´ˆ تجهيزات عرائس { ليبيا } لشهر شوال 1430 - 2009 م " الجزء 4 " ˆ`

ايه سميره متزوجه ليبي وقديمه راهو
وجيهان الي هي جيجي وعلى فكره تمجيج في الحوش ومكياجها حلو الصراحه

تعرفي انتي قريبه مني اني مواليد 1981 وخطيبي
1977
وكيف عرفته خدمنا مع بعض وهو كان مديرنا في الشركه وطبعا عجبته مع انه كانو معانا بنات هلبه لكن النصيب واني أصلا كان عاجبني قعدنا واعترفلي أنه يحبني وبيخطبني وطبعا حبينا بعض فتره وطول خطبني ودرنا بيان وفضانيه
رووووووووووووووووووري
ههههههههههههههه

ربي يهنيك وتمام أنكم متفقين
وذكرتيني بي سيط العيله تعرفي مالي خطيبي لما عرفو ولدهم منو بيخطب قريب دارو عرس من الفرحه وبالذات لما جونا تعرفي قريب طاااااااااااااااااااروا ولاتوه
الناس كلهم يقلولهم شوفولنا من نساباتكم بنات عشان ناسبوهم
وبالذات الفضانيه تبارك الرحمان بوه لاتوه وعمامه يحكو علينا مع انه لينا قريب سنتين وتعرفي ماليه يقولو هذا احسن نسب نسبنااهه مع انه أحنى هو أختارني وعلى حب يعني وماكانش يعرف أني ليلة منو

والله غريبه
بس نقولك شنو دخلها في نظافة الحوش وحاجه ثانيه تقدري تقوليلها هي تجيك مع العلم أنها بنت عيله ونعرفو بوها
وثانيا الصراحه شايفتلها أكثر من عروسه ياسلام ومافيش الكلام هذا حتى في وحده معايا في الخدمه من طرابلس ومتزوجه من بنغازي مكيجت عندها وطلعتها ياسلام عليها وهي البنت بروحها مصدومه في روحها
وبالنسبه للمكياج أصلا مفروض العروسه ترفع معاها مكياجها لانه الدنيا تخوف أمراض وبلاوي وبعدين تقعدي ظامنه شنو رافعه معاك
وأني اليوم بنشوف عروسها وبنشوف جيهان نفسها ونجيبلكم الاخبار
تعرفي وجعتني صاحبتك ياناري

:oصباح الخير عرايسنا الحلوات

اليوم تأخير شوي سامحونا خدتني نومه

غادة مشاء الله بجد مكياجك حلو وتسريحاتك احلى وبالعكس الصور واضحه وحلوة عجبوني على الاخر.

كاندي صبحك بالخير شني حالك منيني عنك وشن اخر تطوراتك وتجهزياتك.

غزل الريم كيفك اليوم مشاء الله بجد تجهيزك حلو حلو ربي يتمملك بخير ويفرحك يارب .

امورة خطيبي مشاء الله الحكايه مبحبحه والصور كاثرة لكن انا نبي صور جهازك عاد هيا ورينا ولا باخله علينا ياحلوة.

هنو الدلوعة كيفك صار قلتي انتي مشعرة والله ومن سمعكم خيتكم مشعرة وااااجد واك عليا وما نحكيلكم على بطني وصدري وحكااااايه بجد بس الحمد لله وخلاص شن بندير انا اللي مطمني بنت خالتي وزوجة خوي بنفس الوقت كانت زيي بس طمنتني قالتلي درت حلوة يوم عرسي ومن يومها جسمي معاش طلعله شهر غزير وبكثرة زي قبل يعني يادوب وقالتلي ماندير في الحلوة الا في السنة مرة طبعا للجسمها من داخل البطن والظهر والصدر بس الصراحه شعر يديها ورجليها بادي خاف من كثر استعمال لحلوة مشاء الله .

انا خديت براون سلك ابيل ,وبندير حلوة في العرس ويسترنا الله وخلاص.

تعرفوا بنات انا حتى وجهي شعري غزير ودرت مرة ليزر في مصر بس جلسة وحده وحسيته خف بس بعدها خوفوني منه معاش درت الجلستين الباقيات وفي مصر اغلى سعره ب500 ليبي بس الصراحه لما درته قريب 6 شهور وماطلعلي شعر في وجهي لكن خفت منه وانا مش عارفه ممكن نرجع ندير الجلستين التانيات لانه قالي تستاهلي 3 جلسات بس قولولي بنات شن تنصحوني .

روح دودي وينك يابنات مزال ماروحتي من بنغازي هيا تعالي قوليلنا شن جبتي معاك,وعندي ليك خبريه لما تنقابل على الماسنجر :wink:

***************

بالنسبة لسؤالكم على مواليد العريس وانا

طبعا وخيتكم مش صغيرونه بس مزال اللي يشوفني يقول بنت ال20 هههههههه مع اني 30 توا:wink:

انا مواليد 78 وهو مواليد ال77 عمرنا قريب صح مع اني كنت نتمنى ناخده اكبر بواجد لكن معاش فيه وقت للخيرات ههههههههه بنعنس هكي

طبعا الزواج كان جداااااااا تقليدي امه شافت صورتي في حوش اختي وعجبتها وبسرعه جت وخطبتني وما شفته الا بعد ما تم الكلام وتحدد موعد الفاتحه طلبت نشوفه وحتى هو طلب يشوفني والحمد لله من اول نظره ارتحنا لبعض وهو شكله مشاء الله عليه وهو ديمه يقولي انتي احلى بنت شافتها عيني ههههههه زعمه صح ولا غير جو :D