لمتنا السورية اهلا وسهلا فيكم لشهر ذو الحجة1431

leeean;13864049:
مسا الخير يابنات جمعةمباركة

هلاااااااااااااااا دمشقية

هلا ياقمر كيفك اليوم ؟؟ ويسعد صبااحك

هههههه ياخوافة يالله ارجعي نامي واكسبيلك ساعة نوم وتالا نايمة من غير شر
انا قبل شوي راح محمود المدرسة وهلأ دور شام بعد شوي
عقبال تالا يارب

الدمشقية;13864803:
هههههه ياخوافة يالله ارجعي نامي واكسبيلك ساعة نوم وتالا نايمة من غير شر
انا قبل شوي راح محمود المدرسة وهلأ دور شام بعد شوي
عقبال تالا يارب

CATS_ANGEL;13861332:

حبيبة قلبي دمشقية لك شو انساكي انسى حالي و لا انساكي بس انتي بدك قعدة طويلة على رواق بعد اذن الصبايا و كنت مأجلتك للمساء و السهرة بعد ما تنام تالا و للاسف ما صحلي لانو ابو الشباب حب يفرجيني المعرض الصيني ولما رحنا ودعناهن لانو كان المعرض خالص و الصينيين ضابين اغراضن و بدن يروحو على الصين ههههههه شفتي على هالفقسة و ليراضيني رحنا على محل سبور و نقيت بدلة سبور الي و لتالا :D

اما نزلة السوق انا عكس العالم كلها جوزي بالو طويل و انا لأ و لما انزل انا و هو بضل نق فوق راسو ليعجل و نطلع 8o|
و شو ماكانو العبايات اذا زوق شام اكيد حيكونو حلوين و بنستنى الصور :thumbs_up:
اما البلوزة ما عليها شي كلو بجيبو لتالا تطريز او شي خياطة لانو غير هيك من اول لبسة تالا بتتسلى عليهن و ما ببقى شي عليها :confused:
اما الجو بدا يتغير و عم يجي هوا بارد مو طبيعي مع انو في شمس و الله الوضع مو طبيعي ابدا عم نتجمد و الشمس طالعة اللهم جيرنا من شي اعظم يا رب :(

اما عن عيد الميلاد فرحت على مول الاطفال و اخدت فكرة عن يلي موجود وممكن جيبو قبل بكم يوم متل الصحون و الكاسات و طربوش العيد :D و البلالين و الزينة اما اغراض توزيعات بعدني ما لقيت في محل كبير في منطقتنا على ما اظن بلاقي عندو هيك شغلات و باسعار رخيصة الاسبوع الجاي على خير بمر عليهن و على قولتك يومنا بسنة :biggrin:

اما البوفيه عجبتني فكرة المعكرونة بالبشاميل خصوصي لجاكر سلفتي لانها ما بتعرف تعملها و كم مرة طلبوها مني اخوات زوجي و فرصة طلع مواهبي ( شفتيني شو شريرة ههههههههه )
اما الجلي مستحيييييييييل مو ناوية اعمل بيتي ساحة معركة لانو اكل الاطافيل بتعرفي كيف بكون حتى لو حطتلهن طاولة لحالهن ما بيقدرو يضلو محلهن و لا حتى بوب كورن :mad:
تبولة كمان اول الاصناف حتكون و الكبة و الفطاير رح وصي عليهن من برا و بستنى الوصفات من لؤلؤة لنقي صنف او تنين و هيك بكفي شو رأيك :!!:

قلتليلي عم تتخبي من حماتك لااااااااااا ما توقعتها منك لو محلك بجاكرها و بضحك بصوت اعلى ( لهيك حماتي ماتت قبل ما تشوفني هههههههه الله يرحمها يا رب و يسامحني :o )

و انا متل ما قلتي بنام مو بكير تقريبا على 11 اكتر من هيك ما بقدر لانو تالا بتفيق بكير لازم لحق ناملي شوي ما هيك و صدقيني انبسطلكن على جمعتكن الحلوة كاني معكن و اكتر و على طول مبسوطين و مجتمعين على خير يا رب

قوليلي كيف كان اليوم مع سورية شبعتو من بعض و لا لسى ما خليتولي اشياء زاكية :'(

ياعمري ياكاتي ينساكي الموت ان شاللهF:
وحلوة فقست الروحة لو كل روحة بتفقس ومنكسب وراها هدية اييييه مندعي كل روحاتنا تفقس خخخخخ كللو كرمال الهدية .... ان شالله مباركة بدلة الرياضة الك ولتالا وتهروهم بعرق العوافي يارب
وماشالله حول زوجك بالفعل غريب بخصوص السوق بس انت جاي العكس يعني بترجع نفس الشي ههههه
وتسلمي لقلبي خلص صورتلك العباية وان شالله بس الاقي وصلة الجوال انزلها على طول كرمال عنوونك ... وماشالله حول تالا شو مالبست اكيد حلو والقالب اسم الله غااالب

اما عن الجو الله يرحمنا برحمته عند الغرب فياضانات وثلوج وعنا شح مو طبيعي يارب يتلطف فينا
قولي والله مبارح عنا الجو بالليل كان حلو كتير يعني هوا حلو خالي من الحر والرطوبة
وياستي يوم الخميس فقست الروحة تبعت البحر بس اجتني سوية والله وشربنا القهوة واكلنا فاكهة ههههه واتعشينا فلافل وحواضر واهم شي مخلل سورية غير شكل صح زوجها تازعهم بس طيبين;)
وسهرنا للساعة 3 على فيلم امريكي اسمه المستهلكون كتير حلو لسلفستر وجت لي وبروس يعني فيلم تحفة :thumbs_up:
وبس تاني يوم الجمعة اتصلت على سوربة وجهزنا الشنطة وعلى البحر خخخخخخخ مافي مهرب وجبنا والله لحمة وكباب وشيش وشوينا هناك عالبحر وسلطة ومكسرات وقهوة وشاي ودرة كمان بس ماجاها دور خخخخخ ... ولعبت انا وسورية دق برسيس اذا بتعرفيه
والاولاد لعبوا ويعني كان حلو اليوم والجو وساعدنا ربك حميد والله لا يحرمني سورية ولا يحرمكم
من احبابكم قولي امييين ... واكيد كل الاكلات الزاكية حسبنا حسابك فيها ووالله اتذكرتك وغصيتلك كمان F:

هلأ بخصوص الحفلة حلو ماشالله الكاسات والزينة وطرابيش الحفلة كتير حلوووو فكرتهم وبعطوا طابع حاص وحلو
ويالله ياقمر ورجينا مواهبك بالمعكرونة هههههه يسعدلي الشرير انا ,,, حلو الواحد يتقن شغلة ويتباهى فيها قدام الناس ههههه ليش لاء
ولاتنسي تكتبيلي وصفة البشاميل تبعم لاني انا بعملها بس مابتطلع معي متل الكيكة
طيبة وبتجنن وكل شي بشهادة الكل بس بتبقى رخوة :(
ولا قلك اكتبيلي طريقتها كلها فضلا لا امرا حبيبة قلبي لاني انا بعملها بالدجاج والفطر والخضار
وحابة اغير ؟ وماشالله البوفيه هيك حلو ولا تكتري منشان انتي كمان تبقي مصحصحة لقبل وبعد الحفلة الله يعينك
وبلا منو الجيلي يقطع عمرو :D طيب شو رايك تجيبلهم لعبة مسدس الماء هههههه مزح مزح بس قلت لحالي اتحركشك وعلى قولتك الاولاد مابخلو شي صاغ سليم
انا لما كانو يجتمعو عندي اطفال العائلة اللي هنا كنت قول لزوجي بيتي اتعرض لغزو ومو اي غزو تتار الله يشهد ....

واي بتخبى مو بشي بس بقول خطية منشان ماحيجها تحكي كم كلمة ههههههه

وقلتيلي مو بكير ههههههه 11 ومو بكير بس برافو والله ماشالله نحنا والله منسهر كتير مو كتير كتير يعني للساعة 3 وممكن تسحب للاربعة شفتي مو كتير :);)
وماشالله حلو برنامجكم مبارح ربي يهنيكم دووم مو يوم والله فرحتلك لانك طلعتي وغيرتي جو
وفرحت لتالا حبيبة قلبي انها انبسطت وغيرت جو واخدت على الاطفال

اهلين ليام لكن قلتيلي اجاكم ضيوف يعني ماطلعتوا ؟
وكيف الجو بقطر حاليا ؟
وانا قضيت الخميس بالبيت والجمعة رحنا على البحر شوينا وغيرنا جو وكان الجو حلو كتير ومناسب والحمد لله تجدد النشاط والله يقوينا جميع

********************

لولوة دخيل صحاب الواجب انا ههههه ستي الله يجزاكم خير ولا يوجعكم ابدا ابدا
وسلامته يوسف والله زعلت عليه لاني صارلي فترة بهالوجعة وماكانت تروح فكيف هو مسكين اتحملها مافي اصعب من وجع الاذن بخرب بيت هالوجع وربي لا يدوقه لمسلم ... ان شالله احسن اليوم ؟ والف لا باس عليه يارب مايشوف شر

صباح الخير:

كاتس: تتهني عهلمشوار الحلو والله طلعةمابتتعوض ماشالله

دمشقية: يعني انبسطو انتي وسورية والله جو البحرحلو هلأيام

أناو الله الخميس قلتلكن اجاني ضيوف بس الجمعة قضيناها بلسيارة اكيد شفتو الاحتفالات بلدوحة عتلفزيون زممير وعلام ورقص فوق السيارات وكل شوي ينزلو مجموعةشباب يوقفو بوش السيارات ويرقصو شي بجنن كتير انبسطت انابحب هاد الجو تبع الضجة وكلو حاطط سارية السواس ههههههه صاير الها شعبية برا سورية كمان ونحنا حطينا سارية معن كمان اشتهيتكن معي كتير الجو حلو اليوم كمان ازا في طالعين

مسا الخير شكرا حبيباي على سؤالكم عن يوسف وهو اليوم احسن الحمد لله وبأذن الله استجاب للادوية نحن ماطلعنا الجمعة من البيت قلنا حرام يوسف خليه مريح وبلاله تغير الجو وروايح السيارات كاتي مبروك عالبدلة وعالمشوار تتهني يارب عنجد شكله مشوار حلو انا كتير بحب هيك اماكن بس لازم انا هلق ازعل منك وين الصور هيك مكان بلا صور معقول:mad:دمشقية تتهنو يارب بها لجمعة والله لا يحرمكن من بعض وزعلتيني على الدرة انا لو منك بترك اللحمة وبشوي الدريات:lol: ليان عنا بالسعودية هيك بيعملو الشباب بعد المباريات معك حق حلو حماسهم بس اوقات بيكون في شوية تهور وبيصير معهم بعض المشاكل الله يلطف فينا سيرة الحب عنا اليوم بطاطا محشية وانكنار وتحتهم خضار مشكلة ومسقعة ورز بشعيرية تفضلوا والحلو كيك بلونين صورتهم مشان تشوفو اكلاتي يعني ماعم تشاركوني بلاكل شاركوني بصور بس للاسف صورت بعد ماشعبنا وفضينا الاكل يعني نتزع شكل الاكلة شوي لك حتى الكيكه قطعتها بنتي قبل ما صورها

بس بدكم تستنو شوي لنزل الصور علاب توب ;)

كاتي عندك اكلة اسمها الفناجين المقلوبة انا بحسها ظريفة بعيد الميلاد بعملها قبل بيومين وبغطيه منيح بنايلون التغليف وبتبقى كأنها تازة وهي عبارة عن بسكوت اوريو من الغامق بتفتحيه وبتشيلي الكريما وبتجيبي بسكوت سادة بتطحنيه بالخلاط وبعدين بتحطي عليه قشذة لونا او اي نوع وكاكاو وبتعجني حتى تصير عجينة لونها اسود بعدين بتعملي بالخلاط الحشو وهو عبارة عن نسلة وجبنة كيري ونسكافة وبس تخلطيهم بتجيبي فنجان قهوة مرة وبتحطي بقلبه ورقة نايلون مشان يسها عليكي سحب القطعة وبتاخدي من العجينة كورا وبتفتحيها من الوسط وبتحطيها بالفنجان وبتحشيها بعدين بتسكري عليها ببسكوتة الاوريو وبتسحبيها من الفنجان بتصير عندك كانها قبة والقاعدة بسكوتة الاوريو وبتكملي الطريقة بباقي العجين وحلاوتها هي الاكلة انه شكلها غريب وما بتوسخ كل واحد بياخد وحدة بدون لا تقطيع ولا شي

ممكن تشتري كيك جاهز من الفرن وتفتفتيه بيدك وتعملي بحمام مي زبدة وسكر بودرة وكاكاو وتسكبيه عالكيك وتجنيه مع بعض وبعدين تكوري منه كور صغيرة وتدحرجيها بجوز الهند او تصفيها بصحن وتصبي على وجهها شكولا سائل وبتصير نفس اكلة البول او راس العبد

سكسيه :بتجيبي بسكوت سادة وبتكسريه بعدين بتعملي بحمام ماي زبدة وكاكاو وسكر بودرة ةبتصبيهم عالبسكوت وبتخلطي وما تخليه البسكوت ينهرس وفيكي تضيفي جوز مفروم مع البسكوت بعدين بتحطي الخليط على قصدير وبتلفيه متل السندويشة وبتحطيه بالفريزة وكمان ممكن تعمليها قبل بكم يوم وبتقطعيعها وقت الحفلة على فكرة انا ماعم اعطيكي مقادير لانه هي الاكلات كلها بتنعمل بالنظر حسب الكمية وحسب الرغبة

هلق في شي انا بساويه بحسه ظريف وبيقبل عن الفطاير بجيب خبز سندويش صغير وبعمله سندويشات بحشوات مختلفة متل بعمل شيش وبحشي السندويشة بقطع الشيش وخس مفروم وكتشاب وصلصة التوم اوبجيب هوت دوك وبحشي السنويشه قطعة هوت دوك وبطاطا مقلية وكتشاب وخردل او مايونيز او بجيب فلافل جاهزة وبجهزها بالسندويش مع بندورة وخس ولبن وطحينة وغالبا مانت تنال اعجاب المدعوين

عندي حلو بالصواني متل ترماسو وتشيز كيك وبسكوت بالكسترد وتوفي قوليلي رايك بيلي كتبتهم بعدين بكتب الباقي اذا بيناسبوكي

هي غدانا بس للاسف بعد مافضيناها صار الخضر من فوق والبطاطا من تحت مع انه كانت العكس:D