ǁ♥ǁǁǁ تجهيزات عرائس { ليبيا } لشهر محرم 1431 - 2009 م / الجزء = 6 ǁǁǁ♥ǁ

Hayela;10986407:
كيف حالك عرووووسة
طبعا حتا انى نقول فاطمة شعيب نمبر ون
بعدين نادية الجزائرية وفى كدا كوافيرة كويسة فى سيدتى الجميلة ومزين لمسات فى بن عاشور
وفى وحدة الحق طالعة غبرة اسمها ديانا وفتحت مركز جديد فى بن عاشور لكن الاسعار ناااااار

هايلة بخصوص تصغير الصورة افتحيه اببرنامج بيكشر مينيجير فيه في كل جهازلونه مربع احمر تلقيه في المايكرو سوفت وبعدين خشي لتعديل الصورة edit picture وبعدين ديريلها كوبرس compress picture اخر وحدة تلقيها

الاخت اللى سالتنى على زيت النمل(سامحينى نسيت الاسم عندى الزهايمر حاشاك هههههههههههههههه في حالة الذاكرة) جربته كويس ويخفف الشعر وانتى زيدى ديرى بحث في القوقل (اكتبي تجارب البنات مع زيت النمل)وشوفي تجاربهم
وبالنسبة للمقص الفتلة الايرانى فهوينزع الشعر زى الفتلة بالضبط غير بتقنية اكتر من اليدين مع انه مقص بسيط بس تقدرى تستعمليه في الحوش وتفتكى من مشيت المزينات

باهي منين اخديتيه الزيت وبقداش سامحيني كثرت عليكوحق هو الشيشة امته كبر صبع الايد قداش تسد هادي

صباااح الخير على الحلوين شخبارك يا غدغودة وين كنتى غاطسة انا بندير الحنة الصغيرة فى الحوش بطلة خليجية يعنى بنلبس دراعة وبندير مباخر كديدكور و بنات العيلة كلهم بنلبسهم جلبيات خليجية بس ملقتش فكرة للهدايا المعازيم وكلها فى الحوش عندنا صالة كبيرة شنو رايكن ؟؟؟ وانا حوشى كلة فيه 4 الوان الابيض الوردى الموف السماوى وكلة مودرن مثلا سراميك المطبخ ابيض وسماوى والمطبخ بنديروها ابيض فجبت كل شي تقريبا من نفس اللون بس مع شوية حاجات فيها الوردى وسراميك التواليت لونه ابيض وموف بس ملقيتش فرش لونة موف فاخديت اوف وايت والصالون الارضية بورسلين فضى بصراحة نبى نفصل صالون يكون لونة سادة موف غامق وبنديرلة شوية تتشات فضية هااااا شنو رايكن ؟؟؟؟ الى عندها ملاحظة ماتبخلش راة نقعد دايرة الحوش مهرجان :031::011:

بنات اني لاحظت كل وحدة تتزوج تصبغ شعرها وتقصه مش عارفة ليش تقول هي المشكلة في الشعر ولاشنو :096:

لدرجة انهم كلهم نفس اللون والديزاين والله في عرس اختي قليل مانلقى وحدة شعرها اسود حلو**** الليبيات ولو شقر كلهم :055:

محلاه الشعر الاكحل وبالدات لما يكون صحي ووحدة مهتمة بيه وفيه اللمعة حتى لما تخشي لحفلة تلفتي الانظار ومع الماكياج واللبسة اكيد يطلع منظره اكثر

وجهة نظري ياعرايس ماتصبغوش شعركم شوفو نانسي واليسا وهيفاء وروبي شعرهم اسود محلاه ماعمرهم غيروه الا في مرات تفتيح بسيط امتع لمعة فقط

تعرفو الميش وخصلات الهايلايت تحرق الشعرة حرق وتجففها

يابنات بالدات في الوقت الحالي والكل يعاني من مشاكل الشعر لوحو عليكم المواد الكيميائية وكثرو من الاقعنة والماسكات وحمامات الزيت

وتقبلو مروري ووجهة نظري والناس ادواق

سلامات حبيباتي الي مونساتني



كيفكم اليوم انا تمامو والجو مليحوووو



سؤال المخالفه رد

بيسووو الصالونات حلوووات يهبلن ====== يبن مساحات كبيره شوي خلي بالك لان لو المكان ضيق بيكونو مزرورات زر وبيقيدو الحركه




انا عجبني الصالون الوسطي جداااااااااااااااا بس لو شفتي في كرسي الي مسنده طويل ولونه حمر علا خفيف ===========
لو درتي حاجه زي الصالون الوسطي ممكن تزيدي ادخلي من اللون الحي زي لون الكرسي فالصورة الوسطيه وتزيدي منه شوي ف الاكسسوارات بحيث يبرز اكثر


====== هذا حسب ما نحب انه يكون ف لون حي يكسر الكلاسيك


============ عموما ذوق يا ذوق انتي =====

اموره هلا

الرد ==== حبيبتي انا شعري اسوووووووووووووود فاحم وحواجبي سوود وخليتهن ماصبغتش

والحمدلله اني رضيت عالنتيجه ====== هو الالوان حلوة وتغير تعطي تضوايه للوجه بالمكياااج القوي متاع العروس

والالووون هي الي تبين جمال التسريحات والحركات الي فيها



لذلك لو شورتي اى كوافيره حا تقولك علا الاقل ندرجلك كم خصله
=========لو كنتي رفضه الصبغه ------ كيفي انا

انا كان راي انه الاسود طالع علي وعلا ملامحي الشرقيه وووانه له هيبه علا المكياج القوي


والحمدلله كان حلو


بس نفكر نصبغ ونقص من جديد قبل ما نروح لي ليبيا


عاجبني البلاتيني الي جذوره سوووووووووود =========== الصرراااحه شفته ديرته مدام عايده لكم وحده وكان رهيب



ملاحظه


بس راااااااااااهو الميش والالوان الفواتح بلا مكياج مصيبه تبقي صفره وشاحبه كنك مريضه ========= اختى والكل كانو هك واغلبهن كرهو اللوان الصفره من هالنقطه

انا راي بلون غامق ماتحتاجش البشره تفتيح لان الغامق يبيض معروف كافي معاه قلوس وكحل

=======
هذا رايي وكل حد وذوقه

بيسا الصالون اللى فى النص حلووووووووووووو عجبنى اكثر شى
وانا بالنسبة للصبغة مش حنديرها اصلى ملامحى شرقية شعر اسود عيون سود كبار حوايج غلاظ فالمكيج حيدير جو مع الشعر الاسود والصبغة نخليها مع أول بيبى ياذن الله

مساء الخير
بيساااااا شن دايرة للصفحه يا همي هههههه مكبرتيها قاعده

على فكرة الصالونات حلوة ونحن عندنا واحد في الحوش في الصالات حاطينهم بس خواتي مش مشجعاتني اني ناخد منهم

بس انا قلت لخطيبي ياخد منهن للصالون ان شاء الله يسمع الكلام ويديرها ههههههه

عروس رايقه على فكرة تشبهيني في الافكار واجد وطلعتي حتى في الشكل ههههههه سلمها يارب وحتى انا مش ناويه نصبغ ولا نغير دزاين قصة شعري الا بعد العرس قبل قلت لما نرجع من شهر العسل بس توا بندير زيك هههههههه نقلة منك الفكرة بنخليها على اول بيبي وخلاص

غويده والله افتقدتك وااااااااااااااجد الصراحه معاش تغيبي بالله عليك

بيسا ما صارش من مشيتي لبنغازي اليوم اصبحت مرييييييييييضه

عروسة ليبيا الله مصلي على النبي شورك مشتاقه للهدرزة ربي يسلمك عارفه توا تحملي وتلهي في الحمل والبيبي وتنسينا لذلك بنشبعوا منك توا وبننزلوا فيه اسئلة واستفسارات خواتك تحملينا

انا عندي سؤال ليك بالنسبة للقفه اللي حكيتي عليها اول مرة قلتي خديتها متاع السعف وحطيتي فيها الحاجات انا فكرة لو نحصل واحد شاطر نعطيه السلة السعف عندنا منها اثنين كبار ويصغرهن لينا صغار صغار حتى 200 طرف عادي لاني انا يوم القفه بنديره في صاله حتى هو رغم ان بيتنا كبير بس مانبي نغلب خواتي في الحوسه بعد العرس على الاقل تخف الحوسه شويا انا درت فاتحتي في صالة حوشنا الناس مع انهم كبار بس خلوا الدنيا دمااااار حي حي تعلمت الهدرزة من عروسة ليبيا هههههههههه

المهم عروسة خلاصة كلامي نبي نعرف لو نقدر نصغر السلة هدي لسلات صغيرة او لو فيه جاهز ونحط فيهم زي الحاجات اللي حكيتي عليهم ونغلفهم زي ماقلتي وفركة الدرابيك حلوة وحتى الجرة بس الدربوكه توحي بالعرس اكتر فها قوليلي نلاقي في بنغازي من يديري هل فكرة ؟

عرايس رد علا سؤال الصبغات سؤال المخالفه



== بعد الصبغه وقبل العرس لازم جدااااااااااااااااااااااااااااااااااااااااااا من حمامات زبده وزيوت للشعر


في نوع الزبده البلدي او الزبده العربيه اسالن عليها ماما والصبايا غالبا هي الزبده طبيعيه



لو ماتوفرتش زبده لورباك الاصليه حلوووة للشعر عشااااان اللمعه ومايكونش ناشف




الطريقه المعروفه

دهنه بعد تدفئه الزبد ه ولفه بكيس نايلون لفه كويسه ووووتحطن فووووق فووووطه ساخنه انا نسخن فيها بالكسكاس نطحها فيه وتحتها الميه


ولما يبرد المنشف نكرر نفس الخطوة نسخنه مره اخرى لين يبرد تاني مره وبعدها نشيل المنشف


ونربط اى محرمه او وشاح قديم ونبقى بالزبده ساعتين وبعدها نغسله زينننننننننننن




ف الامارات هناسالت اخصائصي لبناني ف مركز تدواي بالاعشاب

قالي اقل شامبوووو فيه كيماويات ونورمل هو

شامبو بيبي جانسون الاصفر لادموع بعد اليوم ====== توة داروو انواع فيها اضافات



بس الاصفر الاولي احسن وووووووواحد



علا العموم اختى وهي عروس زمان كانت تستعمل فمنتجاته كلها حتى بدي لوشن البيبيات وتوة لما نتفكر ريحته حلوة فعلا تبقى بيبي



انا نستعمل حاليا فالشامبو بس----------------------------


ركزن علا حيوية الشعر حتى لو كان خفيف او مش ناعم لان بعد العرس راح تسشورن وجد

ويجوكم طلعات ومشاوير

والاهم يابنوتات رح يجنكم لحظات الصحيان من النوم والطلعه من الدش وف حاجات اخرى ما يندسنش ----


------ حاولو تركزو علا البنيه التحتيه لشعركم من توا


مع خلطات طبيعيه واقنعه ووصفات تخليكم حتى بلالا روتوش وبلا زينه نورمل حلوات

وبشرتكن نظره وشعركن حيويه ونظاره

Hayela;10996446:
بنات بنسألكم كيف تصغروا فى الصور نبى نحط صور بس يطلعوا كبار هلباااااااااااااااااااا

هلا هايلة هنا تلاقي الطريقه وهي سهله جدا حتتعلميها على طول

طريقة تصغير الصور لعيونك هايلة

هلا عروس ليبيا وكل العرايس الي شروفو توة نورتوووووو



ازيك يا عروس كلامك صح طبعي هك لما نتحمس ننسى فروحي بزياده

او بالاصح متجاوبه بزياده هنا ----- يجي ف بالك شكلي فاضيه هههههههههه ولاخدمه لا قدمه

والله اا نا متحمسه للبنات وكاني بديت نوتي معاهن من جديد صح حياتي مش مشغوله هلبا

لكن مشاءالله اهو هايله و باقي المدامات بصغار والانشغالات ويشاركو



تعرفن زمان كنت نسال ونلف ف مواضيع لتجمعات عربيه ونادرا ما لقيت تجاوب صح وقوي

فا كيف ما نتواصلش مع بنيات بلادي الغاليات


--- مشالله عليهم وانا معاهم نتفكر احلا ايامي ايام الخطوبه


جديات تجمعكن حلو وفيه دفاء بلادي نحس ف روحي نعرفكن وحده من الفويهات منطقتي و وحدده تبتت من الغول كيفي زمان ووحده خطمت علا محل الصابر وو و و و و و و ------- كلهن من بيئتي وتجهزي ونسرفتي مع صحباتي


من الاخير من ريحه الحبايب من بنغازي الغاليه

و حتى طرابلس بفخامه حاجاتها ومحلاتها واسواقها

لي فيها جرة وطريق وذكريات لاتنسى ايام التوتاتي





ربي يسعدكم كلكم..... سامحوني راني لما نكبد نسخن ومانحسش بروحي ننسجم


عروس ليبيا سؤال القفه


حبيبتي انا مصنعتهمش بروحي هما يبيعو فيهم جهازات مصنوعات من جريد نخل وهنا صغيارات زي كمشه الايد تقريبا


وفي حجم تاني اصغرر ------ مايسدش صعب تحطي فيه


فكرتك وصلت لو عندك حد ينفذها كويس ===== ولو عندك مشيه لبنغازي اشري الجهاازات وفري التعب
لانهم الخدمه اليدويه تبي وقت


وربي يوفقك ويهنيكي بعرسك ويجي زي ماتبيه

عروسة ليبيا ردي بالك تاخدي كلامي زي مافهمتيه يا طيبة عارفتك وشاعرة بشعورك انا كنت زيك مغتربه وماشيه لغربه يعني بالعكس ديمه تجي في بالي انتي وام ايهم والدكتورة وكل المغتربات ربي يرجعكن لبلادكن سالمات يااااارب

ولكن انتي نبوك ترجعي لبلادك وانتي في يدك بيبي يا سموحه

عارفه كيف تحسي انتي من البدايه فهمت عليك تحبي تخدمي اللي يحتاجك وكيف عاد وانحن خواتك وغرضنا نفيدوا بعض بس بجد اكتر رودود تعجبني منك لانك كافيه وافيه وكانك تحكي لروحم هدا حلو بجد

اوكي بالنسبة لسؤالي انا ماكنتش نحسابك لاقيتيهم جاهزات السلات نحسابك كاتبه انك صممتيهم بروحك خلاص طالما فيه جاهزات احلى واحسن على الاقل انا ماعندي منو يفضيلي روحه للححاجات هدي لا خو صغير ولا حد ربي يطمنك بجد هكي ارتحت باهي معليش بعد اذنك وين نلاقي المحل اللي خديتي منه القفف هدي وال200 بكم يطلع سعرهم اعطيني العنوان بالزبط واسم المحل وبارك الله فيك الف مرة

وردي بالك تاخدي على خاطرك مني

سؤال المخالفه


الدرابيك ماحصلتش منهم شفتهم عند واحده قالت تقريبا الطرف ب دينار وربع وهي جابت عدد بسيط لي لمه جيابها ومنعرفش قالت من عطار وسط البلاد للاسف دورت انا و محصلتش


لكن لو عندك طريق علا غريااان او حد من سكانها وصي علا الحاجات هاذي تتوفر غاديكاا

انا لقيت ف بنغازي المروحات والجرات وفي البلغه الصغيره ==== حستها مكرره فا خذيت المروحه
============= وكلامك صح فعلا الدربوكه كانت حتكون من وحي المناسبه

محل القفه عطار اسمه الدرناوي ف منطقه الفويهات الغربيه ش قصر عبدو اسماعيل الصفه الي مقابله مطعم الحطاب علا اليسار وقدام شوي ======== عنوانه ساهل اى حد يوصلك له

رد سوال السلات


حبيبتي لا ولايهمك علا قلبي زي العسل بدون تبرير
السلالات راهم واتيات ساده بلا شي انا خدمتهم غطاء بردا احمر وزينتهم بالمروحه ولو دورتي ممكن تلقي درابيك ============== حقى باب الحريه ف الجووووو


اهوووو ديري طله عليهم

ربي معااااك وانشالله بقرب وقت نفرحو بيكي

سلمها عروسة ليبيا سلمك افيم وفعلا الطبيعي ديمة حلو

ايا ياريت شعرتي كحلة اني شعري يعطي على الاحمر وكيرلي لكن ناعم وقريب نهبل على الشعر الاسود لكن مانقدرش نصبغ او اندير مرمودة ولا شن يقولولها اتدير الشيب قالو

حتى اني نستعمل في شامبو الببيي والحق مش مع شعري مية مية وخاطري في زيت البخاخ امتع جنسون لكن ماحصلتاش بالك حد يعرف وين نلقاه في طرابلس

وطبعا هنو الدلوعة انجيب سيرتها بالخير كتبت مرة اقنعة والحق جربتهم ولقيت نتيجة ميه ميه
وحتى فكرة عروس رايقة امتع لما ترقدي اتدير ضفرة في الجبهة حتى هي روعة
واحني راهو هادي فرصتنا على قولتك بعدين معاش نقدرو انديرو اقنعة وحاجات والراجل يبدا ديمة معاك ولا مرات تقعد الريحة ولا حاجة

واكيد انتي الحلوة ياحلوة
معليشي بنسل سؤال شخصي:01: انتي رتجلك تعرفيه ولا خطبة عائلية
ونبي انقوللكم على فكرة خطيبي طبعا ترقى في وظيفته وموتيتله سربرايز خديتله هدية ونبي رايكم اخديت قلم حبر ماركة وخديت حافظة سيديز لكن زي شنطة الدهب غير شفافة وبناخد شكلاطة امتع اللوز والزبيب حجم كبير وبنغلفهم تغليفة حلوة وكان عندكم افكار قولولي
طبعا اني ابتعله على الايميل بطاقة تهنئة خدمتهاله على الفتوشوب تبو انقوللكم شن كتب فيها :014::02: