استفسارات وتساؤلات الامهات عن كل شيئ)الجزء السادس(

رازمنيا ................ جزاكي الله خير يا قمر

om_hienar;13854553:
لانى يا جميل ساعات بضطر اخرج واروح لدكتور السنان وبتبقى جعانة ورافضة الاعشاب وكمان انا هرجع الشغل وهى عندها 2 شهرين وا20 يوم لانى مسجلاها 10 ايام بدرى فاجازتى هتخلص وماليش رعاية طفل لانى لسة مااتثبتش فى الشغل وكمان والله امبارح قعدت تعيط من 6 الصبح لحد 11 الظهر مع انها كانت راضعة قبلها فطبعا كل شوية تبذل مجهود ويعدى وقت الرضعة اللى بعدها وتجوع اكتر ومش راضية ترضع من صدرى وساعات ماترضاش تاخد الببرونة وتنام من التعب وتقوم اول مااحطها عالسرير

ياحرام معلش هما في الاول كده بيبقي الحوار صعب بس علي نزولك الشغل ان شاء الله هتبقي الدنيا اتظبطت

بس قوليلي هتسيبي البيبي فين ان شاء الله

Boody we zady;13856260:
دلوقتي انتي تبداي تأكليه من الرابع حاجات معينة مش كل حاجة و كمتن بتكون شبه الوجبه مش أساسيه فاهمه يعني؟

طيب ام بودي قوليلي يعني يخلص الرابع و بعدين ابداء ولا قصدك يخلص التالت

و اديلها عصير التفاح و البرتقال زي ما الدكتوره قالت ولا ايه

هسيبها مع ماما بس اللى عايزة اعرفه بقى ازاى انظم وهى بالحالة دى؟

بنات تاتا تعبانه اوى عندها الخنفره زادت ومبتعرفش تتنفس ادتها اوترفين مش نافع واوترفين اطفال بردو مش نافع وريحه نفسها مخااط خاالص ومش عارفه تنام

مش عار فه اعمل اييه

dandona om jou;13855870:
انا دلوقتي محتارة ابدأ ااكل يوسف من الشهر الرابع و لا السادس

دندونة ابنك ما شاء الله قد آدم ابنى بالظبط بس ادم اكبر بيوم ههههههههههههههه لازم يقولة ياعمو
المهم بقولك مدحت الزيات قالي ابتدى شاربية عصير تفاح وعصير برتقال الي هو عصير بيور دة من جهينة بيكون من غير مواد حافظة على فكرة قالي املي بيبرونة تقريبا 150 ميلي وسيبها جمبك وبين الرضعات شربية شوية شوية وكمان قالي اكلية سريلاك رز وتفاحية مسلوقة وجزر مسلوق بس طبعا بالتدريج يعنى انهاردة اكلية معلقتين بكرة تلاتة كدة قالي التفاح يكون بيورية خالص زي البطاطس كدة وكمان قالي اديلة فيتامين بيبي فيت قطارة كل يوم ودة فية كل الفيتمينات الي بيحتجها البيبي في اليوم

كده لازم تشفطيلها مراخيرها

ياسمينا مبرررررررررررررررررررروك اخيرا روحتي للزيات

طيب الكلام هتطبقيه من امتي؟

و سؤال بقي انتي بتلبسي ابنك هدوم قد ايه

انا بلبس حلا السالوبيت القطيفه و تحته نص كم بس حساها بتعيي مني كانت لسه عندها بدايه نزله شعبيه و لسه امبارح الاستشاره الدكتوره قالتلي بقيت تمام


انهارده صدرها بيعمل صوت و بتكح المفروض اتقل عن كده ولا كده كويس

اشفطلها ازاى ؟

فيه في الصيداليه شفاط للمراخير اخت جوزي بتقول مهم جدا و بتستخدمه علي طول

ياسمينــــا;13856935:
دندونة ابنك ما شاء الله قد آدم ابنى بالظبط بس ادم اكبر بيوم ههههههههههههههه لازم يقولة ياعمو
المهم بقولك مدحت الزيات قالي ابتدى شاربية عصير تفاح وعصير برتقال الي هو عصير بيور دة من جهينة بيكون من غير مواد حافظة على فكرة قالي املي بيبرونة تقريبا 150 ميلي وسيبها جمبك وبين الرضعات شربية شوية شوية وكمان قالي اكلية سريلاك رز وتفاحية مسلوقة وجزر مسلوق بس طبعا بالتدريج يعنى انهاردة اكلية معلقتين بكرة تلاتة كدة قالي التفاح يكون بيورية خالص زي البطاطس كدة وكمان قالي اديلة فيتامين بيبي فيت قطارة كل يوم ودة فية كل الفيتمينات الي بيحتجها البيبي في اليوم

يا جماعة انا حسة كده كتير اوى ده جودى بتاكل كده و هى 7 شهور و نص مش عارفة مين الصح و مين الغلط؟؟؟؟ و ده النظام العالمى و معتقدش عصير بيور ينفع لان فى عصاير مخصوصة للرضع من جربر او اعملى العصير انتى

sally2007;13855287:
3 الا 150 جرام

هو المفروض دلوقتى شهرين يبقى وزنه بين ال
3 كيلو وربع لغاية 5 كيلو

dandona om jou;13855870:
انا دلوقتي محتارة ابدأ ااكل يوسف من الشهر الرابع و لا السادس

الرااااااااااااااابع

من السادس هتتعذبى معاه :thumbs_down:

Boody we zady;13856260:
دلوقتي انتي تبداي تأكليه من الرابع حاجات معينة مش كل حاجة و كمتن بتكون شبه الوجبه مش أساسيه فاهمه يعني؟

:thumbs_up: :thumbs_up: :thumbs_up:

فعلا عرفيه معنى الاكل بس مش تكبسيه اكل

كيوت لولا;13856396:
انا تاريخ ولادتي 18-11

قولولي بقا انا ناوية اعمل الخطوة الجريئة و اعمله طهارة دلوقتي

هو ايه بقا اللي هيحصل

لا خطوه جريئه ولا حاجه دا المفروض كان اطاهر من يوم الولاده

انا كنت عايزه اطاهر ياسين من يوم الولاده بس الدكتور الاطفال قالى استنى لما يتم ال 40 عشان لو حصله زيف

وعملتهاله وهو 50 يوم ونزف والدكتور الجراح بتاع الاطفال قالى لو اتعملتله وهو اصغر مكنش هينزف كل الدم دا

انا ناويه لو ربنا رزقنى بولد تانى هعملهاله يوم الولاده ومش هسمع كلام حد

بصى يا ستى هى عمليه بتاخد يكن اقل من 10 دقايق

بس نصيحه قوليلهم لازم بنج لحسن هما ساعات بيقولوا لسه صغير ومش هيحس ويعملوها من غير بنج
انا صممت على البنج وخليت جوزى وقف معاهم لغاية لما بنجوه عشان اتأكد

هى حبيبى هيتعب منك شويه لانه جرح بس يومين وهيبقى كويس

المهم تقعديه فى مايه فيها نقطة ديتول

بس مايه دافيه

وامسكيه نتى وابوه كدا فتره فى المايه

عشان الجرح يدبل

بصى فى نوعين م الطهاره نوع بالخياطه ونوع من غير

انا ابنى عمل اللى من غير يعنى لا استنى سلك يقع ولا غيره

مش عارفه اللى بسلك نظامهم ايه بقى

M!ss Tuky;13856835:
بنات تاتا تعبانه اوى عندها الخنفره زادت ومبتعرفش تتنفس ادتها اوترفين مش نافع واوترفين اطفال بردو مش نافع وريحه نفسها مخااط خاالص ومش عارفه تنام

مش عار فه اعمل اييه

هاتلها شفاط بس يستخدم عند اللزووووووووووم

Bossy22;13857743:
يا جماعة انا حسة كده كتير اوى ده جودى بتاكل كده و هى 7 شهور و نص مش عارفة مين الصح و مين الغلط؟؟؟؟ و ده النظام العالمى و معتقدش عصير بيور ينفع لان فى عصاير مخصوصة للرضع من جربر او اعملى العصير انتى

لا مش كتير انتى بسس عشان اكلتيها متأخر فا بندرب معدتها بالحاجات دى انما بنتك دلوقتى تاكل لسان عصفور مسلوق ورز على ملوخيه او شوربه

تاكل كبدة فراخ وصدر فلراخ مسلوق مع خضار

ازيكو يا قمرات.. انا كنت عايزة اسألكو على كام حاجة كده بس الاول عايزة اقول ان بجد ربنا يبارك لكل واحدة هنا كلكو ما شاء الله بتفيدو بعض و بحس ان مافيش حد بيستخسر المعلومة اللي عنده.. ربنا يباركلكو في اولادكو يا رب و يجازيكو كل خيرF:كنت عايزة اعرف البنات اللي جربو مولفيكس حفاضات رأيهم فيها ايه؟؟ انا بستعمل ليوسف بيبي جوي و حو اوي معاه بس للأسف مش بلاقيه جنبي خاااااالص المقاس بتاعه و بدوخ عليه فقلت اجيب مولفيكس و حاسة ان الفرق في السعر مش كبير.. كمان انا عايزة اعرف هو انا ممكن اعمل ليوسف الخضار و احطه في برطمان لتاني يوم و لا لازم ياكله في نفس اليوم؟؟ كمان انا عايزة اأكله زبادي دوقتهاله الاول و الحمد لله ماحصلش حاجة عايزة اعرف اعمله قد ايه مع البسكوت؟؟ و البيبي عند 5 شهور ممكن ياكل 3 وجبات خفاف مع اللبن ولا 2 كفايه؟؟ معلش انا اسألتي كتير بس بجد انا محتاسة مع يوسف و مش عندي بيبيهات في العيلة علشان اعرف الحاجات دي من ماميهاتهم:o

كيوت لولا;13856396:
انا تاريخ ولادتي 18-11

قولولي بقا انا ناوية اعمل الخطوة الجريئة و اعمله طهارة دلوقتي

هو ايه بقا اللي هيحصل

هتروحى لدكتور جراح و10 دقايق وهيتم الموضوع مبتخدشى اكتر من كده واسبوع وابنك يخف ويبقى تمام التمام وهيديكى لبوس اسمة دولفين تحطيه ليه عشان للالم هو مسكن عشان ابنك يعرف ينام واول مرة هيعمل بيبى ماية هتحرقة هى اول مرة اللى بتحرق بس ووبعدكده هيبقى كويس ومتقلقيش انا كنت فاكرها حاجة صعبة وكنت خايفة لكن الحمدا لله زى شكة الدبوس وبتروح وربنا يطمنك عليه دايما يارب بس نصيحة منى اتاكلى على الله وودية اليومين دول ومتسمعيش بقى اللى يقولك بعد 40 يوم ولا شهرين لا اعمليها دلوقتى لانه كل لما بيكبر بيحس اكتر وبيفرك برجلية وبيلط نفسة وبيعيط انما دلوقتى لسه صغير والجرح بيلم بسرعة وكمان لسه الجو مش سقع قوى لنك هتلبسية البامبرز مقاس 4 بحيث انو يلبس وميغرقشى نفسه انا لبست ادهم بامبرز بس مقاس4 ولحمدا لله مكنشى بيغرق نفسة ولا هدومىة بتتبل وبعد 4 ايام او 5 من الطهارة لبستة البامبرز بتاعه تانى والحمدا لله الجرح بتاعه بيلم اهو اصلى لسه مطهارة من اسبوعين كده والحمدا لله زى الفل دلوقتى

ياسمينــــا;13856935:
دندونة ابنك ما شاء الله قد آدم ابنى بالظبط بس ادم اكبر بيوم ههههههههههههههه لازم يقولة ياعمو
المهم بقولك مدحت الزيات قالي ابتدى شاربية عصير تفاح وعصير برتقال الي هو عصير بيور دة من جهينة بيكون من غير مواد حافظة على فكرة قالي املي بيبرونة تقريبا 150 ميلي وسيبها جمبك وبين الرضعات شربية شوية شوية وكمان قالي اكلية سريلاك رز وتفاحية مسلوقة وجزر مسلوق بس طبعا بالتدريج يعنى انهاردة اكلية معلقتين بكرة تلاتة كدة قالي التفاح يكون بيورية خالص زي البطاطس كدة وكمان قالي اديلة فيتامين بيبي فيت قطارة كل يوم ودة فية كل الفيتمينات الي بيحتجها البيبي في اليوم

ياسمينا هو ايه فيتامين بيبى فيت ده وينفع اجيبة من نفسى كده ولا لازم استشير دكتور

لا استفسار صغنن ادهم عنده غازات فظيعة يعنى فى 5 دقايق ممكن يعمل 3 مرات وطول اليوم بمب بمب كتيررررررررر وبديلة بيبى ريست ومش بيعمل حاجة عاوزة اعرف حاجة للغازات تكون كويسة
مع العلم انى بديلة ماء غريب وبرضه مفيش فايدة

ازيكم يا قمرات ... انا بستخدم لابنى حفاضات بامبرز الابيض هوا حلو اوى ومش بيسرب معاه وكمان قطن بس عيبه ان ريحته بتظهر فى ثانية يعنى لما يجي حد يشيله او نخرج ... هوا كل الحفاضات كدا ولا فيه انواع ملهاش ريحة ومين جرب فيكم بيبي جوي وفاينى ايه الاحسن فيهم ؟؟؟؟

sally2007;13859636:
لا استفسار صغنن ادهم عنده غازات فظيعة يعنى فى 5 دقايق ممكن يعمل 3 مرات وطول اليوم بمب بمب كتيررررررررر وبديلة بيبى ريست ومش بيعمل حاجة عاوزة اعرف حاجة للغازات تكون كويسة
مع العلم انى بديلة ماء غريب وبرضه مفيش فايدة

انا تايا الغازات عندها كتير بس مش للدرجه دى بس كويس انو بيعمل كتير اقلو بيخرج الهوا الى بطنو يا حبيبي دي بتتعبهم اوى يعني انا بحسبه انو شئ كويس لان الحاجه دى بتريح بطنهم اكيد

انا بديها اكوا فيرا وحساه حلو معاها بس لازالت الغازات والانتفاخ فظيع عندها

يمكن عشان فوقت بليل لما بتبقي نايمه مبكرعهاش عشان متصحش وتكمل نووم :(

ام ياسين موضوع الشفاط ده جديد عليا

زوجة المهندس;13846620:
بنات كييييييييييفكم انا عندي استفسارين ولااااااااازم تجاوبوني الله يخليكم
اول واحد انا ابني عمره 3 شهور ونص ربي يحميه وينام على بطنه المشكلة بس يصحى الصبح الا ملابسه كلها بوول الله يكرمكم عشانه ينامعبطنه واضطر اغير كاااااامل ملابسه كل يوم ايش الحل المشكلة من نومته ولا من الحفاض؟؟؟؟
والمشكلة التانية انه ابني من لما كان عمره شهرين ونص صار نومه ماشاء الله تبارك الله روووووعة ينام على نومتي ويصحى على صحوتي ويقوم كل كم ساعة يرضع ويرجع ينام
لكن له كم يوم بصحى كل ساعة او نص ساعة واحيانا ربع ساعة يبكي بس اوقف فيه وامشي خطوتين يرجع ينام وهكذا ولما انيمه بحضني على السرير ينامه ساعة ونص بالكتيييييييييير ساعتين مو عارفة ايش اعمل وكيف انظم نومه لانه هالموضوع مرهق كتيييير
انا اقول يمكن لانه مرض قبل العيد ولازال انفه مسدود لازم كل يوم قطرة ماء وملح وشفاط لكن هالايام خف كتير الانسداد لكن لازال موضوع الاستيقاض بالليل قولولي ايش الحل لاني من جد ارهقت وهو بالنهار مابنام كتير

طيب انتي سوري يعني بتخلي العضو بتاعه لفوق ولا لتحت عشان ده بردو بيفرق في موضوع التسريب ده خللي بالك

وممكن بردو يكون البامبرز مقاسه صغير شوية، بس كده كده اغلبهم لما بيناموا علي بطنهم فترة بيسربوا غير نومة الظهر، لأن المساحة اللي بتبقي قدامهم للبيبي البول يعني بتبقي صغيرة فبتتملي بسرعة غير لما يون علي ضهره هاينزل لتحت اكتر ويتملي فيه كله فهماني، بس لو بتخليه لفوق ، جربي خليه لتحت وشوفي هتفرق معاكي ولا لأ، وفعلا زي ما سالي قالتلك لازم تغيرله قبل النوم عالطول عشان لو نام فترة يبقي فاضي ويملي براحته

شفاط الانف كتر استخدامه بيبقي غلط جدا علي المناخير بتاعتهم وانا جبته ومفتحتوش اصلا حاولوا تخليكم في النقط والتنضيف العادي وهو وقت اللزوم اوي وبس



بنات اللي بيستخدموا لبن نان هو بيكلكع معاكم او لما بترجوها او تقلبوه وبعد ما يخلصوا بتلاقوا جزء كده باقي كلعكع في الببرونة؟؟