تجهيزات واستفسارات حوامل مصر :)

شوق وحنين للجنة;11389335:
إزيكم يا قمرات بجد أنا استفدت منكم اوى وكان نفسي أشارك معاكم بس مكنتش نزلت خالص ع أنا في أواخر الرابع ولسه معرفتش هو ولد ولا بنت
بس إمبارح نزلت التوحيد والنور وجبت حاجات كويسة الحمد لله وقلت أقولكم عليها
يلا نقول بسم الله



ده سالوبيت حسيته ظريف وكان سعره حلو اوى جبته ب 9 جنيه وهو مقاس 1


ده طقم كت وشورت برضه ب 9 جنيه



وده شكله من الضهر


ودى فانلة كت ماركة جونيور فاشون جبت 2 الواحدة ب 6 ونص


أنا مش بحب الجلابيات بس فيه ناس قالولى لازم وكدا فجبت دى ب 15


ودى شاية نص كم ماركة جونيور فاشون جبت 2 الواحدة ب 5 ونص

بس كدا دى كانت تفاريح أول خروجة ع أنا عايزة بإذن الله انزل وأشوف كذا مكان لسه بدري بإذن الله
على فكرة كان فيه هناك سراير أحجام كتير فيه اللى ب 300 وحاجة و400 وحاجة
وفيه كمان عربيات الأطفال شفت ب 400 و500 و600
بس الحمد لله اتبسطت وربنا يتمم لكل البناويت على خير
ويرزقنا جميعا ذرية صالحة طيبة
وإن شاء الله لما أنزل تاني أبقي أقولكم عملت إيه
وجزاكم الله خيرا

حاجات جمييله اوى ما شاء الله تتهنى بيها وتتهنى بنت فيها ان شاء الله

بنطلون الحمل ده جميل اوى ومريح اوى عند البطن انا جبت طقم حمل ومريحنى اوى وبلبس كل التونكات والبلوزات عادى

اقتباس المشاركة الأساسية كتبها صوت العيون مشترواتى الحمد لله




جميل اوى يا مورووووو ما شاء الله انا لسه مش اشتريت الحاجات دى خالص

انا مبسوطة اوي اني لقيت هنا البنات اللي كانوا معايا في التجهيزات ودلوقتي حوامل مع بعض
يا رب يتم على خير
عايزة يا احلى ماميهات صور لغرف نوم اطفال
وكنت عايزة اسألكم انتوا هتجهزوا غرفة الاطفال ازاي ؟ يعني بس الحاجات بتاعة البيبي كله نونو نونو ولا غرفة نوم عادي وفيها حاجات البيبي؟

حبيبه مادو;11392648:

جميل اوى يا مورووووو ما شاء الله انا لسه مش اشتريت الحاجات دى خالص

كوكي متجبيش الحاجات دي دلوقتي، خليها اخر حاجة عشان تبقي الصلاحية حديثة كده ولسه قدامها فترة، المهم دلوقتي اللبس والحاجات دي، لكن حاجات العناية والنظافة دي الاخر.

حبيبة مادو ............... مرسي يا قمر علي ردك

بس قوليلي انتي جيبتي اي نوع اللي الوسط تاعه عباره عن استيك ولا اللي بزرار و توسعيه براحتك

بنطلونات الحمل يا جميلة، بتبقي زي العادية خالص ونفس الخامات بالظبط جينز او كتان او جبردين وكلاسيك او كاجوال وكله، وفيه جيبات كمان، بس الفرق بقي في الجزء اللي علي البطن ده بيبقي قماشة زي الجل كده والوسط عبارة عن استيك مبطط وفيه عراوي كتير وزرار من الجنب عشان كل ما بطنك تكبر توسعي، وفيه كمان لو ويست وفيه العادي.

ده النوع المنتشر اكتر وفيه نوع تاني بيبقي زراير من الجنب بقي وتوسعي وتضيقي براحتك بردو.

وهتلاقي في محل لافلي ومحل انجيليك اللي عند الرقابة الادراية في ارض الجولف وفي محل زيرو تو فايف في المهندسين او سيتي سنتر مصر اسكندرية اللي في مصر هنا، او محل هالة او محل بابا يسي.

اي محل للبس الحوامل ومستلزمات الاطفال، وفيه محلات في ميدان صلاح الدين في نفس الشارع بتاع مستشفي كيلوباترا

امممممممممممممممم مرسيي يا كتكوته انا كده فهمت

nemonamanemo;11392583:
بنات انا عايزه اسأل عن بنطالون الحمل هو في منه انواع و اجيبه منين

نيمو انتي حامل ؟؟ مبروك يا قمر
انا كنت جايبة بنطلوني من عند لافلي من عند البطن كله قماش استيك ناعم وفيه زرار عشان يتوسع ويتضيق

هههههههههههههههههه الله يبارك فيكي يا سوسي انا لسه عارفه بس بجهز عشان متزنقش اخبار نورين ايه


قوليلي بقي كنتي جيباه بكام و بتحتاجيه في الشهر الكام

بنااات يلا قولولى بسرعه انزل صور ازاى عشان مش عارفه :057::057:

الف مبروك يا نيمو على الحمل ربنا يتملك بخير ياجميل

ومتشكرة اوى لكل القمرات اللى ردوا عليا فى اسئلتى من كام يوم

كنت عاوزة اعرف البريست بادز بتاعت افنت اللى بتتغسل بتتجاب بالواحده وللا العلبه وهى تستحمل غسيل اد ايه وسعرها كام

nemonamanemo;11392774:
حبيبة مادو ............... مرسي يا قمر علي ردك

بس قوليلي انتي جيبتي اي نوع اللي الوسط تاعه عباره عن استيك ولا اللي بزرار و توسعيه براحتك

ياجميلة انا بقى لبست بنطلون الحمل من الشهر السادس وكنت الاول بلبس البناطيل العاديه بتاعتى بس بقى ايه بسيييب السوسته مفوحه ع البحري ههههههههههههههه ياكثوفي ياكثوفي:094: بس طبعا البلوزة طويله بتبقى مغطيه كل حاجه ومفيش حاجه باينه لان بناطيل الحمل واسعه وشكلها مش ع الموضة اوى بس طبعا دلوقتى انا جبته وعلى فكرة ولله في اللبس كويس وتبقى مطمنه كده وانتى لابساه وفيه بيبقى وان سيز وفيه مقاسات وساعات بيبقى فيه حاجات ستايل وع الموضه عادى وضمش واسع اوى من تحت انا بتاعى من فوق باستك قطن كده وقماشه عامله زى الجيل او قطن وفيه ابو زارير زى ماكتوكوت قالت بس مش حلووو ف اللبس خالص انصحك باللي وسطه قطن او جيل

الله يبارك فيكي يا قمر .......... تسلمي


بنت من الزمن ده ............ لو الصور عندك علي الجهاز افتحي مركز رفع الملفات الموجود جنب لوحه التحكم فوق


ارفعي الصور و بعد كده هيطلعلك لينك اعمليله كوبي في الايقون اللي مكتوب عليها اضافه صوره لما بتفتحي الويندوز بتاعه الرد

حد يقولى الصور انزلها ازاى هعد لحد عشرة ولو مقولتوش هحرمكو من الصور هه

بنت من الزمن ده;11393648:
ياجميلة انا بقى لبست بنطلون الحمل من الشهر السادس وكنت الاول بلبس البناطيل العاديه بتاعتى بس بقى ايه بسيييب السوسته مفوحه ع البحري ههههههههههههههه ياكثوفي ياكثوفي:094: بس طبعا البلوزة طويله بتبقى مغطيه كل حاجه ومفيش حاجه باينه لان بناطيل الحمل واسعه وشكلها مش ع الموضة اوى بس طبعا دلوقتى انا جبته وعلى فكرة ولله في اللبس كويس وتبقى مطمنه كده وانتى لابساه وفيه بيبقى وان سيز وفيه مقاسات وساعات بيبقى فيه حاجات ستايل وع الموضه عادى وضمش واسع اوى من تحت انا بتاعى من فوق باستك قطن كده وقماشه عامله زى الجيل او قطن وفيه ابو زارير زى ماكتوكوت قالت بس مش حلووو ف اللبس خالص انصحك باللي وسطه قطن او جيل

ههههههههههههههههههههه مهو ابو زراير ده اللي كان معقدني من بناطيل الحمل


انا قولتلك طريقه رفع الصور بصي عليها كده و انا بردوا هدورلك علي الطريقه بالصور

نيمو يا جميل انا لبستى تقريبا من الرابع عشان بنطلوناتى كانت اضيقت عليا جامد فانتى لما تحسى ان بنطلوناتك مضيقاكى هاتى واحد عشان غلط تلبسى حاجات ضيقة
ولو لسة قاعدة عند ماما روحى سيتى مول أقربلك فى هناك محل فيه حاجات اطفال بيبيع لبس حوامل كان عنده بنطلون حلو خالص بس مش عارفة سعره
بنطلونى انا كنت جايباه من لفلى باين كان بـ175 او 165 مش فاكرة

*عروس حبيبى*;11393613:
ا

كنت عاوزة اعرف البريست بادز بتاعت افنت اللى بتتغسل بتتجاب بالواحده وللا العلبه وهى تستحمل غسيل اد ايه وسعرها كام

لا هى مش بالواحدة هى علبة على بعضها مش فاكرة فيها كام واحدة
بس انا هقولك يعنى نصيحة .. مش كل الستات بتحتاجها ومش كلهم بيعانوا من مشكلة التسريب فانتى هاتى نوع رخيص فى الاول لو لقيتى ان النوع ده مقضيكى اوكى لكن لو لقيتى ان المشكلة عندك بزيادة ومحتاجة حاجة افضل فى منع التسريب هاتى بقى افنت الغالية
انا جايبة 3 مع بعض بيتغسلوا من زيرو تو فايف ب9 جنيه تقريبا وقطن حلوين .. طبعا لسة ماجربتش اما اجرب اقولك بقى ان شاء الله :025:

بنت من الزمن ده انا جبتلك رابط موضوع فيه الطريقه بالصور

http://forums.3roos.com/showthread.php?t=349966

تسلمي يا بيبو ..... و انتي اخبارك ايه دلوقتي يارب تكوني احسن

الحمد لله يا نيمو انتى عملة ايه ايه؟؟
تعالى معانا الشات:
http://forums.3roos.com/showthread.php?t=514201&page=477