´ˆ تجهيزات عرائس { ليبيا } لشهر شوال 1430 - 2009 م " الجزء 4 " ˆ`

بنات معقولة مفيش حد جرب الليزر في ليبيا؟؟؟

بنات ال


بنات وين ممكن نلقى المشط هذا الى تعرف نبيه ضرورى

يا بنات شن هي النخالة وين انلاقيها و من منكن جربت الخلطة ابتاعت بودرة جونسون الي في جزء عرايس ليبيا شهر رجب

نرجس الشرق;10363360:
يا بنات شن هي النخالة وين انلاقيها و من منكن جربت الخلطة ابتاعت بودرة جونسون الي في جزء عرايس ليبيا شهر رجب

صباح الخير يانرجس
بالنسبة للنخالة هيا اللي لما تغربلي دقيق الشعير تقعد في الغربال ان شاء الله نكون وصلتلك المعلومة
لكن الخلطة ماجربتهاش
ولكي تحياتي

غزل الريم;10363485:
صباح الورد يااحلى وردات(f)(f)

الله يبارك فيكم يااااارب واكيد الكل معزوم :wink:ونتمنى نشوفو بعض بالحق ونتلاقو
انى فى الاصل اجتماعية وزدت تعلقت بيكم هلبة هلبة كان نلقى نتلاقو ونديرو تقعميزة(c)(c)



بالنسبة لسؤال عمرى وعمر العريس

انى مواليد 86 وحبيبى مواليد 76 يعنى فرق عشرة سنين بيننا وهذا اللى كنت نبيه من زمان

كيف تلاقينا نشتغلو فى نفس المكان اعجب بيا مدة بعدين كلمنى وتعلقنا ببعض وطبعا منبيش نقولكم ان قصتنا غرييييييييييبة جدا مرينا بكل الصعوبات فى الحياة رفض الاهل ومشاكل بيننا وهلبة قصص ومغامرات بس فى النهاية الحب كان اقوى من كل شى والحمد لله درت بيان كل الناس شهدو بحلاوته واهو اول امس فاتحتى وانى توا مرته

مشاءالله و ربي ايكمل علي خير حبيبتي و قوليلي امتي حددتوا الفرح و لا مزال كيف حالتنا ربي ايسرنا انشاءالله اجمعين

عروس رايقة شن اخبارك وقزليلي شريتي طقم العشاء الصيني او لا و شن بتاخدي لونه دهبي او فضي و صاح لما تاخدي الطقم فضي لازم فناجيل القهوة و الشاهي ايكونن دهبيات

عروس رايقة وينك و بنسالك علي محل الاجيال لمواد الزينة الي في المول ((الكوزال)) انا الصراحة ما خشيتلش نهائي بس في العيد حسيته زاحم السؤال وين هل هو البنات الي فيه عندهن خبرة اكتر من الفواح علي فكرة انا انتعامل مع عوين الي في شارع جمال الي عند المعهد الاداري بس تعرفي حسيت حاجاته قلن و انا عرفته ايساعدني في الاختيار و السعر بس قالوا الاجيال افضل وارخص اشويا شن رايك

وهادو الخاتم والحديدة االي جابوهملي في موسم العيد







يلا اعطوني رايكم وروني حتى انتو حاجاتكم يلا انشطو

مدام غادة انا مرة سمعت ع البودرة الحرة شن رايك فيها و كيف تستعمل لانك انتي شكلك وحدة دوق و تفهمي في المكياج لدلك نبي نصيحتك

نرجس الشرق;10364015:
مدام غادة انا مرة سمعت ع البودرة الحرة شن رايك فيها و كيف تستعمل لانك انتي شكلك وحدة دوق و تفهمي في المكياج لدلك نبي نصيحتك

حبيبتي و الله انتي الي كلك ذوق ..
و البودرة الحرة .. الي هي Loose Powder و هي البودرة العادية الي ممكن تستعمليها على أي مكان تستعملي فيه كريم الأساس..
بس بصراحة البودرة المضغوطة أفضل لانها تقعد ثابتة أكثر و تعطي نعومة أكثر للبشرة..
و انتي وراحتك .. بس نصيحة جربي عملي أحسن (Test) و خاصة قبل الزواج كل المكياج الي خديتيه ديريله بروفة ...

Ghado;10364098:
حبيبتي و الله انتي الي كلك ذوق ..
و البودرة الحرة .. الي هي Loose Powder و هي البودرة العادية الي ممكن تستعمليها على أي مكان تستعملي فيه كريم الأساس..
بس بصراحة البودرة المضغوطة أفضل لانها تقعد ثابتة أكثر و تعطي نعومة أكثر للبشرة..
و انتي وراحتك .. بس نصيحة جربي عملي أحسن (Test) و خاصة قبل الزواج كل المكياج الي خديتيه ديريله بروفة ...

تعرفي صدقتني و انشالله انحصل تست لان في الي ما يعطيكش الفرصة اديري تست و شكرا ع نصيحتك

يا بنات خشن علي تجهيزات بنات ليبيا لشهر رجب الصفحة 43 44 و 45 و 46 و الله فيهن حاجات مهمه و حلوة للحمام و المكياج و حاجات دار النوم مشاء الله عليهن البنات ما عقبن جهد

اني من امبكري نقرا عليهم البودرة الحرة والمضغوطة
واللي فهمته ان البودرة الحرة تستعمليها في حال استعملتي كريم اساس سائل وهيا تنفع للي بشرتهم جافة .

كاندي علي فكرة امس اتصلت بصديقتي و سالتهن علي اسعاف قالتلي مكيجت اتنين تعرفهن بيان و طلعن اسماح و التسريحة و المكياج حلو و قالتلي ليش ما اتعدي لعيادة التونسية بنت عمها طلعت عندها و طلعت مشاءالله فانا قلتلها تحاول اتجيبلي الارقام و يستر الله انشاءالله اتجيبهن فانا حاليا امركزه علي هذين الاتنين

نرجس الشرق;10364457:
كاندي علي فكرة امس اتصلت بصديقتي و سالتهن علي اسعاف قالتلي مكيجت اتنين تعرفهن بيان و طلعن اسماح و التسريحة و المكياج حلو و قالتلي ليش ما اتعدي لعيادة التونسية بنت عمها طلعت عندها و طلعت مشاءالله فانا قلتلها تحاول اتجيبلي الارقام و يستر الله انشاءالله اتجيبهن فانا حاليا امركزه علي هذين الاتنين

نرجوسة عايدة التونسية اجازة شهر 10 كله راهو

امورة خطبيى والله الخاتم والانسيالة روعة عجبونى جدا ربى يهنيك
والروب شيك جدا ان شاء الله تلبسيه فى زفتك وتكون احلى يوم فى حياتك

ونرجس عرفتا محل الاجيال صح حلو والبنات كويسات بس مش كل الماركات عندا انتى شن الماركة الى تبيها والاكم ميزانيتك مش انقولك
وبالنسبة للطاقم الصبنى خذيتا لونا ذهبى بصراحة الذهبى انحسا ارقى لكن حتى الفضى حلو وخوذيه سمح ما تسخصريش فيه يقعد معاك طول عمرك واديرى بيهن لمات جيابك ان شاء الله وقوليلى كم ميزانيتك له مش انقولك على كم محل

امورة خطبيى والله الخاتم والانسيالة روعة عجبونى جدا ربى يهنيك
والروب شيك جدا ان شاء الله تلبسيه فى زفتك وتكون احلى يوم فى حياتك

تسلمي حبيبتي عيونك الحوات ميرسي على التعليق ربي يهنيك ويسعدك حتى انتي وتتهني بكل تجهيزاتك يارب

غزولة بالنسبة لسؤالك حنجاوب اني الاولى
اني سكرتيرة شغلي في شركة تركية طبعا اني خريجة ادارة دبلوم عالي ولغتي الانجليزية تقدري اتقولي بيرفيكت وتو خاشة على التركي شوية والعمل دوام كامل من الصبح الى الليل لين ربي يفرج

كيف حالكم اليوم
غزل الريم مبرووووووووووووووووك وررووووووووري يا مدام وربي يهنيك والعقبه للفرحه الكبيرة
وكاندي كيف حالك حبيبتي
وعروس رايقه عسل كيف حالك
وأمورة خطيبي تبارك الرحمان حاجاتك يهبلو وعجبوووووووووووووني تتهني بيهم يارب
نرجس كيف حالك وحال العويله وخطيبك
وبالنسبه لي عايده أني مشيت لي صاحبة المحل بروحها ماهو صاحبتي وللأسف عايده واخده أجازة شهر 10 طبعا وماخليت مزينه مالفيت عليها وجبت الرقم والمعلومات لي كاندي والصراحه قاعده نحس في روحي مخمه فيها ان شاء الله نكون كفيت وفيت معاها
وبنات وبالنسبه لملح الحليب تعرفو أن من زمان نستخدم فيه ومتوفر هلبه في بنغازي وسعره مايتعداش زوز دينار وأهو دولابي معبي منه
هههههههههههههههههههه وعلى فكره حتى الصيدليات يبعو فيه
غاده كيف حالك يا حلوه اليوم
وعروس ليبيا وينك
تحياتي

وبنات وبالنسبه لملح الحليب تعرفو أن من زمان نستخدم فيه ومتوفر هلبه في بنغازي وسعره مايتعداش زوز دينار وأهو دولابي معبي منه
هههههههههههههههههههه وعلى فكره حتى الصيدليات يبعو فيه

هنو تبعتيلي باكوين وحدة طماعة ههههه
بالله عليك قولولي مكان معين لان الصيدلتين اللي بحداي قالولي ماعندناش واستعماله كيف هل عادي زي اي مقشر ولا الجسم جاف ولا كيف سموحة