´ˆ تجهيزات عرائس { ليبيا } لشهر شوال 1430 - 2009 م " الجزء 4 " ˆ`

عروس ليبيا;10339501:
شني اسمه يا نرجوسة المعطر ..؟؟

ههههه كاندي مش بس احرف من بعض عادي نحسه وشني فيها كان لبستي قصير عادي انا نحب القصير وكل لبسي في الحوش بيكون قصير اغلب بتاتي اللي واخدته من قبل وجايبته من بريطانيا ومصر كتات وشرتات وتيشرتات ربع كم عادي عابيه بنلبسهم شني فيها زعمه عيب ؟؟؟؟؟؟؟؟؟؟؟؟؟؟؟

ياعروس ليبيا اني نحس اللبس بعد الزواج يعتمد علي علاقتك بيه قبل الزواج بالذات كانكم قاريين فاتحة يعني متزوجين مع ايقاف التنفيذ ههههههههههههه وبزيادة كان هوا يسأل فيك شن خيت والا ما خديتي
لكن اني ديما انقول بنريح روحي نخليه هوا يختارلي لبساتي في اول الايام بيش نشوفه كيف يحبني نلبس

صباح الخير بنات
كاندى ياعسل وامورة (اسم على مسمى) ونرجوسة شكرا على الردود الحلوة
طبعا غدوة فاتحتى ومنحكيلكمش على التوتر
بنقوللكم شنى بنلبس وكيف بندير وانتو قولولى شن رايكم باهى؟؟

صباح الورد ياغزل الريم
واني وحدة من اللي يستنوا فيك
وربي يهنيك ان شاء الله

منورات ياعرايس بس رانى زعلانة وحرجت بكل ما شجعتونيش قبل نبى انزل الفيلو اللى شريتا والعربى لكن ما فيش تشجيع
بس يلا نبى نسالكن سوال وشن رايكن انا مخطوبة من 3 سنين وخاشة على الرابعة وفاتحتى مقرية وليا شهر ونص ماشفتش راجلى وتوا هوا يبى يموت مش يشوفنى وانا معش نبيه يشوفنى عشان يتلحح ويحدد الفرح
شن رايكن انحددلا موعد وحيكون من ورا خويا طبعا وانديرلا جو اغراء مش عادى واندوخا بكل
والا نفوتا وما نخليش يشوفنى ونخلى الاغراء فى التلفون بس

ياعروس رايقة وان شاء الله ديما رايقة
بالنسبة للفيلو ياريت اتنزليه اهو اقل شي رايين خير من راي
ولراجلك ها التنمبال 4 سنين حرام عليه شحوريه شوية من بعيد بعيد ديريله موعد بعدين قوليله ماصارش هلي جوهم ناس تهربي منه مرة ومرتين توا يتعدل .....وكل شي بتساخير ربي\
اني ليا 4 شهور بس مخطوبة قبل فرحي 8/10/2009 لكن ماصارش اجلنا مش عارفة لأمتى لكن السنة هذي ان شاء الله لأني ما نحبش الخطبة الطويلة

لا لا عروس رايقة حدديله موعد لان الاغراء بالنظر عند الراجل اكتر هلبة
مش يقولك يعشق الرجل بعينيه والمراه باذنيها
لكن خلى الموعد سريع يعنى متخليشى يشبع منك خلى يروح وهو مستاحشك والبسى شى يهبله هبال ومدامه راجلك معناها ديري رايك وتصرفى زى ماتبى
وانشالله لما يروح مايوصل الحوش الا وهو محدد الموعد ومتصل يقولك عليه
موفقة حبيبة

عروسه رايقه كيفك اليوم ليش زعلانه انا تفرجت على بدلاتك وشفتهم والله عجبوني ورديت عليك وشجعتك وقتلك نستنوا في الباقي ردي بالك تزعلي

هيا نستنوا في الفيلو ياحلوة

هههههههههههه ضحكتيني والله صار بتغريه تي انا غريته في العيد ولا كانه شاف شي دار روحه احول هههههههه يقولي بس ان شاء الله تكوني معاي قريب وخلاص بهدلني بهل كلمة

بنات حق انا نحس لو تهبليه وتختفي شوي عليه بيحس بيك وبيصر على العرس بسرعه يعني مثلا مرة تحكي معاه شوي وبعدها تقوليله حد يناديلي ومرة تقوليله تعالي في الحوش وهو في نص الطريق تتصلي بيه وتقوليله ماتجي جونا ناس فكرة حلوة حتى هدي اسلوب تشويق حلووووو هههههههه

عاطكن الهناء علي هكي طريقة هو بايده تحديد يوم الفرح تلقيه هو خاطره فيه اليوم قبل بكرة لكن الله غالب عليه احيانا ظروفه هي الي تخليه اياجل ع العموم انشالله يارب يتمم علينا بخير و يتحدد اقريب

تاخرت عليكن و ما قلتلكنش ع اسم المعطر اصلا ما كانش في خط المهم اسمه معطر الفلفل تلقيه مرسوم عليه فلفل لكن عليك معطر يحرق هو اشوي اول ما تحطيه لكن في بنه مش عادية و انا نعلرف انه ينباع في بنغازي مش عارفه تحصلن منه يابنات طرابلس و البيضا او لا انشاءالله تلقانه لانه يشكروا فيه مش عادي و مارديتنش عليا بخصوص هدية زوجي نعطيها له في الصبحية و هو شن بيلبس او يوم يعني عنده بجاما هو الي جايبها والله انا نعطيه والله شن اندير بالضبط

انجل انتي منين من بنغازي او طرابلس

رايقة حتي انا لعند اليوم ايقولي حديلي موعد عشان انشوفك لانه ما جاش في العيد و انا بنشوفه في يوم ايكون بابا وخوتي مش قاعدين عشان نلبس طرحة سمحة و مغرية علي قولتكن و نطلع لكن لعند توة ما جت الفرصة و بابا ما عاد بيطلع في العشية بكل ايقول قلبه حاسس و ماما وزايدة ع البخت حتي هي ما تبشي ايجي و قاتلي لما ايجي بنقعمز معاكم شن اندير الله غالب نصبر وخلاص

في طريق حلوة لتعطير الجسم يستخدموا فيها اخواتي ووالدتي وهيا طريقة المسك
خودي مسك رائحته حلوة اللي في العلبة او حتى اللي كيف باكو الوقيد واطحنيه وبعدين حطي عليه عطر ثقيل زيتي من اللي تحبيه وتقدري تحطي عليه حتى عطر فرنساوي عادي وخلطيه كويس وسكري العلبة ثلاث ايام فيمكان ساخن وبعدها افتحيها وادهني منها (العلبة اللي خلطتي فيها)وشوفي الريحة محلاها وما تحول من اليدين ولا الجسم الا بعد غسلتين وعلي ضمانتي .

غزل الريم;10334905:
مدام غادة قاصداتك فى خدمة
سامحينى خشيت على الطلبات طول لكن بصراحة لقيتك تساعدى فى البنات تشجعت

ممكن لو تقدرى تعطينى رقم مزين سيدتى الجميلة؟؟

مساء الخير حبيباتي..
سامحوني على التأخير اليوم .. لكن العمل اليوم بالهبل هذا وين تنفست شويا..
قلت خلي نشوف الصبايا شيني مدايرين .. أكيد ضايعين من غيري (على أساس مغرور و شايف نفسه) :21_213:
غزل يا حلوة مرحبتين و تفضلي رقم سيدتي الجميلة الأرضي:
0214779985 .. أو 0214776213

غزولة ياحلوة راهو التوتر ضروري منه ، والله اني اللي فاتحتي مش غدوة ومتوترة ربي يهنيك ويهدي سرك ، بخصوص اللبسة عليه هو شوفيه شن يحب مثال سراويل والا يحب يشوفك قصير ولا قفطان سهرة وأني الحق نفضل في يوم زي هذا تلبسي قفطان سهرة ايكون راقي ونازك ومغري نوعاً ما مش هلبة هلبة ، ومبروك عليك وربي يهنيك ويفرحنا بعرسك .

نرجس الشرق;10340275:
انجل انتي منين من بنغازي او طرابلس

اني من طرابلس لكن نمشي لبنغازي

قوللي اسماء عطور اتكون تقيلة و ريحتها قويه لاني انا بصراحة ما نستعملش في الخفيف و ما نستعملش فيه خارج المنزل ابدا

angel_woman81;10340319:
اني من طرابلس لكن نمشي لبنغازي

سموحة بالك تعرفي كوافيرة حلوة في بنغازي

كنكن كسلانات

بالله اللي عنده تصاوير مكياج عرائس 2010 تبعتلنا

هيا انشطوا بالله عليكم