تجهيزات واستفسارات حوامل مصر :)

بنت من الزمن ده;11403767:
في الشارع اللى فيه مؤمن يا جميلة قدام محل ديزل , لو لسه معرفتيش قوليلي اوضحلك اكتر بصي هو جنب محل بيتر فلاى بتاع اللانجيري

اها عرفته
انتي روحتي محل البيبيز اللي في المعلمين مول عنده حجات حلوة بس غالي

بنت من الزمن ده;11403820:
بناات هو لما النونو يتولد اول يوم مثلا ينفع حد يصورة ولا غلط اصل الناس بتفضل تصور النونو والبنات اللى سافرو وهما حوامل هو ف الطار بيخلوهم يعدو ع الجهاز وبيمروا عليهم الجهاز اللى عامل زى العصايا ده ولا لا وعايزة اعرف كمان هو السونار الثلاثي او الرباعى بيبين كل حاجه ف الجنييين يعنى مبيكنش فيه احتمال وجوود حاجه وحشه لاسمح الله ولا ممكن اعزروونى ياببنات انا مش عارفه ايه القلق اللى انا فيه ده بجد قلقانه اوى اوى ياااااااااااارب يكون خيير

هو الكاريكوت مهم ولا مش مهم

انتي بتسالي 4 اسئله في سؤال واحد :042:بتفكريني بنفسي وانا حامل هبلت كل اللي معايا :D
قوليلي اسمك ايه ؟
نمسك سؤال سؤال بالنسبة للصور عادي ايه الغلط في كده كل الناس بتصور بيبيهاتهم
السؤال التاني بالنسبة للمطار مفيش ضرر مش سوسي جبتلك تقرير بيقول مفيش ضرر وكلها اشعة مش ضارة
السؤال التالت ههههههههههههه انا تعبت الثري دي او الفور دي بيين طبعا اي حاجة لاقدر الله اصلا لما الدكتور بيكون شاكك في حاجة بيقول ع الفور دي
وبعدين نصيحة متقعديش تفكري وتقولي ان البيبي فيه حاجة ان الله خير حافظا متستسلميش لافكار الشيطان وبعدين كله خير من ربنا
السؤال الرابع ههههههههههههههههههههه
الكاريكوت ملوش اي لازمه غير انه رخم اوي في الشيل والواحد بشيل فيه البيبي مره ولا اتنين لانك مش هتحتاجيه اصلا لان الخروج في الاول بيكون قليل انا شايفة ان الواحد يوفر التمن ويجيب شيالة احسن تنفع اكتر ولفتره كبيرة

:03::03: جاوبت على الاسئله ولو في اي اضافة البنات هيجابوا برضه

ههههههههههههههههههه مرسي ياقمر ربنا يخليكى ليا يارب انتى وكل البنات اللى ف المنتدى القمرات انا معرفش الحل اللى ف المعلمين مول لو تعرفي اسمه ابقى قوليهولى بالنسبه بقى لاسئلتى انا ولله فعلا تعبت كل اللى حواليه معايا بجد مش عارفه مالى معرفش كل الحوامل كده وانا انا بس اللى موسوسه كده اصل في اول الحمل اول 3 شهور كنت باخد حبوب حديد وخدت مرتين كده باراسيتامول فخايفه يكون فيه ضرر لان ام هدى اللى عندها طفله متلازمة داون بتقول ان بنتها جت كده بسبب ادويه للزكام اول الشهووور وموضوع الجهاز ده كماان قلقنى بس دلوقتى الحمدلله بقيت مرتاحه شويه انا هقرى قران عشان قلبي يهدى لانى مش عارفه مالى
طب معلش اخر سؤال ومحدش يضربنى ههههههههههههه هو الماوس الليزر لما بنمسكه غلط علينا اصل فيه نور بيبقى طالع منه كده النور ده ليزر يعنى ولا ايه وغلط علينا ولا عادى وانا اسمى دينا يا جيرفيلد ياقمر انا صحيح من شهرين كده كان فيلم جيرفيلد ع التلفزيون كنت بتفرج عليه وافتكرتك ولله وانا اصلا فاكراكى من ايام التجهيزات وفاكرة بردو انك من الزقازيق يا قمر وسلميلي على لمار الامورة

بنت من الزمن ده;11404082:
ههههههههههههههههههه مرسي ياقمر ربنا يخليكى ليا يارب انتى وكل البنات اللى ف المنتدى القمرات انا معرفش الحل اللى ف المعلمين مول لو تعرفي اسمه ابقى قوليهولى بالنسبه بقى لاسئلتى انا ولله فعلا تعبت كل اللى حواليه معايا بجد مش عارفه مالى معرفش كل الحوامل كده وانا انا بس اللى موسوسه كده اصل في اول الحمل اول 3 شهور كنت باخد حبوب حديد وخدت مرتين كده باراسيتامول فخايفه يكون فيه ضرر لان ام هدى اللى عندها طفله متلازمة داون بتقول ان بنتها جت كده بسبب ادويه للزكام اول الشهووور وموضوع الجهاز ده كماان قلقنى بس دلوقتى الحمدلله بقيت مرتاحه شويه انا هقرى قران عشان قلبي يهدى لانى مش عارفه مالى
طب معلش اخر سؤال ومحدش يضربنى ههههههههههههه هو الماوس الليزر لما بنمسكه غلط علينا اصل فيه نور بيبقى طالع منه كده النور ده ليزر يعنى ولا ايه وغلط علينا ولا عادى وانا اسمى دينا يا جيرفيلد ياقمر انا صحيح من شهرين كده كان فيلم جيرفيلد ع التلفزيون كنت بتفرج عليه وافتكرتك ولله وانا اصلا فاكراكى من ايام التجهيزات وفاكرة بردو انك من الزقازيق يا قمر وسلميلي على لمار الامورة

ههههههههههههههههههههههههه
انتي عسل والله يا دينا وانا خلاص ايام كسل جارفيلد راحت كلش شئ راح وانقضى لمار مخلياني في كامل النشاط هههههههههههههههههههههه
بصي محل اللي في المعلمين مول في اول دور جنب محل مستلزمات التجميل ع يمينك بس مش فاكرة اسمه ايه زهايمر بعيد عنك
وفي محل جنبه بيبع هدوم بيتي صيفي صيني تحفةةةةةةةةةةةةةةةةة بشكل الست اللي بتبيع ذوقها راقي جدا وبتجيب بالقطعة جبت من عندها شوية حجات وانا كنت عند ماما وعجبت جوزي جدا وكمان عندها لانجيري شيك اوي
انا رغيت كتييييييييييييير خلينا في المهم
زي ماقولتلك متستسلميش لوسوسة الشيطان وتوكلي ع الله
اصلا البااراسيتامول هو الدوا الوحيد الامن ع الحمل يا موسوسه :085:
وانا فعلا اسمع ان ادوية الزكام بتعمل مشاكل بس الواحد اكيد بياخد باله من الادوية دي ومتقلقيش ان شاء الله مادام مخديش حاجة
السؤال التاني ههههههههههههههههههههههههههه الماوس ازاي هتكون غلط يعني سبتي الكمبيوتر وبتسألي عن الماوس ههههههههههههههههه انا كنت مقيمة ع الكمبيوتر وبمسك الماوس اللي فيها نور وكنت بلعب بيها هههههههههههههههههههههه وعادي يعني متسخطش ولا حاجة هههههههههههههههههههههههه معلش يادينا اصل بجد افتكرت نفسي ونا حامل كنت والله زيك بالظبط لدرجة جوزي قالي انتي جبايلي هسهس في دماغي ومرة الدكتورة قالتلي اسماء لو سمحتي انا صدعت من اسئلتك هههههههههههههههههههههه
انا بأه اللي عندي سؤال هههههههههههههههه من نفسي
الصيفي نزل عندك في المحلات بتاعة البيبهات ولا لسه؟

Eng. BoB;11401341:
بنات انا جبت فوط صغيرة بس وماجبتش فوط كشط ده هى لازم يعنى؟؟؟ ولا الفوط الصغيرة دى تغنى؟؟؟ كانت تايهة عن بالى خالص ونسيتها

لا ولا حزام بطن ولا سرة ولا رجل ولا الحاجات دى خاااااااااااالص

وسيباميد افضل من جونسون

ما شاء الله حاجة النونو تحففةةةةة بجد ربنا يقومك بالسلامة

بيبو علي فكرة انا مش جايبة فوط قشط انا كان عندي فوط كدة مربعة وصغنونة اخدتها هدية من المحل ايام ماكنت بشتري حاجة الجواز واستخدمتها بعد كدة للبيبي اي فوطة صغيرة تغني وخلاص

بنت من الزمن ده;11403820:
بناات هو لما النونو يتولد اول يوم مثلا ينفع حد يصورة ولا غلط اصل الناس بتفضل تصور النونو والبنات اللى سافرو وهما حوامل هو ف الطار بيخلوهم يعدو ع الجهاز وبيمروا عليهم الجهاز اللى عامل زى العصايا ده ولا لا وعايزة اعرف كمان هو السونار الثلاثي او الرباعى بيبين كل حاجه ف الجنييين يعنى مبيكنش فيه احتمال وجوود حاجه وحشه لاسمح الله ولا ممكن اعزروونى ياببنات انا مش عارفه ايه القلق اللى انا فيه ده بجد قلقانه اوى اوى ياااااااااااارب يكون خيير

هو الكاريكوت مهم ولا مش مهم

لا الصور مش غلط يا قمر :095: والسونار الرباعي بيبين كل حاجة بإذن الله
انا كمان كنت قلقانة كدة وكنت دايما افكر ان بنتي هاتتولد بعد الشر مش طبيعية مش عارفة ليه بس اتضح ان القلق دة عادي عند معظم الناس ان شاء الله خير ماتقلقيش :087:
الكاريكوت دة فيه ناس بتحبه وناس لأ وانا من اللي مش بيحبوه بحس انه بيلخم اكتر يعني عندي البيبي يتشال علي الايد احسن انا اخت جوزي ادتلي بتاعها واستخدمته مرة واحدة في اول مرة ماما ودت البنت تطعم وقالتلي المرة الجاية مش هاخد البتاع دة تاني :02:

بنت من الزمن ده;11404082:
ههههههههههههههههههه مرسي ياقمر ربنا يخليكى ليا يارب انتى وكل البنات اللى ف المنتدى القمرات انا معرفش الحل اللى ف المعلمين مول لو تعرفي اسمه ابقى قوليهولى بالنسبه بقى لاسئلتى انا ولله فعلا تعبت كل اللى حواليه معايا بجد مش عارفه مالى معرفش كل الحوامل كده وانا انا بس اللى موسوسه كده اصل في اول الحمل اول 3 شهور كنت باخد حبوب حديد وخدت مرتين كده باراسيتامول فخايفه يكون فيه ضرر لان ام هدى اللى عندها طفله متلازمة داون بتقول ان بنتها جت كده بسبب ادويه للزكام اول الشهووور وموضوع الجهاز ده كماان قلقنى بس دلوقتى الحمدلله بقيت مرتاحه شويه انا هقرى قران عشان قلبي يهدى لانى مش عارفه مالى
طب معلش اخر سؤال ومحدش يضربنى ههههههههههههه هو الماوس الليزر لما بنمسكه غلط علينا اصل فيه نور بيبقى طالع منه كده النور ده ليزر يعنى ولا ايه وغلط علينا ولا عادى وانا اسمى دينا يا جيرفيلد ياقمر انا صحيح من شهرين كده كان فيلم جيرفيلد ع التلفزيون كنت بتفرج عليه وافتكرتك ولله وانا اصلا فاكراكى من ايام التجهيزات وفاكرة بردو انك من الزقازيق يا قمر وسلميلي على لمار الامورة

الباراسيتامول والبارامول والابيمول وكل الحاجات دي آمنة جدا في الحمل والرضاعة ماتخافيش دنا خدت كمية ادوية للبرد رهيبة بس ربنا اللي بيستر
والماوس كمان مافيش منه ضرر دي اشعة ضعيفة اووي

بنت من الزمن ده دمك زى العسل .....وكله الا الماوس اللى باليزر انتى افورتى شويه هههههههه
ههههه بتفكرينى بنفسى والله انا كمان موسوسه على الاخر زيك
وجوزى اتجنن منى لانه صيدلى وبيعرف نفع وضرر الادويه بس كنت مش بسمع كلامه ومش بوافق اخد اى حاجه ههههههههه
مره كان عندى صداااااع فظيع وقالى خدى بنادول وتقولى لمين لا والف لا ههههههههه بس فى الاخر اخدت حبايه وربنا يستر وفضلت طول الاسبوع اقوله مش غلط انى اخدت بنادول هههه لما فى الاخر بقيت اكلم نفسى وهو ميردش عليااااا جننته معذور هههههههه
وحكايه المطار ديه انا كنت سمعت عنها قبل ما اسافر من الامارات بس سبتها على ربنا
ربنا يقومنا جميعا على خير يا رب ونفرح بيبهاتنا اللهم امين

CuTie KaTkOoTa;11401424:
طيب هي صغيرة اد ايه يا بيبو، ما هي ممكن اه مش هتقول لأ.

زى الفوط النونو بتاعتنا

ماتولدى بقى يا ايمى :039::083:

garfeild;11403581:

مبروك حجات النونو جميله اوي ماشاء الله
انتي بلدياتي علفكره انا برضه من الزقازيق بس اتجوزت هنا في كايرو
بقولك فين محل كوكي ده ؟

اولا انا كمان من الزقازيق بس عايشين هنا طول عمرنا بلديات يعنى :03::03:
ثانيا اكلة السمك الفيليه شكلها جامد اخر حاجة تسلم ايدك بجد :025::025:

بنت من الزمن ده;11403820:
بناات هو لما النونو يتولد اول يوم مثلا ينفع حد يصورة ولا غلط اصل الناس بتفضل تصور النونو والبنات اللى سافرو وهما حوامل هو ف الطار بيخلوهم يعدو ع الجهاز وبيمروا عليهم الجهاز اللى عامل زى العصايا ده ولا لا وعايزة اعرف كمان هو السونار الثلاثي او الرباعى بيبين كل حاجه ف الجنييين يعنى مبيكنش فيه احتمال وجوود حاجه وحشه لاسمح الله ولا ممكن اعزروونى ياببنات انا مش عارفه ايه القلق اللى انا فيه ده بجد قلقانه اوى اوى ياااااااااااارب يكون خيير

هو الكاريكوت مهم ولا مش مهم

انتى عسل قوى يا دينا :016:
الصور عادى جدا جدا جدا
الجهاز انتى بتعدى فى ثوانى وسوسى قالتلك انه عادى
السونار بيبين كل حاجة وماتخافيش لو الدكتور بتاعك لا قدر الله شك فى حاجة فى السونار العادى بيقولك اعملى 3 او 4 دى .. وماتقلقيش على فكرة الهرمونات هى اللى بتخلى الحوامل يبقوا قلقانين كده وعادى جدا القلق اللى انتى فيه ده والكوابيس عادى وقلة النوم عادى ماتخافيش
الكاريكوت انا مش مقتنعة بيه خالص وشايفة انه اشيلها على ايدى اسهل بصراحة
خصوصا ان اول شهرين مش هتنزلى الا قليل قوى وبعد الشهرين دول الكاريكوت مش هينفع

بنت من الزمن ده;11404082:
ههههههههههههههههههه مرسي ياقمر ربنا يخليكى ليا يارب انتى وكل البنات اللى ف المنتدى القمرات انا معرفش الحل اللى ف المعلمين مول لو تعرفي اسمه ابقى قوليهولى بالنسبه بقى لاسئلتى انا ولله فعلا تعبت كل اللى حواليه معايا بجد مش عارفه مالى معرفش كل الحوامل كده وانا انا بس اللى موسوسه كده اصل في اول الحمل اول 3 شهور كنت باخد حبوب حديد وخدت مرتين كده باراسيتامول فخايفه يكون فيه ضرر لان ام هدى اللى عندها طفله متلازمة داون بتقول ان بنتها جت كده بسبب ادويه للزكام اول الشهووور وموضوع الجهاز ده كماان قلقنى بس دلوقتى الحمدلله بقيت مرتاحه شويه انا هقرى قران عشان قلبي يهدى لانى مش عارفه مالى
طب معلش اخر سؤال ومحدش يضربنى ههههههههههههه هو الماوس الليزر لما بنمسكه غلط علينا اصل فيه نور بيبقى طالع منه كده النور ده ليزر يعنى ولا ايه وغلط علينا ولا عادى وانا اسمى دينا يا جيرفيلد ياقمر انا صحيح من شهرين كده كان فيلم جيرفيلد ع التلفزيون كنت بتفرج عليه وافتكرتك ولله وانا اصلا فاكراكى من ايام التجهيزات وفاكرة بردو انك من الزقازيق يا قمر وسلميلي على لمار الامورة

ماتقعديش بقى على الكمبيوتر ولا قدام التليفزيون ولا تستعملى الموبايل :094::094:
روقى يا دندن واستهدى بالله ياقمر

sosiii-cat;11404326:
بيبو علي فكرة انا مش جايبة فوط قشط انا كان عندي فوط كدة مربعة وصغنونة اخدتها هدية من المحل ايام ماكنت بشتري حاجة الجواز واستخدمتها بعد كدة للبيبي اي فوطة صغيرة تغني وخلاص

ميرسى يا سوسى انا برضه بقول انها مش مهمة :094::065:

Eng. BoB;11406028:
زى الفوط النونو بتاعتنا

ماتولدى بقى يا ايمى :039::083:

اه عادي يا بيبو خالص ما هي هي تقريبا نفس الحجم يعني ومش هتقول لأ كله بيقضي الغرض ولا هي زيادة فلوس وخلاص، مادام عندك يبقي مفيش داعي تشتري، المهم انها تكون قطن 100 % وحنينة كده

بمناسبة الادوية فى الحمل ممكن اعرف حد اخد مضاد حيوي فى الحمل و خصوصا اخر شهور لان انا عندى صديد و الدكتورة طلبت مزرعة عشان تكتبلى المضاد الحيوي و انا قريت على النت ان مفيش مضاد safe 100 %

بنت من الزمن ده;11404082:
ههههههههههههههههههه مرسي ياقمر ربنا يخليكى ليا يارب انتى وكل البنات اللى ف المنتدى القمرات انا معرفش الحل اللى ف المعلمين مول لو تعرفي اسمه ابقى قوليهولى بالنسبه بقى لاسئلتى انا ولله فعلا تعبت كل اللى حواليه معايا بجد مش عارفه مالى معرفش كل الحوامل كده وانا انا بس اللى موسوسه كده اصل في اول الحمل اول 3 شهور كنت باخد حبوب حديد وخدت مرتين كده باراسيتامول فخايفه يكون فيه ضرر لان ام هدى اللى عندها طفله متلازمة داون بتقول ان بنتها جت كده بسبب ادويه للزكام اول الشهووور وموضوع الجهاز ده كماان قلقنى بس دلوقتى الحمدلله بقيت مرتاحه شويه انا هقرى قران عشان قلبي يهدى

انتى كدا هتولدى من كتر القلق والخوف يابنتى بالراحه عالنونو هيطلع مشعشع عالاخر
الموضوع ابسط من كدا بكتير لو ربنا رايد حاجه هتحصل سواء حلو ه او وحشه لاقدرالله سلميها لله وعيشى حياتك وحطى فدماغك ان القلق والتوتر بياثروا عالبيبى لانه عاوز جو هادى وخاليكى مبسوطه ومفرفشه عشان مايطلعش عصبى
اما حكايه التصوير نانو اتهرت تصوير من اخويا من اول دقيقه وبجد ذكرى حلوه قوى محدش يفوتها احنا حتى مصورنها وهى بتستحمى اول مره هناك

اما بئا حكايه الداون فانا درسه تخاطب متاكده ميه % انه ملوش علاقه لا بالادويه وله اى حاجه انتى بتعمليها ممكن تخلى البيبى داون لوحده كدا هى حاجه من عند ربنا لانه السبب فالدوان هو خلل فى كروموزون 13 ده حتى مش بيكون وراثه يعنى ملهوش علاقه لا بادويه وله حاجه هو الناس اللى متعرفش السبب ده تقولك انه بئا دوان عشان اخدت ادويه وده غلط خالص

اما الجهاز اللى بنعدى منه فالمولات والحاجات ديه انا عديت منها يجى 3 او 4 مرات فالحمل عادى ومحدش قالى حاجه انا لما ولدت وروحت سيتى استارز البنت اللى واقفه قالتلى اعدى نانو من ورا الجهاز بس

افرحى يا بنتى بالحمل ومتخليش الشيطان يلعب فى دماغك ان شاء الله مفيش حاجه وحشه
انا دايما بقول الحمل ده حلو قوى وعلى فكره انا برضو كان بيجيلى وساوس زيك كدا بس كنت بحاول مستسلمش ليها واشغل نفسى وخصوصا ان جوزى ليه اخ داون تخيالى بئا ممكن اقلق ازاى بس الحمد لله الدكتوره كانت مطمنانى مالاول خالص وانا كنت سيباها لله

miko85;11378006:
يووووه سوال تاالت حلق بتاع البنوته اجيبه طبي مين باه ال هايخرملها ودنها وامتي البسهلها

بئا انتى يا ميكو مش عارفه تجيبى الحلق منين وجوزك صيدلى هتجننينى
موجود فالصيدليات يا بينتى
وانا كنت جيبه من الصيدليه بس جم يخرمو ودنها بيه اتكسر وجابو من عندهم حلق
وبيخرموا الودن بالحلق عادى لان الودن بتكون طريه وبيخرموا بعد مايحموها ويلبسوها والموضوع سهل خالص ومش بياخد ثوانى

Eng. BoB;11378184:

حزام البطن فيه اراء عليه ناس بتقول مفيد وناس لأ بس اللى شفته بعينى انه مفيد طبعا وانا هجيبه ان شاء الله بس بعد الولادة مش هجيبه من دلوقتى .. عشان المقاس اللى هوصله بعد الولادة على طول...
الاسترتش ماركس اللى طلعت مش هتروح غير بعد الولادة .. وكريم الاسترتش ماركس مش دايما بيقلل ظهورها لانها بتفرق من جلد لجلد انا بقالى فترة بستعمله بانتظام وهى برضه بتزيد بانتظام

انا قريت اكتر من مرة ان البيبى لا ينام على مخدة ولا ينام غير على ظهره

انا ملبستش حزام بطن وله حاجه والحمد لله بطنى كويسه
ودكتورتى كانت قيله انى ممكن البس كورسيه بعد 3 اسابيع مالولاده بس ملبستش
وبنت خالى دكتوره علاج طبيعى وولده 3 مرات قيصرى قالتلى ملبسش عشان ممكن اضعف العضلات
فهقولكم رائ انا ممكن تجيبوا كورسيه احسن من حزام البطن وتلبسوه يوم ويوم لا بس بعد 3 اسابيع لو ولدين قيصرى اهو تمسكو العصايه مالنص

اما العلامات الدكتوره قالتلى بتروح لوحدها بعد الولاده وفى حاجات بسيطه مش بتروح فعادى بئا اهو للذكره من ايام الحمل هههههههههههههههه

اما نوم البيبى فالاحسن كل شويه ننيمه على جمب عشان لو رجع او قشط مايشرقش وطبعا تغيروا كل شويه الجنب عشان ميكونش فى ودن مبططه والتانيه لا

dew.dew;11381993:


ملايه احطها فوق السرير كده حد يفرشهالى اى كلام وخلاص على السرير والمخده

مستلزمات اضرار اللبن ان شاء الله:
سيكم+هربانا احتياطى
ازازه ماء وعصاير وماما تكون محضرالى موغات فى تورمس وحلاوه راشيدى الميزان اللى شبه البسكوت اللى بتتاكل حاف ولبن وتمر محشى بدل ما كل شويه اطلع فى بزر
بونبونى عشان ريحه البق وكده
اصل احتمال كبييير اكون قيصرى واقعد يومين فى المستشفى
ربنا يستر

ها اييه تانى ناقص ليا؟؟؟؟؟؟؟؟؟؟؟؟؟؟

بصى يا ديو ملهاش لزمخ قوى الملايه لانهم بيكونوا حطين ملايه وعليها مشمع فى نص السرير وعليها ملايه تانيه احتياطى بس عموما برحتك برضو

اما اضرار اللبن انتى طالعه رحله يابنتى اصلا لو ولده قيصرى مش هتكلى حاجه غير بعد الولاده بكام ساعه ويادوب زبادى وعلبه مربه صغننه وعصير برتقال ده اللى انا اكلته وكان بليل وانا ولده الضهر وحتى المايه الواحده مش بتشر غير حاجه بسيطه قوى لان الاجهزه بتعتك بتكون لسه بتفوق مالبنج برضو
وتانى يوم يادوب ربع فرخه مسلوقه وشوربه خضار وتفاحه
فمتحتيش الاكل فى دماغك قوى اول يوم وعموما المهم للبن هو انك ترضع علطول وتخالى البيبى هو اللى يحفز اللبن ولما تروحى بالسلامه ابئا كولى اللى انتى عوزاه

sosiii-cat;11383860:
انا بقي عندي سؤالين :
اولا البيبي يشرب ماية من امتي ؟
تاني حاجة التطعيم ضد فيرس الروتا مهم ولا لأ ومن سن كام بالظبط يعني ينفع اطعم نور دلوقتي في السن دة وفين بالظبط ؟

فى ناس بتقول بعد 3 شهور وفى ناس بتقول من اول يوم عادى بس عموما انتى اديها مايه لما تكمل شهرين مثلا بس مش كتير فالمره يعنى مثلا معلقتين وله حاجه بس بعد الرضاعه عشان ترضع كويس

اما حكايه التطعيم الزياده انا محتاره فيه ومش عارفه اطعم وله لا
وكنت سمعت دكتور هشام حتاته بيقول ان كتر التطعيمات مش صح والله اعلم

شوق وحنين للجنة;11389335:
إزيكم يا قمرات بجد أنا استفدت منكم اوى وكان نفسي أشارك معاكم بس مكنتش نزلت خالص ع أنا في أواخر الرابع ولسه معرفتش هو ولد ولا بنت
بس إمبارح نزلت التوحيد والنور
ده طقم كت وشورت برضه ب 9 جنيه

ودى شاية نص كم ماركة جونيور فاشون جبت 2 الواحدة ب 5 ونص

الف مبروك وربنا كملك على خير ومنورانا
انا برضو كنت جبت لنانو نفس الطقم ده بس لونه اصفر حلو قوى بصراحه وسعره كمان
وبرضو كنت جبتلها نفس الشايات

miko85;11391744:

انا مسافره كمان اربع ايام وهاركب طيارتين وهاعدي كزا مره علي الجهاز
علي فكره الحارس هو ربنا ماينفعش نقعد نعيط بالطريقه الواحد يستعين بربنا وخلااص

تيجى بالسلامه يا ميكووووووووووووووو

أمة الله ترجو رضاه;11394019:
يا جماعة بليييييييييييييييييييييز عايزة ليستة أجيب ايه للبيبي مش عارفة ألم نفسي خالص

كتكوته حطتهالك بس مش شرط تجيبى كلها هاتى اللى انتى شيفاه مناسب ليكى ومتكتريش فالكميه الحاجات اللى مقاسها صغير

بنات انا جبت حاجات حلوه قوى لنانو من ريموندس
وعوزه اقولكم حاجه للامانه كنت قولت ان بيبكو مش حلو عشان اللزقه لاقيت ماما اكتشفت ان الناحيه البايظه محتاجه نبص فى جمب كدا عشان نطلع اللزقه وعموما اللى مش عجبنى فيه برضو انه من بره مش قطن وعموما اللزقه بتلزق كويس :01:

sweet_toota;11408626:
بمناسبة الادوية فى الحمل ممكن اعرف حد اخد مضاد حيوي فى الحمل و خصوصا اخر شهور لان انا عندى صديد و الدكتورة طلبت مزرعة عشان تكتبلى المضاد الحيوي و انا قريت على النت ان مفيش مضاد safe 100 %

متقلقيش يا توتا انا برضو كان عندى صديد والدكتوره طلبت منى اعمل مزرعه فى نفس الوقت بتاعك اللى هو فالسابع لان لزم اعالجه قبل الولاده وكنت الحمد لله لما عملت المزرعه كانت النسبه قالت عن الاول ومحتجتش اخد ادويه يعنى متقلقيش لان الوقت ده هو مناسب عشان تخدى مضاد حيوى فيها لان البيبى كبر الحمد لله ومتقلقيش بجد وان شاء الله هتطلع النسبه كويسه ومش هتحتاجى ادويه

ممكن كل واحدة تقولي جابت شنطة البيبي منين ؟

بجد ولله يابنااات انتو اكتر من اخواات ومرسي ليكوا كلكوا اسماء وسوسيكات وجالكسي وبوب وكريزى كلكوا زى العسل وربنا يكرمكوا يارب ويديكوا كل اللى انتو عايزينوا يااارب ياارب يااارب
اسماء القمر لبس الصيفي كله بيقول على نص 3 ان شاء الله لما ينزل هقولك يا جميله
انا خلاص بقى مش هجيييب الكاريكوووت اقنعتووووتى اصل كان فيه طقم عاجبنى كاريكوت مع الشنطه الاتنين شبه بعض بس كنت مترردده ف الكاريكوت انا كمان مبحبوش بحس انه كبير اوى ده اكبر من النونو ههههههههه

عروسة نعومة;11409080:
ممكن كل واحدة تقولي جابت شنطة البيبي منين ؟

انا جبتها من حرية مول محل دباديبو ب 85 تقريبا

الصور للمواليد يفضل انها تكون من غير فلاش

crazy ananas;11408665:
متقلقيش يا توتا انا برضو كان عندى صديد والدكتوره طلبت منى اعمل مزرعه فى نفس الوقت بتاعك اللى هو فالسابع لان لزم اعالجه قبل الولاده وكنت الحمد لله لما عملت المزرعه كانت النسبه قالت عن الاول ومحتجتش اخد ادويه يعنى متقلقيش لان الوقت ده هو مناسب عشان تخدى مضاد حيوى فيها لان البيبى كبر الحمد لله ومتقلقيش بجد وان شاء الله هتطلع النسبه كويسه ومش هتحتاجى ادويه

جزاكى الله خير يا انوسة طمنتينى ربنا يطمنك و يفرحك بنانو يارب

عروسة نعومة;11409080:
ممكن كل واحدة تقولي جابت شنطة البيبي منين ؟

انا كل اللى بشوفهم فى المحلات وانا بتفرج مش بيعجبونى او بحس ان مش انا و بفكر اروح نايكى او اديداس اشوفلى شنطة لذيذة كدة و تكون متقسمة حلو و تنفع لحجات البيبي

بنات هى الوحده بتعرف انها حامل فى بنت ولا ولد من الشهر الكام
وانتوا بتبتدوا تجهزوا لبسهم من امتى من بعد ما بتحددوا نوع البيبى؟

sally2007;11410738:
بنات هى الوحده بتعرف انها حامل فى بنت ولا ولد من الشهر الكام
وانتوا بتبتدوا تجهزوا لبسهم من امتى من بعد ما بتحددوا نوع البيبى؟

بتعرفي من الرابع كده حسب وضع البيبي بقي جوا مساعد ولا لأ.

ومش شرط تجيبي الحاجة لما تعرفي النوع ممكن قبلها لو انتي حابة بس هاتي الاساسيات والحاجات الداخلية وكده ، دول ولا فيهم الوان ولا فيهم خيارات هتختلف لو طلع ولد او بنت، بس عامة يعني ممكن من السادس كده التجهيز بقي.

sweet_toota;11408626:
بمناسبة الادوية فى الحمل ممكن اعرف حد اخد مضاد حيوي فى الحمل و خصوصا اخر شهور لان انا عندى صديد و الدكتورة طلبت مزرعة عشان تكتبلى المضاد الحيوي و انا قريت على النت ان مفيش مضاد safe 100 %

انا اخدت مضاد حيوي يا توتا في الشهر التاسع علشان موضوع الالتهابات ماتقلقيش لو الدكتورة اللي قالت يبقي عادي

crazy ananas;11408641:



فى ناس بتقول بعد 3 شهور وفى ناس بتقول من اول يوم عادى بس عموما انتى اديها مايه لما تكمل شهرين مثلا بس مش كتير فالمره يعنى مثلا معلقتين وله حاجه بس بعد الرضاعه عشان ترضع كويس

اما حكايه التطعيم الزياده انا محتاره فيه ومش عارفه اطعم وله لا
وكنت سمعت دكتور هشام حتاته بيقول ان كتر التطعيمات مش صح والله اعلم


طيب يا اناناسة انتي شربتي نانو من امتي بالظبط
انا اصلا خايفة من الموضوع دة شوية علشان ماما بتقوللي لو شربتيها مرة اوعي تنسي كل يوم لازم تشربيها وإلا يبقي حرام عليكي وانا اساسا بنسي اشرب انا :037:


وعوزه اقولكم حاجه للامانه كنت قولت ان بيبكو مش حلو عشان اللزقه لاقيت ماما اكتشفت ان الناحيه البايظه محتاجه نبص فى جمب كدا عشان نطلع اللزقه وعموما اللى مش عجبنى فيه برضو انه من بره مش قطن وعموما اللزقه بتلزق كويس :01:

صحيح فكرتيني :042: انا كمان كنت عايزة اقول حاجة للأمانة
انا كنت قلت قبل كدة علي بيبي جوي انه حلو بس فتحة السرة وجيب البوبو مش مهمين .. هو اه فتحة السرة مش مهمة انما لما استخدمت الانواع التانية اللي مافيهاش جيب بوبو عرفت قيمته كويس :057::057::057::057: هو فعلا له لازمة يا بنات

عروسة نعومة;11409080:
ممكن كل واحدة تقولي جابت شنطة البيبي منين ؟

انا كنت جايباها من عند لافلي وحطيت صورتها قبل كدة اول ماجبتها

انا بردوو مش متخيله انى هشيييل شنط البيبي دى ازاى طب وشنطتنا العاديه بتاعتنا مش هنشيلها يعنى ولا ايه طب واحنا كمااان بنشييل شنطة البيبي دى كل مانخرج مع البيبي ولا لما بنرووح مثلا مشوار وهنقعد طول اليوم برا مثلا وانا بردوو بفكر اجيب من اديداس او نايك مثلا حاجة لذيذة وميكنش عليها رسوماات الاطفال دى لان انا اللى هشيلها مش النونو هو اللى هيشيلها ولا ايه رايكوا اجيب اللى عليها رسمواات العاديه دى على فكرة ياسوسي شنطتك حلوة اوى