ǁ♥ǁǁǁ تجهيزات عرائس { ليبيا } لشهر محرم 1431 - 2009 م / الجزء = 6 ǁǁǁ♥ǁ

امورة خطيبي;11008748:

باهي ياهنو ديريلي الفلفل كان غير ينفخ يعطك نقطة وخلاص ضحكتيني على الصبح :085::085:

هنو بكم لقيتيه الطاقم هادا خلي اندور عليه اهني

طرابلسية;11008784:

هنو بارك الله فيك الامانة وصلت
توه غدوة والا بعده انديرلك اضافة
لانى توه ماشية بنبات عند ماما
بدت العطلة عاد
وبعدين نتفقو
ماقصرتيش بارك الله فيكم
عرايس تفكرت حاجة مهممممممممممة
لو شريتوها معاش تقدرو تستغنو عليها وتقعدو تدعولى طول عمرى
لكن استنو لين انزيد نسال عليها قبل
مازال فيه منها او كملت
على اساس بنديرلكم تشويق ههههههه

عروسة قوليلي كم وراغان ناخد وشني الالوان اللي نركز عليهم وحتى مفارش السرير

هنو شوفي هادو شواربي الفوقي يبي شوييييييية بس





ولا فوتيها هاديكا نضحك هادي يبانو اوضح




شوفي يبو ولا ؟؟؟

بنات خلي انوريكم شن شريت حاجات لقيت روحي شاريتهم من فترة ومخزنة اهني عندي في العمل واخدة دولاب خاص بيا وحاطة فيه حاجاتي كان يندرو عليها دايراته مخزن المكتب:037: والنبي خدمة صبح وعشية والحوش مانروحلاش الا في الليل زي الفندق ومرات خاطري بتفرج على حاجاتي قلت خلي انخليهم اهني وخلاص لما يجي موعد العرس انعبيهمله في السيارة وانقوله ستفهم انت وخلاص :094::094::094:

هاي شوية نوتي الصور بس

امورة خطيبي;11008934:
هنو شوفي هادو شواربي الفوقي يبي شوييييييية بس





ولا فوتيها هاديكا نضحك هادي يبانو اوضح




شوفي يبو ولا ؟؟؟

وهادا البدي لوني دهبي في الاكحل طالع مشناه في الصورة تقول عليه قهوي

وهادي قونة للركبة لونها قريدجو شوفو السبتة الصقع انحب حاجات الموطوات :094:





طبعا هادي لونها موف غامق غير في الصورة مش عارفة خير دعوتها طالعة هكي

:037::037::037:بيسا انتي حطى اللماعين واني انحط الحوايج وبعدين انديرو خليطة شن رايك:037:

يابنات شن رايكم انديرو تجمع ثاني خاص بالهدرزة العادية انهدرزو فيه على كل شي:055: عن الحياة اليومية والمواقف وهكي نبدو فيه مش متقيدين وخاص بينا احني الليبيات
خاطري في هدرزة حرة خارج نطاق التجهيزات وهكي يبدو عندنا تجمعين نتلاقو فيهم :045:

مشالله عليهم شواربك مش مستحقين نفخ زى الاجنبيات بالزبط وانا مازلت ماشريت حاجاتى الشخصية قلت نكمل حاجات الحوش قبل

ايوه انتي يارومانتك عروسة ليبيا حتى اني نتمى يوم يهديلي ورد احساس رهيبببببب

باهي فكرة تو انحطله ورد مع هدية الترقية باش يعرف اني انحب الورد ويجيبه مرة تانية

طرابلسية;11004615:

عروس ليبيا

اوكى حصلتلك المقص الايرانى

كيف الرأى؟

السلام عليكم

طرابلسية بارك الله فيك يا طيبه والله حليتيلي ازمه بجديات

خلاص اختي اعطيني عنوانك او رقم هاتفك على ا لخاص وتوا نبعثلك صديقتي راهو محترمه وبنت مشاء الله عليها توا تاخد منك المقص وتعطيك الفلوس بس قوليلي حصلتي لي وليها ولا واحد بس ؟؟؟؟؟؟؟؟

انا نستنى فيك يا طيبة ردي عليا ما تعطلي وسامحيني انا امس كنت في المزرعه وماخديت اللاب توب معاي لذلك ماكنت متابعه

ياخية نجيكن ونجى لمتكن والله نرايف عليكن كان ماخشيتش فترة
بنات بالاخير ذرورى تفتحوا قسم هدرزة بدل ماضرورى كل مشاركة فيها استفسار
اصلى ماااااااااااااااااااااااااالة
يابنات انا مواليد87 شهر 10 بكرة نخش فى رابع سنة خطبة:01:
صح انا نحب خطيبى بس مالة خلاص كل مواضيع الدنيا حكينا فيها نبى نعيش معاه
سبب التأخير البنى هوا ماشاء الله لاقوة الابالله( وحدة خايفة من العين) :039:يبنى فيى فلولة هذى تصغير فيلا وهوا يقول اصبرى عشان تجيك حاجة كويسة
انا استغليت فترةالخطبة كملت دراستى وتو نخظر دراسات عليا:097: وتعلمت الطبخ :012:والمكياج والجو الرومانسى:074: والرقص:015: وخلاص غير يجى
اه عارفة روحى طولت بس والله مالة وقلت نفضفض اصلا التأخير هذا انعكس على علاقتلا بيه وقعدت ديما توتر:059:
شن رايكن يا بنات