ǁ♥ǁǁǁ تجهيزات عرائس { ليبيا } لشهر محرم 1431 - 2009 م / الجزء = 6 ǁǁǁ♥ǁ

و الي تبي رقم تليفون تقولي باش نبعتهولها عالخاص..
أني شفت الاعلان أمس و فكرت فيكم على طول..

اني نبيه بلييييز !!!!!

وتقولى بنياتى عطك الخير انشالله انتى كبرى حتى انا 81 خليها خياتى خير والفساتين حلوة مشالله

بيسا;11031068:
وتقولى بنياتى عطك الخير انشالله انتى كبرى حتى انا 81 خليها خياتى خير والفساتين حلوة مشالله

طرابلسية;11031179:

غادة الله يهديك

خدعتينى ببنياتى بنياتى
هكى توه فضحتينى
انا اكبر واحدة فيكم
يلاه
انا نبي الرقم لوسمحتى
هونيدة انساتينا
وبارك الله فيك عتقديم المساعدة
طرابلسية لسرتاوى مرحبة

يييييييييييييه ياغويدة مش حنقدر نجهز روحى لين نتريح على حاجة الحوش مزال الصالو ن وحاجتة وحاجة دار النوم وسفرة الاكل ولين ايفض عرس خوى وبعدها بنفضا لروحى غويدة خاطرى انشوف حوشك صوريه لنة شى مرة وسؤال المخالفة الورغان لازم ابيض

صباح الخيرياوخياتي صحيتو عالترحيب كلكم غاده بيسا أمورة خطيبي طرابلسية عموما أنا بالنسبه ليا عادي مش خايفه هلبه أنا و إياه متفقين في كل شي غير خايفه ما ننسجمش مع أماليه

يا بيسو بالنسبه للمحل في بنغازي مانعرفاش لاكن في طرابلس يجي في النوفليين وأي أستفسار حاضر هو متع الممثل حاتم قرقوم كان عرفتيه

لاكن أنا مش مقتنعه بقصة حفله في يوم وأنا كنت بنمكيج في طرابلس ونمشي به لسرت لاكن هو قالي تعال هنا ومكيجي وبصراحه مانبيش نقول لحد من عيلتي ع هذه المشكمه

لأن أنا مانخطبت ليه ووافقو إماليا إلا بيباس الريق ماهو أحنا مانعطوش البرانية ويلي تعرف مزينات في سرت كويسات تطمني

ماشاء الله نازك ياسلام عليه اني في نفسي قلت اكيد حوشها راقي زيها

تبارك الرحمن يامدام غويده حوشك يهبل زعما يطلع حوشي زيه؟

ماشالله ياغويدة اهو الستاير السماح واللون المشماشى يهبل

أمورة .. شكراً يا عسل مصفي.
طرابلسية لسرتاوي.. كلك ذوق و انشاء الله يطلع أحسن من هكي ب100 مرة.
بيسا.. شكراً حبيبتي .. و العقبة لحويش الهني انشاء الله.

خير عليكن

طرابلسيه لسرتاوي نورتي التجمع يا غاليه بالنسبة للاعراس سرت وكيف عاداتهم راهو ناس طيبين وحنينين للاخر انا خوالي من سرت وعاداتهم في الاعراس حلوة لو تبي التفاصيل عادي وعلى فكرة فيه كوافيرات مش عاديات في سرت بنات خالي يطلعوا منه توا نسالك على اسمه انا بروحي ماشيتله مستشوره عنده شعري شاطرين للاخر .

بيسا تي عارفتك والله ماتقصري بس انا مشكلتي لما تعجبني حاجه ننشد عليها طول مانخبي اعجابي واخده نصيحه امي الله يرحمها كون ماري ولا تكون حسود ربي يكملك بعقلك يا سموحه وحاضر اللي يعجبني بنسال عليه لانه بجد انا استفدت منه في العناوين كتبتهم في مفكرة عندي بنمشيلهم طووووووول .

غويده مشاء الله تبارك الرحمن ذوقك زيك راقي وهادي وربي يكمل عليك بالخير وتفرحي بوليدك يارب.

امورة خطيبي سلمك يااااااارب على وحتى انتي ربي يفرحك يارب بالنسبة للفوطه هي الانصوله راهو والرغان بروحه مش زي بعض واللي كاتبه عليهم فوطه يعني انصوله مامعاها ورغان انا لتوا خديت ورغان واحد هو هدا بس وبنزيد واحد تاني حلو وهادي ,ايه خلاص قربت نتم دار النوم والمطبخ ومخليه اخر حاجه دار المقعد والصاله وان شاء الله ربي يتمم بخير ليا وليكن كلكن ياااااااااااااارب ويعجل بزواجنا

عروس ليبيا ياغالية كان تعرفي مزينات في سرت مية مية قوليلي خايفه هلبه ماعندهمش كويسات يطلعوني مش حلوة أنا في طرابلس بنحجز عند نادية الجزائرية شن زأيكم

ياحبيبه هو قالي عندهم مزين إسمه المزيونة مش عادي وماتخافيش كنت بنمشي مكيجه من طرابلس لاكن قالي لا أسأليلي بنات خالك بالك يعرفو وصحيتي ياغالية

ياريت تقوليلي كل شي كان تعرفي وربي يهنيك إنتي وكل عرايس المنتدي ياعروس ليبيا و نفرحو بك