´ˆ تجهيزات عرائس { ليبيا } لشهر شوال 1430 - 2009 م " الجزء 4 " ˆ`

مدام غادة تسلمى هلبة هلبة وشكرا ليك بصراحة منورة من اول ماطلبتك مارديتينى يسلمها يارب ويخليلك نضال
كاندى ياعسل تسلمى لكن بصراحة حنى عيلتنا متشددة شوى ومش ح نقدر نلبس قفطان سواريه حنلبس لبسة نازكة وخلاص سروال اكحل جينز موديل لاصق وطوبو وبلوزة احمر بالاكحل وشبشب اكحل

شن رايكم؟؟؟؟

امورة خطيبي;10334114:
سعدودك روح دودي فرحك قريب عقبال عندنا اعتمدتي تسريحة ولا مازال وشن تجهيزاتك لنفسك يعني اقنعة واهتمام جسمية وما الي ذلك هدرزينا

غزولة الريم امتى عرسك وانتي من وين من طرابلس زيني ولا شرقاوية امورة

مدام غادة قالو مزين سهى الحسناء وصل 800 دينار تخايلي والله مانمشيله لوكان نقعد من غير ماكياج

أمورة شيني دخل سهى الحسناء في الموضوع .. أني مستحيلة نتكلم على سهى الحسناء منحبهمش بكل و معاملتهم زي الزفت .. و أسعارهم هكي لان الناس مكبريلهم راسهم على كلام فاضي ..
تعرفي لو تمشي لمركز تجميل برا (مش لازم نتكلموا على أوروبا) خلينا في مصر مثلا أو المغرب أو دول الخليج و تشوفي المعاملة و الدلع تكرهي روحك و تقولي شيني هالهم الي احني فيه :confused: ..

غزل الريم;10340455:
مدام غادة تسلمى هلبة هلبة وشكرا ليك بصراحة منورة من اول ماطلبتك مارديتينى يسلمها يارب ويخليلك نضال
كاندى ياعسل تسلمى لكن بصراحة حنى عيلتنا متشددة شوى ومش ح نقدر نلبس قفطان سواريه حنلبس لبسة نازكة وخلاص سروال اكحل جينز موديل لاصق وطوبو وبلوزة احمر بالاكحل وشبشب اكحل

شن رايكم؟؟؟؟

خلاص معناها توكلي علي ربي والبسيها وماتنسيش الاكسسوار والله يعطي في حلاوة غير عادية عاللبسة وربي يهنيك ويحليك في عين راجلك ويسخرلك زواجك .

نرجس الشرق;10340335:
قوللي اسماء عطور اتكون تقيلة و ريحتها قويه لاني انا بصراحة ما نستعملش في الخفيف و ما نستعملش فيه خارج المنزل ابدا

حبيبتي نرجس الشرق ديما الاذواق تختلف
اني نحب منتانه وغلا زايد وكشخة وبرج العرب والحرمين قديم لكنه حلو خودي منهن شوية شوية وفي عطر ثاني يسموا فيه عطر البخور تقدري تحطي منه
واني معترفة انه العطور اذواق لهذا اني نفضل انك تختاريهم من محل العطور الخليجية تقريبا في محل اسمه الكوخ في بنغازي فيه عطور مش عادية ماتشدي في اسم المحل واجد اني مش متأكدة منه توا نسألك عليه ونرد

candy libya;10340336:
سموحة بالك تعرفي كوافيرة حلوة في بنغازي

والله ياكاندي اني مانعرف غير شادية في بنغازي حتى اني شكرتها مرة لكن البنات قالولي مكياجها مش حلو واني دليل عندي حطيت تصاوير ظلال اللي داراته لأختي في عرسها في صفحة 32 او 33 مش متأكدة شوفيهم والله المراة ظالمينها ...
اني صح ريتها طلعت عرايس مش حلوات حتى سألتها قالتلي هما يبوا هكي وبالحق هما اللي يختاروا في المكياج اللي يحطوا فيه من البوردا
وهذي شهادة نتحاسب عليه بالحق انها مش عادية عاجبتني وحتى في فرحي اني مكلمتها بتجيني هنا في طرابلس وبتمشي معايا لسرت عند هل راجلي بتمكيجني 5 أيام واتفقت معاها خلاص .

angel_woman81;10340516:
والله ياكاندي اني مانعرف غير شادية في بنغازي حتى اني شكرتها مرة لكن البنات قالولي مكياجها مش حلو واني دليل عندي حطيت تصاوير ظلال اللي داراته لأختي في عرسها في صفحة 32 او 33 مش متأكدة شوفيهم والله المراة ظالمينها ...
اني صح ريتها طلعت عرايس مش حلوات حتى سألتها قالتلي هما يبوا هكي وبالحق هما اللي يختاروا في المكياج اللي يحطوا فيه من البوردا
وهذي شهادة نتحاسب عليه بالحق انها مش عادية عاجبتني وحتى في فرحي اني مكلمتها بتجيني هنا في طرابلس وبتمشي معايا لسرت عند هل راجلي بتمكيجني 5 أيام واتفقت معاها خلاص .

صحيتي سموحة عالرد ، بس والله اني خايفة نحجز عندها اتطلعني شينة وهنو الدلوعة بارك الله فيها متعبتها معاي قتلي علي وحدة اسمها اعتدال مانعرفش سامعة بيها ولالا تشكر فيها هلبة فآني مازال محتارة وبالنسبة لمكياج أختك والله وبدون مجاملة الحق طالعة غزالة والله ربي يهنيها والعقبة ليك .

نرجوسة الهدية اعطيهاله الصبح يوم الصباحية بعد ماتفطرو وتترونقو
عروس رايقة حتى اني رديت عليك ونستنى في الباقي
انجل ايه لحق طريقة التعطير هادي مش عادية حتى امي تسعمل فيها اتهبل
اني اللي مافيش حد رد على اسالتي بخصوص تنزيل الصور ويوم القفة الله غالب

كاندي اهو بننوريك صور ماكاج عرائس 2010 القيتهم في النت ان اشء الله يعجبوك

امورة خطيبي;10340629:
كاندي اهو بننوريك صور ماكاج عرائس 2010 القيتهم في النت ان اشء الله يعجبوك

ياوخيتي سلمها ونجيها ايهبلوا ربي يجبر بخاطرك عجبتني الاولى نحب الروج الأحمر في العرائس

candy libya;10340433:
بالله اللي عنده تصاوير مكياج عرائس 2010 تبعتلنا

طبعاً حاولت نرضي جميع الأذواق..

الله واحد الله عليك يابنات ماشاء الله شني النشاط هذا كله
عروس ليبيا كيف حالك غزاله
انجل صور حلوات وربي يهنيها
نرجس بلاهي عليك معاش تخممي وخليها على الله
وأمورة خطيبي شنو جديدك
وحب دودي كيفحالك عروستنا
وكاندي والله مش ناسيتك وعندي لكي أخبار مش عادي لكن الصراحه قاعده مانبيش نقولك لوين جيبلك الرقم

امورة خطيبي;10340539:

اني اللي مافيش حد رد على اسالتي بخصوص تنزيل الصور ويوم القفة الله غالب

هلا هلا غاده كاندي وهنو منورات

نبي نسألكم بنات مش المفروض هدية العريس تعطيها له في الليل ولا شني ؟؟؟

عروس ليبيا;10340955:
هلا هلا غاده كاندي وهنو منورات

نبي نسألكم بنات مش المفروض هدية العريس تعطيها له في الليل ولا شني ؟؟؟

هلا وغلا

عروس ليبيا;10340955:
هلا هلا غاده كاندي وهنو منورات

نبي نسألكم بنات مش المفروض هدية العريس تعطيها له في الليل ولا شني ؟؟؟

بصراحة أني عطيتهاله في الصبح و حني نفطروا .. طبعاً بعد ما صحصح و صفالي باله من موضوع الليلة الي فاتت ..
وفيه حاجة بنقوللكم عليها يا بنات و الي هلبة هلبة فينا ميعرفوهاش راهو الراجل يوم الدخول عليه ضغط مش طبيعي و باله يبدا مشغول هلبة بالموضوع اياه ، و مهما قالك غير هكي متصدقيشي لانه يعتبر فيها مسؤولية كبيرة و تبي تخميم كويس و كيف حيصير و ممكن يضر عروسته.. الخ.
و ميرتاحش و ميصفاش باله الا بعد ما يكمل الموضوع ..
فالاحسن تعطيهاله الصبح لو كنت تبي تسمعي كلام حلو و يركز في الهدية و يعطيها حقها من التقدير..

انجل وامورة خطيبها وعروس ليبيا وغزال الريم شكرا على ردودك
وصح عجبتنى الفكرة نسهفا وما نخليش يشبع منى
وتعرفى الراجل لما يحط فى راسا حاجة يديرها غير نحنا اللى دايرين كبد عليهم وما نتحملوا فيهم شى وهما شاطرين بس يكلمك فى الليل ويقولك ياريتنى جبنك خلاص مليت منها الكلمة هذى
خلاص ليا فوق 3 سنين طيبة وتوا نبدو فى شوية مكر وانا عيد ميلادى فى شهر 10 خلاص حلفت لو ماحدد العرس فى عيد ميلادى نقفل الموبايل وما عش نكلما

اللى تسال على العطور الثقيلة بس فرنسويات
اللى ريحتهن مش عادية وراقيات فى نظرى
سينما من سان لوران
ميدنايت بويزن من ديور
بيور بويزن من ديور
ايسكادا البودرى

وخصوصا سينما قوى ويعلق فى الدبش لكن غالى 100 مل سعرها190 دينار

Ghado;10341052:
بصراحة أني عطيتهاله في الصبح و حني نفطروا .. طبعاً بعد ما صحصح و صفالي باله من موضوع الليلة الي فاتت ..
وفيه حاجة بنقوللكم عليها يا بنات و الي هلبة هلبة فينا ميعرفوهاش راهو الراجل يوم الدخول عليه ضغط مش طبيعي و باله يبدا مشغول هلبة بالموضوع اياه ، و مهما قالك غير هكي متصدقيشي لانه يعتبر فيها مسؤولية كبيرة و تبي تخميم كويس و كيف حيصير و ممكن يضر عروسته.. الخ.
و ميرتاحش و ميصفاش باله الا بعد ما يكمل الموضوع ..
فالاحسن تعطيهاله الصبح لو كنت تبي تسمعي كلام حلو و يركز في الهدية و يعطيها حقها من التقدير..

عروس رايقة;10341076:
انجل وامورة خطيبها وعروس ليبيا وغزال الريم شكرا على ردودك
وصح عجبتنى الفكرة نسهفا وما نخليش يشبع منى
وتعرفى الراجل لما يحط فى راسا حاجة يديرها غير نحنا اللى دايرين كبد عليهم وما نتحملوا فيهم شى وهما شاطرين بس يكلمك فى الليل ويقولك ياريتنى جبنك خلاص مليت منها الكلمة هذى
خلاص ليا فوق 3 سنين طيبة وتوا نبدو فى شوية مكر وانا عيد ميلادى فى شهر 10 خلاص حلفت لو ماحدد العرس فى عيد ميلادى نقفل الموبايل وما عش نكلما

خلاص فى العشية توا انزلكن صور مكياج 2010 وعقاب الدبش بس نصورا تصوير كويس

صبايا عندي حفلة الخميس الجاي .. و ليا فترة متلاقيتش مع البنات صاحباتي و للأسف كلنا تجوزنا و خدتنا المشاغل.. لكن ناوين نهيجوا الخميس و نقلبوها..
و قررت نلبس لبسة خفيفة .. الصراحة مليت من القفاطين الكبار و التسريحات و المكياج الثقيل..
و ليا فترة ندور في قفطان راسماته في راسي .. و لقيته في محل ما عمري خشيته نخطم عليه و مستكرداته على الأخير.. و الله عنده حاجات نازكة و Sample يجي في السمافرو الي في نهاية شارع فشلوم و بداية الظهرة جنب محل الورد..
و الصندل لقيته زي ما نبي .. بس أغمق بدرجة من الي في الصورة عند محل عبد الله الي في حي الأندلس..
و طبعاً شعري زي الي في الصورة بالضبط بس اللون على الكراميل و الأصفر..
و عموماً هلبة يقولولي اني نشبه حليمة بولند مع اني منحبهاش ..
























رأيكم طبعا محل تقديرً..