رووفة;13649881:
هاتيها ههههههههههههههه
انتي عملتي المربعات بتاعت الشيكوالاتة ازاي
انا ماتهنتش بالتورتة الاوغاد اكلوها مش فاكرة طعمها حتى
هواالفراخ الكنتاكي دي عملتووها ازاي
شكلها حلو اووووووووووي
shimaaafifi;13649944:
صحيح يابنات نسيت اقوللكم انا النهارده عملت بطاطس بحشوة البيتزا وكانت وهممممممممممممممممممممممممممممممم
جبت بطاطس قورتها وشوحتها فى حتة سمنه وعملت الحشوه دى
طمطم وفلفل اخضر وزيتون وجبنه رومى وموتزاريلا وحبة لحمه مفرومه ورصيتها فى الصينيه وحطيت عليها تسبيكة الصلصه وحطيت عليها ريحان وجبنه برده عالوش
يالنهار ابيض عالطعم مجرررررررررررررررررررررررم
انا اخدت واحده بس عشان الدايت وعشان مااضعفش قدامها خدت مازن وخرجت لغاية ماخلصت ورجعت تانى
بس بكره هاعملها دايت واخد اتنين
hoobie;13645504:
مبروووك الجزء الجديد كل سنه وانتوا طيبين يابنات يارب عيد سعيد على الجميع ..
ناني ماشاء الله الستريبس شكلها وهم ..معلش ممكن الخطوات بقى يعني انتي قلتي خليط دقيق وميه وفركتي الدقيق معلش ياحبيبتي مش فاهمه يعني ازاي الدقيق اتفرك وهو سايل ؟؟
Boody we zady;13645907:
تسلمي يا غدير
شيكو ربع كوبايه سمنة = 50 جرام
سعاد سالم;13646811:
وبعدين عملت فرك الدقيق بس عملته ناعم مش كلاكيع كبيرة بس وحمرت في الزيت بس انا عندي ديب فراي ممكن يكون دة فرق معايا مش عرفة لانه متغطي وبتحك في درجة حرارته برحتي
نانى يعنى ايه عملت فرك الدقيق؟
shimaaafifi;13647132:
اخرطه يعنى ولا اقطفه هو اصلا متقطف
وكمان هو بيتحط على ايه الريحان الفريش
ممكن استخدمه فى ايه؟
Boody we zady;13647702:
علي المكرونات و الصلصات و صلصه البيزا و كمان فيه سلطات معينه بيتحط عليها
جوزي مش عارف يجبلي ايه من سوريا حد يقوللي يا جدعان
shimaaafifi;13648091:
كفايه كلام عن البرفانات احسن الاكل يكرف ريحه منها خلينا فى الاكل
مره سمعت شيف كان عامل صوص اسمه صوص الباستو هو من الريحان والزيت وحاجه كمان حد عارفه؟؟؟؟؟؟؟؟؟؟؟؟؟؟؟
نور التقوى;13648703:
السلام عليكم
كل سنه وانتم طيبين ويارب يحقق لكل واحده الى تتمناه يااارب
وحشتوووووووونى كتير اووووووووى
عاوزه اعرف طريقه الفراخ الكنتاكى الى نانى عملتها بس بالتفصيل علشان انا موش فاهمه حاجه
ومش عندى مرقه دجاج ولا شوربه ولا بيكنج صودا والفرخه الى عندى كبيره اقطعها واتبلها بايه
وعاوزه طريقه البرجر بتاع ام بودى علشان كل ما ادخل الموقع بتاعها يقولى الرابط غلط
أم ميزووو;13651768:
ناني
هو انا لو تبلت الفراخ وعملت البيض والبقسمات وسبتها في الفريز كده احسن ولا
اتبلها بس ولما اجي اعملها اعمل البيض والبقسمات
وكمان فراخ كنتاكي بفرك الدقيق بتكون احسن ولا بالكورن فليكس والبقسمات
معلش بقي بتقل عليكي
نور التقوى;13652135:
معقول ولا واحده شافت سؤالى والله زعلانه خالص :'(:'(
ياريت حد ينقذنى علشان خاطر الراجل الى هيجى من الشغل شاف الفراخ الى انتم عاملينها امبارح وانا اقوله هعملك زيها وفى الاخر محدش يرد عليا
انا قطعت الفرخه 8 قطع و تبلتها ببصله وملح وفلفل وشطه ولورا وحطيتها فى التلاجه
انا روحت الموضوع نفسه بس حساه كتير اوى وداخل فى بعضه ومش فاهمه حاجه
دلوقتى اعمل ايه بقى بعد ما اشيلها من التتبيله بالله عليكم الى جربتها تقولى اعمل ايه
وعاوزه طريقه للجمبرى البانيه علشان عندى جمبرى وعاوزه اعمله
ناني فيبس;13652452:
بصي يا نور انا لما عملت الفراخ عملت فراخ فيليه معملتش فراخ صحيحة
لان بسبس قالت ان الطرريقة دي بالفراخ الصحيحة صعبه اوي ومتعبه وبتاخد دقيق كتير
وكمان انتي بتقولي عندك فرخة كبيرة بصراحة منصحكيش تعملي الطريقة دي بفرخة كبيرة الطريقة دي عايزة بالكتير الفرخة تكون كيلو عشان تستوي كويس من جوا
فدي نصيحتي لكن لو انتي مصممه
يبقى هتعملي 3 خطوات
1 دقيق بس سادة تحطي فيه الفراخ
2 دقيق عليه ميه يعملوا خليط سايل وعليه ملح وفلفل وبهارات تحطي فيه الفراخ بعد ما حطتيها في (1)
3 دقيق تبلي ايدك شويه ميه وتحطيها في الدقيق وتنضفي ايدك من الدقيق بانك بتفركيه من على ايدك الفرك دة بقى اللى هينزل حطي فيه الفراخ بعد ما تطلعيها من (2 )
الموضوع واضح ومش صعب
اما الجمبري البانيه
عادي تبلي الجمبري المقشر بملح وفلفل وتوم وليمون وبعدين حطيه في دقيق وبعدين بيض وبعدين بقسماط وقليه
وممكن تعمليه بنفس طريقة الفراخ بس حطيه في خطوة (1 ) و (2 ) بس من غير خطوة الفرك دي
du;13642710:
حبيتى المايونيز ممنوع للحوامل اصلا منعا باتااااا اوعى تاكليه تانىىىى :|
Boody we zady;13645537:
عندي برد رهيب و صوتي طالع بالعافيه و العيال مجنني خالص مش عارفه أعمل ايه ربنا يهديهم
*Om Mo3az*;13649516:
بنات بجد انا زعلانه منكو اوىىىىىىىىىىىىىىىىىىى
مش عارفه اليومين دول ليه نفسيتي بايظه من المنتدى كل لما ادخل موضوع واتكلم محدش يعبرني
بجد هعيط والله
