´ˆ تجهيزات عرائس { ليبيا } لشهر شوال 1430 - 2009 م " الجزء 4 " ˆ`

قوليلي يا عسل شن زايد في الايطاليات عنك ما تكونيش زيهم و تكوني حتى احلى منهم
و عموما بالنسبه للتاج لازم يكون حاجه فخمه شويه عشان يمشي مع اللوك لو كان سمبل حيكون شكله غلط بس ما ايكونش في نفس الوقت اوفر يعني مش ياكل الجو كله

و المكياج عادي شوفي جوك الالوان كلها احلى من بعض المهم تكون الكوافيره فنانه و تفهم و ان شاء الله ربي ايوفقك

ما شاء الله تبارك الرحمان ليا و الله عام ما فتحت المنتدى لاني بعد الفرح لهيت في روحي و الحمل و البيبي بس و الله فرحت بعد لقيت الليبيات حتى هن دارن تجمع للعرايس عموما اني سكني في بنغازي بس للعلم اغلب تجهيزي كان من مصر و لو فيه اي استفسار من هنا او هنا او عن اي شي تدللوا و لو على الخاص و عشان المخالفه بنسأل سؤال..........................

بنات طرابلس احسن مكان ممكن نشري منه احذيه و حقائب يعني مول او شارع يكون فيه كل شي بالمره لاني بصراحه نبخل انلف و ماشيه لطرابلس بعون الله عشان انكسي للشتاء

و الف مبروك مقدما للجميع

اهلين حبيبتي عودة ميمونة ان شاء الله وحمدلله على سلامتك وقمة بالسلامة بالنسبة لسؤالك عندك شارع اول سبتمبر في المدينة فيه احدية وملابس وشديه على طوله ييمن ويسار الخير مكدس

وفيه في قرقارش الواحات سنتر هادا يعتبر مول فيه كل شي تحتاجيه والحقي توا لاني فترة تخفيض لكن مش عارفة انحس فيهم مازال مانزلوش بضاعة شتوية لكن شوفي بالك تحصلي حاجة هون ولا هون

عروس صُهيب نورتي مرحبتين بيك والله يخليك يا رب يلا عاد تعالي خيتك عاجبتني مصر لاقيه فيها حاجات مش عاديه خصوصا في اسكندرية من مناشف وفوط سرير وملابس داخليه وارواب كلها قطن اصلي بس نبيك تقوليلي وين الامكان اللي ممكن نلاقي فيها فساتين سهرات وشن جلد أصلي

عروس رايقه اكيد بيكون فخم عشان تكون كل شي زي بعض وتكون طرحه حلوة عاد وانا متاكده بتكوني افخم عروس هههههه ربي يتمملك بخير يارب

شوفي عروس ليبيا في مصر ما تحاوليش تاخذي فساتين سهره لاني كلها اتيليهات و كتور يعني خياطه بالطلب و غاليه عن اسعار البلاد الا لو حصلتي تخفيضات في محلات الملابس الجاهزه لو مصره تشري من مصر اندلك في الاسكندريه على اكثر من مكان فيهم حاجات كويسه و شنو الجلد الاصلي اللي تبيه بالضبط؟

Ghado;10349321:
حبيبتي انت تأمر يا حلو... من عيوني .. نجهزلك List بالضروري الضروري فقط ... بس الماركات هادي صعبة شوي الصراحة لان الناس أذواق...

ما يؤمر عليك ظالم يا قمر ويسلموا عويناتك الحلوات ، لالا عادي اني الحق مانحطش في مكياج نهائياً بس نستعمل في مرطبات ولوشنات كلهم ماركات صعبة ، وخيتك مقوية قلبها وربي يستر ، ونستنى في الليستة لاني معادش عندي وقت مادابيا ناخدهم توا .

عروسة رايقة يسلموا عالمعلومة سموحة
الحق اني شايفة قريبتنا في عرسها طالعة حلوة لما سألت علي مكياجها قالوا وحدة في شارع عشرين اسمها غريب شوية ، بالك فيكم وحدة تعرف من هيا خلي نقصقصوا عليها .

صباح الخير يابنات شن جوكم اليوم اليوم بنبدأ في تزيل صور لحاجات شاريتهم من فترة يلا تفرجو واعطوني رايكم













هادو بعض الاحدية اللي شريتهم

وهادو شوية لبسات للحوش









طبعا البنطلون لونه اصفر قاتم يمشي مع البدي اللي فوقه

امورة خطيبي;10355594:
صباح الخير يابنات شن جوكم اليوم اليوم بنبدأ في تزيل صور لحاجات شاريتهم من فترة يلا تفرجو واعطوني رايكم

























هادو بعض الاحدية اللي شريتهم

مشاءالله كلهن ايجنن سواء الاحذية او الملابس انشالله اتبيديهن بالهناء يا رب و حي عليا انا ما جيت شورهن بكل الاحدية لا هن ولا الملابس بس شوية كتات علي استرتش بس

يا بنات اليوم شريت ملح حليب الياكو تعرفن عليه الطلب واجد و صاحب المحل ما ايجيبش الا بالتلات قطع مشيتله امس القيتهن كملن شوي القيته مسكين جايبلي اليوم لاني زبونه عنده بس المهم في الموضوع اني القيته داير سلة لعروس و لا العروس دايره سلة للراجل (( العريس)) فيها شامبو جسم و شعر و الذي منو حتي مكينة حلاقة و الله هذي معلومة جديدة و بعدين كيف بيجابنهن الحنايات امعاهن و الله زعمك هذي هديته الي عندها معلومة اتفيدنا

كاندي بالنسبة للكوفيرات في شارع عشرين كيلوبترا و في اسعاف هذين الي انا نعرفهن بس في غيرهن توا نسالك لكن يا بنات والله اسعاف اكويسة من الي قال دقة قديمة تعرفن فنانه في المكياج و اتغير 180 درجة و بعدين انتي الي تختاري مكياجك و لونه وهي اديره لكي

شن احسن ماركة مكياج و الظلال الي جابوهن ليا في بياني مزالن قاعدات الحق هن حلوات الوانهن قوللي نشري اخري ظلال والله خلاص

نرجس الشرق;10355752:
كاندي بالنسبة للكوفيرات في شارع عشرين كيلوبترا و في اسعاف هذين الي انا نعرفهن بس في غيرهن توا نسالك لكن يا بنات والله اسعاف اكويسة من الي قال دقة قديمة تعرفن فنانه في المكياج و اتغير 180 درجة و بعدين انتي الي تختاري مكياجك و لونه وهي اديره لكي

نرجوسة انتي شايفة عرائس ليها اسعاف؟ تعرفي هذه قريبتنا مكياجها حلو الصراحة مع انها الصورة قديمة من 2006 راهو لكن مدايرتلها مكياج توا والتسريحة روعة الصراحة.
وبالنسبة للمكياج اهو آمس قلت لي مدام عايدة وهيا قالت بتجيب ليستة فيها الضروري للعرسوة وماركات قنينة .

candy libya;10355811:
نرجوسة انتي شايفة عرائس ليها اسعاف؟ تعرفي هذه قريبتنا مكياجها حلو الصراحة مع انها الصورة قديمة من 2006 راهو لكن مدايرتلها مكياج توا والتسريحة روعة الصراحة.
وبالنسبة للمكياج اهو آمس قلت لي مدام عايدة وهيا قالت بتجيب ليستة فيها الضروري للعرسوة وماركات قنينة .

انا كنت انقري في بنتها و مرة هي شخصيا جت للمدرسة لنقنها امكيجة روحها مكياج مش عادي وبنتها تنقيصة حواجبها مش عادي و الميش الي في شعر بنتها بردوا حلو و مش محروق

يا بنات بنسالكن ع الملابس الداخلية (( الكولتات ))اندروير يعني نشري كم واحد و في الي بيعوا فيهن برواحن انا واخده تلاته في علبة بروحن مش اطقم انزيد كم زعمك

نرجس الشرق;10355895:
يا بنات بنسالكن ع الملابس الداخلية (( الكولتات ))اندروير يعني نشري كم واحد و في الي بيعوا فيهن برواحن انا واخده تلاته في علبة بروحن مش اطقم انزيد كم زعمك

زيدي حبيبتي علي قد ماتقدري ، خودي حتى العاديات ديريهم امتعات دورة حاشاك ضروري منهم راهو وخودي القطنيات تستحقيهم راهو .

بنات بالله سؤال اسعاف اتجي وين في شارع عشرين انا سألت عنها عمتي و قالت ما تعرفها و هي شنو جنسيتها اصلا؟؟؟؟؟

و بالنسبه لمدام عايده انا كنت مكيجت عندها مكياج سهره بس طلعتني حاجه 180 درجه اختلاف يعني كلهم قالوا حاجه واو

صباح الخيرات و النورات على عرايسنا الحلوات.. وزي ما وعدتكم تفضلوا قائمة المكياج للعرائس:

- كريم أساس للاستعمال اليومي ( The Body Shop).

- كريم أساس للسهرات (Dior ).

- أساس استوديو فيكس من (Mac)

- بودرة مضغوطة للاستعمال اليومي ( Mac).

- لووس باودر ( Chanel).

- مثبت مكياج ( Givenchy).

- اللمعة دايموند باودر من ( Makeup for Ever)

-الكونسيلر تاتش أوف لايت من (Yves Saint Laurent ).

- الكونسيلر المتنوع الباليت الكامل من ( Makeup for Ever)

- قلم الكحل الأسود من( Lancôme / Mac)

- ماسكرا من ( Este Lauder)

- الآي لاينر آرت لاينر من ( Lancôme)

- الاي شادو: مجموعة شدو منوعة بين Mat و Gloss وCream من (Mac / Make Up For Ever)

- البلاشر أو أحمر الخدود (Mac / Yves Saint Laurent )

ا- لأرواج و الجلوسات: (Mac/ Makeup For Ever / Givenchy )

- فرش المكياج و قطع الاسفنج ( Body Shop / Mac )

- مثبت الاي شادو: (Mac ).

مدام غادة سموحة بالله عليك تحمليني ، اللوس بادور وين ايحطوا فيه ؟