تجهيزات واستفسارات حوامل مصر :)

صوت العيون;11379162:
جزاك الله خير
حد يعرف حاجه عن مستشفى حورس فى مصر والسودان ان شاء الله

بصى زمان لما كنت فى اعداديه كنت اسمع انها حلوه من اشخاص كانت بتولد فيها
:02:
معرفش بقى دلوقتى اييه ظروفها او اى تفاصيل تانيه

السلام عليكم و رحمة الله وبركاته
ازيكو يا احلى ماميهات:065: انا بصراحة عايزة اشكركو واحدة واحدة على المعلومات الرائعة اللي بتجيبوها و تشاركونا فيها,, انا بحاول ادخل كل يوم اتصفح بسرعة لكن للأسف مش بلحق اشارك معاكو:02: انا شفت كلامكو على النيبلز الصناعية بس مش فاهمة هي غلط ليه؟؟ طالما في الآخر البيبي بيرضع لبن طبيعي.. ممكن حد يفهمني النقطة دي:083:..كمان انا عايزة اعرف هو غلط اني انام بالبرا بالليل؟؟ اصلي لابساه على طول علشان سمعت ان في الحمل الصدر بيكبر و بيترهل فلبس البرا بيمنع ده...معلش طولت عليكو بس فعلا انا بثق في رأيكو جدا...آخر سؤال معلش:02: حد يعرف اسعار الولادة في سنتر دكتور فارس اللي قدام نادي الشمس ايه؟؟

وعليكم السلام ورحمه الله وبركاته

جزاك الله خير يا ديو

بصى يا جميله الى فهمته ان النيبلز الصناعى عشان يشد البريست لبرا
لان المفروض فى تمرينات بتتعمل فى اخر شهرين فى الحمل عشان تبرزها
ولو محصلش بتتلبس دى عشان البيبى يعرف يرضع كويس وطبيعى فهمانى

والبرا سمعت نفس الكلام بس كدا كدا الصدر بيكبر عن الطبيعى الحمد لله
بس دى ممكن تكون بتسيطر شويه مش اكتر
وعشان لو متعوده كمان مش تبقا حاسه بضيق فهمانى ان شاء الله

موضوع النيبلز ده
اللى فهمته ان فيه ماركات معينه غير مطابقه للموصفات
بس انا عارفه الموضوع ده والناس الخلجين قالو ان الكلام ده معمول عشان يشوهوا سمعه المنتج من شريكات منافسه
والنيبلز الصناعى عشان لما يجى للواحده تشققات او وقت السنين بتحطيها


البرا اه لازم تلبيسيها كمان بعد الولاده
بس متناميش بيها عشان متعملش المرض الوحش
ربنا يحفظنا
وكمان ممكن لما تصحى تعملك علمات مترح النومه
فخلى باللك لان فى الحمل عموما الخبطه فى اى حته ممكن تعلم عند ناس وناس
وبعيدن لازم الصدر يتنفس بالليل
نفس الموضوع بالنسبه للشاراب لازم تقلعيه وانتى نايمه بالليل بعد ماتتدفى رجلك فهمانى

صوت العيون;11379453:
وعليكم السلام ورحمه الله وبركاته

جزاك الله خير يا ديو

بصى يا جميله الى فهمته ان النيبلز الصناعى عشان يشد البريست لبرا
لان المفروض فى تمرينات بتتعمل فى اخر شهرين فى الحمل عشان تبرزها
ولو محصلش بتتلبس دى عشان البيبى يعرف يرضع كويس وطبيعى فهمانى

والبرا سمعت نفس الكلام بس كدا كدا الصدر بيكبر عن الطبيعى الحمد لله
بس دى ممكن تكون بتسيطر شويه مش اكتر
وعشان لو متعوده كمان مش تبقا حاسه بضيق فهمانى ان شاء الله

لا يا مورو بصي، النيبلز الصناعي عشان لو النيبلز بتاعتك وجعاكي او اتعورت او اتشققت وكده، فبتحطيها فوق بتاعتك وهو بيرضع عشان الوجع متحسيش به اوي لغاية ما تخلصي العلاج بتاعك.
لكن التانية دي حاجة تانية اللي هي بتشد وتخلي النيبلز تظهر اللي عندهم غائرة.

dew.dew;11379517:
موضوع النيبلز ده
اللى فهمته ان فيه ماركات معينه غير مطابقه للموصفات
بس انا عارفه الموضوع ده والناس الخلجين قالو ان الكلام ده معمول عشان يشوهوا سمعه المنتج من شريكات منافسه
والنيبلز الصناعى عشان لما يجى للواحده تشققات او وقت السنين بتحطيها


البرا اه لازم تلبيسيها كمان بعد الولاده
بس متناميش بيها عشان متعملش المرض الوحش
ربنا يحفظنا
وكمان ممكن لما تصحى تعملك علمات مترح النومه
فخلى باللك لان فى الحمل عموما الخبطه فى اى حته ممكن تعلم عند ناس وناس
وبعيدن لازم الصدر يتنفس بالليل
نفس الموضوع بالنسبه للشاراب لازم تقلعيه وانتى نايمه بالليل بعد ماتتدفى رجلك فهمانى

تمام كده وفوق كده كمان ان بردو فيه بيبهات بتتعود عليها وبعد كده مش بتقبل تاخد النيبلز الطبيعية بقي.
بس موضوع البرا ده يا ندي هايبقي صعب اوي نقلعه واحنانايمين بعد الولادة عشان لو فيه اي تسريب او كده وخصوصا من الضغط اثناء النوم، وهنحط البادز فين، انا كنت ناوية البسه عالطول زي ما كنت بعمل قبل الجواز وعشان بالأخص موضوع التسريب ده بس.

حد يا بنات يعرف حاجة عن دكتور محمد على خلف .. دكتور أطفال وحديثى الولادة وليه عيادتين فى الرماية عمارات التقابة والتانية فى حدائق الاهرام
ياريت لو حد سمع عنه حاجة يقولى؟

miko85;11378321:
انا كنت عايزه اجيب الحزام من هنا قبل ماجي
ثانيا يعني خلااص ارجع المخده ده
ثالتا دلوقتي استعمل الكريم بتاع الاسترتش ولا خلااااص اصلي الدكتوره بتاعتي بتقولي غالبا مش بيعمل حاااجه
رابعا انا هاجيب الحلق من هنااا بس انا هولد عند بابا ومتهيلي معندوش نظام خرم الودان ده هههههه

انا كنت سألت الدكتورة فى موضوع الحزام كنت عايزة اجيبه قبل الولادة عشان البسه بعدها على طول الدكتورة قالتلى لا استنى بعد الولادة عشان انتى لسة هتتخنى فى التاسع ومش هتبقى عارفة مقاسك ايه لان فى مقاسات فى الحزام فاستنى بعد الولادة عشان تبدأى م المقاس الصح .. وماتخافيش هم مرطرطين هنا
المخدة مش لازم ترجعيها هتستعمليها بعد سنة ان شاء الله :016:
الكريم الدكتورة برضه قالتلى انه مش بيعمل حاجة انا بستعمل بس عشان ابقى رضيت ضميرى .. وكده كده هتستعمليه بعد الولادة فلو حبيتى تجيبيه من دلوقتى براحتك وممكن تستعملى زيت زيتون وزيت لوز برضه ..
خرم الودان موجود فى المستشفيات من الاف السنين يا ميكو انتى بس اللى تلاقيكى مش عارفة .. ماتقلقيش منه خالص يعنى وماتحطيهوش فى دماغك اصلا

عروسة نعومة;11378382:
ازيكو يا بناويت كنت عايزة أسألكو على كام حاجة كده حماتي بتقول عليهم

2 - هوا البيبي الولد و هوا لسه مولود كده بتلبسوه أندر وير على البامبرز ؟ انا بيتهيألي الأندر ده بيبقى للبنات مع الفساتين طقم كده انما الولاد مش بيلبسو اندر وير غير لما يكبرو لأنه مش فارق هوا لابس البامبرز و خلاص و لا ايه رأيكو

مفيش بانتيهات للبيبيهات لا ولاد ولا بنات .. لانك كده كده بتلبسى حاجة داخلى بكباسين

بصوا شنطه الام(بتاعتى)
ان شاء الله

مستلزمات الغيارات:
سابوه
شراب
دريل خروج
تلبيسه
اندر وير+برا+البرست
هدوم(روب جلابيه شورتات.....)
بطانيه
ملايه احطها فوق السرير كده حد يفرشهالى اى كلام وخلاص على السرير والمخده

مستلزمات الشاور:
فرشه +معجون سنان
شور جيل او صابونه +ليفه
فوطه
مزيل عرق+برفان خفيف
فرشه شعر
دايبرز+مناديل+وايبس
كحول ايثيلىكتعقيم لليد عشان الانفلونزا ربنا يحفظنا

مستلزمات اضرار اللبن ان شاء الله:
سيكم+هربانا احتياطى
ازازه ماء وعصاير وماما تكون محضرالى موغات فى تورمس وحلاوه راشيدى الميزان اللى شبه البسكوت اللى بتتاكل حاف ولبن وتمر محشى بدل ما كل شويه اطلع فى بزر
بونبونى عشان ريحه البق وكده
اصل احتمال كبييير اكون قيصرى واقعد يومين فى المستشفى
ربنا يستر

ها اييه تانى ناقص ليا؟؟؟؟؟؟؟؟؟؟؟؟؟؟

معلش يا بنات انا عارفة ان اللي حطلبه ده اطلب كتير بس اصلي كنت لسة في الأول و ما كنتش باخد بالي قوي

انا عايزة ليسته بالحاجات اللي نجيبها للبيبي ,التجهيزات يعني

ميرسي أوووووووووووووووووووووووووووووويييييييييييييييييييييييييي[SIZE="5"][/SIZE]

CuTie KaTkOoTa;11379717:


تمام كده وفوق كده كمان ان بردو فيه بيبهات بتتعود عليها وبعد كده مش بتقبل تاخد النيبلز الطبيعية بقي.
بس موضوع البرا ده يا ندي هايبقي صعب اوي نقلعه واحنانايمين بعد الولادة عشان لو فيه اي تسريب او كده وخصوصا من الضغط اثناء النوم، وهنحط البادز فين، انا كنت ناوية البسه عالطول زي ما كنت بعمل قبل الجواز وعشان بالأخص موضوع التسريب ده بس.

ايوا ياكتكوته عندك حق
بس تسريب اللبن مش بيكون فى اول تلات ايام
والصدر مش بيسرب كده عمال على بطال
وبيختلف من واحده لوحده
يعنى لو لاقدر الله لقيته بيسرب بالليل هلبسها ساعتها (لانها اصلا مريحه)
بس مش على طول لان موضوع التسريب ده مش بيستمر

اه البناطيل اللى انا جبتها كانت ماركه فانى بانى
حلوه قووووووووووووووووى ماشاء الله

Bossy22;11360568:
انا جايبة لنورين دة ريحته رقيقة اوي




ودة كمان كان ريحته حلوة تقريبا زي جيلي اناناس او حاجة كدة :037:


حلو ده اوووى هو مناسب للبيبى من امته يعنى ممكن من اول يوم عادى و سعره ايه ده يا قمر

انا بستخدمه من اول يوم عادي اهم حاجة انه مايجيش علي جلدها خالص علي الهدوم وبس ولما باجي احطهولها بحط ايدي علي وشها كله علشان عنيها ومناخيرها
ومش فاكرة سعره والله بس مكانش غالي

Eng. BoB;11362071:
آها فهمت
ميرسى يا سيموووو
عشان كده بيقولوا ان الرضاعة من البيبرونة بتكره البيبى فى الطبيعى لأنها اسهل



طيب انا عندى سؤال بقى عشان محتارة
انا خلاص الحمد لله خلصت حاجات البيبى ومن الفراغ اللى انا فيه عايزة احضر الشنطة .. ان شاء الله هدخل التاسع كمان اربع ايام
دلوقتى انا جايبة داخلى كت ونص كم وكم (منوعة فانلات وشايات)... وكل حاجة فيه منها بكباسين وفى منها من غير كباسين من تحت .. وطبعا جايبة بنطلونات كمان
انا مش عارفة بقى انظم الداخلى ازاى ؟؟؟؟ مفروض البيبى يلبس كام حاجة بكباسين يعنى ولا اعمل ايه بالظبط مش عارفة؟؟؟ انا خايفة برضه من موضوع التسريب ده انى اضطر اقلعها هدومها كلها وكنت عايزة اخلى البنطلون هو اللى فوق البامبرز على طول وبعد كده فوقيه الشاية او الفانلة ينفع ولا ايه؟؟؟؟؟

انا بقيت بعمل كدة يا بيبو دلوقتي ولما البامبرز يسرب ساعات البنطلون بس هو اللي بيتغير وكمان في البيت مش بقفل الشايات من تحت بسيبها مفتوحة

sweet_toota;11363504:
انا نزلت سألت فى اكتر من مكان على شايات بيبي كلاب بكم مش لاقية بكم خالص حتى سيف ستورز اللى هوبي قالت لمارو عليه و جابت منه لقيته خلص للاسف و قالتلى احنا طالبين بس مش عارفين هيجي امتى.. فهل لو جبت الشايات بنص كم هتفرق كتير ؟؟؟ يعنى طالما فوقيها سالوبيت قطن تقيل و عليه الكوفرتة او البطانية ممكن يدفوا (اخر ابريل او اول مايو) ولا اية رأيكم؟؟؟

لا يا توتا هاتي كم ومش لازم بيبي كلاب وعلي فكرة غالية اوي انا جايبة جونيور من التوحيد والنور سعرها حلو وخامتها قطن حلوة وكمان مقاسها كبير متيألي هايفضل معايا لغاية 3 شور ان شاء الله

sweet_toota;11364022:
لا انا مشوفتش اوتو كلوز افينت خالص بس فى ماركات تانية كويسة


جزاكى الله كل خير يا هوبي هسأل على الماركة دى طالما كويسة بس اللى خلانى افكر فى النص كم هو الجو الحر دة فقلت اكيد على ما اولد ان شاء الله هتبقى حر بشيع مش متخيلة انه هتبقى برد

لا ماتتغريش في الجو بيقلك يوم الاتنين درجة الحرارة هاتقل لغاية ماتوصل انها تقل 10 درجات :037:

أسارير البحور;11365018:
ربنا يباركلك في صحتك وابنك يارب على تخذيرك لينا ونقل تجربتك مع التمر واللبن والحلبة

بناااااااااااااااات

في تطعيم من اول 7 مارس هيبتدي للاطفال مجاني في الوحدة الصخية للعمرانية بيعلنوا عنها معلقين يافطة كبيرة في شارع العريش قلت اقولكوا

هو التطعيم دى ان شاء الله نعرفه ازاي امتى نطعم البيبي ؟؟

وايه تطعيم الروتا دى؟؟

وتطعيم الغدة الدرقية لازم تالت يوم؟؟

خايفة يفوتني التطعيمات ومعرفهاش دي

هما بيكتبولك علي شهادة الميلاد في كل مرة تروحي ميعاد التطعيم اللي بعده ولما يكون فيه حملة زي اللي يوم 7 دي بيقولولك عليه في التطعيم اللي قبله برده او بيفوتوا علي البيوت عادي
وعلي فكرة هو من يوم 7 ليوم 10 _3
وتحليل الغدة الدرقية بيبقي ابتداء من اليوم التاني اي يوم لغاية اسبوع بس اعمليه بسرعة علشان تطلعي شهادة الميلاد بسرعة علشان تطعيم الدرن وبعد التحليل دة بيقولولك لو فيه اي حاجة في النتيجة لاقدر الله هايتصلوا بيكي
وماتخافيش مش هاتفوتك المواعيد وانا احتياطي مسجلة الميعاد علي الموبايل في الكاليندر

Eng. BoB;11366376:
ما شاء الله معلومات ممتازة جزاكم الله خيرًا


ميرسى يا هوبى ربنا يخليلك دودو :083:

انا جبتها بس جبت اول 3 شهور وفعلا صغيرة قوى بس لما لقيتها كده قولت مش مشكلة على ماتصغر هيكون الجو بدأ يحرر واكون بدأت اخفف وكويس انى ماجبتش كتير
وفعلا غسلتهاما شاء الله حلوة

جزاكى الله خيرًا يا سيمو




بصى شوفى فى اللينك ده هيديكى فكرة عن التطعيمات لحد ماتاخدى الكتيب ماتخافيش ان شاء الله
http://go.3roos.com/3MfYT2SbWOe
قلبى بقى فى الموقع ده هتلاقى حاجات كتير:ok:

الروتا مش تبع وزارة الصحة البيبى بياخد التطعيم فى المصل واللقاح او مستشفى او عند دكتور وانا ان شاء الله ناوية اديه لجوجو ..
الروتا نزلة معوية حادة جدااا قئ واسهال ودرجة حرارة ومفيش ادوية بتنفع معاها بجد وبيضطروا يعلقوا محاليل للبيبى ده غير انه ياعينى بيتشفط ويخس خالص عليها ...



ما شاء الله ربنا يديمها نعمة
كويس والله اديتى الواحد امل
:083:

الواحد لو فضل يعمل اقتباسات لمشاركاتكم المفيدة مش هيخلص :087::087::087::087:
جزاكم الله خيرًا




انا عندى سؤال ... انا لسة فى اخر كام يوم فى التامن والنهاردة الفجر لما دخلت الحمام لمحت كام نقطة دم نزلوا منى .. اول مرة ينزل دم عليا فى الحمل بصراحة مش عارفة ايه ده؟؟؟؟
ونزلوا فى التواليت فمش عارفة كان معاهم افرازات ولا لأأأأ :040::040::040: معلش حاجة محرجة بس مش عارفة اطمن ازاى :040::040::040:

بيبو لازم تسألي الدكتور ان شاء الله خير

*عروس حبيبى*;11371991:
يا بنات الله يخليكم انا كل ما اسيب موضوع مقاسات لبس البيبى ارجع افكر فيه تانى احترت

ياريت المامات يقولولنا لبسوا بيبيهاتهم اول مااتولدوا مقاسات ايه ووزن البيبى كان كام
وهل لو البيبى وزنه 3 او 3 الا ربع مثلا مقاس ال0-3 بيكون كبير ومهبل عليه
وهل مقاس من 3-6 احيانا بيلبس الأصغر؟

معلش انا عارفه انى دوشتكم ربنا يجازيكم خير

بصي هو غالبا كل مصنع بيبقي ليه مقاساته فانتي ماتعتمديش علي اللي ماكتوب اعتمدي علي النظر اكتر انا بنتي اتولدت 3 ك ماشاء الله ومقاس 0_3 دة طلع واسع عليها في الشايات مثلا وحاجات تانية لبستها اول اسبوعين وخلاص مابيجوش مقاسها دلوقتي وفيه حاجات خروج شتوي شكلها كدة مش هاتلحق تلبسها خالص للأسف كبيرة اوي مع ان مكتوب عليها 0_3 فانتي بصي علي الحاجة نفسها مش اللي مكتوب عليها

Eng. BoB;11373210:
مورو ما شاء الله الحاجات جميلة قوى مبروكين عليكم


ميرسى يا انووووس:083:
بوسيلى نانوووو:087:

المخدة مش قبل سن سنة فمش لازم تجيبيها دلوقتى ممكن تخليها بعدين عادى
الشوزات برضه مالهاش لزمة دلوقتى

انتوا قصدكوا علي المخدة بتاعت الكبار ولا اللي فيها تجويف من النص دي لو اللي فيها تجويف انا بنيم بنتي عليها من دلوقتي وهي رفيعة جدا مش هاتعمل حاجة بس يادوب ترفعلها راسها شوية صغننين علشان لو رجعت وهي نايمة مش تبلع الترجيع وبنيمها مرة علي ظهرها ومرة علي جمبها دة ومرة علي جمبها دة عادي علشان راسها ماتاخدش شكل معين
يعنى لو انتى شايفة انه محتاج حاجة مبطنة حطى مش هتخسر بس كده كده انتى هتبقى لفاه مثلا فى حاجة فهيبقى نايم على كذا طبقة طرية اعتقد يعنى
الجوانب كفاية طقم الواحد العالم دى مرفهة يا امى

بصى صدقينى عمرك ماهتعرفى غير لما تشوفى البيبى بتاعك
انا اعرف بنت مولودة 3 كيلو وشوية ومش عايزة اقولك رفيعة ازاى وشهرين يا اوختى بتلبس فى النيوبورن دى ممكن تكون طويلة وعظمها تقيل
غير بيبى تانى قصير فهتلاقيه مكلبظ لو نفس الوزن فاهمانى؟
بتفرق من بيبى لبيبى
انتى بتجيبى وبتنوعى فى المقاسات وخلاص مالهاش حل اعتقد يعنى



بنات بما اننا بنتكلم عن التسلخات عايزة كريم تسلخات بس لحد حصلتله فعلا مش وقاية وحد كبير مش بيبى
اجيبله كريم ايه؟

فيه كريم حلو اسمه توب فلام وكمان كيناكومب حلوين للتسلخات اطفال وكبار

miko85;11378006:
يووووه سوال تاالت حلق بتاع البنوته اجيبه طبي مين باه ال هايخرملها ودنها وامتي البسهلها

من الصيدلية او من المحلات اللي بتبيع بالجملة وتلبسه من اول او تاني يوم عادي تخرمه في المستشفي انا نسيت فبعد ماروحت باباها خدها للصايغ خرملها ودنها بالحلق الطبي

dew.dew;11381993:
بصوا شنطه الام(بتاعتى)
ان شاء الله

مستلزمات الغيارات:
سابوه
شراب
دريل خروج
تلبيسه
اندر وير+برا+البرست
هدوم(روب جلابيه شورتات.....)
بطانيه
ملايه احطها فوق السرير كده حد يفرشهالى اى كلام وخلاص على السرير والمخده

مستلزمات الشاور:
فرشه +معجون سنان
شور جيل او صابونه +ليفه
فوطه
مزيل عرق+برفان خفيف
فرشه شعر
دايبرز+مناديل+وايبس
كحول ايثيلىكتعقيم لليد عشان الانفلونزا ربنا يحفظنا

مستلزمات اضرار اللبن ان شاء الله:
سيكم+هربانا احتياطى
ازازه ماء وعصاير وماما تكون محضرالى موغات فى تورمس وحلاوه راشيدى الميزان اللى شبه البسكوت اللى بتتاكل حاف ولبن وتمر محشى بدل ما كل شويه اطلع فى بزر
بونبونى عشان ريحه البق وكده
اصل احتمال كبييير اكون قيصرى واقعد يومين فى المستشفى
ربنا يستر

ها اييه تانى ناقص ليا؟؟؟؟؟؟؟؟؟؟؟؟؟؟

ربنا يقومك بالسلامة
ان شاء الله بلاش موغات دلوقتي هاتبقي تقيلة عليكي اوي والحلاوة ماتنسيش ان بعد الولادة بتفضلي يوم ماتكليش ولا تشربي حاجة
انا ولدت العصر وفضلت لغاية الفجر كدة ماكلش ولا اشرب وبعدين الدكتور قاللي بقي ممكن اخد بق مية واشرب ينسون دافي والصبح اكلت بقسماطاية واحدة وعلي بالليل تاني يوم بقي بدأت اكل فراخ مسلوقة وشوربة وتالت يوم بقي الاكل العادي خالص

انا بقي عندي سؤالين :
اولا البيبي يشرب ماية من امتي ؟
تاني حاجة التطعيم ضد فيرس الروتا مهم ولا لأ ومن سن كام بالظبط يعني ينفع اطعم نور دلوقتي في السن دة وفين بالظبط ؟

sosiii-cat;11383860:
انا بقي عندي سؤالين :
اولا البيبي يشرب ماية من امتي ؟
تاني حاجة التطعيم ضد فيرس الروتا مهم ولا لأ ومن سن كام بالظبط يعني ينفع اطعم نور دلوقتي في السن دة وفين بالظبط ؟

سوسى المية مالهاش سن معين الصيف داخل وابقى شربيها على الصيف ان شاء الله
وبالنسبة للتطعيم متهيالى اول جرعة من الروتا لما تتم شهرين وبرضه أسألى الدكتور احسن اللى هتطعميها عنده وعلى فكرة هو غالى شوية بس مهم جدا

sosiii-cat;11383726:



لا يا توتا هاتي كم ومش لازم بيبي كلاب وعلي فكرة غالية اوي انا جايبة جونيور من التوحيد والنور سعرها حلو وخامتها قطن حلوة وكمان مقاسها كبير متيألي هايفضل معايا لغاية 3 شور ان شاء الله

لا ماتتغريش في الجو بيقلك يوم الاتنين درجة الحرارة هاتقل لغاية ماتوصل انها تقل 10 درجات :037:




فيه كريم حلو اسمه توب فلام وكمان كيناكومب حلوين للتسلخات اطفال وكبار

ميرسي يا سوسي يا قمر:072::072::072: وانا فعلا بنت خالتى شكرتلى فى جونيور و خلاص هجيب بكم ان شاء الله ... بالنسبة يا سوسي لكيناكومب بلاش منه عشان طلع ان فيه كورتيزون فخليكى فى كريمات الزنك افضل




سؤال بقى انا مكنتش ناوية اجيب بطانية و قلت كفاية كوفيرتة تقيلة فى اخر 4 اول 5 بس انا فى الصيف بنام فى التكييف اجيب بطانية احتياطى مش كدة ؟؟؟؟

sweet_toota;11384328:
ميرسي يا سوسي يا قمر:072::072::072: وانا فعلا بنت خالتى شكرتلى فى جونيور و خلاص هجيب بكم ان شاء الله ... بالنسبة يا سوسي لكيناكومب بلاش منه عشان طلع ان فيه كورتيزون فخليكى فى كريمات الزنك افضل



كويس انك قلتيلي ان كيناكومب فيه كورتيزون ماكنتش اعرف يا توتا :087: بس المشكلة في الزنك ان الدكتور قاللي انه وقاية بس مش علاج

سؤال بقى انا مكنتش ناوية اجيب بطانية و قلت كفاية كوفيرتة تقيلة فى اخر 4 اول 5 بس انا فى الصيف بنام فى التكييف اجيب بطانية احتياطى مش كدة ؟؟؟؟

اه هاتيها يا توتا مش هاتخسر اكيد هاتستعمليها

أم حموودى القمر;11384193:
سوسى المية مالهاش سن معين الصيف داخل وابقى شربيها على الصيف ان شاء الله
وبالنسبة للتطعيم متهيالى اول جرعة من الروتا لما تتم شهرين وبرضه أسألى الدكتور احسن اللى هتطعميها عنده وعلى فكرة هو غالى شوية بس مهم جدا

جزاكي الله خير يا قمر

بنات هو ايه الفرق بين الكحول الايثيلي وكريم الزنك ف الاستخدام

بنات انا حصلي النهارده موقف وحش اوى وبجد اللى عندها اى معلومة تقولى ربنا يخليكو حد يقولى تاثيره ايه النهارده انا رحت كارفور وعديت من الجهاز اللى في الاول ده اللى بيصفر لما بنعدى من تحتيه ومكنتش اعرف انه ممكن يكون غلط للحوامل ومكنتش حاطة ف دماغي خالص وبعدى عادى لقيت البنت اللىى واقفه الله يسامحها بتقولى ايه ده انتى عديتى ليه ده غلط وهى اصلا كانت مفروض تحذرنى قبل ما اعدى الله يسامحها بقى المهم بقى ولله انا اتنكدت ومعرفتش اشتري حاجه وكنت مضايقه اوى وخايفه ياثر على البيبي مع انى كنت ريحه وفرحانه عشان بقالي كتير مخرجتش ومصدقت اخرج الحمدلله على كل شئ ياريت يابنات حد يفيدنى ويقولى اعمل ايه

بنت من الزمن ده;11385789:
بنات هو ايه الفرق بين الكحول الايثيلي وكريم الزنك ف الاستخدام

بنات انا حصلي النهارده موقف وحش اوى وبجد اللى عندها اى معلومة تقولى ربنا يخليكو حد يقولى تاثيره ايه النهارده انا رحت كارفور وعديت من الجهاز اللى في الاول ده اللى بيصفر لما بنعدى من تحتيه ومكنتش اعرف انه ممكن يكون غلط للحوامل ومكنتش حاطة ف دماغي خالص وبعدى عادى لقيت البنت اللىى واقفه الله يسامحها بتقولى ايه ده انتى عديتى ليه ده غلط وهى اصلا كانت مفروض تحذرنى قبل ما اعدى الله يسامحها بقى المهم بقى ولله انا اتنكدت ومعرفتش اشتري حاجه وكنت مضايقه اوى وخايفه ياثر على البيبي مع انى كنت ريحه وفرحانه عشان بقالي كتير مخرجتش ومصدقت اخرج الحمدلله على كل شئ ياريت يابنات حد يفيدنى ويقولى اعمل ايه

متقلقيش ياقمر الخطر لو عديتي منه كتير انما مره بسيطه ..الدكتور كان بيقولي ان عشان البيبي يتأثر بحاجه خارجيه لازم تكون اتكررت ..
وبالنسبه للكحول الايثيلي مختلف خالص عن كريم الزنك ..الكحول ده بيبقى مطهر للسره مثلا او لو في جرح والدكتور قالك تستخدميه اما كريم الزنك ده فللتسلخات اللي بتحصل للبيبي من البامبرز

بنت من الزمن ده;11385789:
بنات هو ايه الفرق بين الكحول الايثيلي وكريم الزنك ف الاستخدام


الكحول دة اللي بيتحط علي السرة وكريم الزنك للتسلخات
بنات انا حصلي النهارده موقف وحش اوى وبجد اللى عندها اى معلومة تقولى ربنا يخليكو حد يقولى تاثيره ايه النهارده انا رحت كارفور وعديت من الجهاز اللى في الاول ده اللى بيصفر لما بنعدى من تحتيه ومكنتش اعرف انه ممكن يكون غلط للحوامل ومكنتش حاطة ف دماغي خالص وبعدى عادى لقيت البنت اللىى واقفه الله يسامحها بتقولى ايه ده انتى عديتى ليه ده غلط وهى اصلا كانت مفروض تحذرنى قبل ما اعدى الله يسامحها بقى المهم بقى ولله انا اتنكدت ومعرفتش اشتري حاجه وكنت مضايقه اوى وخايفه ياثر على البيبي مع انى كنت ريحه وفرحانه عشان بقالي كتير مخرجتش ومصدقت اخرج الحمدلله على كل شئ ياريت يابنات حد يفيدنى ويقولى اعمل ايه

لا ماتحطيش في دماغك خالص دة انتي عديتي من قدامه في ثانية هايحصل ايه يعني ماتخافيش ان شاء الله مافيش حاجة

ربنا يخليكو يابنات على ردكو بس هى البنت بتقولى انهم قالولها متعديش الحوامل بس هى قالتلي بعد ماعديت وبعدها سالت 2 حوامل قالولى احنا مش بنعدى منه والحوامل مفروض يعدوا من وراه يعنى ميعدوش من تحته بجد انا مش نااقصه قلق

هوبي كنتى بتسالي عن مازركير دلوقتى التخفيضات موجوده على حاجات بسيييييطه جدا جدا هما 2 ستاند بس اللى كان عليهم السيل واصلا الناس شالو الحاجات الحلوة حتى البافتات اللى كانو 5 ب 42 لقيتهم بقو ب 60 وبرغم كده جبتهم بقى وخلاص

بنات موضوع الجهاز ده اللى عندو اى معلومة ياريت يقولى ضرووووري

sosiii-cat;11383726:
انا بستخدمه من اول يوم عادي اهم حاجة انه مايجيش علي جلدها خالص علي الهدوم وبس ولما باجي احطهولها بحط ايدي علي وشها كله علشان عنيها ومناخيرها
ومش فاكرة سعره والله بس مكانش غالي

يعنى بارفان جونسون احلى ولا بوم بوم ده؟؟؟؟؟؟
فى الريحه يعنى بتثبت ولا بتروح بسرعه؟؟؟؟

sosiii-cat;11383726:
لا يا توتا هاتي كم ومش لازم بيبي كلاب وعلي فكرة غالية اوي انا جايبة جونيور من التوحيد والنور سعرها حلو وخامتها قطن حلوة وكمان مقاسها كبير متيألي هايفضل معايا لغاية 3 شور ان شاء الله

بيبى كلب اللى بكم لسه شايفاها الاسبوع اللى فات فى سيف ستورز سيتى ستارز
انتو تقصدوا ماركه جونيور
ولا جونيور فاشون؟؟؟؟؟؟؟

sosiii-cat;11383726:
ربنا يقومك بالسلامة
ان شاء الله بلاش موغات دلوقتي هاتبقي تقيلة عليكي اوي والحلاوة ماتنسيش ان بعد الولادة بتفضلي يوم ماتكليش ولا تشربي حاجة
انا ولدت العصر وفضلت لغاية الفجر كدة ماكلش ولا اشرب وبعدين الدكتور قاللي بقي ممكن اخد بق مية واشرب ينسون دافي والصبح اكلت بقسماطاية واحدة وعلي بالليل تاني يوم بقي بدأت اكل فراخ مسلوقة وشوربة وتالت يوم بقي الاكل العادي خالص

شكرا يا جميله:016:

sosiii-cat;11383860:
التطعيم ضد فيرس الروتا مهم ولا لأ ومن سن كام بالظبط يعني ينفع اطعم نور دلوقتي في السن دة وفين بالظبط ؟

بصى اهم طتعيمين
تطعيم الروتا(بيتاخد على جرعتين من الاسبوع السادس وبعد شهرين على الرابع)
وتطعيم الانفلونزا البكتيريه(بيتاخد جرعه واحده فى سن3 او5 او7 شهور)0عشان مايجيش مرض السحال)
ودول ارخص مكان هتلاقيهم فيه هو المصل واللقاح
وطبعا تحليل وظائف الغده الدرقيه(على اليوم الخامس او التالت من الولاده)لان نقص الوظائف يؤدى الى امساك
ده كلام الدكتور بتاع برنامج العياده كنت كاتباه عندى ونقلتهولك
وبقيت التطعيمات موجوده فى الصحه ومكتوب مواعيدها على ظهر شهاده الميلاد

بنت من الزمن ده;11385789:
بنات انا حصلي النهارده موقف وحش اوى وبجد اللى عندها اى معلومة تقولى ربنا يخليكو حد يقولى تاثيره ايه النهارده انا رحت كارفور وعديت من الجهاز اللى في الاول ده اللى بيصفر لما بنعدى من تحتيه ومكنتش اعرف انه ممكن يكون غلط للحوامل ومكنتش حاطة ف دماغي خالص وبعدى عادى لقيت البنت اللىى واقفه الله يسامحها بتقولى ايه ده انتى عديتى ليه ده غلط وهى اصلا كانت مفروض تحذرنى قبل ما اعدى الله يسامحها بقى المهم بقى ولله انا اتنكدت ومعرفتش اشتري حاجه وكنت مضايقه اوى وخايفه ياثر على البيبي مع انى كنت ريحه وفرحانه عشان بقالي كتير مخرجتش ومصدقت اخرج الحمدلله على كل شئ ياريت يابنات حد يفيدنى ويقولى اعمل ايه

عادى ياجميله انا روحت سيتى ستارز وعديت من الجهاز
وكان فى بنت غلسه فضلت موقفانى جوه الجهاز لغايه ماتاخد شنتطها قمت انا اللى عدتها:066: