لمتنا السورية اهلا وسهلا فيكم لشهر ذو الحجة1431

شامة;13777233:
سلام يا حلوت
هلق بتقولو بتغيب بتغيب وبتطل فجأة شو اعمل قلة فضا ونحس الكومبيوتر وصل عندي كومبيوتري بيشتغل نص ساعة وبيفصل قالولنا مروحة المعالج بدها تغير
كاتي القهوة السادة بدمي وما بوعدك بطلها والها جلسة خاصة سألي لؤلؤة عنها

الدمشقية;13783786:
يسعد اوقاتك ياكات القمر ,,, شايفة بالله عقدني مبارح اللاب توب
بس قللي زوجي المروحة بدها تنظيف وهي شغلته ههههه الله يخليلي ياه دائما بظبطلي ياه وبفرمتو والذي منه بقى مابخاف اذا صار شي للاب توب لان بضمن يتصلح بسرعة خخخخخ
بيطفش من نقي :D

وخلاص راح اعتمد الهدية باذن الله وان شالله بتتيسر الامور هههههه وبحطها وين ماكان لاتخافي علينا :cool:
ويالله روحي لعند سلفتك واتدللي ولا تحطيها ببالك لو شو ماحكت وشو ماصار وخليكي مثل الجبل اللي ماتهزه ريح:thumbs_up:
واه خليها لربك والله حبالي طويييلة بس والله هالوجع من وين طلعلي مابعرف والمشكلة اني رحت الدكتورة مبارح مارضيت تشتغلي فيه قال ملتهب واعطتني مضاد حيوي ومسكن
وان شالله الاحد ببدأ تصليح وعلاج ,,, ياربي انا من غير شي جبااانة واكره علي شغل الاسنان
بس الحمد لله على كل حال
وعن القهوة لك في اطيب منها والله شوفي انا ماادمنتها الا من زوجي وحماتي والا ماكنت اشربها الا بالمناسبات ... بس عاد شو بدك تقولي ادمان هههه بجد وهي طلعوا بنات الشات كلهم مثلي ههههه وهالشي حلو ومشجع :D
وان شالله صحة والف هنا على السمك والله انا كرهتو حماتي قرفتني فيه مع انو لازم كل جمعة ناكله بس قرفته حشى نعمة ربي من كتر مابتصيبها حالات وهي عم تاكلو :-#
بس عموما اكلة طيبة وغير شكل وبالعافية على قلبكم

واي خديها لتالا ولا تقصري حتى انتي بدك تغيير جو والله الوحدة فينا بدها بريك كل فترة وفترة ولازم يكون مميز وغير شكل حتى نقدر نكمل واجباتنا

وبتمنالك نهاية اسبوع حلوووة انتي كمان وربي يخليلي ياكي ويخليلك احبابك ياااربF:F:

CATS_ANGEL;13785008:

الله يخليكن لبعض يا رب حلو كتير يكون في مين يحل المشاكل اول باول :thumbs_up: انا كان عندي اخي بيعرف كتير و عندو محل للاسف سافر على امريكا :(

و اكيد ما بدك مين يحكيلك او يخاف عليكي :rolleyes:
كمان شوي رح نطلع عند سلفتي و شو ما حكت انا تعودت يمكن اولها كنت اتحسس و هلأ ما عاد تأثر فيني بالعكس صرت عم ردها و ما اسكت بطريق غير مباشر او بزت الحكي عن طريق المزح و يلي يفهم بفهم المهم ما خلي شي في بالي :lol:

مييييييين الجبان 8o| لا ما بعرفك هيك قوي قلبك و اخلصي من هالوجع و جددي الطابق كلو :rolleyes: انتي ضحكتي علي شجعتيني على الحمل و تركتيني لحالي :( الاسبوع الجاي بدك تروحي يعني بدك تروحي :mad:

انا جوزي بمووووووووووت بالقهوة السادة وما عرفت انعدى منو و مهما طلبها بعملها الو لحالو او بحلي فنجان بين وقت و التاني
لا ما بدنا تتشجعي بدي اعمللكن كلكن دورة في معالجة هيدا الادمان عشان صحتكن و حبلش دور على مقالات اضرار الكافيين و القهوة :study: لحتى تخافو و تحسبو حساب :cool:

ما فهمت عليكي دمشقية شو بعمل مع حماتك و اذا بدايقها ليش بتاكلو سامحيني فهمي على قدي هالايام
انا بالاسبوع بعمل مرتين سمك مقلي لانو نحنا شخصين فما بقدر جيب سمكة كبيرة لاشويها بس مبارح كتير كان نفسي فيها و حاولنا نجيب اصغر حجم من يلي بنشوى ومع هيك كانت كبيرة المهم قضيت نفسي
السمك عندكن كتير اطيب و بيجي طازة مو متل عنا ما بتلاقي غير لما تدوري و انواع محددة و اغلب الموجود بقولو عنو طازة بس تلاقي نسي شو هو البحر

ان شاء الله بما انكن كلكن عم تتوصو في تالا ما رح قصر فيها الفترة الجاي بعد ما طلعت مبارح حاسة انو نفسيتي تغيرت شوي و رح بلش اطلع و فوت اكتر الفترة الجاي تسلميلي و الله و بوسيلي اطافيلك و هدى خانوم كمان بما انك حتشوفيها بكرا شو حبيتها لهالبنوتة بس شفتها يخليكن لبعض يا رب:L::L::L:

لؤلؤة الشام0;13791020:
يسعد صباحك يارب يا كاتي شو هالفطور الحلو هاد وغنية فيروز الاحلى واحلى ذكرتيني بصباح الشام وايام الشام تسلم يديكي وسلامة قلبها تالا ان شاء الله عليها العافية

لؤلؤة الشام0;13803219:
مسالخير يا بنات كيفكم كلياتكم كلياتكم على قولة دنيا اسعد سعيد رجعنا للمدارس ولروتين بتعرفوا اوقات الروتين حلو وبيصير بيحنله الواحد يعني اكلك ونومك كله بوقته بالجازة كلشي بيختلف تكسير بدن والله ودعنا الاجازة بمشوار كتير حلو طلعنا عطائف وكان الجو خياااااااال برودة وبخبخة مطر عنجد روعة ونحن وراجعين كان الجبل كله ضباب ومافي احلى من احساس انلك ماشية بقلب الغيوم بقا يلي بيقدر يطلع عطائف لا يقصر لانه متعة طلعنا نحن واهل جوزي اخدنا غدا من عند مطعم الباشا اول طريق الهدا مشاوي تركي وبيتزا وشاورما وسمبوسة وقعدنا بمنتزه قريب من الميقات كنا بدنا ندخل على النقبة الحمرا بس غيمة الدنيا بقا خفنا تنزل المطر قبل ما نتغدا قمنا وقفنا باول منتزه لقيناه وكان فيه العاب حلوة للاولاد ومتل العادة الاوقات الحلوة بتخلص بسرعة ورجعنا عالبيت دمشقية هي تقرير مفصل عن نهاية الاسبوع عنا وانتو كيف قضيتوه وسلامة قلبك على وجع الضراس والراس مافي اصعب منهم

الدمشقية;13791716:
جمعة مباركة عليكي ياقمر وسلامة قلبها تالا مسكينة الطفل بيبرد بسرعة وببلش بالرشح والكريب سلامتها

وتسلميلي والله وربي يخليلك زوجك وتالا F:
كيف مشوارك لبيت سلفك طمنيني عدى بخير وسلام ولا فيه منغصات ههههه

واه اي والله انا جبااانة انا بموت خوف من الدكاترة وخاصة النساء والاسنان اهئ اهئ والله لو تشوفيني بجلس على الكرسي وجسمي عم يرجف بس قال شو جابرك على المر قال الامر
والله اليوم صبحت على صداع ووجع راسي كلله وان شالله موعدي الاحد بس لازم اروح بكرا والله عايشة على المسكن والاتهاب تعبت:(

اتخيلي منشان الاولاد انو حماتي بتقللي لشو الله يخليلك اللي عندك بكفي وقال بس ليكبروا ولادي اكتر ساعتها افكر واجيب :confused: قلتلها بدي اشيل اللولب واريح نفسي صار حمل الحمد لله ماصار حمل كمان الحمد لله بتبقى الشغلة من الله ... شو رايك ؟


ونيال قلبك برافو خليكي هيك تضرب القهوة وسنينها خربتلي سناني:thumbs_down:
وان شالله اقدر ابعد او على الاقل خفف منها الله كريم

وبخصوص السمك عوافي وهنا اي والله السمك بجنن عنا والجمبري كلله طيب وسلامة فهمك بس ماكنت بدي قرفك وخصوصي انك عاملة سمك مبارح
ياستي بتبلش تاكل وهي عم تاكل بتصير بتشلع نفسها وبتحاول تراجع العفو ... مع انها مابتراجع بس هيك بتقرف وبتقرفنا الله يعينها ويعينا:thumbs_down: وانا خلص تعي دوري علي مابقدر اشوف هيك مناظر يعني ابني بقرف منه بهيك حالات فمابالك ...؟

ستي الله يعينها ويحسن كبرتنا يارب ..

واي اهتمي بطلعة تالا ختى تغير جو وانتي بالماعية هههه وربي يخليها ووصلت البوسات وخاصة لهدى تقبر قلبي راح اكلها اكل مبارح الله يخليهم ويهديهم ويشوفوا الايام الحلوة يارب