19 مرة نقول يا تري بتعملي الأكل ده أزاي ؟ ( مبدعات مصر القمرات ) شهر ذو الحجه

هتجيبي بصلاية كبيرة مبشورة وتشوحيها في زيت على حتة سمنة
لما تدبل وتصفر تنزلي عليها قطع اللحمة كده نونو ورشة ملح وفلفل وتشوحي فيها وتنزلي بعصير طماطم على معلقة صلصة وشوية شطة وسيبيها تستوي كويس وتزودي مية لو تحبي لحد ما تستوي وتشرب ميتها والصلصة تتسبك
تكوني قالية البدنجان
تحطي طبقة بدنجان بعدين اللحمة وبعدين البدنجان
ممكن كمان تقلي فلفل رومي وتحطيها فوق اللحمة كطبقة هيبقى جمييييييييل
وتحطيها في الفرن 10 دقايق لانها اصلا مستوية وتحمير وش وبس يا جميل

نور جديده طريقة الفاصوليا دى شكلها حلوعموما ماباكلش الفاصوليا الخضر نيفر

أم مازن*;13847799:
انا الكوسه المقليه كتبتها فى مشاركه ومش عارفه راحت فين حدش شافها وهو ماشى كده



المهم انا بقطع الكوسايه تلات شرايح بالطول واقليها فى زيت سخن واكون عامله دقه فص توم مع فلفل اخضر وملح وكمون واعصر عليهم لمونه او اتنين واحمر الكوسه لغاية ماتبقى دهبى كده
واقلب عليها الدقه جميييييييييييييييييييله

مشوفتش حاجة شكلها هربت ههههههههه
طريقتك زي مشمشة انا كده لاااااااااااااازم اجربها ان شاء الله دي طريقة جديدة عليا ;)

ازيكم يا احلى شيفات
يارب افتكر كل الردود لانى مش عامله اقباسات

ليكا
ازيك يا حبيبتى عامله ايه
البيتزا تجنن ما شاء الله تسلم ايدك انتى وماما
و طريقه الطرف دى مفهمتش غير انى هلفها بس من الطرف فهتبقى اتخن صح كده؟
بس مش فاهمه هيبقى فى زيادات ازاى
ما علينا المهم هبقى الفها وخلاص
انتى بقى عملاها بمقادير ايه
وكنتى حشياها ايه

ايمان
ما شاء الله الفخده شكلها جميل تسلم ايدك

نورما
تسلم ايدك يا جميل الفراخ شكلها يجنن كنت هسالك على الطريقه بس لقييتك قولتيها الحمد لله

ام نونه
انا بجيب مودزريلا دومتى و جميله الحمد لله

ايه تانى ايه تانى

اه النهارده عملت بيكاتا بطريقه سوسى وكانت حلوه عملتها بمكعبات المرق معنديش ديمى جلاس
بس على راى سوسى المفروض مكنتش ازود ملح فى تتبيله اللحم الاول لانها طلعت حادقه شويه

و على فكره عملتها باللحمه عاديه قطعتها طويل و دقتها شويه مش بلحم استيك و لا بفتيك ههههه تزوير فى اوراق رسميه ههههه

نور
جزاكى الله خيرا ياحبيبتى على طريقه الفاهيتا
متشكره اوى ياحبيبتى ربنا يكرمك يارب و يروق بالك

شيمو
عامله ايه وحشتيننننى
وميرسى على طريقه الفاهيتا ياحبيبتى

ام يوسف
ازيك عامله ايه فينك و يوسف عامل ايه
وتسلم ايدك الاكل شكله جميل

منمن
مش قلنامنجيش هنا علشان الدايت هاااا
وكمان بكره دوناتس ؟!!
المهم تطلع حلوة يارب وبالف هنا وشفا ياجميل

بنت من الزمن ده
ازيك انتى يا حبيبتى
انا كويسه الحمد لله ميرسى على سؤالك يا جميل

بسبس
ياترى اخبار ورقه اللحمه ايه
لو طلعت حلوه قوليلنا الطريقه عالطول

نانى
ازيك ياحبيبتى عامله ايه
وايه اخبار التورته اكيد عجبتهم ما شاء الله
نانى لو سمحتى ممكن تقوليلى بتعملى البرجر فى الفرن ازاى وبياخد وقت اد ايه وبيبقى حلو؟؟؟

مشمش
ازيك يا جميل
اخبار الرولز والاكل ايه عجبهم فى الشغل
و فين الصور عايزين نشوف

نور وشوشو تسلمو ربنا يجزيكم خير هعملها باذن الله بطريقتكم
ميرا بالف هنا هتطبخى ايه بكره هههههههههه

شيكو
ميرسى ياقمر على لينك فراخ تكا بتاعت ام معاذ جزاكى الله خيرا ياجميل

ام معاذ
انتى بتعملى الفاهيتا المكسيكان زى الشيف حسن
طيب طريقتها ازاى؟

ازيك يا زهره تعبانه انتى ههههههه
دبلانه ايه بس بعد الشر عليكى يا حبيبتى

بكره ان شاء الله هعمل فراخمع خضار فى الفرن
و لسه بفكر اعمل مكرونه و لا ارز
دى العناوين و الصبح التفاصيل ان شاء الله نعمه اووووى انى عرفت هطبخ ايه
انا دايما اصحى اقعد فكر و ادور هوب الاقى الساعه 2معملتش حاجه و اقعد اجرى بقى و ابدا فى الاكل متاخر
عايزه ابطل العاده السووو باد دى

الله المستعان ان شاء الله

هههههههههههههههههههههههههه عسل ياميرا سوو باد ههههههههههه ولا رز طبعا احلى بكتير

شوشو ونور طب انا ينفع اسوى اللحمه الاول واقلى البتنجان واجيب صنية واسبك فيها الطماطم واقلب كله على بعضه ف بايركس وع الفرن ولا ايه؟؟؟

وكمان ياشوشو احط خل مع اللحمه ليه؟؟؟عشان تستوى صح؟؟

شكرا يازهرة ياقمر ومراميرو اتفضلو حتة
ام مازن ازيك ياجميلة
شجعتونى والله انتم واحشنى جدا انشاء الله هحطلكم اطباق تانية

@زهرة دبلانة@;13847294:
اغمسه ازاى ياانوووس ؟؟؟تقصدى اقطعه واقليه ف الفرن انا فعلا هعمل كده يجزيكى خير وبيبقى حلو ولازم نقطة زيت
وربنا يصلح لك الحال ويعافيكى ويبارك ف نانو ويرزقكك الجنة ياانوس

نورما انا هعملها باللحمه مش بالمفروم

يااااااااااااااه كل ديه دعاوى ربنا يتقبل وليكى بالمثل يا رورو ربنا يكرمك

بصى انا بقطعها شرايح طخينه شويه واحطها فى طبق فيه لبن واطلعها واحطها فى صينيه وعالفرن وخلاص من غير اى زيت وبجد بتكون حلوه وخفيف واحسن من المقلى

-----------------------------------

بنات انا عندى فاصوليا بيضا عوزه طريقه لسلاطه بيها وتتاكل جمب ايه وكمان الحمص

وحد يقولى موزريلا حلوه غير بنده وله ليها لزمه

مايونيز;13847439:
نودي الفاصوليا الخضره بتتشوح بتجيبي كام فص توم مدقوقين وتشوحيهم في الزيت واما يتحمروا ضيفي الفاصوليا تتشوح ربع ساع كده وبعدين ضيفي عصير الطماطم والبهارات وبس

علي فكره احنا مابنعملشي فاصوليا خضره لواحدها دايما نعملها مع الكوسه مش بنحب الكوسه لوحدها وبيبقي طعمها روعه اوي اوي ابقي جربيها

ياه لو كنتى قولتى علىحوار الكوسة من يومين كنت سبيت حبيتين كوسة مطبختهومش وعملتها معاهم
حجربها ان شاء الله يا دودو
جزاك الله خيرا يا حبيبتى
متنسيش الشيكولاتة:cool:

بيرق أمل;13847580:
هابقى احط خل اهو بالمرة عشان تبقى ملعلعة من النضافة :lol:



لا بنشوحها
بصي انا هقولك طريقتي لاني مبحبش الفاصوليا الخضرة بس ماما مرات بابا عملتهالي بطريقة خلتني باعششششقها
انتي هتعملي التسبيكة بتاعتك عادي جداااا
هتجيبي طاسة تانية او حلة صغيرة وابشري بصلاية صغيرة وشوحيها برشة ملح وفلفل اسمر وفص ثوم كبير متخرط لما تبدأ تدبل انزلي بالفاصوليا وافضلي قلبي لحد ما تطرى وتدبل برضه نزليها على التسبيكة بقى
وتكوني مخرطة حوالي 4 فصوص ثوم تنزليها معاهم نيين على التسبيكة والفاصوليا وزودي بقى مية براحتك وسيبيها تغلي تكمل سواها في التسبيكة
بجد رهييييييييييييبة احلى فاصوليا ان شاء الله هتاكليها ;)

ما شاء الله يا نور
بحس ان مراة باباكى دى طبيخها فى امسبكات حلو
انا بعمل الكوسة على طول بطريقتها بتطلع حلوة مع انى مكنتش بحبها
وحجرب دى كمان ان شاء الله
ربنا يهديكو لبعض ويصلحلكو الحال يا رب

@زهرة دبلانة@;13847602:
بصى ياندى انا بعملها بالطريقتين بس بيقولو التشويح احسن باين نور قالت كده تشوحيها ف بصلة وبعد كده تتسبك ف الطماطم ووممكن تحطى لحمة فيها

جزاك الله خيرا
خليكى هناك وتابعى وصلة الردح:lol::cool:

أم مازن*;13847699:
انا بعملها زى اى طبيخ يانودى
بشوح بصله وانزل عليها اللحمه تاخد لون وانزل عصير الطماطم
الفلفل والبهارات
واما تتسبك انزل بكوباية ميه واما تقرب تستوى احط الملح والفاصوليا وشعرة سكر
واسيبها تستوى

جزاك الله خيرا يا شيمو يا مظبطنى على طول
استعديتى؟؟;)

ازيك يا ميرا
والنات اللى كانوا بيسالو على طريقه للبرجر
انا بخرطله بصله حلقات ومكعبات طماطم وفلفل اخضر وملح بسيط خالص وفلفل وبهارات وشعرة سكر وافضل ادعك ادعك ادعك وحط حبه تحت البرجرر وحبه فوق البرجر وادخله الفرن بقى يستوى براحته وطعمه وااااااااااااااااااااو

بجججججججد الحاجاات تحفه الفخدة والفراخ التكا وكلهكله تحححححححححفه انتو بجد ماشاء الله عليكوا انا بكرة هعمل سمك مقلي ادعولى بقى يطلع حلو يااارب ياارب اول مرة اعمله انا لسه جديده ف المطبخ خااالص كنت قبل كده ماما اللى بتطبخلي كنت مدلعه خااالص بس كله جه على دماغي ف الاخر انا ماما قالتلي السمك نحط جواه توم بلمون وكمون وملح وشويه فلفل اسود صغنيين ونسيب التتبيله دى جواه بنكون حشيينها فيه بتاع ساعتين مثلا وبعد كده نقليه ف الدقيق انتو كماان بقى بتعملوه كده ولا بتزودو حاجه تانيه .. عارفين برنامج بيرفوت كونتيسا اللى على فتافيت قبل كده عملت للسمك تتبيله حلوة اوى بس مكنتش بتحطها جواه كانت بتغمسها فيه بس مش فاكرة بقى كانت بتحط السمك ف دقيق قبل ما تقليه ولا لا

صحيح هو السمك البلطى ينفع يتحط ف الفرن او يتعمل بطريقه غير اتنه يتقلي ويشرب زيت كتيير وغير الشوى عشان معندييش شوايه

@زهرة دبلانة@;13848194:
هههههههههههههههههههههههههه عسل ياميرا سوو باد ههههههههههه ولا رز طبعا احلى بكتير

شوشو ونور طب انا ينفع اسوى اللحمه الاول واقلى البتنجان واجيب صنية واسبك فيها الطماطم واقلب كله على بعضه ف بايركس وع الفرن ولا ايه؟؟؟

وكمان ياشوشو احط خل مع اللحمه ليه؟؟؟عشان تستوى صح؟؟

ينفع يارورو بس الطعم هايختلف يارورو اما تعملى معاها اللحمه هاتبقى جميله

والخل عشان المسقعه بنحط معاها معلقة خل واكيد هايساهم فى سوا اللحمه

بنت من الزمن ده;13848413:
صحيح هو السمك البلطى ينفع يتحط ف الفرن او يتعمل بطريقه غير اتنه يتقلي ويشرب زيت كتيير وغير الشوى عشان معندييش شوايه

اه ينفع طبعا ياجميل يتعمل صينيه بعمله كده لحماتى عشان ممنوعه من كل المحمرات والمسبكات ومابتحبش المشوى ومابتاكلش غير البلطى بس مابتحبش انواع السمك فبعملهولها صينيه بالبصل الاخضر وطماطم ودقة التوم بتاعة السمك ومعلقة زيت زيتون واقلبهم واحشى بيهم السمك واحطه على وش السمك باقى الخلطه دى وبيبقى جميل اوى

بنت من الزمن ده;13848399:
بجججججججد الحاجاات تحفه الفخدة والفراخ التكا وكلهكله تحححححححححفه انتو بجد ماشاء الله عليكوا انا بكرة هعمل سمك مقلي ادعولى بقى يطلع حلو يااارب ياارب اول مرة اعمله انا لسه جديده ف المطبخ خااالص كنت قبل كده ماما اللى بتطبخلي كنت مدلعه خااالص بس كله جه على دماغي ف الاخر انا ماما قالتلي السمك نحط جواه توم بلمون وكمون وملح وشويه فلفل اسود صغنيين ونسيب التتبيله دى جواه بنكون حشيينها فيه بتاع ساعتين مثلا وبعد كده نقليه ف الدقيق انتو كماان بقى بتعملوه كده ولا بتزودو حاجه تانيه .. عارفين برنامج بيرفوت كونتيسا اللى على فتافيت قبل كده عملت للسمك تتبيله حلوة اوى بس مكنتش بتحطها جواه كانت بتغمسها فيه بس مش فاكرة بقى كانت بتحط السمك ف دقيق قبل ما تقليه ولا لا

انا بحط توم كتير مع فلفل اخضر وكرفس وبقدونس وملح وكمون وفلفل اسمر وبهارات وادقهم كويس اوىىىىى واعصر عليهم لمونه واحشى بيهم السمك واسيبه يتبل واقليه بالقيق ولو عايزياه زى بره اعملى دقيق بمية بسي يبقى سايل شوية زى عجينة الكريب كده وحطى معاه شويه من دقة التوم بتاعة السمك ونزلى فيها السمك واقليه بس بيشرب زيت جامد

lifedrop;13848318:
ياه لو كنتى قولتى علىحوار الكوسة من يومين كنت سبيت حبيتين كوسة مطبختهومش وعملتها معاهم
حجربها ان شاء الله يا دودو
جزاك الله خيرا يا حبيبتى
متنسيش الشيكولاتة:cool:

ما شاء الله يا نور
بحس ان مراة باباكى دى طبيخها فى امسبكات حلو
انا بعمل الكوسة على طول بطريقتها بتطلع حلوة مع انى مكنتش بحبها
وحجرب دى كمان ان شاء الله
ربنا يهديكو لبعض ويصلحلكو الحال يا رب

جزاك الله خيرا
خليكى هناك وتابعى وصلة الردح:lol::cool:

جزاك الله خيرا يا شيمو يا مظبطنى على طول
استعديتى؟؟;)

مازلت بستعد بس شكلها كده مافيهاش نزول
ادعى ربنا يكرم وهاستعد احلى استعداد

بنت من الزمن ده;13848413:
صحيح هو السمك البلطى ينفع يتحط ف الفرن او يتعمل بطريقه غير اتنه يتقلي ويشرب زيت كتيير وغير الشوى عشان معندييش شوايه

وكمان بعمله بطريقة قشر البياض ساعات بس ده مش دايت
بتبله عادى
واعمله فى الدقيق واقليق ربع قليه واخرجه اكون مجهزه تسبيكة بالبصل والتوم والريحان وحبة دقه تتسبك كويس واحط السمك فى البايركس وعليه الصلصه وعالفرن
روعه برده

lifedrop;13847354:
بنات انتو لما تيجو تعملو فاصوليا خضرة طازة بتسلوقها الاول ولا بتشوحوها على طول
قولولى طريقتكم الله يكرمكم

نودى احنا بنحط اللحمه تتشوح لوحدها تنزل ميتها وبعدين نحط السمنه والفاصوليا والبصل متقصطع صغنتوت اوى والسمنه وافلفل الاسود والطماطم المعصوره ونولع عليها وقبل مانطفى بئا تكون اتسبكت ونزو د ميا نحط التوم والملح وبتبقى حلوه اوى