3ROOS SOHAIB;10355980:
بنات بالله سؤال اسعاف اتجي وين في شارع عشرين انا سألت عنها عمتي و قالت ما تعرفها و هي شنو جنسيتها اصلا؟؟؟؟؟
و بالنسبه لمدام عايده انا كنت مكيجت عندها مكياج سهره بس طلعتني حاجه 180 درجه اختلاف يعني كلهم قالوا حاجه واو
candy libya;10356020:
مدام غادة سموحة بالله عليك تحمليني ، اللوس بادور وين ايحطوا فيه ؟
angel_woman81;10356056:
3ROOS SOHAIB مرحب بيك معانا والحمد لله علي سلامتك
نبي نسألك وين مكيجتي يوم فرحك وشن رايك فيها المزينة هيا احسن والا يوم مكيجتي عند عايدة
عروس رايقة;10356206:
خير يا سمحات
بنات انا طولى 165 وزنى 60 ديما مقاسى 40 بس الفيلو شريتا38 اين احسن نوسع الفيلو والا ندير ريجيم وننقص حسيت ضاق عليا شوى ولو ننقص خايفة الامكانات ينقصن الصدر والذرعان
عروس ليبيا;10356252:
مشكورة غاده على القائمة بجد نسختها واحتفظت بيها على طووووووول وان شاء الله نستفيد منها ,عندي استفسار ليك غاده سامحيني وخيتي بالنسبة لماركة افون شني رأيك فيها انا عاجبتني من ايام بريطانيا كنت نشري في البودره والروج بس والصراحه كانوا ماشيين على بشرتي وعاجبتني شني رايك انوع في الماركات ولا ناخد نوع واحد وافون نعتمدها ماركتي ولا عندك رأي أخر..على فكرة عندي ثقه كبيرة في اختياراتك.
بناااات امس درت حلوة لرجليا وايديا واليوم بنحني ايديا هههههههه ادعولي نطلع حلووووة في العرس خصوصا هل عرس يهمني نكون فيه حلوة :o
عروس ليبيا;10356275:
عروس صهيب سلمها يارب تسلمي وانا عارفه انه مصر اسعارها مبالغ فيها بس انا شافيه حاجات في سان ستيفانو حلووووووات ومش عاديه الصراحه بس فساتين مش واجد ,والجلد نبيه شناي واحذية ومادبيا نبيهم اطقم كامله ونبي حاجات عملي وحاجات رسمي ....؟؟؟
Ghado;10356349:
صباح النور حبيبتي.. و عفواً و لا يهمك تفضلي في أي وقت ..
و بالنسبة لاستفسارك حتى أني كنت زيك قبل معتمدة ماركة وحدة .. بس من سنتين فاتوا الصراحة بديت Flexible شوية و نشري الحاجة الي تساعدني و الي تكون متوفرة دايماً.. و الصراحة لما الوحدة منا تمشي ادير Shoping و تكون محتاجة أكثر من حاجة .. مرات مش كل يلتقا من نفس الماركة و دوخي 7 دوخات باش تحصلي الحاجة الي تبيها .. أني المهم عندي انها تكون نوعية معروفة و أصلية و تمشي مع بشرتي و ذوقي ...
3ROOS SOHAIB;10356429:
وفي يا عسل فيه في شارع ابوقير كم محل روعه ايبيعوا في فساتين سهره انا فاهمه انك تبي حاجه مميزه و نادره صح مش تلبسيها في الصاله تلقي روحك الكل لابس زيك
و بالنسبه للشنط و الاحذيه الموضوع هنا حظوظ لانهم طبعا مصداقيه ما عندهعم في البيع و الشراء مع احترامي
و انتي عاد و فلاحتك لو تبي تاخذي حاجات شيك و اسعار حلوه و راقيه ممكن تاخذي شناطي من مصر بس غير هكي انا ننصحك انك تشري احذيتك و الشنط من طرابلس لان فيها مكانات اسعار حلوه و تلقي الحاجه امدايرين فيها تخفيض ايقولولك موضة الموسم اللي فات انا مره شريت منهم اقبال من 3 سنين فاتوا و لغاية الان كل ما نلبسه ايقولولي منين مع العلم اني شاريته ب15 جنيه من الصالات في طرابلس
و لو تبي العنوان نوصفلك
و لو تبي من مصر عادي نمشي انشوفلك ما عندك مشكله تدللي يا عسل
عروس ليبيا;10356622:وين العنواوين في طرابلس اللي فيهم احديه وشنط جلد اصلي بصراحه انا نشوف في اول سبتمبر واااك نار اسعارهم والصراحه مش حاجه من الاخر يعني فيهم حاجات عاديه في مصر والبيضاء احلى وارخص ,ياريت تعطيني العناوين بعد اذنك حسيت روحي بديت نطلب واجد هههههه
عروس ليبيا;10356622:سلمهااا يارب ربي يخليك ويخليلك زوجك وولدك ,خلاص لو مافي مانع اسأليلي على الامكان الحلوة واللي فيها حاجات راقيه ,صدقتي والله للاسف انا مرة صايرلي معاهم موقف اخييييه عليه مرة مسافرة للعمرة وخدينا ترانزيت في مصر وقعدنا في المطار حاجه 8 ساعات المهم قعدت نتدهور في السوق الحرة لقيت زحمه على محل عطور شفته المهم شده فيا المراة عزوز كبيرة تبيع غادي قالتلي فيه تخفيض ويتم بعد ساعه والعطر جديد ومعاه بدي لوشن ومزيل بخاخ وقزازة عطر الصراحه شميت ريحته عجبني للاخر خديته ولما وصلنا للسعوديه فتحت العلبه لقيت المزيل مافيش العلبه الداخليه :mad:من يومها معاش ناخد شي منهم الا لما نفتحه قدامهم وربي يسامحنا بس والله هدا الحق يا بنات .
وين العنواوين في طرابلس اللي فيهم احديه وشنط جلد اصلي بصراحه انا نشوف في اول سبتمبر واااك نار اسعارهم والصراحه مش حاجه من الاخر يعني فيهم حاجات عاديه في مصر والبيضاء احلى وارخص ,ياريت تعطيني العناوين بعد اذنك حسيت روحي بديت نطلب واجد هههههه