ǁ♥ǁǁǁ تجهيزات عرائس { ليبيا } لشهر محرم 1431 - 2009 م / الجزء = 6 ǁǁǁ♥ǁ

عروس ليبيا
اوكى حصلتلك المقص الايرانى
كيف الرأى؟

بالله نبي نسالكم
من يعرف وين تباع برفان فيكتوريا سيكريت
واللى شامه يوصفنا ريحته
وهل هو قد الدعاية والا زى اغلب الدعايات

قدرك كبير بقلبي
المقص الايرانى يستعمل لنزع الشعر مثل الفتلة تماما

سلمكن يا حبوبات

رجعنا بعد الفاصل درنا شوبنق للحوش وتعشينا عصيده لقيت رب فالسوق سهفنا


سوال للمخالفه



المقص الايرراني ح هل اصلي مش يخدم مره اتنين ويخرب ----------- نبو الجودة


عموما انا نفكر نستفيد من اقامتي هنا وندير ليززززز بس مش للوجه الوجه نخاااف عليه مررات له اثار والوجه حساس

نفكر ندبيرله ليديا ودرعاني :)والسيقان والوجه والمناطق الحساسه نمشيها حلوة زي ما تعودت



شن رايكن تعرفن وحده جربت حتى ف ليبيا ؟

طرابلسيه

شفت بعض منتجات فكتوريا سيكرت ف محلات مادي فطرابلس مادي وكيل ميك اب فور ايفر

الي جنب محلات روان قرقارش === جيهة هارون اكيد عرفيتها


الكلام اهو شهر 8 وكانو منتجات كريمات وشور سيت للحمام

عاد العطر او عطور زي هكي ماكنش فيه لاني دورت ولفت نظري اسم الماركه

شايفه وشامه زيه علا البوودري وف حتى موف لكن مش الاحمر

شامته علا صحباتي جبته من امريكا طقم كامل ------ انا ماعجبنيش هلبا وف الاخر ممكن انتي يعجبك العطور تختلف من حد لتاني

نحس عطور شانيل وديور والماركات متاع العطور هاذي اقوا ووعطور لكوست

انا نفضلها ولقيت عليها اجماع حتى هنا ف الامارات معروف انها جذابه وخفيفه وسيكسي لشباب -----


وحق ف محل فجنزور شارع المعاقين ======== اسمه الاميره اظني عنده ماركات امريكيه وماركات النجوم زي عطر كرستينا اقوليرا وبرتني سبيرز وجينفر لوبيز والجو هظا قالتلي عليه صاحبتي وحتى بنت عميمه انا شخصيا ما مشيتلش

قدرك كبير

هلا فيك وسلمك حبيبتي اللمه منوره بيكي


رد سؤال المخالفه

المقص قالووو يعمل عمل الفتله ينحي شعر الوجه

======== وحتى انا نحب نعرفه اكثر

ياريت يحطو صورته البنات بلكي نلاقااااه هنياااا ونوفر وقت وتعب



يلا لنا لقاء بكرا سلامات F:

عروسة ليبيا انا مانعرفش انتى في اى دولة
بس تقريبا قريت انك في الامارات
فيه هلبببببببببة تاجرات يبيعو فيه
حتى في منتدى عروس نفسه
ديرى بحث واكيد حتلقى تاجرة قريبة ليك
راهو نقولك
هو في الاول صعب استعماله شوية
خصوصا لانه زى المقص
فلو استعملتى في كل فتحة صبع واحد بس
في الفتح والتسكير يتعبك
لين بعدين تلقيله صيغة
وتبدى اديرى بصبعين وتلقيه اسهل
انشاء الله وصلت الفكرة
امورة خطيبك
انتى وشطارتك وبختك
تبويخ والا شوى ومرات حتى بورديم
نمزح معاك ماتخافيش
انشاء الله بختك باهى

عروسة ليبيا
لعيونك كمشة صور

صباح الورد و الفل كيف حالكن عرايس مشاء الله عالنشاط طرابلسية المقص الايراني مايسسبش بعد الاستعمال زي الفتلة

عروسة ليبيا صحيتى على اجابتك على سؤالى على البرفان
وبارك الله فيك على نعتتة محل الاميرة
امورة خطيبك
زيت النمل اخديته من واحدة جابته هنا في طرابلس
20 دينار وبالنسبة لنفخ الشفايف
فيه اكتر من واحدة امديرة نفخ
في المركز الليبي المالطى
وفيه مستحضرات
فيه زى الروج ينباع في مركز الصفاء
اللي يبيع في زين الاثاث
ينفخ بس مجربتاش
وغيه قلوسات على اساس تنفخ
جربتها
بس هى تعطيك احساس بالنفخ
لانها حارة
لكن في الشكل مافيش فرق
على اساس ناقصات هم ههههههههههه
جوهرة
المقص زى الفتلة بالضبببببببط

صباح النوررررررررررررررر على أحلى وخيات في الدنيا
عرايس بالنسبه لي هدية العريس أني أول أمس كنت في الأسكافي ولقيت عنده طاقم فيه حزام ومحفظه ومدالية وكفر موبايل جلد أصلي يعني الطقم فخم من الخير وتحفه وحاجه مميزه وقلت علاش مانخداش هديه للعرس وتعرفو علبته تهبل وغير هكي حاجه معاها ضمان وتعيش معاه العمر كله
وقلت خليني نقول عليها لي وخياتي بلكي تعجبهم الفكره
وطرابلسيه حبيبتي خلاص كلمه ملح اليوكو توه يوصلك ومستحيل ننساه .

عروسة ليبيا مادام انت في الامارات شوفي سنتر كويس وديري الليزر وبالعكس ننصحك تبدي بالوجه خصوصا لو عندك غزارة شعر لان كثرة التعامل في البشرة تسبب في ضهور التجاعيد بكري وحاجة تانية حتى لو طلع الشعر هدا بعد فترة طويلة ويكون خفيف جدا

نصيحة لي حبوباتي في الصبح
يابنات ماتصرفوش هلبه في العرس يعني التبذير والاسراف والله حرام والنعمه تعشم نصيحتي ليكم كل وحده دير الماير يعني حاجة الأصول والحاجه الي تستر لأني لاحظت المبالغه هلبه والله أنتو تهموني
وصدقوني الحاجه حلاوتها في بساطتها ورقتها وصدقوني هيا ليله وفراقها صبح زي مايقولو وكله زايد
وساعدو رجالتكم يعني حاجه وأثنين سايرو فيها لأنه صعبه على الراجل يحس مرته تبي كل شئ وهو مايقدرش يوفرها
والحكمه والفايده في الهناء أسمعوها من اختكم هناء ههههههههههه مش في الفخفخه والحاجات الزايده والناس صدقوني مهما ديرو بيعلقو يعلقو
ورد علي سؤال للمخالفه
بالنسبه لليزر هلبه داروه وندمو لأنهم ماعطهمش نتيجه .

انا نشجعك على الليزر
خصوصا انك في الامارات
يعنى شوفي مكان موثوق
واستفيدى من قعدتك غادى
حماتى دكتورة جلدية
ودارته في الحروق والتجميل
مش حتى مكان احسن
ومع ذلك
توه افتكت منه ومن هم
ويطلع خفيف
مش زى قبل زى التلول