17 مرة نقول يا تري بتعملي الأكله دي ازاي ؟ ( مبدعات مصر القمرات ) شهر شوال

رووفة;13219390:
عاااااااوزة اسأل سؤال غبي شوية
هوا انتو بتجيبو النشا منييييييييين
من السوبر ماركت عادي
يعني لو روحت المحمل الاقي والا ايه
والا من العطار انا معنديش حد قررريب
واخواتي مطنشني

اه من السوبر ماركت عادى هاتى كوكس او اللى هو كيسه اصفر ده

سوؤال يا بنات لما الكيكه تستوى عادى وهشه بس معليتش يبقى ايه السبب

بصى يا قمر ممكن يكون من البيكنج بودر مش كويس
او تكونى فتحتى الفرن على الكيكه بدرى............لان المفروض تشوفيها بعد حوالى نص ساعه من دخولها الفرن وتكونى حطاها على نار متوسطه 180 هى دى الدرجه المناسبه للكيك انا بعملها عليها وبتطلع تحفه

البيكنج بودر انا اختبرته قبل ما احطه والفرن مفتحتش غير بعد 45 دقيقه وكانت استوت كمان طيب سؤال لما افتح الفرن قبلها بمده فيها مشكله

miobello;13221976:
البيكنج بودر انا اختبرته قبل ما احطه والفرن مفتحتش غير بعد 45 دقيقه وكانت استوت كمان طيب سؤال لما افتح الفرن قبلها بمده فيها مشكله

مش فاهمه فبلها بمده يعنى ايه

طيب ممكن يكون الفرن بتاعك بيسرب الحراره

فجر1975;13221944:
بصى يا قمر ممكن يكون من البيكنج بودر مش كويس
او تكونى فتحتى الفرن على الكيكه بدرى............لان المفروض تشوفيها بعد حوالى نص ساعه من دخولها الفرن وتكونى حطاها على نار متوسطه 180 هى دى الدرجه المناسبه للكيك انا بعملها عليها وبتطلع تحفه

:thumbs_up::thumbs_up::thumbs_up::thumbs_up:

وكمان ممكن يكون البيض مضربش كويس

يعنى يا فجر فتحت الفرن وانا بجهز الكيك لمده كبيره هو ممكن يا نانى يكون مضربش بس اصل انا ضربته فى الكيتشن ماشين لمده ربع ساعه

ناني فيبس;13222253:
:thumbs_up::thumbs_up::thumbs_up::thumbs_up:

وكمان ممكن يكون البيض مضربش كويس

والله اهى دى معلومه جديده على خااااااااااالص

miobello;13222292:
يعنى يا فجر فتحت الفرن وانا بجهز الكيك لمده كبيره هو ممكن يا نانى يكون مضربش بس اصل انا ضربته فى الكيتشن ماشين لمده ربع ساعه

بصى انتى المهم ما تفتحيش الفرن الا بعد نص ساعه وتكونى بداتى تسخنى الفرن وانتى بتعملى الكيكه على درجة 180

بنات انا عملت سينابون امبارح
كان حلو بس ناشف شويه
لو حد فيكم بيعمله وبيكون حلو قوي يقولي الطريقه وبالتفصيل لو سمحتم او تبعتولي اللينك
لحسن جوزي مبيحبش اي حلويات بس بيحبه

بنات ضرورى

انا مطلعه لحمه قطع كبيره اعمل بيها ايييه

لانى لسه صاحيه من النوم ومعملتش اكل فا بليز بسرررعه

بسبس

اعملي فتة

او اسلقيها واعملي معاها اي خضار
اعمليها كبسه
او مقلوبه

قطعيها صغير واعملي كباب حلة ومكرونه

افرميها واعملي حواوشي او كفتة

اقولك بقى على طريقه تحفه للحمه وهدعيلى

طاجن لحمه بالبصل

ااقولك على طريقه وله عرفه



انا بعتلك طريقه طاجن اللحمه بالبصل على الخاص يارب تعجبك

نانى لسه عامله حواوشى من يومين والفته جوزى ملهوش فيها ولا كبسة اللحمه

اسبرسو وصلنى يا قمر تسلم ايدبيكى

بس اللحمه متقطعه نونو ولا كبيره؟

اعملى كباب حله ومكرونه انا لسه عاملاهم وةسلطه خضرا يا بسبس

البنوته ايلى بتسال على الخميرة فى فرق يا قمر بين الخميرة الجافة النشطة والخميرة الفوريه
الجافة لازم تدعكيها بسكر وماء دافيء او لبن وتغطيها فى الكوب ربع ساعه لحد ما تفور والكيلو دقيق بياخد منها 2 معلقة شاى
الفوريه لا بتحطيها على الدقيق فى العجانه او لو بتعجنى على ايدك مع المكونات كلها الجافه والمكونات السائله فى الاخر وتعجنى والكيلو بياخد معلقة شاى بس لانها مفعولها قوى
الانواع بقه خميرة حلو الشام وحشه جدا جدا وبتبوظ الحاجه فى خميرة اسمها باشا او رحاب جميله جدااا هتلاقيها فى خير زمان

البنوته ايلى بتسال على الوريستشر صوص مش هتلاقيه الا فى المحلات الكبيرة وموجود فى كل فروع خير زمان بس دققى شويه جمب الصويا صوص وزيت الزيتون ب13 ج هو انتى هتستخدميه فى ايه ؟؟؟؟؟؟؟؟؟؟؟

كريزى اناناس
كنتى سالتى على فطاير الجبنه والبيتى بان انا باعمل بعجينة البيزا اى حاجه من دول والفطاير بدل حشوة البيتزا هتطى جبنة وزعتر محوج وبس واحلى عجينه عجينة العشر دقائق اعملى سيرش فى جوجل وهتلاقيها بالصور

معلش سؤال بقه
ايه الفرق بين البريانى والكبسه انا حاسهاهم شبه بعض

أم ميزووو;13222322:
بنات انا عملت سينابون امبارح
كان حلو بس ناشف شويه
لو حد فيكم بيعمله وبيكون حلو قوي يقولي الطريقه وبالتفصيل لو سمحتم او تبعتولي اللينك
لحسن جوزي مبيحبش اي حلويات بس بيحبه

دي طريقتي في السينابون و بيطلع جميل الحمد لله بس انت ماتسيبيهوش في الفرن كتير..
http://forums.3roos.com/showthread.php?t=523302

عندى مايونيز كتيييييييييييييييييير وصلاحيته هتنتهى كمان شويه
ممكن ادخله فى اكلات ايه؟؟؟؟؟؟؟؟؟؟؟؟

اعملى بطاطس بالمايونيز
هاتى علبه كيرى واهرسيها معاه واعملى صوص للسندوتشات

ازاى بطاطس بالمايونيز؟؟؟ سلطه يعنى

هاتى البطاطس واسلقيها واو اشويها زى البطاطا كده وقشريها وقطعيها مكعبات
وبعدين هاتى 3معالق مايونيز 5معلق لبن جليب وملح وفلفل واخلطيهم بالبطاطس وممكن تعملى كميه وتحطيها فى علبه فى التلاجه
انا المقادير ديه على 2حبه بطاطس