CATS_ANGEL;13810159:
مرحباااااااا حبيبتي دمشقية الف سلامة عليكي يا رب و وجع الضراس جربتو خصوصي العقل الله يعينك يا رب و منيح يلي تشجعتي و رحتي و قصة التهاب الاذن و وجع الضراس سمعتها من قبل سبحان الله كيف كل الجسم مربوط في بعض
اما عن سلفتي فاول مرة بحسها بتحسب حساب كل كلمة بتحكيها قدامي او الي لانها عرفت اني ما عاد خليها تنكد علي او اسكتلها و كانت السهرة اخر روقان الحمد لله :rolleyes:
وانا جبانة متلي متلك خصوصي النسائية لهيك كانت فكرة اللولب مستحيلة :confused: و مرة ضليت اتوجع من طاحونة العقل 3 ايام بلياليها لحتى ما اوصل دكتور اخر شي جوزي سحبني سحب بالليل لاقرب طوارئ اسنان و كان الدكتور ايدو خفيفة ما عرفت كيف خلعها و كنت مفكرة انو ما بتنخلع الا بعملية لهيك كنت ميتة رعبة و مر الموضوع بسلام و احلى شعور و انتي مرتاحة بعد فترة وجع طويلة :cool: و ان شاء الله بتمر امورك بسلام و طمنينا عن مغامراتك عند الدكتورة اول باول وما عليكي شر ان شاء الله :L::L:
ما معها حق حماتك ابدا بشغلة الاطفال اقل شي تحكي متل ما بدكن و انا اول مرة بسمع انو في ام ما بدها تشوف كمان اولاد لابنها يعني بكون عندهن عشرة و بتقلهن نفسي شوف كمان ولد الك :lol: اما الوضع عندك غريب عجيب وما تردي على حدا المهم راحتك و رأيك انتي و جوزك
بتصدقي انو لليوم ما حكينا لحدا اني وقفت حبوب لحتى ما يضلو كل شهر يحكولنا شو صار و لسى لانو النصيب ما بتعرفي ايمتى بيجي و خليهن على قولة وقفي حبوب و لا يضلو يحكو ليش ما صار حمل لهلأ و لما يصير على خير بتكون مفاجأة :p
ومبارح كنت عند اهلي جمعتنا الاسبوعية انا و اختي يلي اكبر مني و انبسطنا هيدا اليوم بستنى من الاسبوع للاسبوع صحيح بروح خلال الاسبوع بس جمعتي مع اختي بنفس اليوم بضل الها طعم غير شكل الله لا يحرم هالجمعات لحدا يا رب F:F:F:F:
اهلين كاتي العسل وحشتيني والله ,,,
وربي يسلمك من كل شر اااه خليها لله والله ايام من عمري مابتنسى الحمد لله على كل حال
واكيد بدي اتشجع لان وجع ساعة ولا كل ساعة
وياستي الكريمة رحت مبارح كمان عند الدكتورة ... دكتورة الاسنان عملتلي تنضيف وحشوة مؤقتة وبعد اسبوع لاعمل الدائمة ان شالله
ودكتورة الاذن مراجعو وكمان كتبتلي على مضاد حيوي بس سيروم يعني واخدته بالمستشفى
والحمد لله على كل حال
وفرحتيني الحمد لله اللي قضيتي سهرة رايقة عن سلفتك ماشالله عنك واكيد اسلوبك علمها الاحترام معك ... او يمكن عم تفكر تعقد صلحة وتكسبك صاحبة الها خخخخخخ
ياستي الله يديم المحبة بين البشر يارب
وحماتي قصتها قصة وكل يوم بعقل ههههه الله يعينها ... وياستي انا قلتلها وقلت لزوجي اللي الله كاتبلي ياه انا راضية لانهم اتنينهم مابشجعوا ... بس مابدك اخلص من قصة الاسنان اللي طلعتلي اول ههههه
وبرافو عليكي قال استعينوا على قضاء حوائجكم بالكتمان هيك افضل ولما راح يصير حمل ويعدي عليه فترة صغيرة بتبقي بتخبري الكل .. والله يكتبلك اللي فيه الخير يارب
ويخليلك اختك واهلك وزوجك وبنوتك ويجمعك باحبابك دووم بالخير
اي والله جمعة الاخوات حلوة .... انا وسورية مسببين لزواجنا عقدة خخخخخخ
من كتر مامنجلس ومنكركر ...