفنلات كلو بللى عليها وهي بتكره الغيار وبتبقي ليلة

~OM-ADAM~;13909490:
أم يوسف بلاش تديله لبن صناعي من نفسك لازم الدكتور طبعا خصوصا هو بدأ ياكل كمان.. موضوع الجزر ده يارب البنات يفيدوكي أنا لسه مش جربت موضوع الاكل

ياما انا نفسي اوصل لموضوع الاكل ده :rolleyes:

dandona om jou;13907438:
هوا هيرو مفيش منه اعشاب زي ميلوبا

هوبا انتي جربتي سيرلاك اللي مكتوب عليه من 6 شهور و بنتك عندها 4 شهور و 28 يوم صح كده قوليلي كده صح و لا غلط اصل الحاجة الوحيدة اللي لقيت عليها من 4 شهور ميلوبا سيريلاك

هوا ينفع ابدا اعود يوسف انه يشرب عصاير من بداية الرابع ان شاء الله في كوباية الاطفال دي و انهي اللي بتكون عمليه اللي ليها بزبوز و لا ببرونة عادية و هل لازم اجيبله طبق و معلقة و اي نوع كويس و صحي

اه يا دندون مكتوب عليه من 6 شهور
بس عادي يعني هما بيكتبوها طبقا لمنظمه الصحه اللي بتقول بدايه الاكل من 6
وانا بدات ااكلها اني حساها جعانه ومش بتنام خالص باليل كل 5 دقايق تصحي
ومش غلط ان شاء الله انا بجرب اهه
وميلوبا كانو البنات هنا بيتكلمو عليه تقريبا ساره الي هي برايت برايد وميكو جابوه لاولادهم
وبالنسبه للكوبايه انا من اسبوعين كده وبدات ادي رنا بالكوبايه اللي ليها بزبوز
كنت شرياها ماركه ديزني وهي فها برده نيبل يعني ينفع ببرونه وكوبايه وحلوه وبرده جبتلها معلقتين واحده بلجنب كده وواحده مستقيمه ماركه سفاري

razminia;13908546:

ميرسى ياجميل ربنا يخليكى يارب يكمل شفاها وشفاء ابنى على خير يارب وكل اولاد وبنات المسلمين
سؤال يابنات انا لو عايزة اجيب بطانية تقيلة لمالك اجيبها منين وتبقى فى حدود كام كدة وهو بيتقلب كتير اوى وهو نايم وممكن يزق الغطا من علية هل فية حاجة يتحط فيها كدة من غير مايعرف يزقها زى البطانيات اللى بيخدوها الاجانب لما يبقوا فى معسكرات وكدة بس تبقى صغيرة ؟

البورت بس فعلا بتبقي صغيره وممكن تضايقه مفيش حل غير انك
تحطي البطانيه تحت المرتبه يعني مهاما اتقلب برده الغطا مش متشال انا كنت بعمل كده مع ندي

بنت من الزمن ده;13909461:
اززززززززززززززززيكوا وحشتونى اوىى انا دلوقتى ف اللكويييت ويوسف مجننى انا عايزة ادخل ليوسف لبن صناعى ينفع ادخله من نفسي كده ولا لازم تحت اشراف دكتور انا بحس ان ساعات صدري مش بيكون فيه وبردو عادى اللبن اكيد مش هيضره بس خيفعه يعمله امساك او يوجعلو بطنه وفيه نوع اسمه ابتاميل وفيه بروميل ايه الاحسن بقى والابتاميل فيه العادى وفيه بتاع ميلوبا انتوا بقى قصدكوا على اى وااحد بقى

كماان بقى حااااااااحه مهممممه جدا جدا انا ابنى لما باكله جزر بحس انه مش بيهضمه خاالص وبينزل ف الكيكى من 3 ايام اديته جزرايه صغغنه مهروسه كويس ف الخلاط ومافيهاش اى كلاكيع فضلت 3 ايام تنزل ف الكيكى كل مايعمل مش عارفه ازاااى يعنى قعدت في بطنه ده كله انا خايفه تكون حااجه خطييره حد حصله كده قبل كده

الجزر زي ما البنات قالو
ورايي بلاش صناعي خليكي في الاكل بس برده لو ينفع تروحي وتسالي الدكتور يبقي احسن عشان تتطمني ومينفعش تدخليه من نفسك
وانا برده اللبن بتاعي قل جدااااااا ومهما شربت حلبه برده مفيش

lifedrop;13909809:
بنات محدش يعرف لو فكرت افطم جنى ايه الخطوات اللىالمفروض اعملها؟؟
وانسب وقت امتى ؟؟



ايمى حبيبتى ازيك وازاى جوجو
نتقابل كدة طيارى فى المنتدى:lol:
بالنسبة للسؤال
انا اخت جوزى ساكنة هناك
بس انا اول مرة اعرف حكاية القرية والمول دة!!!
ممكن قصدك مول العرب؟؟

نودي بالنسبه للفطام حاولي تقللي رضاعتها بلتدريج وخصوصا الليل
بس انا عن نفسي فطمت ندي مره واحده

توكي عايزه تاخدي دش براحتك دي امنيه كل البنات ههههههههه

انا برضه بقول ان الفطام بالتدريج احسن

بنات انا كنت جايبة بيبرونة من ماركة عالم سمسم(مش هوبا هههههههههه)
كانت 3 * 1 كانت معاها نيبلز بيبرونة ونيبلز تانية بتاعة الكوباية عشان لما تيجى تنتقلى من مرحلة البيبرونة للشرب
والتالتة بتاعة كوباية بس اكبر شوية
ميزتها بقى ان دلوقتى بديها لجنى تشرب منها وبتعرف تمسكها لوحدها ما شاء الله من غير ما توقع منها

ماشاء الله يا ام جنى

عالم سمسم هى هتبقي امنيه لحد امتى :(

توكي حبيبتي و مين سمعك.. آدم رجع أكثر ما كان لسه مولود كل شوية مش ذن بقي ده صريخ متواصل لحد وشه يحمر و نفسه يبقي صعب و مش عارفة ماله لازم اشيله و أعمل البدع لحد ما يسكت بجد تعبت خالص عياط غريب الشكل أول مرة اشوفه.. بصي سانيتا هاتي رقم ٢ هيبقي حلو معاكي بس هاتي علبة عشر قطع الأول جربي كده.. بنات عندي سؤال مش بيروح من بالي.. أنا أعرف ازاي انه مش بيعيط من ظهره؟ أحسن يكون حد شالو غلط ولا حاجة هو مش له وضع معين يعيط لما اعمله يعني مش بيعيط لما اشيله هو ممكن يعيط و هو نايم لوحده كده لو أنا بعيد عنه.. ساعات بحس اني عملتله حاجة غلط و هو تعبان منها ببقي هموت وهو بيعيط بانهيار كده ومش عارفة ماله..

محدش بردو رد عليا في موضوع الوزن بليز لأن الجدول مش واضح عندي ع الموبايل خالص.. لو وزن الولادة ٤ كيلو ما شاء الله يبقي وزن شهرين كام؟

ام ادم الاطفال كلها كده

ده تايا امبارح جبت شفاط الانف ده وبعملها بيه عيطت عياط اول مره اسمعها بتعيط كده لدرجه باباها جه جرى من بره بس عادى

هما بيغيرو ستايل العياط

دنا بفضل اتريق عليها لما بتقول وااء بقولها ياشيخه غيري بقي انتى بقيتي شابه هتتم الشهرين اهو ولسه بتقولى وااء :D

بالنسبه لسانتيا سألتو عندك علبه صغيره اجربها قالى لا

بس لو في يا بوصسي ادور عليها عشان اجربها الاول

البنات اللي بتدي ولادها حليب اس 26 بيكون لون الكيكي بتاعهم ايه

اه يا توكي فيه عبوة عشر قطع ب ٩ جنيه أنا جبتها الأول تجربة لما عجبني جبت الجامبو دي.. آدم مش بيقول واء خلاص دي كانت مرحلة و عدت هههههههه دلوقتي صريخ مرة واحدة ودموع ونفسه يروح ووشه يحمر ده بقي الطبيعي بتاعه جوزي كان بييجي جري بردو يفتكر حصل حاجة.. ماما و بابا بيتخضوا لما يبقوا عندي و يسمعوه.. ربنا يهديهم

والله يابوسي نفس الى بيحصل ال ونفسها بيروح ووشها يحمر وجوزى يتخض عليها

يفضل يقولى كده قلبها هيوجعها ويشيلها لحد ما تقريبا بقت وسيله عشان تنفذ الى هى عايزاه

ربنا يهديييييييييييييييييييييهم يااارب

صحيح يابنات حد من الى ولدو معايا الى هما بوسي وهينار وزقزوقة الى مبقتش تظهر

حد فيكو بنتو بدئت تقلب نفسها ع جنب واحد

الكتاب الى عندى مكتوب فيه من مهارات الشهر التانى ان البيبي يقلب نفو ع جنب واحد

وتايا مبتقلبش نفسها ع جنب واحد بس بتفضل تعمل حركات ب ايديها ورجليها كده زى ما تكون بتقول شيلوه من عليا لحسن اموتو :D

.زى ما تكون هتضرب ولا حاجه بس مبتقلبش نفسها ولا حاجه

السلام عليكم ورحمة الله
ازيكم يا ماميهات وازي بيبيهاتكم
عندي تساؤلين
الاول ابنى عمر عنده شهر وطبعا بيرضع لفترات طويلة وبينام نوم متقطع لفترات قصيرة، لكن بينام في اليوم متواصل مثلا مرتين او تلاتة في اليوم لمدة ساعتين، ده غير بالليل بينام متواصل الحمدلله بس ممكن يصحيني مرتين تلاتة للرضاعة وينام تانى
السؤال باه هل ده امر طبيعي ولا في حاجة مش طبيعية، وعندي هنا اهل زوجي بيقولولى هوه كده مش بيشبع عشان مش بينام متواصل كتير ولفترات اطول فعايزنىا اديلة لبن صناعى s 26 اضافة للرضاعة الطبيعية ، انا طبعا مش مرحبة خالص، بس انتوا رايكو هل لو اديته رضعتين صناعي في اليوم مثلا ، ده مش هيقلل اللبن في صدري او يوصلنى لا قدر الله انه ميبقاش في لبن في صدري مع الوقت، او هل ده امر مفيش منه خطر يعني؟
سؤالي التاني لام ادم ؛ ربنا يخليهولك ياجميل ، الحفاضات اللى بتقولى عليها اسمها ايه وبتتجاب منين، احسن موضوع الحفاض ده متعب للاسف لان كلو بيسرب :(
جزاكم الله خيرا ياقمرات

lifedrop;13914635:
انا برضه بقول ان الفطام بالتدريج احسن

بنات انا كنت جايبة بيبرونة من ماركة عالم سمسم(مش هوبا هههههههههه)
كانت 3 * 1 كانت معاها نيبلز بيبرونة ونيبلز تانية بتاعة الكوباية عشان لما تيجى تنتقلى من مرحلة البيبرونة للشرب
والتالتة بتاعة كوباية بس اكبر شوية
ميزتها بقى ان دلوقتى بديها لجنى تشرب منها وبتعرف تمسكها لوحدها ما شاء الله من غير ما توقع منها

هههههههه
ايوه زي اللي مع رنا انا عجباني اوي
,الحته بيتاعت الشرب اللي فيها خروم دي مش ناشفه لا زي الس السيلكون كدi

M!ss Tuky;13914768:
ماشاء الله يا ام جنى

عالم سمسم هى هتبقي امنيه لحد امتى :(

مش عارفه ليه مستغربه نفسي بااسم العجيب ده
توكي هتعرفي تاخدي راحتك لما تكبر شويه كده سنتين ونص تلات سنين يعني ممكن تسمع الكلام
هتكوني ساعتها ان شاء الله معاكي بيبي تاني ههههههههه

~OM-ADAM~;13914889:
محدش بردو رد عليا في موضوع الوزن بليز لأن الجدول مش واضح عندي ع الموبايل خالص.. لو وزن الولادة ٤ كيلو ما شاء الله يبقي وزن شهرين كام؟

بصي في معادله عشان تعرفي الوزن المثالي
عدد العمر بالشهور +9 / 2