ǁ♥ǁǁǁ تجهيزات عرائس { ليبيا } لشهر محرم 1431 - 2009 م / الجزء = 6 ǁǁǁ♥ǁ

سؤال المخالفه

بنات هل تحكن للعرسان علا تجهيزاتكن من ملابس النوم وحركات الدلع ولا تخلن فيها بعدين تكون احلالالالالا


اموررررة حبيبتي ممكن يكون معني سؤالك الخاص يتغير الحب بعد الزواج وايام الخطوبه احلالالالالا ؟

هلا حبيبتي بيسا:L:

الموهوب هوا متاع الجلاء وعندهم مصنع فالصابري الطلبيه ديريها في فرع الجلاء وهما يرتبو مع المصنع للمقدار الكبير


علا فكرة عندهم تورتات حلوة وف البوم لصور تورتات العرسان


كان خاطري ندير تورته الزفه عندهم

لكن راجلي اصر علا اصحابه حلوني بوعشرررين
درنها 10 ادوار طمعها حلووووو يهبل لكن الشكل مش حلوووو


اظني راجلي عنده صورتها ف تلفون كان لقيتها نزلها

الحلووو كتبت عليه ف رد سابق ليا قدمته ف بكوات فالمدخل جبتهن من مصررر

ولقيت وحدااااااااااات حلوات ف سوق المصريه راقيااااااات ال 100 ب 30 دينار او 35


تفاصيل العشاء والحلو ف ردودي شيكي عليهن

رد سؤال المخالفه

ايوا بيسوو الحلويات كانن فالمدخل وعلا جنب في ديكور معين

وعلا الجنب الاخر بكوات الخلوط = المكسرات

بكوات الخلوط من بنغازي ذهبي نفس متاع مصر و متاع المكسرات زينتهن صبيتي بلفه تشبه بكوات الحلوياات

:)انا درت يكور معين فالمدخل كان هو الحدث بنات امشن واسالن عليه ف روز

ممر من اعمده فخمات مذهب ومن الجنب ينزلن اقمشه نحاسي وكريم وذهبي وزي باقات الورد يتدلن فوق زي نظام الثريات

الديكور والدخله هذي رهيبه لكن المسرح متاعها جامد بكل

ف ركبتله ديكور اخر من روزا بنفس الالوووان كان ابسط واحلا وبنفس الوان المدخل ونفس الورد مستعمل ف الكوشه والمدخل

وعد مني اول مايجني اي صور انزلهن لكم:)

اخ يا بيسو خاطرك فحاجتي حتى انا خاطري نقولك حتى صوري ماشفتهمش --------------قهررر نبي نبكي :'(اهي اهي اهي

بيسو حلوووووووووو

:thumbs_up:


اللون الحني او النبيتي انا نحبه يوحي بالدفء وحميمي ورومانتك <<<<<< هذا رايي انا:)

رد علا اموره


الهديه هكي حلوة ماتبغاليش حلوة ومناسبه لترقيته وبدون مجامله حسيتها مناسبه للحدث وتهبل


اسفه عقلي مشغول وموحشني جو حوشنا وماما كل ما يكلموني نزيد نرايف:(

بيسو

الباكوات ناعمات حلووووات

تقريبا نفس الجووو مع فارق الالوان


نستاذن عرايس طالعه انا وراجلي نشررو تموين والزي منووو


يلا سلامو

السلام عليكم ياعرايس
مدام هايلة صحيتى بارك الله فيك وماتخافيشي عليه
بيسا ماشاء الله ذوقك قنين
لكن بنقولك ملاحظة
حاولى ماتكدسيش الاثاث
لانه يضيع جماله
حتى المساحات تعطى جمال للبيت
وماتزيديش على روحك مسح غبرة
كل ماتكترى اثاث كل ماتزيدى العبء عليك
وحتى فجية اول بيبي تلقى روحك
مضطرة انك تقيمى الفازات والتحف
وحتى جزء من الاثاث باش تخليله مساحة حركة
وهذا مش رأى بس لكن من تجربتى
وبالنسبة لسؤال اما احلى فترة
فانا انقولك انها الخطوبة بدون منازع
ولو ماعندكش حموات او مش ساكنة معهم
يعنى طنجرة وكسكاس
يعنى هم ساكنين لوطة وانتى فوقهم
اللى يغلى لوطة يركب البخار لفوق
فحتى فترة ماقبل الحمل حلوة
واهم شئ ونصيحة كل ماكنتى واقعية
كل تأقلمتى أسرع
وسامحونى شكله الخاطر ضايق
هذا علاش كترت عليكم

كيف حالكم ياعرايسنا
مدام هايلة بارك الله فيك صحيتى
بيسا ماشاء الله ذوقك قنين وراقي
بس عندى ملاحظة انشاء الله تتقبليها
حاولى ماتكتريش اثاث
لانه العجقة اضيع الهوية
وماتنسيش انه المساحات الحرة تعطى جمالية
وحتى كل ماتكترى اثاث كل ماتزيدى عبء على روحك في المسح والغبرة والذى منو
وطبعا اول مايجى اول بيبي بتلقى روحك مضطرة لقيمان الفازات والتحف وحتى الاثاث
باش تسمحيله بحرية الحركة
فخوديها من قصيرها من الاول
وهذا مش رأيى بس
لكن من تجربتى
وبالنسبة لسؤال احلى فترة
فهى وبدون منازع فترة الخطبة والتجهيز والتشوق للمرحلة الجاية
وحتى فترة ماقبل الحمل حلوة
لووووووووووووووووووو
لوووووووووووووووووووووووو
لووووووووووووووووووووووووووووو
مش معاك حموات
او ساكنة طنجرة وكسكاس يعنى هم لوطة وانتى فوقهم
ويركبلك ياكبادى بخار غليان الطنجرة
وفهمك كفاية طبعا
معليش طولت عليكم شكله
الخاطر ضايق

ننصحك تخدمى الرززززززززززززين
لا اسمع لا ارى لا اتكلم
يعنى اى استفزاز لا ريتى ولا شفتى
وانشاء الله حمواتك يطلعولك زى حماة عروسة ليبيا
شكلها ماشاء الله وقل هو الله احد
عسيسيلة
يد بيد هى وكنتهم الجديدة
وربي يقوى صبرك

هنو الدلوعة
راهو حطيت في بطنى بطيخة صيفى
على ملح الحليب
ناقص الاتفاق كيف بس؟