تجمع حوامل قطر لشهر ذو القعده *1430ه*

مشكووووورة حبيبتي ..

إن شاء الله نخدمج في الافراح

تصبحون على خير

العفو ^.^


تصبحون على خير

بيبي بينك
على ما اعتقد قالتلي عنهم صالون في السد
وعن الجهاز بس تغسلين المراضيع وتحطينهم ملقوبين تحت على الشبك اللي تحت
اما المغاطي والمصاصات واللهايات فوق
وعندج مع الجهاز كوب صغير عبيه ماي لين 90 وصبي الماي في الجهاز وسكري الغطا وشغليه بعد فتره بيطفي من نفسه

وجاي معاه اكياس صغيره فيها حبوب صح؟
هذي تخلطينها فس نفس الكوب مع 90 من الماي وتبينه في الجهاز وتخلين الغطا مفتوح وتشغلينه بس بدون مراضيع بدون شي هذا عشان الجهاز نفسه يتنظف

عيون
فور ايفر ما تقصر امسكت الجهاز فتره طويله
اكيد مشغوله
وام الغاليين والا فور ايفر كلهم فيهم الخير والبركه :)

صباااااح الخير كروشاااات
حبيت اسلم عليكم واخبركم أني بكرة الاحد بالليل راح اروح المطار عشان ارد الدوحه الاثنين باليل ان شاء الله ، طلبتكم انكم لاتنسوني بالدعاء انه الله يسر لنا السفره واني ما اتعب بالطيارة

السمكة

الله بييسر لج السفرة وما تتعبين ان شاء الله..
بس لاتنسين تمشين شوي في الطيارة مب زين طول السفرة قاعدة ترا...

هلا موزان

أأي الدكتورة وصتني كل ساعتين اقوم امشي عشر دقايق ووصتني اشرب ماي ووااايد والبس تحت البنطلون تايد عشان ريولي ماتنتفخ....

والله يسرها لنا ويطوي طول الدرب عنا انشاءالله..

بنات سولفوا وينكم؟
احس المنتدى بيسكر هههههه

مرحبااااااااااااا :)

السمكة الذهبية
الله ييسر لج سفرتج وتوصلين الدوحة سالمه غانمه بدون تعب
بيبي بنك
بخصوص الجهاز ماقصرو البنات وقالولج

بس بنات عندي سؤال
الحين انا ماحط الماي نفس ماقلتو 90 من الكوب
احسه شوي فاترس الكوب اربع مرات واحطه
واخليه 8 دقايق ؟؟ صح طريقتي ولا غلط ؟؟؟

روح مادري اذا غلط والا لا

هو مكتوب في التعليمات 90
اذا حطيتي اكثر تطول المدة للتعقيم..

بالنسبة للبودرة اللي تجي مع الجهاز.. كل شهر او كل اسبوعين مرة تستخدمونه.. ولاتنسون تغسلون الجهاز عقبه... بتحصلون وصخ يطلع لين غسلتوه بالماي..

كووب المعقم خدامتي ضيعته
وقاعده احط على كيفي :(

السمكه الذهبيه توصلين بالسلامه ياااااااااارب ,,,

كروشات شخباركم...

قطرية عندج اي كوب قياس ممكن تستخدمينه..

الاماكن.. هلا شخبارج؟

هلا موزان حبوبة انا بخير ابي اوصل للشهر التاسع خخخخخخخخخخخخخخ

روح
التعليمات على الجهاز تقول هالشكل
ما يصير انتي تغيرين غلاتووو

السمكه
توصولن بالسلامه ان شالله

موزان
اي اي تشوفين الوصخ اشلون ينزل @@

قطريه اتش
استعملي المرضاعه نفسها لين رقم 90
نفس القياس

يلا بنات قولولي ايش جهزتوا وايش باقيلكم؟

انا ياكاميليا فصلت لي فستان حمل لونه فستقي فاتح باقي لي الاكسسوارات وشنطه ونعوم خذت لها تنورة وبلوزه ابي اخذ لها سلسله بيضاء لان التنوره لونها رمادي فاتح مع خيوط فضيه والقميص فوشي وباقي لها شنطه وخذت لها جوتي الله يعزج ...وموصيه وحده تسوي لها قبعه كروشيه شغلها حلوو وشايفته وبس

مساء الخير


روح :: هم محددين 90 مل ماي .. بس مدة التعقيم انتي تحددينها .. يعني لو نزلتي الزر لتحت مرة = 8 دقايق .. مرتين ورى بعض = ربع ساعة ..
بس انتي التزمي بالكمية نفسها و ب 8 دقايق لأن حلمات المراضيع و المصاصات تلين واييد مع كثرة التعقيم ..


كامي :: والله ماسويت شي .. انا يبي لي توبات 2 ع الاقل و اكسسوارات .. و ولدي عنده بدلتين بس باقي له الثوب و القحفية للحين ما شريت له ..





** زين دامنا في سالفة التعقيم .. انا استخدمت البودرة مرة وحدة عشان انظف الجهاز و غسلت الجهاز عقب .. بس لاحظت لما اجي اعقم المراضيع و اطلعها القاها ملثدة !! مادري ليش ..