تجهيزات واستفسارات حوامل مصر :)

يا جماعة بليييييييييييييييييييييز عايزة ليستة أجيب ايه للبيبي مش عارفة ألم نفسي خالص

أمة الله ترجو رضاه;11394019:
يا جماعة بليييييييييييييييييييييز عايزة ليستة أجيب ايه للبيبي مش عارفة ألم نفسي خالص

اتفضلي يا قمر، طبعا انتي بتختاري منها المهم وبس او حسب استخدامك ونظرتك انتي الاسهلك يعني والاعداد بردو مش شرط تلتزمي بيها كلها زي ما هي مكتوبة، بس دي بتلفت نظرك للحاجات نفسها عشان متسيش حاجة وكده.

6 شايات نص كم مقاس 0-3

6 شاايات كم مقاس 0-3

4 سالوبيت خروج

8 سالوبيت بيت

10 بافيتات

2 كوفرتة واحدة بيت وواحدة خروج

2 بطانية واحدة بيت وواحدة خروج

1 سالوبيت مبطن

بيبرونة

بامبرز

مشط

ترمومتر

تيتينة

10 فوط قشط

مريلة رضاعة

3 بشكير

مفرش تغيير بامبرز

بادز للصدر

بانيو

حلق

قصافة

مقص ضوافر

كرسى عربية

سرير

عربية

شيالة

شامبو

شاور جيل

كريم تغيير بامبرز ( زنك - فازلين )

بودرة تلك ( مش مهمة )

لوشن

زيت

كلونيا للبيبى

وايبس

صابون اطفال

5 كاب للراس

5 لكلوك

5 شرابات

ليفة

سفنجة تتفرش فى البانيو


مستلزمات المولود المنتظر من الألف الى الياء:

الملابس:
·6 فانلات داخلية على الأقل.
ويتوقف كون الأكمام قصيرة أو طويلة على الوقت الذى ستضعين فيه مولودك. ضاعفى عدد الفانلات التى تشترينها إذا كنت ستلدين فى فصل الشتاء وتفضلين إلباس المولود فانلتين.
6 أطقم للنوم (بيجامات أو سالوبيتات) يجب أن تغطى هذه الملابس القدمين فى فصل الشتاء، ولكن تكون مفتوحة من عند القدمين فى فصل الصيف.
· 6 بافتات أو أكثر.
· قبعة للصيف أو غطاء رأس صوف للشتاء.
· 3 أزواج من الشرابات.
· 2 جاكت صوف للشتاء.
· 3 أطقم خروج أو أكثر.
·حفاضات.
اشترى كمية من الحفاضات – مقاس الأطفال حديثى الولادة - لكن لا تشترى كمية كبيرة لأنك قد تجدين طفلك بعد فترة قصيرة يحتاج للمقاس الأكبر.

المفروشات:
·2 كوفرتة أو أكثر.
اختارى أنواع خفيفة يسهل لفها حول طفلك عند حمله.
· ملاءتان وغطاءان للسرير.
· مشمع لحماية المرتبة من أى بلل.
· بشكير للحمام.
البشاكير ذات غطاء الرأس تكون مفيدة.
· فوطتان صغيرتان أو أكثر.
لتنظيف فم الطفل إذا خرج من فمه بعض اللبن.


مستلزمات نظافة الطفل:
· كحول؛ لتنظيف سرة الطفل.
· صابونة وشامبو (الأنواع الخاصة بالأطفال حديثى الولادة). (صابون جلسرين طبي )
· كريم للوقاية من الالتهابات الجلدية التى تنتج من استخدام الحفاضة.
· قطن.
· المناديل المبللة الخاصة بتنظيف قاعدة الطفل.
يمكنك أخذها معك عند الخروج حتى لو كنت تفضلين استخدام القطن والماء عند التغيير لطفلك فى البيت.

كماليات:
· إسفنجة للحمام.
· فرشاة شعر ناعمة (خاصة بالأطفال حديثى الولادة).
·قصافة أو مقص أظافر (خاص بالأطفال حديثى الولادة).
·تتينة - إذا اخترت استخدامها.
· مشمع لاستخدامه عند التغيير لطفلك.
· ترمومتر.
· قطارة.
·ناموسية؛ هذه الشبكة تحفظ مولودك من الناموس ومن أى حشرات أخرى. لا تضعى الناموسية قريبة من طفلك، فعندما يبدأ طفلك فى مد يديه أو تحريك قدميه لأعلى، قد يشدها إليه أو تقع عليه وقد تتسبب فى اختناقه. · ببرونات
·لا تشترى ببرونات كثيرة حتى تعرفى إذا كان طفلك سيحتاج لاستخدامها أم لا.
·فرشاة تنظيف الببرونات.
·أدوات تعقيم الببرونات.

مشتريات كبيرة:
·سرير للطفل: أغلب الناس يفضلون اختيار سرير يصلح للطفل لأول عامين من عمره. عند شرائك للسرير ابحثى عن نوع له جوانب ويمكن رفع أو خفض ارتفاعه أو يمكن خفض أو رفع مرتبته لكى يلائم طفلك عندما يكبر.

· عربة أطفال.
· كرسى سيارة لطفلك.
هذا الكرسى ضرورى لأمان طفلك فى السيارة.
· سرير محمول لطفلك (كارى كوت).
· بانيو بلاستيك صغير.


مشتريات اختيارية:
· جهاز الاستماع عن بعد (مونيتر).
· منضدة تغيير.
· الحمالة التى ترتديها الأم لحمل الطفل.
· لعبة موسيقية من النوع الذى يتم تعليقه على السرير لتسلية الطفل وتحفيز حواسه.
· لعب؛ لن يحتاج مولودك الصغير للكثير من اللعب لكن لعبة طرية أو شخشيخة قد تبعث على تسلية وإسعاد الطفل حتى فى الأسابيع الأولى



سرير
ناموسية
العاب للسرير
عربية للبيبي
كرسي عربيه البيبي
دولاب صغير او حاجه زي الشيفونيرة لوضع هدوم البيبي فيها
لعب للبيبي
صندوق للعب
طاولة لتبديل ملابس البيبي او مشمع للغيار
جهاز مراقبة
ادوات حمايه للابواب والفيش
لمبة سهاري
بانيو
لعب بانيو
باسكت زبالة مخصوص للبمبرز
ملايات لسرير البيبي
مشمع لحماية المرتبة من البلل
شنطة البيبي
مخده صغيرة للستخدام عنما يكبر
2 كوفيرتة
2 بطانية
2 كيس نوم
2 بشكير للحموم بغطاء راس للبيبي
2 فوطة كبيرة
6 فوط صغيرة
4 فوط للرضاعة والتجشؤ
مريلة رضاعة
6 فانلات كت مقاس 0-3
6 فانلات كت مقاس 3-6
6 فانلات نص كم مقاس 0-3
6 فانلات نص كم مقاس 3-6
6 فانلة كم مقاس 0-3
6 بنطلونات باستك عند القدم
4 شرابات
3 قفازات علشان ميخربشش نفسه
3 قبعات للصيف
3 سلوبيت داخلي بكباسين جنب الرقبة مقاس 0-3
6زيهم بس مقاس 3-6 بيبقوا كت ومن غير رجلين علشان لو خفتي علي صدره وزيهم نص كم
ممكن كمان يبقى في 2 بكم وبرجلين مقاس 0-3
4 برضو زيهم مقاس 3-6
3 طقم خروج مقاس 0-3
6 طقم خروج مقاس 3-6
ادوات نظافة>
مقص بيكون مكان القص فيه صغير اقصر من المكان اللي بيتمسك منه
قصافة
فرشة شعر
مشط
قطن طبي
قطن ودان
مناديل معطرة
بامبرز
كحول
كريم لمنع التسلخات (( زنك))
ترمومتر رقمي احسن من الزئبقي
قطارة للدوا
شفاط للانف
شامبو
بيبي اويل
بيبي لوشن
سائل استحمام للبيبي
بافتات احجام مختلفة
كولونيا للبيبي مخصوصة ليه
بيبرونة متوسطة الحجم علشان الاعشاب
حافظة حرارة للبيبرونة
تتينة بالكلبس بتاعها
دبابيس خاصة بالبيبي
2 كوب للبيبي
3 طبق خاص بلبيبي
5 ملاعق للاطفال
3 وعاء لحفظ الطعام للبيبي
كوز للحموم
> > > حاجات متعلقة بالام> >
ملابس بزراير من الامام للرضاعة
برا للرضاعه او برا يكون مريح علشان ميضغطش على صدرك
ملابس داخلية قطنية
فوط صحية
breast pads علشان وقت الخروج او نوم البيبي اللبن ميبهدلكيش هدومك
كرسي الاكل
مرجيحه

nemonamanemo;11393562:
هههههههههههههههههه الله يبارك فيكي يا سوسي انا لسه عارفه بس بجهز عشان متزنقش اخبار نورين ايه


قوليلي بقي كنتي جيباه بكام و بتحتاجيه في الشهر الكام

ربنا يتمملك بخير يارب يانيمو :016:
كنت جايباه بحوالي 170 من لافلي وجبته في اخر الرابع كدة لما بنطلوناتي ضاقت عليا وبقيت اسيبها مفتوحة :037:
نورين كويسة الحمدلله كبرت شوية اهي

*عروس حبيبى*;11393613:
الف مبروك يا نيمو على الحمل ربنا يتملك بخير ياجميل

ومتشكرة اوى لكل القمرات اللى ردوا عليا فى اسئلتى من كام يوم

كنت عاوزة اعرف البريست بادز بتاعت افنت اللى بتتغسل بتتجاب بالواحده وللا العلبه وهى تستحمل غسيل اد ايه وسعرها كام

هي عبارة عن 6 وحدات يعني 3 في لاستخدام و كانت ب 80 او 83 مش فاكرة
وبتستحمل غسيل كتييييييييييييييييييييييير انا من يوم ماولدت وبغسلها كتير اوي ولسه كأنها لسه جديده ماشاء الله
بس انتي متشتريش دلوقتي لانها غالية وممكن متكونيسش من النوع اللي بسرب انتي هاتي واحدة اي نوع عادي وشوفي النظام ايه لو لقيتي نفسك بتسربي هاتيها لانها افضل الانواع

حاجاااااات نونتى ربنا يجيبه بالسلامة يااارب بس لسه فاضلي حاجات مجبتهاش بردو

دة مشط وغرشاه ومقص وقصافه ومبرد ودبابيس امان جبتهم من كارفور


دة تيشرت من ماذركير بعد الديسكونت 30ج مقاس من 6-9 كنت عايزة من 0 ل 3 او من 3 ل6 بس ملقتش


دول 10 بافتات من ماذركير اللى ع اليمين اللى اولهم لبنى دول 5 مع بعض ب 60 ومكنش عيهم خصم اللى ع الشمال دول كانو 5 ب 30 بعد الخصم

دول 2 سالوبيت للبيت جبتهم من كارفور واحد ب 20 وواحد ب 17 والابيض ده ماركة الصياد

دى جلابيه مع انى مبحبش الجلبيات بس ماما قالتلي بينفعو

ماركة 4kids الفوط قشط وبشكير اللى على شكل الخروف ده و2 بافته واحده كانت ب 12

جلابيه قطن

جلابيه قطن تانيه كانت ب 25 تقريبا

2 سالوبيت للبيت من بيبي كلاب

لكلوك وطاقيه للنونو
لسه في حاجات تانيه هنزلهالكوا استنونى بعد الفاصل اوعى تغير المنتدى :08:

ما شاء الله حلوين
هى فوط القشط والبشكير بكام ومن كارفور برده يا جميله ان شاء الله

حزام بطن للنونو بس مش عارفه هستخدمه ولا لا انا جبته وخلاص اللى ف المحل قالتلي خديه فخدته

دى شايات ماركة الصياد وبيبي كلاب وسالوبتات بردو بس كله نص و2 شايه بس كت لسه هجيب تانى دول 6 سالوبيت نص و2 شايه كت و2 شايه نص

سالوبيت ماركة جونيور من الكويت مقاس نيوبورن او من 0ل3 لان المقاس اللى بعده 3ل6

سالوبيت بردو ماركة جونيور من الكويت

سالوبيت جونيور برضو

طقم تيشرت وشورت مقاس من 0ل3 من مازركير بس مش عارفه النونو هيلبسه ولا لا

بنتاكور من 0ل3 من مازركير الكويت جوزى اللى جايبه

تيشرت

تيشرت بردو ههههههههههه

ده بقى تيشرت بس كم

بنطلووون

تيشرت كم
كده خلاص دى كل الحاجات اللى جبتها ولو جبت حاجه تانى هصورها انا بقيت بعرف انزل الصور اهوو

صوت العيون البشكير وفوط القشط من محل ف الزقازيق اسمه كوكى عندى مش من كارفور وفوط القشط فيه 4 ماركة نيللي وفيه 2 بيبي كلاب والبشكير اسمها 4كيدز والاسعار حاضر هطلع اشوفهالك يا قمر

بنات هو حزام السرة دة لية لازمة ؟؟
والافضل اجيب منتجات سيباميد ولا جونسوون
مع العلم ان جونسون الى هنا فى السعودية صناعة اماراتى

بنااات انا جبت بشكير واحد مفروض اجيب كمان واحد ومجبتش فوط كبيرة اجيب ولا لا انا جبت فوط قشط بس

صوت يا جميله بصي فوط القشط اللى هما 3 مع بعض دول ب 12 نوع اسمه نيللي واللى اتنين اللى مع بعض بيبي كلاب ب 19 والبشكير ب 46,50 وده زى ماقلتلك ماركة فور كيدز

لا يا راويه ملوش لزمه متجيبوهوش

اما جونسون هنا نضيف انا بجيب منه والتاني البنات كلهم بيشكروا فيه بس انا مجربتوش

DANDONA_2010;11399044:
بنات هو حزام السرة دة لية لازمة ؟؟
والافضل اجيب منتجات سيباميد ولا جونسوون
مع العلم ان جونسون الى هنا فى السعودية صناعة اماراتى

لا حزام السره مالوش اى لازمه وغلط كمان على البيبي ومحدش يستعمله ياريت

garfeild;11395176:
هي عبارة عن 6 وحدات يعني 3 في لاستخدام و كانت ب 80 او 83 مش فاكرة
وبتستحمل غسيل كتييييييييييييييييييييييير انا من يوم ماولدت وبغسلها كتير اوي ولسه كأنها لسه جديده ماشاء الله
بس انتي متشتريش دلوقتي لانها غالية وممكن متكونيسش من النوع اللي بسرب انتي هاتي واحدة اي نوع عادي وشوفي النظام ايه لو لقيتي نفسك بتسربي هاتيها لانها افضل الانواع

الصيدليات الكبيره كمان بيكن عندها ماركات عاديه بتتغسل برده وانا كنت جايبه منهم 3 اجواز يعنى 6 وحدات ب 37 جنيه من صيدليه سيف في المرغنى

بنت من الزمن ده;11399005:
صوت العيون البشكير وفوط القشط من محل ف الزقازيق اسمه كوكى عندى مش من كارفور وفوط القشط فيه 4 ماركة نيللي وفيه 2 بيبي كلاب والبشكير اسمها 4كيدز والاسعار حاضر هطلع اشوفهالك يا قمر

مبروك على النونوحاجته حلوة اوى ماشاء الله على فكره ماركه جونيور اللى من بيبي شوب دى حلوة وحاجاتها ماشاء الله بتعيش اوى
انا حاجات بناتى كتير منها هى وماذر كير
عقبال مايتهنى بيهم بالعافيه يارب

بنت من الزمن ده;11399144:
بنااات انا جبت بشكير واحد مفروض اجيب كمان واحد ومجبتش فوط كبيرة اجيب ولا لا انا جبت فوط قشط بس

لا كفايه بشكير واحد للنونو على فوط القشط اللى انت جبتيها
ممكن بس تجيبي فوطه صغيره مقاس فوط الوجه كده عشان لما تغيريله البامبرز بتحتاجى انك تنشفي بوبوته بيها بس كده

يوميزووووو مرسي اوى ياجميله طب الحزام اللى انا جبته ده حزام بطن ولا حزام سرة هى الست اللى ف المحل قالتلي ده حزام للبيبي كله بيتلف حولين وسطة معرفش بقى بس شكلي مش هستخدمه

اي حاجه تتلف حولين سره البيبي غلط بس في الي هيه اللفه الي فوق الهدوم بيستخدموها في الاول عشان تحكمي البيبي في المسكه

hاه هى الست قالت كده بتقول بيتلف عشان تعرفي تمسكيه بس معرفش هى اللى انا جبتها دى ولا لا

بصي لو طويله وعريضه يبقي الي بيتلف بيها كله اما لو عامله زي الشريطه العريضه كده يبقي للوسط