لمتنا السورية اهلا وسهلا فيكم لشهر ذو الحجة1431

نسيت قلك اني رشيت كاكاو فوقهم قال يعني اني عملت شي من عندي ههههههههههه

لؤلؤة الشام0;13875595:
على فكرة كاتي الانكنار في ناس بتسميه حخرشوف او ارضي شوكي مابعرف انتو بالاردن شو بتسموه
واكلة الفناجين ابدمابتغلب على فكرة كتير سهلة وسريعة وباكيتين بسكوت سادة بيعطوكي تقريبا عشرين قطعة ويمكن اكتر انت جربيها قبل الحفلة واذا ناسبتك ساويها

leeean;13876197:
كاتس تسلمي ونشالله عطول كلكن مبسوطين كمان

يسعد مساكم ياحلوات
ليان اي الحمد لله انبسطنا وغيرنا جو .... وكويس انتي كمان غيرتي جو حلوة اجواء الفرح والجنان بالشوارع ههههه
وغريبة انهم حاطين سارية السواس هههه والله براس البسيط صبح ومسا نسمعها تقولي ماعندهم غيرها هههه

&&&&&&&&&&&&&&

لولوة يالولوة ماشالله شو هالفن وهالابداع تسلم ايديكي على الكيكة وعلى الغدوة الحلوة عليكم بالعافية يارب
وبالنسبة للحلويات اخدت طريقة حلوة الفناجين تسلم ايدك...
والسكسية انا بموت فيه وبعملها كتير بس انا بحب احط فوق الزبدة علبة نسلة بطعم الشوكولا بدل السكر بتعطيها
طعم يجنن ولون امق واحيانا بحط نسلة عادية فبتكون لونها سادة وهون بسموها ليزي كيك اعتقد الكيك الكسلان ههههه

والف لا باس على يوسف سلامة قلبه يارب .. وتسلميلي الله يهنيكي وعلى قولتك والله كنا بدنا نشوي الدرة هههههه بس ماصار مجال انتفخنا ههههه
وانا بموووت بالدرة بحبها كتير بقى ان شالله اليوم بسلقها خخخخخ بدل الشوي

**********************
شامية مية اهلا وسهلا ودخيل الموجب انا اللي بروح لبيت حماه خخخخخخ مو حسيدة ولا ضيقة عين ايواه هههه
ربي يهنيكي ويحببهم فيكي اكتر واكتر ... دخلك شو عملتلكم حماتك اكل وشوب واستقبال ؟ ولا مافي شي من هالشي ههههه

ومنشان المياه المعدنية روحيلك شي مشوار لجباب بتعرفيها ؟
كتير حلوة وهي عبارة عن مياه كبريتية يعني راح تشمي ريحة بيض لما تقولي بس خخخخ ... بس عن جد حلوة ومفيدة كتير بس اكيد مو الك حاليا لانك راح تولدي بسرعة من حرارة المي
وهدى تقبر قلبي بتجنن ماشالله عليها اسئلي كاتس عنها اما شامو الحمد لله كتير فرئت وصارت تفهم وتستوعب عربي وانكليزي والله يفتح عليها وعلى كل الاطفال

سورية تقبري قلبي سلامتها لهدى ماعليها شر ان شالله ... ويالله هم وانزاح وعقبال لما تخلص كل التطعيمات على سلامة وعافية يارب
وانا الحمد لله صرت احسن اليوم ومبارح رحت على المستشفى والله وانا عم ابكي من وجعي اتصلت على زوجي وقلتلوا خلااااص مالي قادرة اتحمل
ومسكين ماكذب خبر والله اخدني وغيرولي الدكتورة وطلع معي مو التهاب اذن ااااااااااااه ياقلبي
طلع عندي التهاب العصب الخامس بالمخ ... فهمتوا شي ؟؟؟ ولا انا والله لا يوريكم يجيني وجع يبكيني متل الصغار واخدت مبارح 7 ابر اي والله
اتنين بالعضل ووحدة بالوريد واربع بالسيروم وحاالة واليوم كمان اخدت 3 ابر عدا عن خمس حبوب باخدها صباحا ومساءا والله تعبت وياعليي زوجي على كع فلوس زعلانة عليه والله
قلتلوا ختمتلك هالسنة على هم ونكد ... وهو مسكين محتار وين يوديني والحمد لله الى الان في وجع والله بس اخف وقادرة اتحمله
وعلى الله دعواتكم

CATS_ANGEL;13874927:

صباح الخير دمشقية حبيبة قلبي و الله شفتي كيف هيك فقسات بتكون حلوة قولتك لو شفت المعرض يمكن اشتريت اكتر ما هيك :)

و عم بستنى الصور بصراحة حاسة انو المدرسة العادية بتخلي الطفل يعرف اصول دينو اكتر بهيك افكار اكيد لو مدرسة عالمية ما بعملو هيك و لا شو رأيك :!!:
اي شو هالسهرة الحلوة تتهنو يا رب زكرتيني بالفلافل ما متزكرة ايمتى اخر مرة اكلتو شهيتيني ومع المخلل كمان الله الله :thumbs_up: ما قلتيلي كيف جوز سورية نزع المخللات :-o
و مشوار البحر بجنن ما شاء الله و احلى جمعتن مع بعض اما البرسيس كنت شوفهم بالمسلسلات يحيبو قماشة مرسوم عليها خطوط ومع احجار و كل مرة تخلص بطوشة بين يلي بلعبو اما شو هي بالزبط ما بعرفها هاتي قوليلنا :!!: و حبيبة قلبي سلامتك من الغصة انتي كلي عني و خلص :D
و اهم شي انبساط الصغار الله يبسطهم دايما :thumbs_up:

شفتيني وانا شريرة هههه على قولة عادل امام شفتوني وانا ميت :lol: اما البشاميل شغلة انو رخو بكون بدو زيادة وقت على النار او زيادة طحين
هلأ عند اهلي لما يطلبوها مني ما بحبوها غير سادة يعني معكرونة و بشاميل و على وجهها جبنة فبسلق المعكرونة تلت ارباع سلقة يعني ما تكون مستوية كتير تكون متماسكة شوي و بصفيها من المي و البشاميل بدك تحسبي كل كاسة مي معلقة كبيرة طحين و معلقتين كبار حليب و نص معلقة صغيرة زبدة هلأ الماجي المكعبات بحط مكعب واحد و بكون ملحت المعكرونة شوي و كل المكونات ما عدا الماجي بحطهم اهم شي تكون المي باردة و بدك تبقي تحركي لحتى يدوب كل شي على نار هادية و بس لتأكد انو كل شي داب بعلي النار شوي اهم شي نبقى نحرك لحتى يغلي بملعقة خشب و بدك تعرفي اذا سماكتو منيحة بترفعي المعلقة و بتمرري اصبعك بالنص بتعملي خط اذا بقي مكان الخط متل ما هو بكون خلص و بتضيفي مكعب الماجي ليدوب و بتطفي النار اذا لأ بتبقي تحركي و ترجعي تجربي بالمعلقة و بصحن بايركس بتحطي المعكرونة و بتضيفي البشاميل فوقو و بتحركيهم و بتوزعي الجبنة المبشورة على الوجه و بتحمري الوجه بالفرن و صحة و الف هنا انا الي بسلق صدور جاج و بقطعهم شرايح و بقلي فطر و بضيفهم مع خلطة البشاميل بس اجهزها و بضيفهم فوق المعكرونة متل ما قلتلك فوق و اي شي انتي بتحبي تضيفي نفس الطريقة
بتقدري تضيفي اي شي بدك اياه انا ما بحبها غير هيك

شو رأيك جيب بلالين مي بالمرة :mad: :confused:

ايه و الله احنا اذا بنسهر لل12 بالكتير اما للساعة 3 و 4 فيهيدا اسمو اجرام :| و ايمتى بنام جوزك انتي ممكن تعوضي بالنومة بس جوزك شو بيعمل :worn_out:

حبيبة قلبي و ان شاء الله مبسوطة على طول :$:

اهلين بالمبدعة القمر ههههه شو هالفن وهالشطارة اسم الله اسم الله عن جد الصور بتجنن
وصيام مقبول يارب واكيد الاكلة بتجنن عليكم بالعافية يااارب

وبالفعل المدارس العادية بتهتم بامور الدين اكتر الفرق بس الانكليزي انه هناك هو الاساس والعربي ثانوي يعني حصة باليوم .. اما المدارس العادية فالانكليزي هو الثانوي والتركيز عليه
هات ايدك ولحئني :0100: ههههه
فانا عشان هيك حاطتها حاليا بمدرسة نموذجية فبكون الاهتمام مركز اكتر حبتين وربك كريم;)

ويالله كللي فلافل واتذكريني هههه بس مايكون عندك قولون وتدعي علي ههههه:D
وزوج سورية خرب المخللات دائما بضفلهم خل زيادة فبيطلعوا حامضين حمض الخل ههههه
اما مخللات سورية لا يعلى عليهم بجد وامانة

وياحبيبة قلبي البرسيس متل قلتي بالضيط في احجار اربع الي واربع لسورية وست ودعات ومنرمي الودع واشوف البخت خخخخخخ مزح مزح :D

منرميهم وايش بجيبولنا منحرك الاحجار على اساسهم 2 3 اربع ... ممكن شكة وهي كل الودع مقلوبة على القفى ومنحرك ست حركات ... وممكن يجي الودع دست وله شكل معين ومنحركه عشر حركات وله خال يعني حركة اضافية ,,,, وممكن يجي الودع بنج وله شركة معينة وحركاته 24 حركة واللي بتفت حجارها كلهم على المنتصف المربع اللي بالنص قبل التانية هي الفائزة ... وبس لعبة قديمة بس حلوة ومسلية

يبعتلي حمة عليكي يادمشقية سلامة قلبك يارب والله اليوم جوزي قلي جوزك قايله يالله ان شاء الله اجر وعافية يارب وان كان على زوجك الله يعوض عليه وسلامتك عنده بالدنيا

الدمشقية;13877968:
سورية تقبري قلبي سلامتها لهدى ماعليها شر ان شالله ... ويالله هم وانزاح وعقبال لما تخلص كل التطعيمات على سلامة وعافية يارب
وانا الحمد لله صرت احسن اليوم ومبارح رحت على المستشفى والله وانا عم ابكي من وجعي اتصلت على زوجي وقلتلوا خلااااص مالي قادرة اتحمل
ومسكين ماكذب خبر والله اخدني وغيرولي الدكتورة وطلع معي مو التهاب اذن ااااااااااااه ياقلبي
طلع عندي التهاب العصب الخامس بالمخ ... فهمتوا شي ؟؟؟ ولا انا والله لا يوريكم يجيني وجع يبكيني متل الصغار واخدت مبارح 7 ابر اي والله
اتنين بالعضل ووحدة بالوريد واربع بالسيروم وحاالة واليوم كمان اخدت 3 ابر عدا عن خمس حبوب باخدها صباحا ومساءا والله تعبت وياعليي زوجي على كع فلوس زعلانة عليه والله
قلتلوا ختمتلك هالسنة على هم ونكد ... وهو مسكين محتار وين يوديني والحمد لله الى الان في وجع والله بس اخف وقادرة اتحمله
وعلى الله دعواتكم

الدمشقية;13878078:
اهلين بالمبدعة القمر ههههه شو هالفن وهالشطارة اسم الله اسم الله عن جد الصور بتجنن
وصيام مقبول يارب واكيد الاكلة بتجنن عليكم بالعافية يااارب

وبالفعل المدارس العادية بتهتم بامور الدين اكتر الفرق بس الانكليزي انه هناك هو الاساس والعربي ثانوي يعني حصة باليوم .. اما المدارس العادية فالانكليزي هو الثانوي والتركيز عليه
هات ايدك ولحئني :0100: ههههه
فانا عشان هيك حاطتها حاليا بمدرسة نموذجية فبكون الاهتمام مركز اكتر حبتين وربك كريم;)

ويالله كللي فلافل واتذكريني هههه بس مايكون عندك قولون وتدعي علي ههههه:D
وزوج سورية خرب المخللات دائما بضفلهم خل زيادة فبيطلعوا حامضين حمض الخل ههههه
اما مخللات سورية لا يعلى عليهم بجد وامانة

وياحبيبة قلبي البرسيس متل قلتي بالضيط في احجار اربع الي واربع لسورية وست ودعات ومنرمي الودع واشوف البخت خخخخخخ مزح مزح :D

منرميهم وايش بجيبولنا منحرك الاحجار على اساسهم 2 3 اربع ... ممكن شكة وهي كل الودع مقلوبة على القفى ومنحرك ست حركات ... وممكن يجي الودع دست وله شكل معين ومنحركه عشر حركات وله خال يعني حركة اضافية ,,,, وممكن يجي الودع بنج وله شركة معينة وحركاته 24 حركة واللي بتفت حجارها كلهم على المنتصف المربع اللي بالنص قبل التانية هي الفائزة ... وبس لعبة قديمة بس حلوة ومسلية

هلا بكم أخواتي...و كل عام هجري و أنتم بخير...

أتمنى من مشرفة التجمع فتح التجمع الجديد لشهر محرّم...