الدمشقية;13820985:
والله انا الافطار شلتوا من القائمة من زماااان وحتى غدانا للساعة خمسة ستة على جية زوجي
بس انا باكل يعني ممكن اكل خيارة هههه .. ارجع اكل حبة شوكولا واذا غبصتها بعمل ميني سندويش ههههه
طيب ليان ماعندك جيران ؟
لولية;13821152:حبيبتي ليان أنا عندي 3 بنات علياء عمرها 22 سنة وياسمين 20 سنة ولما 28 سنة الأولى والأخيرة مخطوبات والتلاتة عم يدرسوا بالجامعة الأمريكية ببيروت وزوجي عايش بالسعودية هي مختصر عن وضعي وان شاء الله يا رب ربي يرزقك اللي بتتمنيه بس والله عندي البنات أنا وزوجي أدالدنيا وحبيباتي هني كتير حناين
شامة;13830089:
ليان صباح الخير انا دارسة فنون نسوية خلصت دراسة وتزوجت اول ما تزوجت ما كنت اشتغل بس بنفس الوقت ما بحسن اقعد بلا شغل فكنت الهي حالي بشغل البيت والخياطة واشغال الفنون وحفظ القران واتفنن بالطبخ وطبعا ما انس حالي لازم اعمل لمسات سشوار وماكياج والذي منه ههههههه و بعدين اشتغلت انسة صف بروضة اطفال لسنتين وبعدها قررنا انا وزوجي نعمل مشروع صغير ورشة خياطة وبنشتغل فيها سوا وهلق بالاضافة لشغل الورشة استلمت انسة انكليزي لطلاب روضة يومين بالاسبوع يعني حاملة عشر بطيخات بوقت واحدهههههههههههه ومع كل هاد اذا صارت عندي ساعة فاضية بدون ما اعمل شي وهاد مستحيل طبعا بمل وبنكش شغل من تحت اضافري
الدمشقية;13817859:
اهلين كاتي العسل وحشتيني والله ,,,
وربي يسلمك من كل شر اااه خليها لله والله ايام من عمري مابتنسى الحمد لله على كل حال
واكيد بدي اتشجع لان وجع ساعة ولا كل ساعة
وياستي الكريمة رحت مبارح كمان عند الدكتورة ... دكتورة الاسنان عملتلي تنضيف وحشوة مؤقتة وبعد اسبوع لاعمل الدائمة ان شالله
ودكتورة الاذن مراجعو وكمان كتبتلي على مضاد حيوي بس سيروم يعني واخدته بالمستشفى
والحمد لله على كل حال
وفرحتيني الحمد لله اللي قضيتي سهرة رايقة عن سلفتك ماشالله عنك واكيد اسلوبك علمها الاحترام معك ... او يمكن عم تفكر تعقد صلحة وتكسبك صاحبة الها خخخخخخ
ياستي الله يديم المحبة بين البشر يارب
وحماتي قصتها قصة وكل يوم بعقل ههههه الله يعينها ... وياستي انا قلتلها وقلت لزوجي اللي الله كاتبلي ياه انا راضية لانهم اتنينهم مابشجعوا ... بس مابدك اخلص من قصة الاسنان اللي طلعتلي اول ههههه
وبرافو عليكي قال استعينوا على قضاء حوائجكم بالكتمان هيك افضل ولما راح يصير حمل ويعدي عليه فترة صغيرة بتبقي بتخبري الكل .. والله يكتبلك اللي فيه الخير يارب
ويخليلك اختك واهلك وزوجك وبنوتك ويجمعك باحبابك دووم بالخير
اي والله جمعة الاخوات حلوة .... انا وسورية مسببين لزواجنا عقدة خخخخخخ
من كتر مامنجلس ومنكركر ...
لولية;13819016:صباح الخيرات يا أمورات اليوم أنا مكسلة كتير عطيت السيارة لبنتي وقلتلها تاخد إخواتها ويروحوا عالجامعة ما جاي عبالي اطلع برة البيت جاي عبالي هيك اشتغل شوي بالترتيب بالبيت وسيرة لحب اليوم محشي كوسا وبيتنجان وفليفلة وقرع
ليان أهلا وسهلا فيكي أنا لولية سورية ساكنة ببيروت مع بناتي التلاتة وأنا أكبر وحدة بالتشات يعني إنتي بتطلعي من أد بناتي
دمشقية حبيبتي والله وجع الضرس صعب والأصعب منه وجه الأذن بقى برافو عليكي جامعتيهن مع بعض ايه هيك وجاهة أكتر بس عنجد زعلت عليكي
يا بنات مونو وينها غايبة حدا بيعرف وحتى ياسمينة ماعاد بينت
شامة;13830011:
صباح الخير
كيفكن يا حلوات وين غاطين ما عم اعرفلكن وقت حاولو نظبط شي ساعة نجتمع فيها كلنا
بس مو يوم الاحد او الاربعاء بكون عندي دوام بالروضة ههههههههه نقاقة انا مو شحادومشارط
الله يعافيكي دمشقية ان شاء الله خف الوجع شوي
لولو حبيبي بأذن الله رمروم صارت احسن بس شهد المسكينة صار عندها رشح مع هجمة اسنانها كأنو بدو يطلعلها شي سنون وعقولة دمشقية هالجو الله يجيرنا ويبعتلنا المطر
لولوية الله يحميلك بناتك عنجد البنات حناين الله لا يحرمن لحدا انا كمان عندي تلاتة وصبي بحس البنات حنيتن غير شكل
كاتي صباحو وبرافو عالسهرة الحلوة تغيير جو
leeean;13831530:
ههههههههههههههههه يعني مافيكي ماتتعبي حالك لازم تضلي عم تشتغلي انا عم فكر درس بروضة اطفال او اشتغل بالتصوير او هيك شي يعني نشالله لاقي بسرعة
CATS_ANGEL;13835850:دمشقية يا عيوني ليكني جيت اسفة تأخرت عليكن لاني متل ما وعدتكن اني رح غير جو هالاسبوع مبارح نزلت على السوق اخدت نظرة سريعة وما اشتريت شي كتير لاني ناوية ارجع بكرا او بعدو لكمل كل يلي بدي اياه و اخد تالا على الحديقة و اليوم نزلت عند اهلي كمان مرة لاني اشتريت كم قطعة لفروحتي و استعجلت لشوفهم عليها و روحت طبخت سمك فيليه بالطحينية و الحامض لبكرا لاني مع نزلة السوق و الحديقة ما رح لحق اعمل شي:D
الجو عندنا بعدو متل الربيع صحيح ما بحب البرد لكن الوضع مو طبيعي ابدا الله لا يحرمنا المطر و الشتا اكتر من هيك و الامراض عم تزيد ان شاء الله يكرمنا الايام الجاي بالشتا و الخير يا رب:(
الف سلامة عليكي و الله زعلت انك اخدتي سيروم لانها بتوجع و بتدايق كتير طمنيني عنك هلأ ان شاء الله الامور رجعت طبيعية :thumbs_up:
ايه معك حق مية بالمية لانك ما شاء الله عنك ما الك فترة منيحة باللولب و يلي بعرفو انو الو مدة معينة و الحمدلله اولادك كبار يعني متل ما قلتي اذا الله كتبلك الحمل خير و بركة و لو لا سمح الله ما صار حمل لفترة فهيدا نصيب و الحمد لله على كل شي
اما انا و سلفتي نضرب صحبة فهيدا مستحيل لاني بعطي للشخص احسن ما عندي و بعطي اكتر من فرصة لكن اذا شفت انو ما قدر المنيحة و اعتبرها ضعف او هبل فبدو يتحمل بعدين نتيحة تصرفاتو وانا متأكدة انها ما توقعت مني كل هيدا فكرتني بسة مغمضة او هبلة و على نياتي لاني تعاملت اول زواجي معها بأريحية و طيبة و صارت بدها تعمل انها السلفة المسيطرة لهيك هلأ هي بحالها و انا بحالي و حاولت تعزمني اني اروح من اول النهار لاخر وانا ما رضيت لاني بدي يضل تعاملنا رسمي و زيارة ساعتين زمان و خلص هي يلي اختارت مو انا ( خليتيني اتذكر يلي مضى لهيك حكيت كتير :D)
و يخليلك اخواتك و اهلك يا رب و تبقو تكركرو كل يوم انا و اختي ما بنمل و نحنا بنحكي على النت و لما نروح عند اهلي و لا كأنو كنا نحكي كل شي على النت كأنو النا زمان ما شفنا بعض :lol: و انتي و سورية ظروفكم كمان لازمها تكونو مع بعض دائما و تخففو على بعض غربتكن و خلي ازواجكن يغارو هنن ما بكركرو يعني :p
CATS_ANGEL;13836034:بدي اسألكن عيد ميلاد تالا التاني بيجي ب 22 هيدا الشهر فبدي افكار جديدة لانو هالسنة تالا عم تفهم شو بصير بالعيد مو متل السنة الماضية و اكيد متل السنة الماضية حنعزم اهلي و اهل جوزي و قولتكن اعمللها توزيعات عيد ميلاد لاني ما عملتلها لما ولدتها و بقيت نفسي فيهن و لا انسى الموضوع و فكر بشغلات جديدة اعطوني ارائكم
شامة;13836724:
اهلا كاتي كيفك وكيف تالا معك حق هيك عم يصير ناس فاضية تاس مشغولة يلا الا ما نجتمع شي مرة
مرة شفت موضوع عن تحضيرات اعياد الميلاد ببقا برجع بشوفه وبعطيكي الرابط