´ˆ تجهيزات عرائس { ليبيا } لشهر شوال 1430 - 2009 م " الجزء 4 " ˆ`

السلالالالالام عليكم بونوتانا وعرايسنا يارب تطلعوا احلى عرايس
ماشاءالله على نشاطتكم..
شو ورونا حجات تاينه خلاص بنحدد الميك اب والتسريحه عندي اختيارات ونبي نثبتهن..

بنات عجتني التسريحه هادي من لاوره يعني الجمه ممكن تنفديها بطريقه تانيه انا نحس في الشعر المرفوع عليا احلى

عروسة رايقة والله الشبكة تهبل مش عادي الذهب الأبيض تتهني فيها ياااااااااارب
غزولة شكلك مارقدتيش مشت كلها تخميم في الفاتحة ربي يهنيك ويفوت اليوم علي خير .

بنات بنغازي اللي يبو حد ايقوللهم علي كوفيرات كويسات جبتلكم معلومات ايهبلوا

صباح الورد بنات,,

عندك حق كاندى والله الليل كله وانى مفنصة حاولت نريح حتى ساعة باش يرتاح وجهى وميبانش فيه التعب مقدرتش(n)(n)

امورة صحيتى حبيبة وانشالله نفرحو بيك قريب وماتوصيش حريص مانحكيلكش
التجهيزات كلها على كيف كيفك ...(y)
طبعا اللبسة حكيتلكم عليها ( سروال اكحل جينز لاصق وطوبو وبلوزة اكحل بالاحمر شيفون من جهة الاكمام والخصر ضيقة وكريشة والباقى واااسعة اكيد عرفتوه الموديل وتحتها بدى سيور احمر) والاكسسوارات عندى تاكم احمر تححححححفة بنلبسه وهذا غير جو العطر اللى بندوخه بيه وزمالطو فى الايد والرجل وخلخال ومكياج بناتى عالاحمر وحركات :o
توا لما يروح نحكيلكم كيف كان تاتير ومفعول الحركات عليه:cool::cool:

هنو توا فهمتك شن تقصدى بالتحضيرات للضيافة حاضر بنحكيلك لكن راهو كل حد وعاداته يعنى ماتربطيش روحك بشى
زى مثلا عادى كنتى تلبسى سواريه ومن حقك لانه راجلك لكن غير لان انى البنت الصغيرة وخوتى 5 شباب وصعبين لذلك مافيهاش كيف نطلعله قدامهم هكى:o

وبالنسبة للضيوف الرجالة بيمشو للراجل مفيش رجالة عندنا فى الحوش
والنساوين مش هلبة اقرب الاقارب فقط يعنى اختى ومرت خوى وخالاتى ونساوين خالى وهكى يعنى
بيجو من الصبح وبيتغدو عندنا والعشية بعد الفاتحة بيديرو جو لمة وتهدريز وغنى والضيافة عادى عصاير شكلاته شاهى قهوة حلويات بكلاوة فواكه مكسرات والجو هذا
بعدين مع المغرب هكى يروحو لانه عارفين العريس بيجى يباركلى

بعد المغرب بيجى شيخ الشباب ( راجلى ):o يباركلى
طبعا بنضيفه زى مايحب هو مش ايتيكيت وبس

اول شى عصير خوخ طبيعى لانه يموووت فيه :21_91:
بعدها شاى خفيف وحلويات معينة لانه ميحبش الحلويات( غريبة بالمكسرات وكعك حلقوم ) وبس

بعدها بنديرله عشى خفيف حاجات يحب نديرهاله (رز بالخلطة - بيتزا - كبة - مبطن - كباب هندى - دجاج فى الفرن - سلطة طحينية - تبولة ):21_93:

(( ماتستغربوش من الكبة والتبولة والجو هذا لانه ماما من سوريا)):wink::wink:

وبعدها قهوة عربية وكنافة بالقشطة ماما مدايرتها اكيد
واخر شى سلطة الفواكة اللى يحبها

***** نسيت نقوللكم انه اليوم عيد ميلاده حتى ومجهزتله هدية اللى هيا مبايل من زمان خاطره يشريه )))

كترت كلام نعرف لكن بالله نبى ردودكم ضرووووووورى واللى عندهاتعليق حتى سلبى بالله بالله تقولى بالك نلحق نغيره



نستنى فيكم

غزل الريم;10346733:
صباح الورد بنات,,

عندك حق كاندى والله الليل كله وانى مفنصة حاولت نريح حتى ساعة باش يرتاح وجهى وميبانش فيه التعب مقدرتش(n)(n)

امورة صحيتى حبيبة وانشالله نفرحو بيك قريب وماتوصيش حريص مانحكيلكش
التجهيزات كلها على كيف كيفك ...(y)
طبعا اللبسة حكيتلكم عليها ( سروال اكحل جينز لاصق وطوبو وبلوزة اكحل بالاحمر شيفون من جهة الاكمام والخصر ضيقة وكريشة والباقى واااسعة اكيد عرفتوه الموديل وتحتها بدى سيور احمر) والاكسسوارات عندى تاكم احمر تححححححفة بنلبسه وهذا غير جو العطر اللى بندوخه بيه وزمالطو فى الايد والرجل وخلخال ومكياج بناتى عالاحمر وحركات :o
توا لما يروح نحكيلكم كيف كان تاتير ومفعول الحركات عليه:cool::cool:

هنو توا فهمتك شن تقصدى بالتحضيرات للضيافة حاضر بنحكيلك لكن راهو كل حد وعاداته يعنى ماتربطيش روحك بشى
زى مثلا عادى كنتى تلبسى سواريه ومن حقك لانه راجلك لكن غير لان انى البنت الصغيرة وخوتى 5 شباب وصعبين لذلك مافيهاش كيف نطلعله قدامهم هكى:o

وبالنسبة للضيوف الرجالة بيمشو للراجل مفيش رجالة عندنا فى الحوش
والنساوين مش هلبة اقرب الاقارب فقط يعنى اختى ومرت خوى وخالاتى ونساوين خالى وهكى يعنى
بيجو من الصبح وبيتغدو عندنا والعشية بعد الفاتحة بيديرو جو لمة وتهدريز وغنى والضيافة عادى عصاير شكلاته شاهى قهوة حلويات بكلاوة فواكه مكسرات والجو هذا
بعدين مع المغرب هكى يروحو لانه عارفين العريس بيجى يباركلى

بعد المغرب بيجى شيخ الشباب ( راجلى ):o يباركلى
طبعا بنضيفه زى مايحب هو مش ايتيكيت وبس

اول شى عصير خوخ طبيعى لانه يموووت فيه :21_91:
بعدها شاى خفيف وحلويات معينة لانه ميحبش الحلويات( غريبة بالمكسرات وكعك حلقوم ) وبس

بعدها بنديرله عشى خفيف حاجات يحب نديرهاله (رز بالخلطة - بيتزا - كبة - مبطن - كباب هندى - دجاج فى الفرن - سلطة طحينية - تبولة ):21_93:

(( ماتستغربوش من الكبة والتبولة والجو هذا لانه ماما من سوريا)):wink::wink:

وبعدها قهوة عربية وكنافة بالقشطة ماما مدايرتها اكيد
واخر شى سلطة الفواكة اللى يحبها

***** نسيت نقوللكم انه اليوم عيد ميلاده حتى ومجهزتله هدية اللى هيا مبايل من زمان خاطره يشريه )))

كترت كلام نعرف لكن بالله نبى ردودكم ضرووووووورى واللى عندهاتعليق حتى سلبى بالله بالله تقولى بالك نلحق نغيره



نستنى فيكم

ربي يهنيك وخيتي وبالنسبه للعادات أني نفسك مانقدرش نلبس سواريه لأنه العويله صعبين زي الي عندك يعني وياوخيتي أني اصلا نتحشم منهم يشبحوني لابسه لي خطيبي هكي ونفضل نلبس لبسه تكون نازكه زي لبستك أنتي مثلا وبالنسبه للنسيق متاعك حلوووووووووو وماتغيري شئ
وبالنسبه للتقديم اني نفسك يعني بيجو يتغدو والعشيه بندير حاجات بسيطه زيك وبالنسبه للفاتحه أكيد عند العريس يعني أني زيك ومن طرابلس يعني نفس التفاصيل هذا علاش سألتك على التفاصيل بلاهي عليك عطينا الاخبار بعد فاتحتك وفرحينا ياعسل

صباح الخيرات
ماشاء الله عليك يا غزل الريم وربي يكمل عليك بالخير ان شاء الله
وتجهيزاتك للفاتحة حلوة وراقية والعقبال لكل اوخياتنا
روروروروروروروروروروروي

صباح الخير حبيباتي و كيف حالكم اليوم؟؟ ..

غزل يا عمري ألف ألف مبروك و عقبال الزفة ..

و طمني بالك كل شي درتيه حلو و نازك و ربي يتمملك على خير...

و بعدين زي ما قلتي في الوقت هذا كل حد يدير الي يريحه معاش فيه الالتزام هلبة بالعادات زي قبل...

اليوم جبتلكم صور من مجلداتي داير تهم بيش نختار منهم مكياج فرحي (مانيش باخلة بيهن عليكم) وللأمانة كلهن منقولات كل مرة نخزن من منتدى قلت هكي بيش نحول ذمتهم من رقبتي ماهو في بنات يقولو أمانة اكتبي منقول فقلت نكتب خير
أولا المكياج طبعا نوعته اخترت سمبل ومتوسط وفاقع للصدرة







وبعدين شوية انزل التسريحات وقولوللي شن رايكن

اهلين هنو اني النت امديرها فيا ضعيف بكل ومع هادا انحاول انزل حاجات شوفو زي هادا الطاقم جابوهولي في تليبيستي لازوردي

هنو الدلوعه;10347135:

وينكم يابنات خيركم مكسدين هذا وأني واخده أذن من خدمتي اليوم علي خاطر قلت نهدرز مع البنات ونلحق على تجمعهم زعلتوني والله

ماتزعليش ياهنو ....معقولة نزعلوك وانتي مخليا خدمتك من شانه

امورة خطيبي;10347160:





اهلين هنو اني النت امديرها فيا ضعيف بكل ومع هادا انحاول انزل حاجات شوفو زي هادا الطاقم جابوهولي في تليبيستي لازوردي

ماشاء الله وربي يتمم علي يا امورة خطيبي صراحة حلو وراقي جدا

امورة خطيبي;10347160:




اهلين هنو اني النت امديرها فيا ضعيف بكل ومع هادا انحاول انزل حاجات شوفو زي هادا الطاقم جابوهولي في تليبيستي لازوردي

angel_woman81;10347167:
ماتزعليش ياهنو ....معقولة نزعلوك وانتي مخليا خدمتك من شانه

هنو الدلوعه;10347135:

وينكم يابنات خيركم مكسدين هذا وأني واخده أذن من خدمتي اليوم علي خاطر قلت نهدرز مع البنات ونلحق على تجمعهم زعلتوني والله

صباح الخير سموحة و نورتينا...

وصدقيني كله الا زعلك..

صباح الخير يا بنات شن اخباركن اليوم

يابنات قولولي شنو مدايرين مع أزالة الشعر تعرفو شايله همه في هداكه المكان ومش عارفه كيف نتصرف والله

Ghado;10347216:
صباح الخير سموحة و نورتينا...

وصدقيني كله الا زعلك..

نرجس الشرق;10347221:
صباح الخير يا بنات شن اخباركن اليوم

الحمدالله وبالنسبة لازالة الشعر نصيحة تعودي علي تحويله من توة عشان بعدين ما تتعبيش فيه و يطلعلك حبوب و صدقني حتمشي وتسلك الحكاية