الرئيسية ركن العروس تجهيزات و استفسارات العروس ǁ♥ǁǁǁ تجهيزات عرائس { ليبيا } لشهر محرم 1431 - 2009 م / الجزء = 6 ǁǁǁ♥ǁ

ǁ♥ǁǁǁ تجهيزات عرائس { ليبيا } لشهر محرم 1431 - 2009 م / الجزء = 6 ǁǁǁ♥ǁ

حلمـ ., 17-12-2009 1,177 رد 29,637 مشاهدة
ط
طرابلسية
عروس مشاركة
09-01-2010 | 08:13 PM
ماشاء الله عليكم
كل مانجى نلقى صفحاااااااااااااات
زى ماقلتلكم رانى ننسي
فبالله لو تلخبطت في الاسماء
ماتوخدونيش
امورة خطيبك هداياك حلوة بس اللى لفت انتباهى اكتر
يديك الله احد
عروسة رايقة انشاء الله ديما تغيرو
وتورنا حاجاتكم النازكة
هايلة صعب جو الزيوت
موالهم طويل وبرنامج
دورينا مستحضرات واتية
زى متلا وكيل الويلا في شارع الظل
عنده حاجات كويسة
هايلة اكيدة مجربة مستحضرات عجباتك
فيدينا من خبرتك
وبالله اى واحدة منكم
عندها حاجة استفادت منها
تفيدينا بيها
هايلة امتى تحطى في الزيوت والاقنعة
وابو الشباب قاعد معاك24؟
حتى بيسا تقريبا مرة شفت صورة شعرك
ننصحك بشامبوات التساقط والتونيك
حتى انا لما نكون انرضع
يولو عندين شعرتين بس من قدام
نقعد نلاجى بيهم
نحطهم يمين والا يسار
وحتى انا بنلصق روحى معاكم في برنامج العناية
غادة انشاء الله تكون من سنى
باش نتفقو على برنامج للعناية
لانه اغلب اللى هنا بسلامتهم
بناويت عشرة واتنين
صغيرونات
ربي يعطيهم طولة العمر
نبي عجيزة معاى
انديرو برنامج عجيزات
عروس ليبيا
اهوه جايتك
ع
عروسة ليبيا
مشرفة سابقة
09-01-2010 | 08:40 PM

سوال المخالفه

بنات شن استقريتو علا موضوع هوا ولا نفتحو موضوع جديد للشات



لان لوو بنكملو هني لازم نلتزمو عشان المخالفات وغلق المواضيع
ط
طرابلسية
عروس مشاركة
09-01-2010 | 08:40 PM

نحاولو نفيدو بعضنا
ياستاتى فيه برفان خاص بالمناطق الحساسة
من عبد الصمد القرشي
يندار من بره او حتى من الداخل
لما انديره ماينادى على غير بالفايحة
ريحتها بصراحة تجنن
حتى وانا من النوع الحساس جدا
بس الحمد لله ما ضرتنيش
حتى اللى تعرفه منكم تتحملنى
خلى يستفيدو العرايس الجدد
اسمه مسك العروس

ع
عروس ليبيا
عروس فضية
09-01-2010 | 09:00 PM
مساء الخير

شن حالكن توا بنات

بنقوللكن حاجه

قولن ان شاء الله دايمه جبت شوي حاجات امس واليوم شوي بس ناكل حويجه ونجي نفرحكن معاي وتعطني رايكن يا سموحات

طرابلسيه والله انك اصيله بارك الله فيك وصلني الرقم وبكرة تتصل بيك صاحبتي يا طيبة

عروس رايقه والله انك رايقه ربي يكمل عليك روقانك مشاء الله الهديه حلوة على الاخر ربي يكمل عليك يارب ويوفقك العام الجاي مع بعض في حويش واحد يارب

هيا شوي ونرجع مع الحاجات الجديده
ع
عروسة ليبيا
مشرفة سابقة
09-01-2010 | 09:25 PM

طرابلسيه

سلمك عطرتي الصفحه انا نعرفه لكن ماجربتش نستعمل غسول للمنطقه خالي من الصابون وطبي ومن جوا شوية ميه وملح و شويه بوكل مسك عربي


والحمدلله لي توة 3 شهور زواج تمام:D



بس ان شاءالله الخميس بندير شوبنق ونجيبه فقرب وقت قريتهم شاكرينه فالنت لكن عاد مدام مجربتيه وحتى من داخل يبقا تمام :thumbs_up:

شكرا علا مشاركتنا تجربتك
ط
طرابلسية
عروس مشاركة
09-01-2010 | 09:39 PM
تتهنى بيه عروسة ليبيا
وفيدينا باى حاجة استفدتى منها؟
ع
عروس ليبيا
عروس فضية
09-01-2010 | 10:09 PM
مرحبا عرايسنا

شوفوا معاي الحاجات اللي خديتهم امس واليوم


هذا روب ابيض فيه روب طويل وديشمبر وروب قصير وشورت وكت وملابس داخليه



هدا ورغان اسباني معاه انصوله كبيرة والورغان ومخدتين طبيه ووجوه امخاد







وهذا شكله من الداخل





هذي فوطه للسرير زياده




وهذي فوطه تلبيسه للسرير بالاستيك



وهذي فوطه زياده تانيه للسرير




وهذا نوع وفط للسرير تاني



وهذين لواحات لدار النوم مطرزات والوانهم عجبوني



وهذين مفارش



هذي الحاجات عطوني رايكم
ن
نرجس الشرق
عروس برونزية
09-01-2010 | 10:31 PM
عروس ليبيا;11026099:
مرحبا عرايسنا



شوفوا معاي الحاجات اللي خديتهم امس واليوم



هذا روب ابيض فيه روب طويل وديشمبر وروب قصير وشورت وكت وملابس داخليه




هدا ورغان اسباني معاه انصوله كبيرة والورغان ومخدتين طبيه ووجوه امخاد








وهذا شكله من الداخل






هذي فوطه للسرير زياده





وهذي فوطه تلبيسه للسرير بالاستيك




وهذي فوطه زياده تانيه للسرير





وهذا نوع وفط للسرير تاني




وهذين لواحات لدار النوم مطرزات والوانهم عجبوني




وهذين مفارش





هذي الحاجات عطوني رايكم


مشاءالله وتبارك الرحمان ايجنن
بنات قوللي وين نلقي محل ايخيط في طقم مطبخ كامل وراقي طبعا انا فرشة المطبخ مشماشيه في الاصفؤر زعمك طقم قهوي ما يمشيش عليه صح و شن اندير لونه
ع
عروس ليبيا
عروس فضية
09-01-2010 | 10:39 PM
نرجس الشرق

سلمك ياربي ان شاء الله عجبويك الحاجات

بالنسبة للطاقم المطبخ الجاهز فيه راهو وانا شفتهم واجد في المحلات قماتشهم كويسة بس انا ماعجبوني واجد اختي قالتلي خودي واحد للزياده وحطيه في الايام العاديه وهو مش شين واجد ومرطز ولونه ابيض بس فيه مدخلين الوان اخرى
ط
طرابلسية
عروس مشاركة
09-01-2010 | 10:45 PM
عروسة ليبيا
بالله فيدينا
شنو هو الغسول اللى تستعملى فيه؟
عروس ليبيا
الله احد تتهنى بيهم
واحلاهم الورغان الاسبانى
مع انى استغربت كلمة فوطة
هكى تقولولها في الشرق؟
المهم قنينات
بس الاحلى الاسبانى
وقولينا احلى واحسن المستحضرات اللى استعملتيهم
ع
عروس رايقة
عروس مبدعة
09-01-2010 | 11:15 PM
طرابلسية بكم شريتيه المسك هذا
ولما نشرية شن انقول مسك المناطق الحساسة:040::040:
ع
عروسة ليبيا
مشرفة سابقة
09-01-2010 | 11:31 PM
عرايسنااا شرفوووو وانسونا


لمة الليبيات عرايس و مدامات لتبادل الخبرات



http://forums.3roos.com/showthread.php?p=11026780#post11026780



في قسم التجهيزات يلا لي ساعه انسق ونظم ونبخر تعالللو
H
Hayela
عروس مبدعة
09-01-2010 | 11:50 PM
امورة خطيبي;11024875:

هايلة مشكورة على الخلطة وتو بنمشي للعطار باش نشري الحاجات
صار الصنوبر لخوك تقريبا عرفت حوشكم يابنت :042:على العموم اني زبونة عنده

تعالى تفضلى يا حنا مرى مرة مرة :025:
ب
بيسا
عروس مبدعة
09-01-2010 | 11:51 PM
ياعروسة نقانك تصلحى منسقة برامج مشالله على افكارك بس شنو الركن هضا للهدرزة ؟؟؟؟وعروسةحاجتك عسل زيك ياسمحة بس ليش ماوريتينة الروب والقطع ابتاعة؟ ومدام غادة مبروك ماجددتى ورينة كم صورة خلينة نشوفو الخبرة ابتاعك ؟ نرجوسة انستى ونورتى والله حايسة حوستك فى طقم المطبخ شريت القماش ولة قريب شهر معزوق فى السيارة؟؟ طرابلسية لمة نمشى لعبدالصمدالقرشى شنو نقولة عطينى ابتاع المنطقة الحساسة وسعرةكم ؟؟؟
H
Hayela
عروس مبدعة
09-01-2010 | 11:59 PM
طرابلسية;11025050:

هايلة صعب جو الزيوت
موالهم طويل وبرنامج
دورينا مستحضرات واتية
زى متلا وكيل الويلا في شارع الظل
عنده حاجات كويسة
هايلة اكيدة مجربة مستحضرات عجباتك
فيدينا من خبرتك

هايلة امتى تحطى في الزيوت والاقنعة
وابو الشباب قاعد معاك24؟




علاش معايا 24 ساعة
ماهو يطلع للعمل الصبح
هوا انى مدايرتله يوم الاتنين والخميس للخلطات
اول مايطلع نطلع نجرى نحطه الزيت لحد الساعة 2 نخش نجرى للحمام نغسل ونشفه ومرات منسوشراش لان على اساس فترة علاج نسشور القصة بس ومرات لا ..

وبالنسبة للزيوت والله ياطرابلسية احسن بهلبااااااااااااااااااااااااااااااااااااااااا من العلاجات الكدابين هادوكا
لان فيهم مواد كيميائية راهو مفيش خير من الطبيعى
انى جربت ممكن كريمات وزيوت مجربهمش واحد وفى الاخير استنتجت انه كله كدب تاخدى انتى زيوت من العطار وتخلطيها وتديرى بيها مساج احسن من اى شىىىى :065:
ب
بيسا
عروس مبدعة
10-01-2010 | 12:01 AM
حسة حوسة بيش طقيت فى العريبى حاجتة حاوة بس انا ضوقى حشاكن ايزعم الكبد ؟ شى ميعجبنى وكان حاجة عجبتنى هلى يقولو اقطع اشارك ؟؟ المهم تى تى زى مارحتى زى ماجيتى :01::01: بس واخيرا القيت الملاحة والزياتة والبراد من محل
كركوماز فى الحدائق ابضاعتة ايطالية وتركية وشريت طقم الكواشيك هيا عطنى رايكن
ب
بيسا
عروس مبدعة
10-01-2010 | 12:18 AM














ع
عروس ليبيا
عروس فضية
10-01-2010 | 12:27 AM
مشاء الله بيسا حلوات

طاقم الكواشيك والساككين بكم خديتيه ؟
ب
بيسا
عروس مبدعة
10-01-2010 | 12:45 AM
110 من الشاهين فى طريق القرية
ع
عروس ليبيا
عروس فضية
10-01-2010 | 12:51 AM
مشكورة بيسا انا ثقلت حسني كل شي نسال عليه هههههههه

بارك الله فيك
X