ǁ♥ǁǁǁ تجهيزات عرائس { ليبيا } لشهر محرم 1431 - 2009 م / الجزء = 6 ǁǁǁ♥ǁ

قاعدات تهدرزن على الرقص حى على الى متعرفش ترقص الة بمبة سودانى وعجين الفلاحة , خيتكن متعرف ترقص بكل وحسيتكن سهفتنى وبدالى رقص اخرى كان نجيبها انديرها مفرش ههههه والغالى معمرة حكالى فهل نتخايل فيه يقولى ترة ارقصى هيييييي شنو اندير هضاك الوقت:hysterical: شكرا على المعلومات عروسة عارفات اسيل نقاانة شلط ياوخيتى :| رايقة قلتى حوشكة فلونة صغيرونة خمسة وخميسة انشالله ربى يهنيك بيها وبعد متروح عروسة اديريلنة فيها لمة كنت بنسألك شريتى الصالون وتوا على اساس العرايس يشيلو حتى فى فترينا امتاع تحف .....انا نبى ناخد سفرة اكل امتاع 5 قطع طاولة وبوفيه طويل وبوفيه كسير واحد اخر مستطيل وطاولة تلفزيون شنو رايكن ولة انبالغ ماهو نبى نساعد الغالى حتى يانارى واجد عليه الحوش مازال مكمل ومزال مصاريف العرس والسياق وييييييييييييييي على هلى الجقابين الى ميعجبهم العجب يقولو كيف مجبنا لخطيبت خوك ايجيبلك شنو رايكن يابنات رانى محتارة والله محتاجة الى رايكن ملية غيركن راهو حتى صحباتى والله مانحكيلهن بهل الصراحة:'(

بيسا خيتى نقولك حاجة
فى البتات عمرك ماتقارنى روحك بحد لو انتى حالتك تسمح وتبيى تساعدى راجلك وتكونى واثقة ان حيقدر المساعدة هذى ساعديه بدون تردد وعمرك ماتاخذى راى اللى يجقبو والى تجيبيه فى حوشك مش خاسرة شى
لكن لوظرف مايسمحش ماتزرى على روحك
بالنسبى ليا أنا وصيت على صالون من مصر بالطولات متاعا والفترينا
حتى نبى نساعد الغالى كيف ماقتى وراه مصااااااااريف واجدة سادة الذهب والسياق

خطرها يا بيسا كم يبى يعطيك فلوس الدبش

صباح الخير بنات

جمعه مباركه للجميع ان شاء الله

بيسا زي ماثالت عروس رايقه اللي بديريه ماتسمعي كلام حد على قد ظروفك اصرفي

عروس رايقه حلو اللوح الدمياطي بجد فكرة حلوة انك تبعثي عليه من مصر وحتى انا زيكم بنساعده لانه ماقصر معاي في شيء رغم اني مرة حكيتله وقتله بنجيب ونجيب قالي مش ناقص الا دار النوم وزعل مني يومين قتله ومارضاش الا لما ضحكت عليه بكلمتين وقتله هدا حوشي حتى ا نا هههههههه

انا حجزت في سفرة اكل وبوفيهين مع بعض من ابناء العريبي في بنغازي حاجه حلوة وراقيه وهاديه وماكلفتني واجد وبناخد صالون بنفصله تفصيل لوح ونص ركبه زي مايقولوا يعني دار المقعد بناخدها كامله وزياده صاله الشقه بيسا كلهم ياخدوا في فترينات صح بس لما تشوفي فترينه وانتريه تقولي هكي احلى صح ولا شني رايكن

طراااااااااااااابلسيه وينك بالله

شن صار نبعثلك الرقم او توصفيلي المكان وتجيك صاحبتي ولا شني يصير في المقص الايراني راهو عبيت عليك خلااااااااااص

hey every1 here

بنات سؤال كل وحدة كم يبى يعطوها فلوس دبش
وحاجة اخرى شنر ايكن نديروا جدول نهتمو بارواحنا قبل العرس والله فضيحة بعد الخطبة هذى كلها نزوز والشعر مقصف والركبة سوداء والبشرة باهتة
يلا بدل ما نقعدوا زعلانين عشان ماححوا العرس خلونا نهتم بارواحنا
وراهو هنو الدلوعة حبيبتى ماشاء الله عليها ابداع فى هالمجال

يلا من تبدا معايا

خيرات ياحلوات حتى اما زيك ياعروسة مهرى 10 جنيه بس مازلت ماخدينهم لان يوم تعارف الرجالة وسؤالهم على الشروط بابا قال ماناخد الة 10 جنيه والصراحة هضا سبر فى العيلة والدهب الى تقدرو عليه مقدم والى ماتقدرو عليه مأخر فرجالتهم قالو مش معقولة حنديرو دفع على 10 جنيه خليها مع الفاتحة وخلاص ................
وفى بيانى جابلى طقم ذهب ابتاع الدلاية عديت انا وعميمة وخطيبى لسوق الذهب وانا الى اخترتة سعرة 1400 جنيه طبعا خطيبة خويا حشى عويناتكن طقمها ب5000جنية ودبلتى اخترتها من النوران الى فى شارع دبى 300 دينار وجبولى الفستان الذهبى وكندرتة وشنطة ومكياج كان سلة فيها من ديبورا وبرجوا والروائح جنفشى وبريماجور واسكادا وشوية حركات مانكير واقلام واشامبوات وجابو معاهم حلويات مندايرنهم عند مرة يعرفوها سلة شكلاطة وسلة اكياس خلوط وبس
وبالنسبة للفلوس انا فية طبع منحبش ناخد منة ولمة تناقشنة فى الموضوع هضا قلتها له قتلة مش حناخد منك فلوس لانى والحمدلله عندى ودايرة فليساتى عاى حالى خيتكن عضو هيئة تدريس وموظفة فى مصرف وقتلة بنسبة لهلك ولهلى حنقول انك عطيتنى وانت قول عطيتلة فى البداية كان مسكر راسة وبعد مابدا يبنى وشاف الشفط اقتنع بفكرتى وبنسبة لمصريف العرس عندى خية الله يربحها ويرزقها بتوم فى اول بطن عطتنى فكرة تهبل ابتاع نص بنص حتى خطيبى اقتنع بيها
سؤال محل ابناء العريبى وين عنوانة وهل هو يفصل فى صالونات واسعارة شنو

بنات ردن عليا على عنوان محل ابناء العريبى بندير طلة بكرة الصبح كان حيانة الله

عروسة ليبيا

سلمك على كلماتك الحلوة يا طيبة

ابناء العريبي فيه حاجات حلوة وراقيه على ذوق الجميع والبلدي توا معاش يعرف فيه حد الناس كلها تتعلم النت والستلايت خلو الناس اللي ماتفهمش ادير روحها تفهم مشاء الله

بالعكس انا حجزت عنده حاجات في مصر ودبي وسوريا مالقيتش زيهم

مري عليه يا بيسا مش حتخسري شي لو عجبك اوكي ماعجبك براحتك كل شيء ذوق وكل واحد وذوقه اكيد يفصل في صالوانت بس انا صالوني مزال ماركزت على تفصيله معينه كل مرة نقول شكل

وعنوانه زي ماقالت عرروسه بالزبط

بيسا حاجاتك حلوة متاع المطبخ الوانهم حلوين بس ليش ماخديتي اللوح احلى متاع الخبزة وفيه استيل

هلا عروسه

وانا فهمت عليك يا عروسه وعلى كلامك وصح مية المية مافي شك

اصلا في كل شيء الاذواق تختلف

صح هو المدرن متاعه لفيلات كبيره اصلا السفرة والبوفيهات اللي واخدتهم كبيرة بيفصلي على شكل اصغر

تسلمي عروستنا الحلوة

هيا طرابلسيه وينك غايبه خير ان شاء الله

شني صار في الاتفاق على المقص

انا لصقة في الخبر ههههههه

يلا نستنى في طريقه الاستلام

عروس وعروسة شكرا ياغاليات على الوصف وعلى المعلومات انشالله ربى يخلى لمتنة الحلوةديما عامرة وكل مايخش حد يلقة صفحات يستنن فيه عروس حبيبتى الاستيل واللوح منقدرش ناخدهم لانى المطبخ بنديروه الالومنيوم ابيض وصحبتكن عنده فوبيا من اللون البنى ودراجتة مع ان حلو والمطبخ ماتبنش فخامتة الا فى اللوح لكن انا منحبش بكل وخلاص اقتنعت بفكرة السفرة والبوفيه بس بلاها ابتاع الخمس قطع سعرهم يبدن من2500 فما فوق واااااجد بكرة حنمشى للعريبى حندرس احدا جزيرة الجرات وناخدها مشى لان صيدلية الشعب منعرفهش وين بالزبط وحنسأل انشالله نلقى السفرة والبوفيه ولونهم يا اسود يا ابيض سؤال عشان المخالفة :: عروسة فى وحدة ادير فالموالح جنبك فى الرحبة العيت لوحيشى شتنو رايك فى موالحها