´ˆ تجهيزات عرائس { ليبيا } لشهر شوال 1430 - 2009 م " الجزء 4 " ˆ`

حبيبتي غزل بس مالين شوي من بدري ونقاشات واستفسارات وتوا هبطت الباتاريه هههههههههههههه...
نقولك شي خشي على الصفحات الاولى تقريبا 17 او قبلها انا نسأل على حجات واستفسارات نبي وحده تشاركني شن رايك..

سعدودك روح دودي فرحك قريب عقبال عندنا اعتمدتي تسريحة ولا مازال وشن تجهيزاتك لنفسك يعني اقنعة واهتمام جسمية وما الي ذلك هدرزينا

غزولة الريم امتى عرسك وانتي من وين من طرابلس زيني ولا شرقاوية امورة

مدام غادة قالو مزين سهى الحسناء وصل 800 دينار تخايلي والله مانمشيله لوكان نقعد من غير ماكياج

حى حى معقولة بروحى فى المنتدى:poster_ban:

وين مشيتو؟؟؟
مع انى صايمة ومصدعة لكن بصراحة متحمسة هلبة ومش قادرة نرقد ولا نرتاح وعندى ليكم خبر مهم:yahoo:

بعد يومين فاتحتى باركولى
الثلاثاء 29/09/2009

متحمسة هلبة
بعد الفاتحة بيجي يباركلى ونتعشو مع بعض ومحتارة شن نلبس وكيف ندير شعرى:confused:

ممكن تساعدونى؟؟؟:dontknow:

امورة انى طرابلسية زيك يعنى نساعدو بعض انشالله

امورة خطيبي;10334114:
سعدودك روح دودي فرحك قريب عقبال عندنا اعتمدتي تسريحة ولا مازال وشن تجهيزاتك لنفسك يعني اقنعة واهتمام جسمية وما الي ذلك هدرزينا

غزولة الريم امتى عرسك وانتي من وين من طرابلس زيني ولا شرقاوية امورة

مدام غادة قالو مزين سهى الحسناء وصل 800 دينار تخايلي والله مانمشيله لوكان نقعد من غير ماكياج

امورة خطيبي ووووووووووووواااااااااااااااااااو اذا بديت نحكيلك سريبي مابيفض بكل طبعا اهو نقولوا باديه في الخلطات للجسم والشعر والحمدلله بس نفسيتي هي الي متعبتني ومتعبه شكلي ارهاق لا يوصف يلا عاد مانكدش عليكم خخخخخخخخخخ..
بالنسبه للتسريحه اها انا شبه محدده وحدات للحنه والزفه وبنختار بينهن وطبعا الميك اب بس المشكله اني الكوافير الي عابيه نمشيلها صدمتني بخبر انها قافله المزين عشان فرحها بعد فرحي بيوم خبر ازعلني بجد يستر الله نوكل امري بالله القدير بجد بنات ادعولي ومازال الفيلو خااااااااااااايفه....

غزل الريم;10334145:
حى حى معقولة بروحى فى المنتدى:poster_ban:

وين مشيتو؟؟؟
مع انى صايمة ومصدعة لكن بصراحة متحمسة هلبة ومش قادرة نرقد ولا نرتاح وعندى ليكم خبر مهم:yahoo:

بعد يومين فاتحتى باركولى
الثلاثاء 29/09/2009

متحمسة هلبة
بعد الفاتحة بيجي يباركلى ونتعشو مع بعض ومحتارة شن نلبس وكيف ندير شعرى:confused:

ممكن تساعدونى؟؟؟:dontknow:

بنات قلتلكم انى صايمة وهوا هذا بنوض نمشى نساعد ماما تديرلنا فى الفطور

بعد المغرب بنخش اكيد
راجعة

على فكره انا صايمه كمان..
وحاطه الشربه عالنار وتوا بنتوظه ونجهز نفسي للمغرب..
يلا بنات نتلاقوا على خير ان شاءالله
وادعولي

عرسى فى شهر 11 انشالله

الله يبارك فيك ويسلمك وانتى امتا عرسك؟؟؟؟

حتى انا فشهر 11 هههههههههههههههه سبحان الله..
اختي انا طالعه توا يلا
السلام عليكم

صحة فطورك مقدما وصيامكم فى الجنة جميعا

نتلاقو على خير انشالله

وينكم يابنات مكسدات

خيرات يا بنات

احلى خيرااااااات ومية ترحيبااااااااااااات للغزال الريم الحلوة سامحينا والله الظهر كنا دايخات ماهو زيكم صايمه بس انا ماتم صيامي هههههههه العصر فطرت من ربي


سامحينا لقلة الترحيب ونحن معاك ولا يهمك

والف مبرووووووووك الفاتحه والعرس

ربي يوفقك

عروس ليبيا صحيتى وسلمها ياربى

هلا هنو منورة الدويرة وينك مكسله معاش تدخلي زي قبل

تعالي هدرزيلنا شن خديتي جديد وشن ترتيباتك وتجهيزاتك وشن صار حددولك ولا مزال ؟

مدام غادة قاصداتك فى خدمة
سامحينى خشيت على الطلبات طول لكن بصراحة لقيتك تساعدى فى البنات تشجعت

ممكن لو تقدرى تعطينى رقم مزين سيدتى الجميلة؟؟

عروس ليبيا حتى انتى محدديلك العرس؟؟؟

غزل الريم من فمك لباب السماء هههههههههه لا والله مزااااال حرقوا دمي

انشالله يحددولك قريب ياااارب
ولا تحرقى دمك ولا على بالك متزعليش روحك كل شى امتا كاتب عند ربى

غزل الريم اولاً أهلاً بيك ياغزالة معانا اهني ، تانياً والأهم ألف ألف ألف مبروك عالفاتحة وربي يتمم علي خير ان شاءالله.
هنو يادلوعة وينك بالله معادش تلاقينا عالمسنجر ؟ راهو نستنى اني في باقي تلفونات الكوافيرات.