CATS_ANGEL;13844604:اما الشوبينغ صاير يعملي ازمة نفسية ما بصدق وانا اخلص من شي بطلعلي شي 8o|
يسعدلي العبايات للاطافيل الحلوين ما شاء الله فكرة حلوة كتير اذا صار مجال و التقينا بالماسنجر صوريهم لاشوفهم حبوبة انتي :D
مبدئيا اشتريت بنطلون جينز اسود الي و تالا و فرح اشترتلهم نفس الشي لكل وحدة بيجاما و بلوزة طويلة صوف ناعم كتير يلي بيجي تحتها كيلون او بنطلون يلي بيجي على المقاس بالزبط راح من بالي اسمهن طبعا لبقت كيلونات بس بلاطين لسى لانو مشوار اليوم فقس لما نزلت و لقيت السيارة بدها بنشر و لحتى روح جوزي و اخدها و عملها كان النهار طاير :mad:
اما القائمة يلي بدي جيبها هي داخلي لتالا و بلايز قبة عالية و بدها كمان بيجاما او تنتين لانو اجاها تنتين هدايا على العيد و كمان بدها جكيت غير جكيت الطقم و كمان لبسة للطلعة حأحسب حساب هدايا عيد ميلادها ان شاء الله اكيد حيجيها ما بدي كترلها لانو كل فترة لازم اشتريلها
اما الي لسى ما وضحت الرؤيا مزبوط و الجو ما بشجع للشتوي او التفكير فيه :(
عرفتها الخفافة كتير مريحة و انا كل يلي بشتري صرت عم اتجه للفلات احسن شي :thumbs_up: و شو هي قائمة المشتريات التانية و كيف اوضاعك المالية قرب الموعد ما بدنا مصاريف زيادة ;)
الف سلامة عليكي اذا لسى الوضع مش مستقر خليكي على مراجعة الدكتورة و ما تتهاوني بالموضوع و ما عليكي شر ان شاء الله
و ان شاء الله تكون جمعتكن انتي و سورية على خير و بركة قوليلي شو سيرة الحب في هالجمعة الحلوة و الاشياءات التانية :lol:
وينك انتي والله مبارح اشتهيتك معنا بالسهرة والنق على زواجنا وحواتنا هههههه
يسعد صباحك كاتس ... كيفك اليوم وكيف تالا؟
والله السوق حلو لا ازمة ولا شي وخصوصي انك بتنزلي لحالك من غير شر لزوجك لان انا زوجي بنئ كتيير هههه وبضل بقللي ماخلصتي ماعجبك شي بقى انتي بنعمة :D
وخلص بصورلك العبايات وبورجيكي ياهم من عنوووني انا جبتلهم ياهم سادة بس عند الكم بيجي ضيق واله اكسسوارات حلوة طبعا ذوق شام انا مادخلني
ومباركين الاغراض الك وللبنوتات انا بحب هالكنزة كتير وخصوصي اذا كان معها حزام عريض وتحتها سكليس ايييييييه بتججن :thumbs_up: لبس الهنا والعافية ياارب
ويالله كل تاخيرة فيها خيرة تاني مرة اتعلمي تسوي البنشر هههههه مزح مزح والله يخليلك زوجك يارب
وعن القائمة والله الاطفال بيتسهلكوا اكتر منا ودائما قائمتهم اكتر واطول من قائمتنا هههه
بس عن جد هالجو غريب حتى بسوريا نفس الشي الله يعفو عنا ياارب بقى لا تشتري استني مالك معطلة على شي
انا حاليا مالي مفكرة اشتري شي الي ابدا بس العفو الخفافة اللي قلتلك عليها وطرحة بقصد شال اسود يعني فوق العباية وغير هيك مابدي شي على قولتك والله عم احافظ على القروشات اللي معايي:) منشان اللي بالي بالك
وتسلمي والله ماتشوفي شر والله بعدني على المضاد وان شالله يوم الاحد المراجعة والحمد لله
CATS_ANGEL;13844669:تسلميلي و الله كلك زوء :L::L::L:
هلأ التوزيعات رح تكون نفس فكرة هدايا الاطفال يلي حكيتي عنها ضل فكر شو بدي حط فيها و من وين اجيب العلب :confused:
قالب الكيك هيدا اكيد رح نوصي عليه يمكن يكونو 2 لانو حيجيني تقريبا 20 شخص غير الاطفال :worn_out:
البالونات وصيت عليها اليوم و السي دي عندي من على الجهاز اغاني كتير بيبقى اركبلو سماعات كبيرة يوم الحفلة
عجبتني فكرة الرسالة على التلفونات متل يوم ما ولدتها بعتت رسالة للكل و كانت من حبيبة قلبي مونو بعتتلي اياها لما ولدت رورو و انا سرقت الرسالة و الفكرة منها :o
ايه بدي اعمل بوفيه و هالغالب بدي جيب شغلات جاهزة او اذا عندك افكار سهلة و احضرها قبل بوقت بكون ممنونتك يعني لو عملت كم شغلة و جبت كم شغلة ممتاز :thumbs_up:
افكارك كلها روعة تسلميلي شو انك بتجنني F:F:
روحي على محلات تجهيز الهدايا اذا في عندكم هيك شي ... او ممكن تلاقي بالاسواق الصينية اذا متوافرة عنكم يعني بصراحة كاتي من هلا بدك تدوري منيح لان ماعندك وقت كافي وخاصة احنا يومنا بسنة ههههه
هلا عادة بحطوا فيهم حلويات متنوعة للاطفال بالاضافة للعبة خاصة بالجنسين
ممكن تكون دفتر رسم والوان او لعبة عادية بشخصية معينة الاطفال تحبها وبلونة بكل علبة
وهيك شي يعني هي هدايا طفل رمزية بيفرح الطفل فيها كتير
الكيكة ممكن على قولتك تجيبي 2 وحدة مميزة وسبيشل للكبار ووحدة اصغر وكمان تكون لذيذة للصغار ويكون عليها شخصية من شخصيات ديزني مثلا او صورة بنوتك
وماشالله عنك وجهك ابيض وانتي ام الذووق والله
بالنسبة للبوفيه ممكن
_ قبل بوقت تلفي ورق عنب بقصد اليالنجي وتفرزيه ...
_ ممكن كم قرص كبة تجهزيهم او ممكن تجيبيهم جاهزين ...
_ فطائر مشكلة تعمليها انتي ممكن تجهزيها قبل بيومين وتشويها وبس تبرد تفرزيها وقبل موعد الحفلة تطلعيها وبس يفك الثلج بالمايكرويف بتطلع كانك هلأ عاملتيها ...
_ جيبي العصائر والمشروبات علب صغيرة صدقيني اريحلك من صرعة الكاسات وممكن تصفيها بشكل حلو بالبوفيه ويالله حطي جنبهم كم كاسة ههههه
_ ممكن تعمللي جيلي قبل بيوم الاطفال تحبه
_ واكيد مارح تنسي الصلطات او التبولة
_ اذا بتحبي ممكم تعملي صينيتين معكرونة بالبشاميل ممكن تجهزيهمقبل بيوم وتاني يوم تسخين
_ عندك سبرينغ رول محشي جاهز بالهايبر ومتنوع فيه جبنة ودجاج ولحمة وفيه جمبري اذا عندكم ماركة السنبلة كتيير طيب او اللي بتعرفوه ..
هذا اللي ببالي وان شالله تكون افكاري ساعدتك شوي ياقمر واذا اتذكرت شي بقلك والله يعينك ههههه