لمتنا السورية اهلا وسهلا فيكم لشهر ذو الحجة1431

الدمشقية;13842077:
اهلين كاتي طل القمر واللهF:
واي برافو عليكي ماقصرتي غيري جو واغتنمي هالجو يعني بيبقى افضل من البرد والمطر وخاصة اذا الموضوع فيه شوبينغ:D
وامين الله يبعت الخير يارب علينا وعليكم والله يغفرلنا ويهدي امة محمد للصلاح ... لان اللي عم يصير اعتقد هو غضب والله يرضى علينا يارب .... (( سماحة الشخة دمشقية )) هههه

ومباركين الاغراض اللي جبتيهم لفرح وتالا شو اخدتي هاتي لشوق قليلي ...
وانت شو ناوية تجيبي اغراض ... انا كتير بحب السوق مبارح جبت عبايتين لشام وجودي خانم
هههههه قال شام المدرسة طالبة منها عباية منشان يعملوا مهرجان الحج

وحاطة ببالي انزل هالكم يوم اجيب الي خفافة العفو تكون مريحة وانيقة راح اخدها فلات حبيت هالموديل مريح وانيق

واما عن الوجع الحمد لله صرت احسن من الاول بكتيييير بس والله لهلأ ماعم ارتاح تمام مابعرف شو قصة هالوجع وستي الحمد لله والله يكتبلنا الاجر والثواب

وسلفتك ماقصرتي هيك احسن شي على الطويل والله اريح للبال وبلا هم ومشاكل
لان في ناس حقودة وغيورة ومابتتركك بحالك بقى هالمعاملة الحل الوحيد الهم :thumbs_up:
وتسلميلي يارب الله يحفظ الجميع ولا يحرمنا من الاهل والاحباب بكرا جايتيني سورية والله اشتقتلها هالاسبوع اجتمعت فيها عند بنت خالي ومااتهنيت فيها

الدمشقية;13842152:
ماشالله عليها عقبال المية سنة يارب
انا براي اعمليلها توزيعات حلوة الفكرة كتيير ليش لاء
هلأ افكار غريبة او جديدة مابعرف يعني بس اللي ببالي وكنت اعمله لولادي
_بوصي قبل بوقت على كيكة عليها صورتهم وتكون حجمها مناسب لعدد الحضور وبجيبها دائما شوكولا
_بزين البيت ببالونات وزينة تانية وبجهز سي دي اغاني حلو خاص باغاني الاطفال وبحطو بالحفلة...
_في فكرى حلوة انك تعلمي دفتر خاص وتزينيه وتخللي كل واحد من العيلة يكتبلها ذكرى او خاطرة بهاليوم ورح يبقى الدفتر ذكرى لها بس تكبر ان شالله
_ ممكن تعملي بطايق دعوة بسيطة النت مليااان تطبعيهم وتقصيهم وتكتبي عليها خاطرة او شعر بسيط من تاليفك هههه ... وموعد الحفلة ومكانها ... او تجيبي بطايق جاهزة بكيفك
او اذا حاسة الفكرة مبالغ فيها فممكن تكتبي الدعوة مسج بجوالك وتكون كلمات حلوة وترسليها للمدعويين

_ اذا في اطفال بالعيلة ممكن تجيبيلهم هدايا رمزية بسيطة وتحطيها بكيس حلو صغير وعليه بطاقة هدية تالا لكم مثلا ... وتوزعيه على
الاطفال باخر الحفلة وهالفكرة كتير حلوة ومهمة لان الطفل مو بس جاب هدية لصاحبة الميلاد وهو كمان كسب هدية حلوة

يعني هي الافكار اللي عندي حبيبة قلبي ... بدك تعملي بوفيه شي ؟

لولية;13843932:

مسا الخير يا بنوتات كيفكن يا أمامير أول شي أتوجه بالدعاء لدمشقية ان شاء الله تكون صارت أحسن
وتاني شي بتوجه بالشكر لكاتس على الكلام الحلو اللي كتبته حبيبتي الله يخليكي يا رب وتشوفي تالا عروس وتفرحي فيها ومنيح إنه صور الحفلة عجبوكي
يا بنات بدي رأيكن بشي حفلة كتب كتاب بنتي الصغيرة ب 6 كانون تاني وما عارفة شو لبسها لون هي عالطلبه لبست فضي على حفلة الخطبة لبست أحمر وعلى حفلة تلبيس العلامة لبست أزرق بس والله هلأ ماني عارفة شو لبسها وطويل والا قصير طبعا هي الحفلة رح تكون بفيللا أهل العريس للرجال فقط بس رح يكون في حفلة صغيرة جوا للنسوان بقى ساعدوني وانصحوني
ومنشان الله ما تقولوا هي طلعت روحنا فيها وببناتها لإني والله متلبكة ومش عارفة
هلأ بدي قلقن تصبحوا على ألف خير لإنه هلكانة من الصبح وهلأ ايجيت

حبيبتي ما اعطيناكي حقك و بدون مجاملة صدقيني F:F:

اما عن اللبسة من رايي اذا كان طويل في جميع المناسبات يلي ذكرتيها للتغيير يكون قصير اما الالوان حسب الفستان يعني بتلاقي اللون حلو على فستان و فستان لأ اما كخيارات انا بحب الخمري و في الوان زهرية حلوة او من درجات الموف ( صعب كتير الا ما يكونو الفساتين و الموديلات قدامك :| )
و يعطيكي الف عافية :thumbs_up:

كيفكم ياحلويين ان شاء الكل بخير وصحة وعافية يارب
دمشقية تقبري قلبي ياريت انا ولا انتي سلامتك وانا كمان اشتقتلك وطقت روحي يالله ان غدا لناظره لقريب مو هيك بيقولوا خخخخخخخخخخ
شامة كيفك وكيف بنوتاتك ان شاء الله صاروا احسن الله يحميهم يارب
لؤلؤة كيفك ياقمر
ليان الله يجمعك بشي شغلة تكون مناسبة والله بتتسلي وبتتعرفي على ناس وبيصير عندك صاحبات ومابتحسي بالغربة ان شاء الله
كاتس حبيبتي برافوا عليك غيرتي جو الك ولتالا ماقصرتي وان شاء الله العمر كله لتالا وافكار دمشقية حلوة كتير لاتنسي انها مشرفة ركن افكار وخبرات (ومين بيشهد للعروسة ) ههههههههههههه
لولية اهلين يست الكل وان شاء الله دايما الافراح عامرة عندك يارب يعني يمكن انا مااقدر ساعدك بس انا بيعجبني اللون الموف كتير يعني اعتبريها تذكير بالالوان وانتي ام الذوق
شامية ومون وبنوتة وبيرل وحشتونا ياعسولات
بعدين ليش ماعزيتوني خسرت بالمسابقة تبع العيديات كنت بدي قلكم صوتولي بس مابيصير بيستبعدوني من المسابقة يالله خيرها بغيرها

http://forums.3roos.com/showthread.php?t=500489

سلام كاتي هاد الرابط جبتلك ياه مشان تحضيرات عيد الميلاد يارب يعجبك وتحسني تستفادي منه وعقبال المية لتالا

سلام لؤلؤة كيفك حبيبي

الحمد لله عالسلامة قال كنتو بجدة كيف كانت زيارتكن وكيف بنت حماكي ان شاء الله وضعها منيح

مسا الخير يا حلوين اسفة تاخرت عليكم كتير بس ابني الصغنون يوسف كان مريض رشح وسعلة وكان منكد كتير بقى التهيت معه شوي سلامتك دمشقية وان شاء الله تكوني صرتي احسن ومبروكين عبيات البنوتات
سورية انا بخير حبيبتي الله لا يحرمني من سؤالكم
ليان كتير حلو انك عم تفكري تشتغلي واذا جوزك مابيعارض شدي حيلك والله يجمعك
لولية الله يخليلك بنوتاتك يارب وبضم صوتي لصوت سورية وكاتي وبقلك الموف لون رايق ولذيذ وطالما الحفلة صغيرة فبرأي قصير انعم
كاتي الله يحفظلك تالا يارب وتشوفيها عروس ومبروك عالمشتروات اما عن عيد الميلاد فالافكار يلي قالتلك عليها دمشقية حلوة واذا بتحبي بعض اصناف الحلو الخفيفة والباردة وبتقدري تعمليها من قبل بيوم انا عندي كم اكلة بكتبلك ياهم
شامة اشتقتلك وسلامتهم البنوتات حبيبات قلبي

اهلين شامة مشتاقتلك والله ايه كنا بجدة الحمد لله بكرة بيخرجوها

اهلا لؤلؤة وانا كمان مشتاقتلك سلامته يوسي حبيبي شلون صار احسن ان شاء الله والله انا شهودي لسا مو رايقة ما عم تحسن ترضع مظبوط من التزكيم الله يحميهن ويعافيهن

سلامتها معافاية كيف الولاد شو الاخبار بالرجعة عالمدارس

والله ويوسي هيك صرله يومين ما اكل بس اليوم الحمد لله احسن رضي يتعشى امين يارب يحميهم شو قررتي رايحة بكرة عالعشا عند تيتة

دمشقية سورية لولية كاتي ليان باقي الشلة وينكم ياحلوات تجو تشاركونا الجلسة انا ولؤلؤة عملناها تسلل ههههههههههههه لا والله عالصدفة صارت سلامات للكل يارب تكونو بخير

تمام غاطسين بالدروس الله يوفقهم جميع وانت ولادك كيف عم يقدمو بالمذاكرات ذكرتك اليوم عالغدا عملت مكمور كوسا وشو طلع طيب قلت وينك ذوقي بعرفك بتحبيه

والله لسا مابعرف ما قررت مظبوط لشوف جوزي بس حابة روح بنغير جو

ايه والله صدفة انا ماصدقت وقت شفتك متصل الان قلت حاول اكتب معك عسريع قبل مايفصل النت عندي

بووووووووو
لك شو عم تعملوا وتاركين زواجكم متل حكايتي خخخخخخ
يسعد مساكم يارب

هلق دمشقية وسورية مو فاضيلنا الله يهنيهم يارب ويديم جمعتهم ويجمعنا باحبابنا

ههههههههههه دمشقية لك شو طنو اذانك اهلا وسهلا يسعد مساكي كيفك

ان شالله دوووم مجموعين بالخير يااارب