تجهيزات واستفسارات حوامل مصر :)

CuTie KaTkOoTa;11375027:
الجوانب كانت فايبر يا جميلة؟
اصلي كنت فعلا عمالة افكر في الموضوع ده واقول لو اتغسلت بترجع زي الاول ولا بتبوظ ولا ايه

ايوة يا جميل فيبر كنت جايباه طقم كامل من سنتر بينت لحاف و مخده و ملايه و كيس مخده و جوانب السرير......... اتهرا غسيل هو اللحاف و ما شاء الله مش حصلوهم أي حاجة

ايوة ياكتكوتة ما انا كتبت فوقها انى اعتقد ان البتاعة دى تستخدم مكان الحقنة (اللى قالت عليها سيمو) علشان تطلع النيبلز


مورو كنتى طلبتى انك تشوفي صورة زنك اند اوليف

بصي هو اللى في الصورة على الشمال
كنت مصوراهم بالصدفة فمعلش كلهم مع بعض

Boody we zady;11377140:
ايوة يا جميل فيبر كنت جايباه طقم كامل من سنتر بينت لحاف و مخده و ملايه و كيس مخده و جوانب السرير......... اتهرا غسيل هو اللحاف و ما شاء الله مش حصلوهم أي حاجة

تسلمي يا جميلة طمنتيني، عشان انا جايباه بردو وخفت من كده.

toty858;11377596:
ايوة ياكتكوتة ما انا كتبت فوقها انى اعتقد ان البتاعة دى تستخدم مكان الحقنة (اللى قالت عليها سيمو) علشان تطلع النيبلز

اه معلش سوري، انا افتكرتك تقصدي علي النيبلز الصناعي :040::040:

سورى على اية يا كتكوتة انا عارفة انك مخدتيش بالك انا كنت بوضح بس :)
وعلشان المخالفة

هى اسعار ماكس كويسة زى سنتر بوينت ولا
وهل مذركير تخفيضاتة على الصيفي ولا الشتوى لحسن هو بيكون ماشي عكسنا

يعني المخده ده ماتنفعش اصلها مكتوب عليها كلام بالتلايندي بس لاحظت عليها رقم من 0-3 فقولت البيبي ال من سن بيبي 0-3 وبعدين فيها فجوه غلشان راس البيبي

كماااان حزام البطن اجيبه بعد الولاده ومالهوش لازمه ......
كمان كريم الاسترتش ماركس انا خلاااص طلعي سترش ماركس حمراااا خلاص ادهن منه ولا خلاااص كده

يووووه سوال تاالت حلق بتاع البنوته اجيبه طبي مين باه ال هايخرملها ودنها وامتي البسهلها

miko85;11378006:
يووووه سوال تاالت حلق بتاع البنوته اجيبه طبي مين باه ال هايخرملها ودنها وامتي البسهلها

الحلق الطبى من أى صيدلية
لو مش لاقياه استنى لما تنزلى مصر وخلاص
الخرم بيتعمل فى المستشفى اول ماتتولد وتديهم الحلق يلبسهولها

miko85;11378004:
كماااان حزام البطن اجيبه بعد الولاده ومالهوش لازمه ......
كمان كريم الاسترتش ماركس انا خلاااص طلعي سترش ماركس حمراااا خلاص ادهن منه ولا خلاااص كده

حزام البطن فيه اراء عليه ناس بتقول مفيد وناس لأ بس اللى شفته بعينى انه مفيد طبعا وانا هجيبه ان شاء الله بس بعد الولادة مش هجيبه من دلوقتى .. عشان المقاس اللى هوصله بعد الولادة على طول...
الاسترتش ماركس اللى طلعت مش هتروح غير بعد الولادة .. وكريم الاسترتش ماركس مش دايما بيقلل ظهورها لانها بتفرق من جلد لجلد انا بقالى فترة بستعمله بانتظام وهى برضه بتزيد بانتظام :039:

miko85;11377998:
يعني المخده ده ماتنفعش اصلها مكتوب عليها كلام بالتلايندي بس لاحظت عليها رقم من 0-3 فقولت البيبي ال من سن بيبي 0-3 وبعدين فيها فجوه غلشان راس البيبي

انا قريت اكتر من مرة ان البيبى لا ينام على مخدة ولا ينام غير على ظهره
حاجة تانية غير كده غلط ولا قدر الله ممكن تسبب موت مفاجئ
اعملى سيرش وهيطلعلك الكلام ده

yomizo;11373327:
حطى نوعين كريم مع بعض حلوين اوى كان الدكتور قايلي عليهم
تروسيد كريم
ودكاتاكورت كريم
بتحطى مقدار متساوى من الاتنين وتدهنيهم كويس وتسيبيهم شويه الجلد يمتصهم بس كده
بيتحطوا مرتين الى تلات مرات في اليوم

يميم جزاكى الله خيرًا
:083:

Eng. BoB;11378184:
الحلق الطبى من أى صيدلية
لو مش لاقياه استنى لما تنزلى مصر وخلاص
الخرم بيتعمل فى المستشفى اول ماتتولد وتديهم الحلق يلبسهولها

حزام البطن فيه اراء عليه ناس بتقول مفيد وناس لأ بس اللى شفته بعينى انه مفيد طبعا وانا هجيبه ان شاء الله بس بعد الولادة مش هجيبه من دلوقتى .. عشان المقاس اللى هوصله بعد الولادة على طول...
الاسترتش ماركس اللى طلعت مش هتروح غير بعد الولادة .. وكريم الاسترتش ماركس مش دايما بيقلل ظهورها لانها بتفرق من جلد لجلد انا بقالى فترة بستعمله بانتظام وهى برضه بتزيد بانتظام :039:

انا قريت اكتر من مرة ان البيبى لا ينام على مخدة ولا ينام غير على ظهره
حاجة تانية غير كده غلط ولا قدر الله ممكن تسبب موت مفاجئ
اعملى سيرش وهيطلعلك الكلام ده

يميم جزاكى الله خيرًا
:083:

انا كنت عايزه اجيب الحزام من هنا قبل ماجي
ثانيا يعني خلااص ارجع المخده ده
ثالتا دلوقتي استعمل الكريم بتاع الاسترتش ولا خلااااص اصلي الدكتوره بتاعتي بتقولي غالبا مش بيعمل حاااجه
رابعا انا هاجيب الحلق من هنااا بس انا هولد عند بابا ومتهيلي معندوش نظام خرم الودان ده هههههه

ازيكو يا بناويت كنت عايزة أسألكو على كام حاجة كده حماتي بتقول عليهم

1 - البيبي بعد عملية الطهارة بيبقى متألم و لا مش بيحس بيها مادام اتعملت بعد الولادة على طول ؟ و هل يفضل انه يلبس جلاليب و تلفيه بحاجة من تحت عشان مايبردش أول أسبوع كده عشان بيبقى موجوع من عملية الطهارة ؟

أصلي مش مقتنعة بالكلام ده بصراحة يعني حتى لو هوا موجوع ماهو لابس بامبرز و قافل عليه جامد مش هايفرق بقى لو للبس جلابية أو سالوبيت انا مش بحب الجلابية ديه خالص و لا رأيكو ايه


2 - هوا البيبي الولد و هوا لسه مولود كده بتلبسوه أندر وير على البامبرز ؟ انا بيتهيألي الأندر ده بيبقى للبنات مع الفساتين طقم كده انما الولاد مش بيلبسو اندر وير غير لما يكبرو لأنه مش فارق هوا لابس البامبرز و خلاص و لا ايه رأيكو

crazy ananas;11371466:

وشوفت هناك الببرونه اللى بمعلقه ماركه فارلين ب 17 بس معجبتينش وحسيت الاكل بالمعلقه العاديه احسن عشان نانو تتعود عليها وشكلها كدا

دى مش فارلين دى ماركه كانبول بيبى
حلوه بس غاليه بحاجه وسبعين وحاجه واربعين
موجوده فى سيف ستورز و تويز ار اس
(انا عارفه انك جايبه شبها بس انا بوضح بس)

crazy ananas;11371466:
بصى يا عروس هو اه الموضوع الرضاعه متعب فالاول بس بجد مش مستاهل تعملى احتياطات من دلوقتى خالص وهو كبيره اسبوع وكله بيتظبط هو بس الالم بيجى عشان القنوات بتاعت الحلمه بتتفتح وهى اول مره تشتغل فمن هنا بتوجع انتى اعمليها بلبن وسبيه ينشف وقشرى القشره اللى عليه بسهوله واللبن بتاع الحلمه نفسها وشويه صبر كله بيعدى والله
وعموما هوريكى صورتها وبعدين متفوليش على نفسك يمكن متحتجلهاش

دى مش حلمه ثدى
دى حلمه بيبرونه عاديه

miko85;11378004:
كماااان حزام البطن اجيبه بعد الولاده ومالهوش لازمه ......
كمان كريم الاسترتش ماركس انا خلاااص طلعي سترش ماركس حمراااا خلاص ادهن منه ولا خلاااص كده

حطي بردو يا ميكو من دلوقتي وبعد الولادة كمان ان شاء الله، او زيت زيتون لو الكريم مش جايب نتيجة.

عروسة نعومة;11378382:
ازيكو يا بناويت كنت عايزة أسألكو على كام حاجة كده حماتي بتقول عليهم

1 - البيبي بعد عملية الطهارة بيبقى متألم و لا مش بيحس بيها مادام اتعملت بعد الولادة على طول ؟ و هل يفضل انه يلبس جلاليب و تلفيه بحاجة من تحت عشان مايبردش أول أسبوع كده عشان بيبقى موجوع من عملية الطهارة ؟

أصلي مش مقتنعة بالكلام ده بصراحة يعني حتى لو هوا موجوع ماهو لابس بامبرز و قافل عليه جامد مش هايفرق بقى لو للبس جلابية أو سالوبيت انا مش بحب الجلابية ديه خالص و لا رأيكو ايه


2 - هوا البيبي الولد و هوا لسه مولود كده بتلبسوه أندر وير على البامبرز ؟ انا بيتهيألي الأندر ده بيبقى للبنات مع الفساتين طقم كده انما الولاد مش بيلبسو اندر وير غير لما يكبرو لأنه مش فارق هوا لابس البامبرز و خلاص و لا ايه رأيكو

لا مفيش اندرات خالص دلوقتي، بصي بسبس كانت لسه بتقول انها هاتجيب بامبرز حديثي الولادة بردو بس اوسع شوية عشان مش يضايقه بعد الطهارة وهتلفه بلفة بردو بدل البنطلون، بس انا مش مقتنعة اوي بموضوع اللفة بردو وزيك كده بالظبط، بس ان كان علي البامبرز الاوسع شوية فده ممكن بس الخوف من التسريب، هي بتقول تقريبا فيه نوع كويس لكده بس ناسية اسمه.

white angel 85;11368188:
لو انتي نازلة اسكندرية حتلاقيهم في سنتر بوينت ب 50 جنيه

بس على فكرة خامتهم خفيفة جدا ومش حلوة اوي

بالعكس دى وشها فوطه والوش التانى قطن
خفيفه زى المناديل القماش بتاعت زمان
وعمليه جدا مع اخواتى

صوت العيون;11368807:
مشترواتى الحمد لله

ماشاء الله الملابس جميله يامورو
بس اللى فى الصوره ويبس وشامبو
طب اييه الازايز الاربعه دول

crazy ananas;11371230:

وعلى فكره اللى مفيد برضو للبن الحلاوه الطحينيه بس بتخن او التمر حلو جدا


على فكره يا بنات محدش يجيب بيبيكووووووووووووووووووو ده خالص انا للاسف قولت اجربه على كلامكم ولاقيته وحش قوى اولا اللزقه ناحيه بتلزق وناحيه لا والموضوع ده لاقيته فى اكتر من واحده وشكله كل الكيس كدا ده غير انه مش بيستحمل فتره طويله بيتملى بسرعه
هو اه رفيع بس مش عجبنى خاااااااااااااااالص
رغم ان العبوه 60 واحده بحاجه و 40 بس ولو فايينى وبامبى برقبته بجد
انا كنت عوزه اقولكم الكلام ده اول مجربته اول امبارح بس معرفتش ادخل :066:

جزاكى الله كل خيير

yomizo;11373045:

الماركه دى بتتباع عند بيبي شوب اللى هو ليه فرع في الخليج وفي alex انا هدوم بنتى معظمها منه
وممكن تلاقي فوط شبه دى عند اى حد بتاع فوط بس عاديه وكبيره بيبقى عندهم ساعات فوط بيبي شكلها كيوت

للاسف كل الفوط اللى شوفتها ملهاش علاقه بفوط القشط
هى فعلا كبيره وعاديه:01:

m@hy;11373990:
النابلز الصانعى بتاعى ماركتها كانيبول
و هيا لما البيبي بياكل هيا بتلزق لوحدها وتحسي ان النيبلز بتاعتك ملت الفراغ
و بتساعد ان النيبلز بتاعتك تظهر

جزاكى الله كل خيير

dew.dew;11378613:

ماشاء الله الملابس جميله يامورو
بس اللى فى الصوره ويبس وشامبو
طب اييه الازايز الاربعه دول

بصي يا نودي، مورو قالت امبارح ان الابيض ده شامبو للجسم، وغالبا بقي البينك ده اللوشن والاتنين التانيين اللي تحت زيت بس بروايح مختلفة، لا تصدقي ان الكبيرة منهم تقريبا كولونيا بصي كده هتلاقي مكتوبة عليها كده تقريبا.

ايوة صح اهي نفس الشكل الكولونيا او البرفان:

بصو انا نزلت واشتريت حاجات
ودى التقارير
روحت مذركير سيتى ستارز
لاقيته اغلى من الاسعار بتاعت مذر كير اسكندريه بفروق بسيطه 3 -4 جنيه كده
بس البنوته اللى كانت حاطه صوره البلوزه اللى ب145 لقيت مكتوب عليها 200 وشويه
مش عارفه بقى لما بدفع بيقولى عليها خصم ولا لا
المهم هى شفافه كده وخفيفه قوى
وبرا الرضاعه ب100 وحاجه وخامته معجبتنيش
لقيت بانيو بدوش ب600 جنيه
المهم اى البانيو او الاستاند بتاع التغير بيبتدى من 200 جنيه اللى 600 جنييه
الجوانب ب80 جنيه بس قصيره وخفيفه
و5 بافيتات ب45 او 55 جنيه
لقتهم ملهومش لازمه بيض كده وعاديين خالص مفهمش منظر غير اول واحده بس
المهم استغليته

روحت اتش ام لقيت اسعاره فى البيبى عاليه شويه
يعنى لو لقيتى قطه رخيصه انتى وحظك
لقيت بنطلون مقفول من تحت قطن وعبيط كده ب20 جنيه
وده كان ارخص حاجه
ومعجبنيش غير شخشيخه ب27 جنيه بتتغسل بس صوتها خفيف
وخلاص هاجبها قمت رجعتها وقولت مش وقتها
دى اول خروجه اوفرها لحاجه تانيه

هكملكم بعدين لما اصور الحاجات اللى جبتها احسن

اه انا جبت بناطيل قطن حلوه بس مش فاكره ماركتها جبتها من الفيوتشير مول فى التجمع الخامس
الواحد ب7.50 عجبنى ان رجليهم ضيقه من تحت وحلوه وناعمين
جبتهم من 3_6 لان لقيت ان من 0_3 فرق فى الطول قد عقلتين صباع الايد


واكتشفت ان مش فارقه ماركات القطن سواء الصياد او بابيون او غيره كله قطن 100 %
بجد حسيت ان احنا مكبرين موضوع قطن الصياد احسن قطن

لان عند مرات اخويا حاجات قطن من كل نوع وكانت احسن حاجه عجبتنى هى جونيور فاشن هسيت انها مهما تهرت غسيل لسه كويسه بعكس الصياد

وجبت علب اكل 3 علب معاهم شوكه ب15 جنيه حلوين بردو قووى ومكتوب عليهم صناعه تايلندى


ومحل لفلى انا صرفت نظر عنه لانه تخفيضاته مش قد كده
بعكس محلات تانيه ماركات وتخفيضات باستهبال
بس احسن حاجه تتجاب من عنده البافتات وسالوبيت المبطن
وبس
دا راى الشخصى لان بقيت الحاجات موجوده بنفس الماركات فى محلات تانيه وارخص كمان



وروحت شعبان بس حسيت ان الحاجات اللى عنده مش كلها بواقى تصدير
لان فى حاجات خامتها وحشه يبقى ازاى دى بتتصدر

بس هو رخيص وعنده حاجات حلوه ب13 وكده وفى اغلى من كده


روحت شارمن ملاقتش برا ماركه لاسو اللى بحاجه وتلاتين
لقيت ماركه كده ب45 ومتوسخه ومش حلوه وبزراير قولت طالما دى اغلىمن لاسو وكمان بعد التخفيض اومال لاسو دى هتبقى عامله ازاى
قومت مشيت وملقتش حاجات الاطفال حلوه
بس البيجامات الحريمى حلوه وتستاهل

روحت جويا برا الرضاعه ب35 جنيه بعد الخصم حلو مافيش منه غير الابيض والاسود
وفى واحد ب حاجه وعشرين بس معجبنيش خشن وبزراير
المهم جبت ابو 35 جنيه هو قطن ومرييح بس شكله بيوبر لما يتغسل
لبسته فى لقيت منظره وحش قوى فى اللبس وفى خط ابيض كده باين تحت الهدوم عشان بارز ومخلى منظرى كبيير قوى من فوق
على راى جوزى فاليتدخم الوحش
كان شكلى برفع اثقال
و عامله زى فلم غبى منه فيه لما ركبوله جبيره بدل الاندر وير
انا حسيت انى لبسه جبيره من فوق

اصلى اشتريته وقسته فى البيت
قولت اخليه للبيت عشان مريح قوى

صح يا كتكت زى ما قلتى
من اليمين
البمبى لوشن للجسم
وبعده الخضرا كولونيا للهدوم
والصفرا زيت للجسم
والابيض شامبو للجسم شاور يعنى بدل الصابونه ان شاء الله

ندي اوكي انا معاكي ان ممكن يكون كلهم قطن 100%
بس بجد اللي لقيته ان بابيون دي وحشة اوي في الملمس عن الصياد وفي درجة نقاء الابيض كمان، لكن بالنسبة للغسيل بقي الله اعلم لسه مجربتش، لكن بجد الصياد انعم واحن كده وبياضها حلو اوي.

وبرا الرضاعة انا دايما بلاقيه ابيض فعلا، واللي جبته ابيض بردو وفعلا شكله بيبقي رخم بس هنعمل ايه بقي، بس انا اصلا عشان مش متعودة علي النوعية دي وكنت دايما بلبس اللي هو كب او مبطن ورسمته مختلفة خالص، بس قلت الشكل هايبقي احسن لما البطن تنزل هايتظبط شوية في الرسمة بتاعته بجد.

كتكوته ومورو
جزاكم الله كل خيير
روحت مستشفى الامريكى معجبتنيش السراير خشب
وبتوع الرسبشن بارديييييييييييييييييييييييين
والحضانه بتاعت البيبهات من غير مفارش
وكل حاجه عليكى حتى الدايبرز بتاعك
او المستشفى هى اللى تجيب وتحاسبك
المهم الطبيعى 2000 و3000
والقيصرى 4000 و5000
والفرق اللى ب3000 دى اكبر والصالون منفصل عن عن الاوضه
وعيب اللى ب2000 ان التكيف فوقيكى متصلت عليكى
المهم المصاريف بتشمل الاوضوه وفتح اوضه العمليات والحضانه فقط
بس احلى حاجه هناك عن تجربه مرات اخويا هى الراعايه وبيهتمو بيكى وبالبيبى جداااااااااااااااا

روحت مستشفى المستقبل دى تبع جمعيه المستقبل المسيحيه
بس المستشفى فيها مسلمين بيشتغلوا فيها
واسعارها استهبال ومش واضحه
تصدقوا كاتبين البينج بيختلف سعره حسب الاوضه اللى انتى هتخديها يعنى كل مااخدتى اوضه سعرها غالى كل ماالبينج سعره يغلى
طب اييه علاقه سعر البينج بالاوضه
وبقيت الانظمه كده
وفى حاجات بتتضاف على الفاتوره
المهم حسبناها لقينا نفسنا هندفع زى الامريكى بالظبط
المهم المستشفى دى فى تريامف مصر الجديده
انا روحت على اساس فى واحده هنا قالت انها حلوه
بس اللى هتستفيد من المستشفى هى اللى بتولد فى اوض مشتركه تقعد فيها شويه وتمشى على طول
عشان بينزلوا فى الاسعار قوووى
بصراحه مشفتهاش لانها كانت فيها ناس
يعنى كنت عايزه اشوفها من باب الفضول

جزاك الله خير
حد يعرف حاجه عن مستشفى حورس فى مصر والسودان ان شاء الله