استفسارات وتساؤلات الامهات عن كل شيئ)الجزء السادس(

تصدقى معرفتش اطلعها من الجدول طيب اشرحيلى فى الشات معلشى والطول كمان

يعن اييه يا بسبس قبل كده تجيب تقووس؟؟ يعني ميركبش مشايه قبل ما يبدا يقف لوحده؟؟
طيب نصحتيني بيها انتي وهو لسا عهمره 5 شهور انا قلقانه كده يجراله حاجه؟؟ في رجليه؟؟
انا كمان ننصحت بيها بنات هنا بس ولادهم تموا ال 6 شهور

انا جبت لحور مشايه بس مش بحطها فيها كتير هى غلط ولا ايه؟؟؟

ازيكم يا حبايبي ,,,

سؤال سريع كدا ابني لما بيركز على حاجة ما بين عينه بيجييله حول كدا لثانية ويروح دى حاجة عادية ؟

هوا الحمد لله هيخلص الثالث اديله عصاير اي ؟

سؤال لمشمش ... ازيك يا قمر وازى محمد ربنا يخليهولك ... بصى فى الجمعية لقيت عصاير فى قسم أكل الأطفال دى فريش ولا فيها مواد حافظة ؟؟؟؟

رجائى عادى جدا كلهم كدة انتى بس لو طول اخبطى برحة على منخيرة يقوم يحرك عينة وخلاص ماتقلقيش

انا هرد عليكى لغاية ما مشمش ترد بعد اذنك يا مشمشة انا بجيب العصاير دى لاميرة بتكون موجودة فعلا فى قسم اكل الاطفال وحلوة لما اميرة كانت تعبانة وجالها جفاف الدكتور هو اللى قالى على العصاير اللى بتكون مخصصة للاطفال فى قسم اكل الاطفال وفى كمان عصاير من هيرو بيبى فى زجاجة صغيرة حلوة

مشمشة ما تقلقيش ان شاء الله خير ما فيش حاجة بس هو فعلا يفضل ان المشاية تيجى للطفل لما يبدأ يسند ويشد جسمة كدة

السلام عليكم ياقمرات
واحشتونى والله قوى
ليا سؤال بسيط كده البيبى لما يتم ال تلات شهور يكون وزنة كام

شكرا يا كاتو على ردك يعني اجيب منها لعيسى ؟ واخفهها ولا اديهاله كدا؟

انا بديهالها كدة يار رجائى مش بخففها

سالى بسبس حاطة جدول الاوزان قدام بصفحتين تقريبا

رجائي رضا ربــــي;13832079:
ازيكم يا حبايبي ,,,

سؤال سريع كدا ابني لما بيركز على حاجة ما بين عينه بيجييله حول كدا لثانية ويروح دى حاجة عادية ؟

هوا الحمد لله هيخلص الثالث اديله عصاير اي ؟

سؤال لمشمش ... ازيك يا قمر وازى محمد ربنا يخليهولك ... بصى فى الجمعية لقيت عصاير فى قسم أكل الأطفال دى فريش ولا فيها مواد حافظة ؟؟؟؟

رجائى ازيك ياقمر
اديلة عصير تفاح
وايه الجمعية دى
زى جمعية الشارقة كده ولا هى فين وعمرى ماخدت بالى ان فى قسم للاطفال يعنى لما اجى اجيب حاجة لاادهم اجيبها ليه من قسم الاطفال ده وهو موجود القسم ده فى كارفور ولا الجمعيات بس
اصلى ان شاء الله خلاص كلها شهر ومسافرة وحاسة انى هحتاس لوحدى ومش هعرف اى حاجة فى اى حاجة
رجائى صحيح انتى وكيتو موجودين فى امارة يارب تكونوا معايا

اوك يا كاتو معلش هزهقك من أسئلتى ...:o طيب اديهاله بين الرضعات كام مرة فى اليوم مثلا ؟ عشان مكترش

انا عندى مرجيحة جراكو هيا للرضع لغاية 6 شهور انا كنت منزلاها عشان يكون نايم عادى أبدا أطلعها لفوق شوية ولا دا هيكون غلط على ضهره ؟

ازيك يا سالي ... ايوة اللى هيا الجمعية التعاونيه وكارفور برضو فيه قسم أطفال هتلاقى فيه جميع الاكل والعصاير وكدا

ان شاء الله تيجي بالسلامة مش هتحتاسى ولا حاجة سيبيها على الله ... وبعدين كلنا موجودين عل النت اهو ربنا يخلينا لبعض

بصي يا جميلة انا فى امارة دبى ... وبلاش نكتر عشان المخالفات:-#

om_hienar;13817391:
بنات حد من الامارات هنا اصل اخت جوزى جاية الشهر الجاى وبفكر اخليها تجيبلى جوانب سرير البيبى من هناك حد يعرف هى فى تخفيضات هناك فى بيبى شوب او مذر كير وبكام من غير تخفيضات اصلها غالية هنا اوى

بيبى شوب كان عامل تخفيضات وخلص يوم 20-11 ده بالنسبة لبيبى شوب اللى موجود فى الشارقه واللى اعرفة ان المفروض بيبى شوب اللى فى سيتى سنتر دبى بيعمل برضه تخفيض بس معرفشى بيعمله بعد ما بتاع الشارقة بيخلص بقد ايه بس ممكن يكون 10 او 15 يوم بس هسالك جوزى يمكن يكون عارف وهو برضه كان لسه سال على جوانب السرير هسالهولك واقولك سعرها كام

((K~A~T~O));13832237:
انا بديهالها كدة يار رجائى مش بخففها

سالى بسبس حاطة جدول الاوزان قدام بصفحتين تقريبا

جزاكى الله خيرا ياررررررررب

رجائي رضا ربــــي;13832299:
ازيك يا سالي ... ايوة اللى هيا الجمعية التعاونيه وكارفور برضو فيه قسم أطفال هتلاقى فيه جميع الاكل والعصاير وكدا

ان شاء الله تيجي بالسلامة مش هتحتاسى ولا حاجة سيبيها على الله ... وبعدين كلنا موجودين عل النت اهو ربنا يخلينا لبعض

بصي يا جميلة انا فى امارة دبى ... وبلاش نكتر عشان المخالفات:-#

الحمدا لله ياقمر بخير وربنا يسعدك يارب
طيب سؤال تانى معلشى اعمل ايه عشان اخلى ادهم ياخد التتينة لانه بيرفضه وبيقعد يرجعها بلسانة

رجائى يا قمر اسالى براحتك بصى انا لما كانت اميرة تعبانة كنت بديها عصاير كتير جدا هى كانت رافضة تاكل بس حاليا بديها فى كوباية جايبة واحدة من كارفور زى بتاعتة المية وبحط فيها العصير وبديهالها بتشربها مرتين فى اليوم الصبح وبلليل بديها شوية كمان
وارفعى المرجيحة عادى خلاص عشان يتعود ان فى وضع جديد غير النوم ويتدأ يقعد ماتخافيش

سالى متخافيش هو الموضوع يبان صعب بس لما تيجى هتلاقية سهل جدا والله وفى فكارفور واى جمعية قسم خاص للاكل الاطفال من سيريلاك وهيرو بيبى وبسكوت اطفال وعصاير وكل حاجة للاطفال وانا فى عجمان حاليا بس هنقل اول السنة على الشارقة ان شاء الله

أجمل ايام العمر;13823246:
اميرة كل منتجات ميلوبا في العزبي و سيف و الصيدليات الكبيرة.. و بالنسبة للزبادي بالبسكوت دوبي الاول البسكوت في شوية لبن نونو و بعدين حطي عليه الزبادي عشان يعجبه.. بالنسبة بقي للخضار هاتي كوساية و بطاطساية و جزراية و اسلقيهم قوووي و حطي عليهم ذرة بمعنى كلمة ذرة ملح و ذرة كمون و لما يتهروا اهرسيهم كويس بالشوكة بلاش الخلاط عشان ميتعودش على ان الاكل كله سايل .. و متخافيش انا عمري ما ضربت لبيلا اكل في الخلاط

انا عمل ليوسف الكوسة و الجزر اديله منهم قد ايه يعني؟ الكمية كلها بدل الرضعة يعني و لا ادوقهمله بس؟؟ انا كنت دوقتهمله قبل كده فمش عارفة اأكله بقى عادي ولا ايه؟:o كمان هي برطمنات الاكل الجاهزة بتاعة هيرو دي حلوة ولا ايه؟؟

nanoo99;13827200:
بنات من ادى لولاده تطعيم الروتا وباقى التطعميات اللى هى بفلوس دى
عايزه اديها لعمر بس متردده مش عارف ليه

انا اديت ليوسف الروتا و البريفينار و الHIB علشان الدكتور قالي انهم مهمين

صوت العيون ʚϊɞ ام سندس ʚϊɞ;13830700:
السلام عليكم ورحمه الله وبركاته
ازيكم
الا محد سأل عليا ماشى
المهم
عاملين ايه
دورت كتير على تجمعتنا اخر مره قريت المشرفه قفلتهم عقاب
المهم
الحمد لله اتفتحوا تانى

سندس فى اسبوع العيد دا جالها نزله شعبيه والحمد لله خفت
بس سخنت جداااااااا وترجيع بقا الحمد لله ربنا ما يعودها ايام الحمد لله

دلوقتى عاوزة اعرف بالنسبه للتسنين حد النونو بتاعه طلع سنان ولا حاجه
وهل فى حاجه بيخدوها
عاوزة اعرف معلومات

موروووووووووووووووووووووووووووووووووووو ازاي بقي مسألناش عليكي، الف سلامة علي سندس تصدقي ان فترة العيد دي اغلب بنات المنتدي كانوا عيانيين هما وولادهم وانا كمان وجوجو بردو نزلة شعبية وقلبت بمعوية كمان :):)
التسنين ممكن من الشهر السادس كده قدامك لغاية ممكن سنة او قبلها بشوية وكل طفل بيختلف، انا جوجو مطلعة اتنين تحت الحمدلله ، وفي جل بتاع التسنين بيدهن علي اللثة لو التسنين مضايقهم وطبعا العضاضة وكده

Bossy22;13830801:
هو الاحسن البيبى ياكل مع الخضار بطاطا وللا بطاطس؟؟؟؟ انا حسة البطاطس نشا على الفاضى؟؟؟؟؟
ايه رئيكووو
صووووت و الله فى بالى و بقول اختفت ليه عووودووو حميييييد
بسبس نزلى الجدول مع انى مبفهمهمش

البطاطا لوحدها مش مع الخضار، والبطاطس تتحط مع الخضار المشكل وتهرسيه مع بعضه بالمعلقة او تضربيه في الخلاط بس ضرب خفيف بحيث يتكسر بس مش ينعم خالص لأ

nemonamanemo;13830813:
انا كنت بديها لبن اسمه فرانس ليه كان حلو جدا بس مشكلته انه مش متوفر و مش بلاقيه في حلوان نهائي

وكنت مسافره في العيد و ملقتهوش جبت بداله ببيلاك حلو بردوا و ملهوش ريحه بس مشكلته انه بيعمل رغاوي مش يشوف اللبن خلص ولا لسه و بخاف تبلع هوا فببطلها الرضاعه بالويم كده و دايما الاقي يجي 20 ملي مبقين

:lol::lol::lol: حلو موضوع الرغاوي ده،

مشمش ام محمد;13831805:
يعن اييه يا بسبس قبل كده تجيب تقووس؟؟ يعني ميركبش مشايه قبل ما يبدا يقف لوحده؟؟
طيب نصحتيني بيها انتي وهو لسا عهمره 5 شهور انا قلقانه كده يجراله حاجه؟؟ في رجليه؟؟
انا كمان ننصحت بيها بنات هنا بس ولادهم تموا ال 6 شهور

لا يا ندي مش ينفع تحطيه فيها قبل ما رجله تجمد لوحدها والدكتور قاللي مش قبل تسعة بس ده اكيد هتختلف حسب الطفل نفسه واستعداده بس هو قاللي 9 علي اساس النسبة الدارجة يعني

katkooota_7aboooba ام حــور;13832023:
انا جبت لحور مشايه بس مش بحطها فيها كتير هى غلط ولا ايه؟؟؟

لا مش دلوقتي خالص اصبري عليها

رجائي رضا ربــــي;13832079:
ازيكم يا حبايبي ,,,

سؤال سريع كدا ابني لما بيركز على حاجة ما بين عينه بيجييله حول كدا لثانية ويروح دى حاجة عادية ؟

هوا الحمد لله هيخلص الثالث اديله عصاير اي ؟

سؤال لمشمش ... ازيك يا قمر وازى محمد ربنا يخليهولك ... بصى فى الجمعية لقيت عصاير فى قسم أكل الأطفال دى فريش ولا فيها مواد حافظة ؟؟؟؟

الحول ده عادي وكل ما يكبر بيقل لغاية ما يروح خالص وميحصلش تاني علي 6 شهور تقريبا
والعصاير جوافة وبرتقال وتفاح وعنب يعني ومخففين طبعا في الاول كده

sally2007;13832209:
السلام عليكم ياقمرات
واحشتونى والله قوى
ليا سؤال بسيط كده البيبى لما يتم ال تلات شهور يكون وزنة كام

حسب وزنه ساعة الولادة

مش انا ولدت يا بنات
في وقت تاريخي
فجر تالت يوم العيد

الحمد لله ولدت طبيعي

هوا صحيح على راي الدكتورة صوتي سمع رشدي بحالها

بس الحمد لله عدت


جبت محمد

هوا عندة 12 يوم الوقتي
بس نفسي انام

سوال بقا

الدكاترة بيقولولي متدلهوش اعشاب

انتو ايه رايكم

السلام عليكم ورحمة الله
ازيكم يا احلى امهات
انا كمان ولدت الحمدلله بس قبل العيد باسبوع بالضبط، ولدت طبيعي الحمدلله وربنا رزقني بعمر
بس مش قادرة اقولكوا يا بنات معاناة الولادة شيء ومعاناة ما بعد الولادة شيء تاني ، مش في رعاية البيبي وكده ، لا في الجرح بتاع الولادة:'(
انا مش قادرة افهم حتى الان همه ازاي مش لاقيين طريقة تانية غير الخياطة والجرح وكده يعالجوا بيها موضوع الولادة الطبيعي، لان الجرح مخفش غير بعد اسبوعين تقريبا ، وزمان لما كانوا بيولدوا كده من غير اي تدخلات طبية كانت الواحدة بعد 3 ايام مثلا تقدر تتحرك من غير ما تحس بالام
انا يمكن تساؤلي غريب بس انا قلت افضفض معاكوا :badly:، لاني حاسة على راي احمد حلمي اني اتغرغر بيه، قعدوا يقولولي هتولدي طبيعي تلات ايام وهتبقى زي الفل ، وانا مقدرتش امارس حياتي الطبيعية غير بعد اسبوعين
الحمدلله على كل حال، وعشان المخالفة قبل كل حمام تقيل يعمله عمر او غازات احس انه مقريف اوي وبيعيط ، هل ده مش محتاج دوا ، ولا اجيبله دوا عشان يخفف عنه شوية؟

انا ابتديت ادى برتقال مخفف كرضعه مستقله
ده صح ولا لا
الدكتور هو اللى قاللى ابتدى بعصير البرتقال
بس انا خايفه يجبلو حموضه

وقاللى الزبادى مش قبل سنه!!!!!!!

كيوت لولا;13832738:

جبت محمد

هوا عندة 12 يوم الوقتي
بس نفسي انام

سوال بقا

الدكاترة بيقولولي متدلهوش اعشاب

انتو ايه رايكم

الف مبرووووك يا قمر ربنا يخليهولك
لا عادي هي اختلاف آراء بس الاعشاب مفهاش اي ضرر، بس متبقاش كتير عشان متأثرش علي الرضاعة
قوليلي تاريخ الولادة بقي بالظبط

طالبة الحق;13832958:

انا يمكن تساؤلي غريب بس انا قلت افضفض معاكوا :badly:، لاني حاسة على راي احمد حلمي اني اتغرغر بيه، قعدوا يقولولي هتولدي طبيعي تلات ايام وهتبقى زي الفل ، وانا مقدرتش امارس حياتي الطبيعية غير بعد اسبوعين
الحمدلله على كل حال، وعشان المخالفة قبل كل حمام تقيل يعمله عمر او غازات احس انه مقريف اوي وبيعيط ، هل ده مش محتاج دوا ، ولا اجيبله دوا عشان يخفف عنه شوية؟

الف مبرووووووووووك انا مستنياكي تدخلي تاني عشان تقولي اخبارك تعالي معانا تشات الامهات رجع تاني الحمدلله

هما البيبهات بيبقي خروج الكيك عندهم صعب رغم انه مش امساك عشان الفتحة نفسها بتبقي لسه صغيرة وبيعملوا مجهود جامد ساعتها وممكن يعيطوا كمان ووشهم يحمر اوي، وكل ما بيكبروا بيقل الموضوع ده
وانتي كمان يا بطة قوليلي تاريخ الولادة