miramiro;13848150:
ازيك يا زهره تعبانه انتى ههههههه
دبلانه ايه بس بعد الشر عليكى يا حبيبتى
بكره ان شاء الله هعمل فراخمع خضار فى الفرن
و لسه بفكر اعمل مكرونه و لا ارز
دى العناوين و الصبح التفاصيل ان شاء الله نعمه اووووى انى عرفت هطبخ ايه
انا دايما اصحى اقعد فكر و ادور هوب الاقى الساعه 2معملتش حاجه و اقعد اجرى بقى و ابدا فى الاكل متاخر
عايزه ابطل العاده السووو باد دى
الله المستعان ان شاء الله
تعملي رز طبعا مينفعش مكرونة مع الخضار كده
ولازم تقرري من قبلها بيوم انا معرفش اسيب نفسي محتاسة كده هههههههههه
لو مش مقررة بتبقى الحوسة عندي اني مش عارفة هاعمل ايه نوع صنف الخضار بالضبط بس لازم يكون مووجود
lifedrop;13848318:
ما شاء الله يا نور
بحس ان مراة باباكى دى طبيخها فى امسبكات حلو
انا بعمل الكوسة على طول بطريقتها بتطلع حلوة مع انى مكنتش بحبها
وحجرب دى كمان ان شاء الله
ربنا يهديكو لبعض ويصلحلكو الحال يا رب
ربنا يخليكي لو تسمع الكلمتين دول هتفرح قوي ههههههههههه
هي طبيخها مش حلو بس لما بقول على حاجة معينة مش باحبها مش حلوة
بتفضل وراها وتضبطها عشان كلنا ناكلو
ربنا يهديها وتطاوعني بس وتسمع كلامي في اللي بنصحها بيه في الطبخ
امهات اخر زمن هههههههههههههه :lol:
بنت من الزمن ده;13848399:
بجججججججد الحاجاات تحفه الفخدة والفراخ التكا وكلهكله تحححححححححفه انتو بجد ماشاء الله عليكوا انا بكرة هعمل سمك مقلي ادعولى بقى يطلع حلو يااارب ياارب اول مرة اعمله انا لسه جديده ف المطبخ خااالص كنت قبل كده ماما اللى بتطبخلي كنت مدلعه خااالص بس كله جه على دماغي ف الاخر انا ماما قالتلي السمك نحط جواه توم بلمون وكمون وملح وشويه فلفل اسود صغنيين ونسيب التتبيله دى جواه بنكون حشيينها فيه بتاع ساعتين مثلا وبعد كده نقليه ف الدقيق انتو كماان بقى بتعملوه كده ولا بتزودو حاجه تانيه .. عارفين برنامج بيرفوت كونتيسا اللى على فتافيت قبل كده عملت للسمك تتبيله حلوة اوى بس مكنتش بتحطها جواه كانت بتغمسها فيه بس مش فاكرة بقى كانت بتحط السمك ف دقيق قبل ما تقليه ولا لا
كتير قوي ساعتين في التتبيلة علشان الثوم كده بيحمى طعمه في السمك
بصي انتي نضفي السمك حلو ماشي
رشي عليه ملح كتير كده يعني حوالي 3 معالق كبيرة وقلبي السمك كله في مصفى وسيبيه على جمب نص ساعة كده واشطفيه
اعملي الدقة
راس توم تفصصيها كلها يكون توم كتيييير + قرن فلفل اخضر قطعيه + معلقة صغيرة مليانة كمون + شطة لو الفلفل مش حامي + شوية ملح صغيرين علشان بس يهرسو التوم كويس يعني حوالي معلقة صغيرة (كل المكونات دي دقيها في الهون كويس قووووي) طبعا الكمية دي تقدري تكتري وتقللي على حسب كمية السمك يعني لو سمكتين مش هتعملي كل ده ههههههههه
وربع ساعة كده ولا نص ساعة وحطيه في الدقيق واضربيه باديكي علشان ينزل الدقيق اللي ملهوش لازمة علشان ميتحرقش منك الزيت واقليه على نار وسط بس مش واطية علشان ميشربش منك زيت وبس يا جميل
حلوة كمان طريقة شيمو انا مجربتش الكرفس، بس الكرفس بصفة عامة حلو
بنت من الزمن ده;13848413:
صحيح هو السمك البلطى ينفع يتحط ف الفرن او يتعمل بطريقه غير اتنه يتقلي ويشرب زيت كتيير وغير الشوى عشان معندييش شوايه
اه زي ما شيمو قالتلك
انتي ممكن تعمليه زي السمك البوري في صينية تعرفي ازاي؟
أم مازن*;13848487:
مازلت بستعد بس شكلها كده مافيهاش نزول
ادعى ربنا يكرم وهاستعد احلى استعداد
لييييييييييييييييييه يا حبيبتي بس؟
ربنا يفرج كربك ويجي ياااااااارب بالف سلامة والله هادعيلك :(
أم مازن*;13848696:
جاتلى فكيره تنفع للفطار او العشا
هانجيب بطاطس مهروسه ولو عندنا كبشة لحمه مفرومه متعصجه ومعاها بقدونس وجزره مبشوره وبيضه مسلووووقه ونعمل البيضه بقطاعة البيض كده ونعملها زى البرجر ونقلبها فى دقيق ونقليها ونحطها فى كيزر مع خس ومايونيز وحلقاط طماطم
ايه رايكم تنفع
طبعا الفكره مستوحاه بس الفكره بس انا المضمون بتاعى
اجربها ولا هاتبقى مش حلوه
هى فطار او عشا
حلوة قوووووووووووووووووووووووووووووووووووووووووووووي
انتي تعملي شريحة البيض الحشوة بتاعة البطاطس دي صح؟؟ في النص يعني تقفلي عليها
