باقي 6 كيلو على الوزن المثالي ؟تعالي

هلا بنات انا اليوم اهلي صايمين وشردت رحت لخالتي وللاسف برضو صايمين ويطبخون بس قدرت امسك نفسي مااكلت الا 4لقم سلطه خيار وطماطم وخس وزبادي هذي السلطه واكلت يمكن 4 لقم خبزه بره وعسل ووشووووي شوربه هاه كثرت بعد والا تمام وخلاص مااكلت شي بس شربت شاهي اخضر والحين بمشي نص ساعه وبس

كل الانوثة .. بس لازم تاكلي 3 وجبات فاليوم ..عالاقل تعشي ولو بزبادي

وحلو يومك بسيط .. استغربت انك ما تحبي الرز .. يااااااااحظك والله ماشاء الله ..

مس فرساتجي ... زين ماشاء الله مبين ان عندك قوة عزيمه .. لما تبغي تنزلي تنزلي ..

تسلميلي عالترحيب ..

انا خااااااطري اشوف الميزان في الخمسين .. لما كنت امتن واجد اوصل 58 .. بس مادري شو صارلي انتفخت فجأه
الله يعين

اخخخخ ..

انا كنت صايمه .. وفطرت 3 كرات بطاطا مقلية .. وسمبوسه ..
الحين انا ندماااااااانه ليش اكلتهم .. :(

المهم رحت مشيت كيلوين مشي سريع ..

تعشيت 2 سفرجل .. وزبادي اكتيفيا

صدووو ... حلو انا موافقه .. شو الصور اللي نحطها .. نبى شي فرفوشي

مشكورة ودي انحف بس أنا الحين حامل ماأقدر وتصدقون أنا عمري 16سنة وألحين صارلي 7شهور من زواجي وانا كنت ناوية اسوي رجيم بعد الزواج بس ماأقدر وانا طولي 153ووزني 75 والله كليم أحلم أذا كنت نحيف شان أحسن على عموم مشكورة والله يوفق قروبكم آمين

احساس مبروك الزواج والحمل ... توك صغيرونه .. بس تولدي بالسلامة شاركينا في تجمعنا وان شاء الله توصلي للوزن المناسب

امس يابنات نمت وانا ماتعشيت وبعدييييييين اليوم صحيت تعبانه ومزكمه وحاله حاله
شربت ليمون وعسل وكاسه جزر وبرتقال فرش ونص صامولي بالبيض بس
بجلس عليه للغداء المشكله ماارجع الا العصر الساعه 5 والاولى سحبت عليها تهي تهي تهي
يارب من ذا الجدول خخخخ مليت منه
يلا بنات بالتوفيق لكم وخبرونا اخباركم

كل الانوثة .. سلامات ما تشوفي شر

كثري من شرب عصير البرتقال

بس اذا تبغي تضعفي قللي من الجزر لاني سمعت ان سعراته فووق ..

هاي بنات وني داخله ربقولك لكم اكلي
طبعا رحت الجامعه مااكلت الا الساعه 1 اخذت فطيره كروسان وقهوه فرنسيي لذذذذيه مع هالبررررررد
لاني مرا جعت قلت فطيره اهون من كنتاكي وبشمل وشوكليت صح والا لا
وتوني رجعت جااائعه من الجوع ههههههههه
وتعب شربت كاسه مويه واكلت 3 ملاعق سلطه خيار وطماطم وملعقتين سلطه زبادي بالثوم و4لقم خبز و دجاج مشوي و3 يدام وجيت بقوم وتجيني الشغاله تهي تهي تهي مطلعه من الفرن بيتزا ريحتها تظرب بالمخيخ ههههههههه من حلاوتها وشكلها واخذت قطعه قد حجم الكف طبعا حسيييت اني بطيح فيها واقوووم بسرعه اشرد من المطبخ بس هذا اللي اكلته ادري شوي كثير بس خلاص ببقى عليه لبكرا الساعه 7 فطوري يعني ان شاء الله
يلا بنات تشاو

هااي بنات

شخباركم ؟؟

اليوم كان فطوري

كورن فليكس

وتغديت من ماكدونالدز لاني طلعت مع المدرسة كانت عندنا مسابقة فكلت

ماك جيكن وشوي بيبسي يعني ماخلصت نصه حتى وحبتين شيبس :040:

وخلاص مااافي اكل الحين لين بكرة

بنات انا ماادري احس اجوووووووووووووووووووووووووووووووووووووووووووووع بسرعه
لازم نسوي ريجم ونلتزم فيه وش رايكم علشان نشوف كل وحده كم نقصت عليه لا الحال كذا ماينفع انا بروح ادور لي رجييييييم حلو وبلتزم فيه وارد لكم يلا تشاو

شو مستوي كلنا نخبص

حتى انا يصيدني جووع مو طبيعي .. على قولة كل الانوثة احس اني جائعة من الجو

مااتوقع اني انزل هالاسبوع الا بزيد .. لاني هالثلاث ايام اكلت كل اللي نفسي فيه ..

بس خلينا نبدأ الجد من الاسبوع الجاااي يعني مافي بيتزا يا انوثه .. ولازم رياضة عالاقل نط الحبل يا صدووو
وممنوع الماك تشيكن يا مييس <<<خاطري فيه :(

الاسبوع الاول
الفطور: 5تمراات+كوب حليب خالي الدسم أو ربع كوب قليل الدسم.
الساعه 10 صباحآ : كوب عصير طبيعي (بدون سكر).
قبل الغداء مباشرة : خس +عصير ليمون طازج (بدون سكر).
الغداء : تونه +سلطة +برتقالة .. أو_ربع دجاجة +روب بالنعناع+سلطة+شريحة أناناس.
أو-استيك+تبولة +ربع رغيف اسمر .
المغرب : 3-5 تمرات أو حبة فاكهة.
العشاء: 1-2 شريحة توست+قطعة جبن قليل الدسم+سلطة خضار.



الاسبوع الثاني
الفطور : 2 شريحة توست +حليب خالي الدسم+خيار+طماطم+خس.
الساعة 10 صباحآ : كوب عصير طبيعي (بدون سكر ).
الغداء: تونة +سلطة+برتقالة(( لا يوجد اختيارات)).
المغرب : حبة فاكهة.
العشاء : 1-2 شريحة توست +جبن قليل الدسم + أو بيضة مسلوقة .


الاسبوع الثالث
الفطور: 5 تمرات +حليب خالي الدسم .
الساعة 10 صباحآ: عصير طبيعي ( بدون سكر )
الغداء : تونة +سلطة +ربع رغيف أسمر( لا يوجد اختيارات )
المغرب : حبة فاكهة أو عصير طبيعي(بدون سكر)
العشاء :زبادي + ربع رغيف أسمر +فاكهة.


الاسبوع الرابع
الفطور: شريحة توست +حليب خالي الدسم +خس .
الغداء : شريحة لحم +ربع رغيف اسمر ( لايوجد اختيارات)
العشاء :ساندوتش=(بر محشي بيضة مسلوقة مع جبن خالي الدسم)<<أفكاري.+عصير أو دايت بيبسي..


....ملاحظات هامة...
ينزل الليمون 13 كيلو - المقدار بدون رياضة ..

..في الاسبوع الاول ممكن ان تختار وجبة الغداء الاختيارات الثلاث ولكن في الاسابيع التي تليه لا مجال في تغيير النظام، لان أي تغيير سوف يخل بالرجيم ...
وأيضآ قبل الغداء هناك اسبوع واحد فقط تأكلين خس مع عصير ليمون قبله مباشرة و لا تأكلين خس قبل الغداء في الاسابيع المقبلة ..

و بالعافية ...(( عقبال ما تنحفين بالوزن الذي ترغبين به ))

الرجاء الانتظام ........

حلوووووو الرجيم صدوي بس ماسألتي رفيقتج كم نزلت عليه ؟؟؟