استفسارات وتساؤلات الامهات عن كل شيئ)الجزء السادس(

بنات يعني اجيب بامبرز مقاس اكبر

انا بلبسه بامبرز السعودي
اجيب اللي اكبر منه على طول

رجائى انا جربت بيبى فاين وكان سئ مع ادهم جدااااااااااااااااااااا ووحش موت معاه لو عمل بيبى ماية مرة واحده فيه لازم يسرب والباكت عندى لسه ومش كملت استخدامه
وبيبى جوى جربت حفاضة وحده بس منة ورجعت تانى للبامبرز العادى

sally2007;13859636:
لا استفسار صغنن ادهم عنده غازات فظيعة يعنى فى 5 دقايق ممكن يعمل 3 مرات وطول اليوم بمب بمب كتيررررررررر وبديلة بيبى ريست ومش بيعمل حاجة عاوزة اعرف حاجة للغازات تكون كويسة
مع العلم انى بديلة ماء غريب وبرضه مفيش فايدة

انا شايفة انها حاجة كويسة انه يخرج الغازات دى من بطنه متقلقيش و انا كنت بستخدم ماء غريب و اكوا فيرا بس اكوا فيرا حسيته احسن مع ابنى الحمد لله و سايمثيكون مكنش بيرضى ياخده ابدا

رجائي رضا ربــــي;13859847:
ازيكم يا قمرات ... انا بستخدم لابنى حفاضات بامبرز الابيض هوا حلو اوى ومش بيسرب معاه وكمان قطن بس عيبه ان ريحته بتظهر فى ثانية يعنى لما يجي حد يشيله او نخرج ... هوا كل الحفاضات كدا ولا فيه انواع ملهاش ريحة ومين جرب فيكم بيبي جوي وفاينى ايه الاحسن فيهم ؟؟؟؟

انا كنت بستخدم بيبى جوى لابنى لحد من 3 اسابيع تقريبا غيرت لبامبرز
هو ممتاز جدا ما شاء الله بس عيبه بالنسبالى ان الحفاضة سميكة و بتتنفخ جامد فمكنتش بعرف البسه هدومه وكل شوية اشترى مقاسات اكبر و هو بالفعل مش محتاج المقاس الاكبر فغيرت لبامبرز
سؤال بقى انا بستخدم بامبرز اللى مكتوب عليه اكتيف بيبى هو ايه بقى الفرق بين الابيض و الاصفر و السعودى و المصرى و كل الكلام ده و هل موجود فى مصر ولا لأ؟

برايت... الابيض دا تايلاندي والباقى الملون دا يا اما سعودى او مصري بيكون مكتوب عليه

انا بجيبه من هنا فى الامارات وسمعت بنات مرة بيقولو متوفر فى مصر

بيبي فاين بشع مش وحش بس.. بامبرز بيعمل ريحة بسرعة وفضيحة بره البيت بقي ههههههه أنا جربت كوتشي مرة كانت الدايبر مش مكتوب عليها نوع كده بس كانت وهم لا ريحة ولا يتنفخ ولا يسرب ما شاء الله تحفة بس مش بلاقي منه هنا في مطروح للأسف و مرة ثانية كانت الدايبر نفسها مكتوب عليها توجور بردو تحفة بس ذي بامبرز بتتنفخ.. حاليا بستعمل سانيتا بامبي هو مش يفرق عن بامبرز بس مش بيسرب مع آدم ذي بامبرز بجيب مقاس ٢ العلبة فيها ٦٠ قطعة ب ٤٥ جنيه.. وفيه عبوة فيها ١٠ قطع لو تحبوا تجربوا الأول ب ٩ جنيه.. سؤال بقي لبنات اسكندرية لو عايزه لعبة السرير تبقي منين و بكام تقريبا بس أسعار في المعقول يعني كفاية علينا البامبرز يا ناس ههههههه

رجائي رضا ربــــي;13860800:
برايت... الابيض دا تايلاندي والباقى الملون دا يا اما سعودى او مصري بيكون مكتوب عليه

انا بجيبه من هنا فى الامارات وسمعت بنات مرة بيقولو متوفر فى مصر

ميرسى يا رجائى على ردك
انا فعلا اللى عندى سعودى بجيبه من هنا من قطر علشان كده بسأل موجود فى مصر ولا لأ سهل الاقيه يعنى ولا ايه
بنات انا ابنى عنده 7 شهور و اسبوع ينفع أأكله صفار بيض و كبدة ولا لأ؟

ازيكوا ياحلى امهات انا كنت عايزه اسالكوا كذا سؤال انا دلوقتى فى بدايه الشهر السادس وحامل فى ولد وهولد فى شهر 4 كنت عايزه اعرف اجيب ايه هدوم وايه الاعداد اللى اجيبها وبعد الولاده بشهرين هيكون فرح اختى ممكن البس ياسين ايه بس لو سمحتوا ترودا عليا علشان ابدا اجييب هدوم ياسين واجهز للولاده

السلام عليكم كان عندي استفسار الجبنه المثلثات ابدأ اديها لحسام أمتي وقي الجو البرد أحميه كام مره في الأسبوع مع العلم انه في الصيف بحميه يوميا !

nemonamanemo;13857040:
ياسمينا مبرررررررررررررررررررروك اخيرا روحتي للزيات

طيب الكلام هتطبقيه من امتي؟

و سؤال بقي انتي بتلبسي ابنك هدوم قد ايه

انا بلبس حلا السالوبيت القطيفه و تحته نص كم بس حساها بتعيي مني كانت لسه عندها بدايه نزله شعبيه و لسه امبارح الاستشاره الدكتوره قالتلي بقيت تمام


انهارده صدرها بيعمل صوت و بتكح المفروض اتقل عن كده ولا كده كويس

ايوة اخيررا روحتلة
انا حاليا بطبق كلامة وماشاء الله آدم متقبلة
بصي انا بلبس آدم حاجة كت وحاجتين بكم والبيجامة وشراب
لا كدة الدنيا برد عليها تقليلها شوية حتى لو انتى حاسة بالبرد البيبهات جلدهم غيرنا وبيحسوا بالبرد اسرع مننا تقليلها شوية وربنا يخاليهالك ياااارب والف سلامة عليها

sally2007;13859620:


ياسمينا هو ايه فيتامين بيبى فيت ده وينفع اجيبة من نفسى كده ولا لازم استشير دكتور

هو مكتوب علية ياسالي انة ينفع للبيبي من اول يوم ولادة وكمان مكتوب انة فية كل الفيتامينات الي بيحتاجها البيبي في اليوم الواحد بصي انتى اسألي الدكتور بتاعك الاول علية ولو وافق انة ياخدة اديهولة وربنا يخليلك ادهم يااارب وتشوفية عريس

Bossy22;13857743:
يا جماعة انا حسة كده كتير اوى ده جودى بتاكل كده و هى 7 شهور و نص مش عارفة مين الصح و مين الغلط؟؟؟؟ و ده النظام العالمى و معتقدش عصير بيور ينفع لان فى عصاير مخصوصة للرضع من جربر او اعملى العصير انتى

انتى بس علشان اكلتيها متأخر لكن دة كلام الدكتور وعارفة الي بياكل بادري معدتة تتعود شوية شوية على الاكل ومش يغالبنى بعد كدة علشان ياكل

ام حسااام;13861629:
السلام عليكم كان عندي استفسار الجبنه المثلثات ابدأ اديها لحسام أمتي وقي الجو البرد أحميه كام مره في الأسبوع مع العلم انه في الصيف بحميه يوميا !

لا في البرد حمية مرة واحدة في الاسبوع علشان مياخدش برد وكمان لسة الشتا مدخلش اوووى

بنات انا عندي دور برد وخايفه على حسام لاعديه لانه جمبي ديما وخايفه اخد علاج ليكون غلط عشان الرضاعه؟

زوجة المهندس;13846620:
بنات كييييييييييفكم انا عندي استفسارين ولااااااااازم تجاوبوني الله يخليكم
اول واحد انا ابني عمره 3 شهور ونص ربي يحميه وينام على بطنه المشكلة بس يصحى الصبح الا ملابسه كلها بوول الله يكرمكم عشانه ينامعبطنه واضطر اغير كاااااامل ملابسه كل يوم ايش الحل المشكلة من نومته ولا من الحفاض؟؟؟؟
والمشكلة التانية انه ابني من لما كان عمره شهرين ونص صار نومه ماشاء الله تبارك الله روووووعة ينام على نومتي ويصحى على صحوتي ويقوم كل كم ساعة يرضع ويرجع ينام
لكن له كم يوم بصحى كل ساعة او نص ساعة واحيانا ربع ساعة يبكي بس اوقف فيه وامشي خطوتين يرجع ينام وهكذا ولما انيمه بحضني على السرير ينامه ساعة ونص بالكتيييييييييير ساعتين مو عارفة ايش اعمل وكيف انظم نومه لانه هالموضوع مرهق كتيييير
انا اقول يمكن لانه مرض قبل العيد ولازال انفه مسدود لازم كل يوم قطرة ماء وملح وشفاط لكن هالايام خف كتير الانسداد لكن لازال موضوع الاستيقاض بالليل قولولي ايش الحل لاني من جد ارهقت وهو بالنهار مابنام كتير

حبيبتى ربنا يحفظ ابنك من كل سوء بلاش الله يخليكى النوم ع البطن دة ف امريكا منعوة تماما عشان بيعمل لقدر الله اسفكسيا اختناق ومن حوالى اسبوعين جابوا برنامج الحياة اليوم ان طفل اتختنق بسبب النوم ع البطن

CuTie KaTkOoTa;13859966:
شفاط الانف كتر استخدامه بيبقي غلط جدا علي المناخير بتاعتهم وانا جبته ومفتحتوش اصلا حاولوا تخليكم في النقط والتنضيف العادي وهو وقت اللزوم اوي وبس



بنات اللي بيستخدموا لبن نان هو بيكلكع معاكم او لما بترجوها او تقلبوه وبعد ما يخلصوا بتلاقوا جزء كده باقي كلعكع في الببرونة؟؟

لا عمره ماكلكع انتى كل 30 ملل معيار واحد

متابعه معكم ان شاء الله

ام حسااام;13863596:
بنات انا عندي دور برد وخايفه على حسام لاعديه لانه جمبي ديما وخايفه اخد علاج ليكون غلط عشان الرضاعه؟

البسى ماسك

انا لما ببقى تعبانه بخلى جوزى يشتريلى مااسك من الصيدليه كدا زى بتاع العمليات بلبسه عشان يويو كل ما اجى ارضعه او كدا وفاتحه الشباك يغير جو كل يوم الصبح

فى ادويه بتتاخد فى الرضاعه عادى كلمى دكتورك يقولك

اميرة مصرية;13859236:
ازيكو يا قمرات.. انا كنت عايزة اسألكو على كام حاجة كده بس الاول عايزة اقول ان بجد ربنا يبارك لكل واحدة هنا كلكو ما شاء الله بتفيدو بعض و بحس ان مافيش حد بيستخسر المعلومة اللي عنده.. ربنا يباركلكو في اولادكو يا رب و يجازيكو كل خيرF:كنت عايزة اعرف البنات اللي جربو مولفيكس حفاضات رأيهم فيها ايه؟؟ انا بستعمل ليوسف بيبي جوي و حو اوي معاه بس للأسف مش بلاقيه جنبي خاااااالص المقاس بتاعه و بدوخ عليه فقلت اجيب مولفيكس و حاسة ان الفرق في السعر مش كبير.. كمان انا عايزة اعرف هو انا ممكن اعمل ليوسف الخضار و احطه في برطمان لتاني يوم و لا لازم ياكله في نفس اليوم؟؟ كمان انا عايزة اأكله زبادي دوقتهاله الاول و الحمد لله ماحصلش حاجة عايزة اعرف اعمله قد ايه مع البسكوت؟؟ و البيبي عند 5 شهور ممكن ياكل 3 وجبات خفاف مع اللبن ولا 2 كفايه؟؟ معلش انا اسألتي كتير بس بجد انا محتاسة مع يوسف و مش عندي بيبيهات في العيلة علشان اعرف الحاجات دي من ماميهاتهم:o

ههههههههههههههههههههههه بصى يا حبيبتى الاول مولفيكس جميييييييييييييل رووووووووعه بجد مهما عمل فيه تلاقيه ابدا ميسربش

انا كنت بستخدمه بس للاسف هنا مش متوفر بس لما بلاقيه بجيبه ولو ملقيتهوش بجيب بيبى جوى لانه اهايل بصراحه

بالنسبه للاكل اه اعمليه بس فى كام حاجه تاخدى بالك منها

الاول البرطمان يتغسل بمايه بتغلى وبتنشف بفوطه نضيفه كوووووووووووويس اوووووووى اوك

ولو حطيتى الاكل فيه يتقفل البرطمان كووووووويس اووووووووى

لو عملتى كميه مثلا تكفى وجبتين مع انه مستحب كل وجبه فى برطمان

بس نفترض يعنى او حتى اكل معلقتين

متأكليهوش من البرطمان مباشرة لا هاتى معلقه نضيفه نااااااااااشفه مفيهاش نقطة مايه وخدى من البركمان فى طبق واللى يتبقى من الوجبه اللى فى الطبق تترمى مترجعش البرطمان تانى

ليه بقى كل اللى بقلهولك دا

لان لو البرطمان من الاول متنشفش الاكل ممكن يحمض

ثانيا لو اخدتى منه بمعلقه عليها مايه هيحمض بردو

ثالثا لو رجعتى الاكل اللى هو اكل منه فى البرطمان الاكل بردو هيبووووووووووووووظ



بالنسبه للزبادى ياخده عادى طبعا دا ماشاء الله كبر اهو ربنا يحميه

البسكوت انا مكنتش بديه ليويو مع الزبادى كنت بحسه تقيل

انا كنت بعمل شاى خفييييييييييييييف جدا واحط فيه البسطوت

كله هيقولى شاى هقلكم ايوووووووووووه شاى لان الشاى موسع طبيعى للشعب الهواائيه وبيعمل حمايه من الانفلونزا

لو مش عايزه شاى يبقى اعشاب او لبن

كله شغال

انما مع الزبادى كنت بحسه قوامه تقيل صعب يبلعه

الوجبه انا كنت بحددها بكام بسكوته

كنت الاول بحطله بسكوتين اوك

واخدتها تديجى معاه لغايه لما عرفت هو وجبة بتبقى قد ايه


بالنسبه لعدد الوجبات هو دلةقتى ياخد وجبتين مع الرضاعه كفايه اوووووووووى

sally2007;13859636:
لا استفسار صغنن ادهم عنده غازات فظيعة يعنى فى 5 دقايق ممكن يعمل 3 مرات وطول اليوم بمب بمب كتيررررررررر وبديلة بيبى ريست ومش بيعمل حاجة عاوزة اعرف حاجة للغازات تكون كويسة
مع العلم انى بديلة ماء غريب وبرضه مفيش فايدة

زى يويو ابنى

كان كدا

دا كدا كويس يا بنتى

دا رحمه من ربنا

البيبى ريست مش بيتاخد عشان هو بيطلع غازات بيتاخد عشان لو عنده مغص بسبب الغازات



ربنا يخليهولك ويحميه يارب

رجائي رضا ربــــي;13859847:
ازيكم يا قمرات ... انا بستخدم لابنى حفاضات بامبرز الابيض هوا حلو اوى ومش بيسرب معاه وكمان قطن بس عيبه ان ريحته بتظهر فى ثانية يعنى لما يجي حد يشيله او نخرج ... هوا كل الحفاضات كدا ولا فيه انواع ملهاش ريحة ومين جرب فيكم بيبي جوي وفاينى ايه الاحسن فيهم ؟؟؟؟

بيبى جوى طبعا الافضل

فاينى دا اووووووووووووووف بشع
والله كنت لبسته واحده ولسه ملبسهاله

وعمل بقى كاكا

لقيتها سربت من كللللللللللللل حته

والله يا بنتى مكنت لسه لبسته البنطلون

لقيته سرب بجد بشع اييييييع :thumbs_down:

انا افضل حاجه استخدمتها بترتيب الافضل : مولفيكس بيبى جوى بامبرز


بس بامبرز مش بيسرب بس بيعمل تسلخات :hysterical:

M!ss Tuky;13859934:
انا تايا الغازات عندها كتير بس مش للدرجه دى بس كويس انو بيعمل كتير اقلو بيخرج الهوا الى بطنو يا حبيبي دي بتتعبهم اوى يعني انا بحسبه انو شئ كويس لان الحاجه دى بتريح بطنهم اكيد

انا بديها اكوا فيرا وحساه حلو معاها بس لازالت الغازات والانتفاخ فظيع عندها

يمكن عشان فوقت بليل لما بتبقي نايمه مبكرعهاش عشان متصحش وتكمل نووم :(

ام ياسين موضوع الشفاط ده جديد عليا

بليل بعد ما ترضعيها وهى فى نفس الوضع طبطبى على ضهرها شويه هتتكرع

الشفاط انا اصلا مش بحبه بس وصفك لحالة بنتك بتقول انها ياروحى مسدوده خالص فا قولتلك على الشفاط عشان يظبطها انما هو استعماله الكتير طبعا وحش لانه زى ما بيشفط المخاط كمان كتر استعماله بيشفط الاننسجه المخاطيه المفيييييييييده

~OM-ADAM~;13860853:
بيبي فاين بشع مش وحش بس.. بامبرز بيعمل ريحة بسرعة وفضيحة بره البيت بقي ههههههه أنا جربت كوتشي مرة كانت الدايبر مش مكتوب عليها نوع كده بس كانت وهم لا ريحة ولا يتنفخ ولا يسرب ما شاء الله تحفة بس مش بلاقي منه هنا في مطروح للأسف و مرة ثانية كانت الدايبر نفسها مكتوب عليها توجور بردو تحفة بس ذي بامبرز بتتنفخ.. حاليا بستعمل سانيتا بامبي هو مش يفرق عن بامبرز بس مش بيسرب مع آدم ذي بامبرز بجيب مقاس ٢ العلبة فيها ٦٠ قطعة ب ٤٥ جنيه.. وفيه عبوة فيها ١٠ قطع لو تحبوا تجربوا الأول ب ٩ جنيه.. سؤال بقي لبنات اسكندرية لو عايزه لعبة السرير تبقي منين و بكام تقريبا بس أسعار في المعقول يعني كفاية علينا البامبرز يا ناس ههههههه

لعبة السرير انا جيباها ب 25 جنيه وواحده صحبتى جابتها ب 20 وسيبك من ال 400 وال 500 دى احنا اصحاب بامبرز ياناس

bright bride;13861307:
ميرسى يا رجائى على ردك
انا فعلا اللى عندى سعودى بجيبه من هنا من قطر علشان كده بسأل موجود فى مصر ولا لأ سهل الاقيه يعنى ولا ايه
بنات انا ابنى عنده 7 شهور و اسبوع ينفع أأكله صفار بيض و كبدة ولا لأ؟

اه اديله صفار بيض ويبقى الصبح بسسسسسسسس

وكبة فراااااااااااخ مش كبده عجاالى