ǁ♥ǁǁǁ تجهيزات عرائس { ليبيا } لشهر محرم 1431 - 2009 م / الجزء = 6 ǁǁǁ♥ǁ

عروسة ليبيا;11021915:








زي صورك الفيلوووووووووو متااااااااااعك بعيده بوكل عليه هو عالطبيعه غيرر هكي خالص انتي عارفه اني فكرت ندير فيلويا قريب عليه بس للاسف يبي وحده جسمها مش مكلبز كيف عروسة ليبيا

على قد ماحاولت نيدرله تضليل الفيلو مقدرتش لان فى جيهات مطرزة كريستال وتحتها شفاف فلما نضللها مبان منه شى


وعلى فكرة يا بنات هوا اكمام بس شفافة ونازلة من جهة الاكواع على طول الفيلو والطرحة على طول الفيلو وفيه ديل ولقطته اسبانيولى شوية:015:

بس مش قادرة نحط صوره لان بعد ما ضللته ولا مش بايييين نهاااائى
وللعلم نبى نأجره ب 500

امورة خطيبى والله هجبتنى هديتك وتعليفها ناعم بس فكرتها حلوة حاجة يستفبد منها ربى يجمعكم قريب
وهيا نراجى فيك تبدا معايا

Ghado;11022075:

هايلة حبيبتي: أقرب نقطة دالة لمركز ماريا الي في بن عاشور؟؟؟

حبوبة والله العظيم منعرف لان قتلك ممشيتلاش لان لما كلمتها نبيها تجينى قتلى فتحت مركز فى بن عاشور وخلاص
وعلى فكرة اسمها ديانا مش ماريا هههههه :037:

بنات كانا بتبدوا بالشعر انى فى خلطة بديت فيها ليا اسبوعين وفعلا رهيبة ونتيجتها بدت شوية شوية
حنحطهالكم ونعاودوا نبدوا فيها مع بعض وكل اسبوع كل وحدة تقوللنا شن صار معاها
وعلى فكرة الخلطة تتعدل لكل نوع شعر
شن رايكم ؟؟

تعرفي مقاسي هادا ميه ميه كيف انديرو توا :095:

قصدك تسكني في شارع ابن بطوطة شورك بتطلعي جارتي :013: ؟؟؟؟؟؟

Ghado;11022525:

شوفي .. صالات غوط الشعال مش فيه بحداهم السومافروا متاع صالة لبدة .. انزلي معاه و خلي الصلات وراك و كانك ماشية للسريع تلقي أول 4 شوارع خشي معاهم على اليسار فيه شارع في بدايته محل مواد تنظيف و سلخانة متاع دجاج كبيرة .. خليك ماشية فيه طول على ايدك اليمين يجيك المحل تحت فيلا زي العمارة كبيرة.. هو عبارة عن 2 فترينات كبار.. ميتوهش راهو و بضاعته حلوة و رخيصة .. عيلتي كلها و حمواتي ماشيين جايين عليه..

غويدة تعرفى المحل قريب هلبا من شقتى وكل ديما نخطم من قدامه المحل لما نبدا ماشيا لحوش اماليا وشكله جديد بس معمرى خشيتله سهفتينى عليه

بس تبى وصف اسهل للبنات حيكون على امتداد شارع عيادة الشفاء متاع غوط الشعال
صح ولاا ؟ :041:

هيا ابدو رايقة وهايلة خلطات الشعر معاكم اني على الضالين امين

امورة خطيبى انى اماليا فى السياحية لاصق فى محل بوجوروك متاع الاطفال كان عرفتيه
انى فى غوط الشعال
بس تبى نتلاقوا فى حوش اماليا تشوفيهم مفيش مشكلة ؟؟ :049:

اونه بعتلك ايميلي ضيفيني عندك انزيدو نتفاهمو اكثر

مشاء الله لمة سمحه ونغيب يوم نرجع نلاقيكم وصاليت ل5 صفحات دخت وانا نقرأ

والمشكله المواضيع اللي تحكوا فيهن كلهم مفيده ومانقدر نوفت شيء

شوفوا نبدا من الاول

بيسا بالنسبة لقصه اللوح انتي ماتحبيه انا مطبخي لوح لانه راجلي مش قابل الالمونيوم نهااااائي انا عجبني واحد ب2000 بس الومنيوم مايل للاصفر بس قالي لا وداره لوح زي مايبي بس لما شوفني الصور الصراحه راقي وهادي وحلو ويجي عليه كل شيء جربي انتي امشي للابناء العريبي شوفي عنده حاجات حلوه صدقيني حتعجبك ..

هااااااااااااااائلة زي ما يقولوا اسمك نصك ههههههههه حتى انا بناخد مطبخي وحمامي لونهم اصفر لانه السيراميك ابيض والطواقم بيض وعلى فكرة متاع الكلينكس والسلفر عجبتني بس ما اعتقد اني حنلاقيهم هنا كتبت العنوان وحنتصل باختي تجيب لي واحد وليها واحد لانه الفكرة حلوة للاخر بس بنسألك فيهم لصقه ولا تعلقيهم تعليق ؟؟؟

امورة خطيبي مشاء الله هداياك حلوة وحتى يدياتك حلوة مشاء الله عليك ههههههههه .وربي يخليلك خطيبك وهديه الترقيه العام الجاي تكوني معاه يارب الترقيات تجي بعد 4 سنوات لذلك الترقيه الجايه تصمميها انتي وصغارك يارب.

عروسة ليبيا يعجبني كلامك ووصفاتك وطريقه سردك لكل شيء مشاء الله .

غووووووووووووووويده وينك مختفيه ومبروك صيانة حوشك وحاجاتك اللي خديتيهم وانا سلجت العنوان بنعطيه لاختي بالك تستفيد منه .

عروس رايقه وانا معاك من تواااااااااااااااا ويابنات بنقوللكم حاجه انا عندي بطني شوي طالعه من اقل من شهر صاحبتي واخده ملصقات زين وقالت نحفت جربتهم مشاء الله تبارك الله ملابسي معاش تجي عليا زي قبل بان عليا الضعفان وانا فرحااااااااااااانه توا .

طرابلسيه عارفتك قدها وقدود يلا عاد عطيبني طريقه نصولك بيها بالله عليك ما تعطلي عليا نستنى فيك .

يلا سلامات توا

خلطة الشعر :

بسم الله

ملعقتين كبيرتين سدر مطحون :لاطالة ونعومة الشعر
ملعقتين كبيرتين محلب مطحون:رائحة عطرية للشعر

الحكة الخضرة الكبيرة متاع زيت جوز الهند تلقيها فى العطارين ب 3 جنيه ممكن
وتشرى 6 انواع من الشيش الصغر متاع الزيوت على حسب نوع شعرك والزيوت الى تمشى معاه
بالنسبة لشعرى جاااف ومقصف وحالته حالة نستعمله فى:
1 زيت عمبر
1 زيت خروع
1 زيت لوز حلو
1 زيت جنين القمح
1 زيت بدرة الكتان
1 زيت الريحان

السدر والمحلب ممكن يعطوهولك مش مطوح العطار فانتى تشرى منه حوالى 30 غرام من كل نوع وترحيه فى الحوش
وتاخدى فازو مرششش كبير وتحطى فيه كل الزيوت والسدر والمحلب وتخضيهم كويسسسس وتخليهم منقعين اسبووووع

بعد كل ما بتستخدمى تخضى كويس وتاخدى مقدار صغير وتسخنيه وديرى بيه مساج لشعرك وتلفيه بفووووطة سخونة
وتخليه اقل شى 3 ساعات
وتغسلى عادى بعدين ولازم مرتين فى الاسبوع

والله يابنات ماعادية جربوها وحتشوفوا

عروس ليبيا;11023403:

هااااااااااااااائلة زي ما يقولوا اسمك نصك ههههههههه حتى انا بناخد مطبخي وحمامي لونهم اصفر لانه السيراميك ابيض والطواقم بيض وعلى فكرة متاع الكلينكس والسلفر عجبتني بس ما اعتقد اني حنلاقيهم هنا كتبت العنوان وحنتصل باختي تجيب لي واحد وليها واحد لانه الفكرة حلوة للاخر بس بنسألك فيهم لصقه ولا تعلقيهم تعليق ؟؟؟

بالنسبة لمتاع الكلينكس يتعلقوا بالمسامير ومعاهم يجو

وتلقيهم لو دورتى عليهم كويس هما ماركتهم تيفاال
بالنسبة للحمام مننصحكش بالاصفر لانه باهت ومدام السيراميك ابيض يعنى يطلعه عليه اى لون ننصحك بالاحمر او الاخضر الفستقى للحماات لان يطلع يهبل

Hayela;11023344:
غويدة تعرفى المحل قريب هلبا من شقتى وكل ديما نخطم من قدامه المحل لما نبدا ماشيا لحوش اماليا وشكله جديد بس معمرى خشيتله سهفتينى عليه

بس تبى وصف اسهل للبنات حيكون على امتداد شارع عيادة الشفاء متاع غوط الشعال
صح ولاا ؟ :041:

Hayela;11023309:
حبوبة والله العظيم منعرف لان قتلك ممشيتلاش لان لما كلمتها نبيها تجينى قتلى فتحت مركز فى بن عاشور وخلاص
وعلى فكرة اسمها ديانا مش ماريا هههههه :037:

ساحناتى هذى هدية الغالى على راس السنة واللى يصادف ذكرى الاولى لعقد القران وطبعا الهدية بعد العديد والعديد من الهدايا فكنت مالة بس حبيت نوريكن مراحل التغليف
اول شى جبت صحن على هيئة قلب


وبعدها رشيت اوراق ورد احمر صناعية


وهذى الهدية بعد ماغلفتها وهى عبارة عن عطر بوس متاع الكورة هوا مش جديد بس الغالى يحبا


وهنا حطيت شمعة ورشيت شوية قلوب حمررررر


وبعدها حطيت العطر المغلفو غلفتها بشاش احمر يا احمرانى وهذا الشكل النهائى


ها شن رايكن
امورة خطيبى حقيتى غرت منك نزلتى فتبعتك وقلت حتى انا انزل

رايقه حلو

ناعمه الفكره روقا مشاء الله صحن القلب حليوه

ربي يونسكم بي بعض ويجمع بينكم قريبا

واكيد اموره حتفرح لان هالغيره هذي بتجي من صلحنا كلنا لما كل وحده تعرض من افكارها وحركاتهاا ان شاءلله الكل يستفيد

Ghado;11024051:

تعرفي شكلنا كلنا و لاد منطقة واحدة .. بوجوروك محلي المفضل دايماً نشري منه لولدي و حوايج العيد كلها منه ..

امالا خلى نقولك مدامك تمشى غادى هوا هادا محلنا غر ماجرينه لناس
والمحل الى لاصق فيه متاع مواد التنظيف الى اسمه الصنوبر متاع خوى
بروا اشروا منه راهو مليح :025:ادير فى دعاية لخوها

رايقة الهدية ماشاء الله حلوة لقطتها غر كان درتى من الداخل طريفات شوكلاتة ليندت الحمرة الكور تهبل
راهو الهدية لازم معاها شكلاااتة يابنات حلوة اللقطة وكل مايجى بياكل منها يتفكرك وتبدا طعمتها مليحة يبدا يتخايل فيها انتى ههههه

Hayela;11024636:
رايقة الهدية ماشاء الله حلوة لقطتها غر كان درتى من الداخل طريفات شوكلاتة ليندت الحمرة الكور تهبل
راهو الهدية لازم معاها شكلاااتة يابنات حلوة اللقطة وكل مايجى بياكل منها يتفكرك وتبدا طعمتها مليحة يبدا يتخايل فيها انتى ههههه

ضحكتينى عطك حبة حاطتلا شكولاطة ضغيرة بس نسيت نقوللكن عليها
والله مافى حاجة تخليه ممكن يتخايلنى بجميع الطرق ومادرتها
خلاص نبيه يتلحح ويزوز
توا البنات هنا اللى يزرن فى الراجل عليك وقت
اه ذكرتى عليا المواجع

تي شنو هادا يارايقة غير هادا شنو الدنيا كلها حمرا يعطك نقطة وخلاص ربي يهنيك بالعكس والله على قلبي زي العسل وخلي كل البنات ينزلو افكارهم والكل يستفيد ويتعلم الاتكيكيت والرومانسية الحلوة

هايلة مشكورة على الخلطة وتو بنمشي للعطار باش نشري الحاجات

صار الصنوبر لخوك تقريبا عرفت حوشكم يابنت :042:على العموم اني زبونة عنده