´ˆ تجهيزات عرائس { ليبيا } لشهر شوال 1430 - 2009 م " الجزء 4 " ˆ`

شكرا يا اختى angel_woman شكلها كويسه وانى مصممه إنى نشريها
وخيتك ما تعرفش إطيب الحلوه ولا إديرها لاكن إن شاء الله بنشريها لاكن انى خايفه إنها تجينى هديه
وكل ما بنشرى حاجه كهربائيه يقولولى تو تجيك هديه و انى الصراحه ما نبيش نعتمد ع الهدايا نبى نختار حاجتى بروحى وبناخدها حاجه كويسه
والا انتم شن رايكم؟؟

مشكوره يا نرجس وانى المده الجايه ماشيه لبنغازى ونبى ناخدالطقم الصينى
مع إنى مشيت المده يلى فاتت لبنغازى وشفت محل الفيلا والسنابل لاكن ما لقيتش طقم يعجبنى
ما نبيشى تقليدى ، نحبا يكون راقىو غريب شوى
قولولى شن هن المحلات إللى نمشيلهن ويا ريت تقولولى الوصف لانى انا مش من سكان بنغازى

بنات وينكم العفو شنو واخدينها نوم؟؟؟؟؟؟؟؟؟؟؟؟؟

مش معقوله عاد كساد في كساد الجو

دلوعة خطيبها كنتي سألتي عن المكوه البخاريه
هي في الاول ممكن اتاعبك شويه و بالنسبه ليا ما تغني عن المكواه العاديه لاكن ممتازه في الستائر و الملابس الرسميه و فساتين السواريه و البدل العربيه اهم شي انك تعبيلها على طول مياه مقطرة عشان اتعيش معاك عمر و ما اتبقعلك الدبش و لا يتراكم فيها الملح و تاني حيله انك تبدي الكوي من تحت لفوق عشان البخار اللي يرقى ايسهل عليك الكوي

و ان شاء الله انكون افدتك و بالتوفيق

و بالنسبه للصقم الصيني تصدقي انا شاريه واحد من محل ابناء الشريف اللي في الشوكه قبل ما تلفي لشارع عشرين و شكله كان غريب و كان اخر قطعه عندهم و كل من شافه سألني عليه منين و بنت خالتي واخ>ته و الله من سوق المصريه فيه سوادين غادي في البوابه 10 او 11 مش مت>كره و ما كلفها حتى شي كان مازال منه طرفين بس حاجه قويه مزبوط و طبعا زي طقمها زي طقمي كانن مربعات مش دائري

و انتي لفي و شوفي لانك مرات تلقي حاجات في مكانات ما تتوقعيها و اسعار ايضا ما تتوقعيها يعني مش شرط الحاجه تكون غاليه عشان اتكون حلوه

و ربي ايكون في عونك

والله مش عارفه كيف نشكرك يا عروس صهيب
إن شاء الله المشيه الجايه لبنغازى حنلف على محلات الماعين ونشوف
وخاطرى فى طقم ابيض ساده قصدى هدا خاطى الطقم الصينى يعنى نبى ناخد مجموعة تباسى بيض شفتهم فى السنابل ولا شن رايك؟

بنات بنغازى وينكم
باهى قولولى انا خاطرى نشرى شموع و ورد مجفف وفيه شموع تعطى ريحه يعنى بنديرو بيهن حركات
صاحبتكم تحب الجو الرومانسى
لاكن مش عارفه وين نلقاهم قصدى فى اى محلات فى بنغازى ويا ريت يكون فى شارع عشرين

عندى إستفسار للبنات يلى بدو يجهزو
باهى ما خديتوش لبس عملى حجابى يعنى مثلا لو بتمشى لحوش اهل راجلك تبى
حاجه قنينه ومستوره،
اكيد بناخدو قونات وبلوزات وانى خاطرى فى البدالى متاع السروال والبلوزه تكون طويله تحت الركبه فى طرابلس فيه اكن فى بنغازى ما لقيتش يلى تعرف مكان فى بنغازى فيه والنبى تقولى

همتكم يا عرايس وين يلا ورونا

دلوعةخطيبها;10385546:
والله مش عارفه كيف نشكرك يا عروس صهيب
إن شاء الله المشيه الجايه لبنغازى حنلف على محلات الماعين ونشوف
وخاطرى فى طقم ابيض ساده قصدى هدا خاطى الطقم الصينى يعنى نبى ناخد مجموعة تباسى بيض شفتهم فى السنابل ولا شن رايك؟

يلزم اكيد تباسي من جميع الاحجام عشان ما تهلكي الطقم الصيني انا واخده مجموعه كيبره من محل ابناء الشريف و اسعارهم كانت حلوه بالمرة نستعمل فيهن يوميا و الطقم عاد كان سهره خاصه او جايني حد ((عالعموم الحوش ما يفضاش)) و هكي تحافظي على حاجتك

و لا ايهمك اسألي اللي تحبيه و خودي راحتك

دلوعةخطيبها;10385596:
بنات بنغازى وينكم
باهى قولولى انا خاطرى نشرى شموع و ورد مجفف وفيه شموع تعطى ريحه يعنى بنديرو بيهن حركات
صاحبتكم تحب الجو الرومانسى
لاكن مش عارفه وين نلقاهم قصدى فى اى محلات فى بنغازى ويا ريت يكون فى شارع عشرين

اي محل مواد منزليه كبير تلقي فيه و بالعاده اغلب محلات الملابس حتى هما تلقي فيهم و للمعلومه احنا الشموع المعطرات اللي ايجنا مش اصليات لاكن فيه حاجه اسمها الفواحه تحطي فيها الشمعه من تحت و تحطي زيت عطري من فوق و تعبي ريحته المكان انا واخدتها من مصر و امكلفتني شويه مش عارفه فيه منها في ليبيا او لا لو القيت صور تها توا انوريهالك

و سؤالك عن الملابس انا ما نلبس في سراويل فما نقدر انفيدك ان شاء الله تلقي طلبك

هذي احدى الصور للفواحه يا رب تكون واضحه بس اللي عندي فوقها زي البراد الصغير هو اللي تحطي فيه الزيت

دلوعةخطيبها;10385546:
والله مش عارفه كيف نشكرك يا عروس صهيب
إن شاء الله المشيه الجايه لبنغازى حنلف على محلات الماعين ونشوف
وخاطرى فى طقم ابيض ساده قصدى هدا خاطى الطقم الصينى يعنى نبى ناخد مجموعة تباسى بيض شفتهم فى السنابل ولا شن رايك؟

اولا كيف حالك و ربي ايتمم عليك ع خير و بالنسبة للمكواة انا شكلي فهمت خطا انتي قصدك ع ابتاع الدبش اوكي خوديها كيف ما قاتلك عروس صهيب تستحقيلها و في الي يشكر في هومر بصراحة انا لعند توا ما جيتش شورها بس هي الافضل للعبايات و السواري و بالنسبة للطاقم الصيني و الله لنقني كرهته لاني كل ما نلقي واحد نبدا نقتنع بيه فجاة نكرهه و الذهبي ما القيته بكل لانهم ايقولولي الطلب ع الفضي و الفضي عاد قعد شعبي عام المهم سوق المصرية فيه انا مرة مشيت في رمضان ب 95 و قالي انساعدك فيه 125 قطعة و بالنسبة للتباسي ابتاع كل يوم انا بصراحة في البداية مشيت لمحل و بديت عاد انلم في التباسي اشكال و احجام بس صاحبة ماما شاطرة و تفهم في الحاجة الحلوة قاتلي انتي عروس مش لازم يقعدن تباسيك كل وحدة من شكل فا ختارتلي طقم اكل غداء فيه 47 قطعة و ب25 بس مع العلم انه برة ب 45 و الله حلو و راقي بكل هكي احسن و بعدين توا نشري في النهاية نحنا مش قاعدين ع بنك روما عشان انلموا السوق كله والله زايد تلقي روحك حاجات واجد انتي شاريتيهن و مش حتستعمليهن بس عشان ترضي حاجة في نفسك وخلاص و تعرفي بعد ما شريت الطقم هضا حتي المق ابتاع الحليب تهايلي مش حنشري لاني بنستعمله في كل حاجة يومية و تبي اي حاجة اسئلي وانا انشاءالله حنفيدك و مش حنبخل عليك بمعلومة وعندك عروس رايقة مشأالله عليها رحلة طويلة من البتات و شاطرة تعرف مش حتقصر عليك

دلوعةخطيبها;10385678:
عندى إستفسار للبنات يلى بدو يجهزو
باهى ما خديتوش لبس عملى حجابى يعنى مثلا لو بتمشى لحوش اهل راجلك تبى
حاجه قنينه ومستوره،
اكيد بناخدو قونات وبلوزات وانى خاطرى فى البدالى متاع السروال والبلوزه تكون طويله تحت الركبه فى طرابلس فيه اكن فى بنغازى ما لقيتش يلى تعرف مكان فى بنغازى فيه والنبى تقولى

همتكم يا عرايس وين يلا ورونا

بعيد عنك توا موضة الدبش الي يلصق ع الجلد لصق شئ يقرف يعني هضا كيف الوحدة تلبسه قدام عمها و اسلوفها الدنيا كلها مرسومة الستر يا ربي لكن اسمعي خليك ع السروايل القماش و في جكات تفصيلتهن نفش نظام البالطو حلوات تلقي منهن بس هن اقماش طبعا مش كشمير و القونات تهايلي استر هن و العبايات قدام اعربك وكل واحد و تفكيره وذوقه في النهاية انا ما نفرضش رأي و انشاءالله تلقي الي في خاطرك

يا دلوعة انقولك ع الاماكن الكويسة في البلوزات عند بنات حواء والله عندك حاجات اكويسة و ديما ايدير في تخفيضات الموسم يعني حاجة 25 تقعد 15 و هكي وانا شريت منه بدلة ب 25 و الله احسابوها اعربي الا 75 او 50 راقية بكل و تلقي عنده البلوزات المستورات و عندك لينا بصراحة انا نبرم نبرم و انلاقي روحي رديت و شريت منه عنده حاجات حلوة و ايدير في تخفيضات الموسم حتي هو لينا في شارع عمر بن العاص و فرع تاني في الحدائق قبل السمافرو و بنات حواء شارع جمال و فرع في الحدائق و اخر في شارع عشرين بس ابتاع شارع عشرين ما عجبنيش حسيتهم مش امعدلين عليه في جيب الضاعة خليك ع الحدائق و شارع جمال و في محلات اخري بس هدين انا الي عادة انعدل عليهن

:o

نرجس الشرق;10390655:
اولا كيف حالك و ربي ايتمم عليك ع خير و بالنسبة للمكواة انا شكلي فهمت خطا انتي قصدك ع ابتاع الدبش اوكي خوديها كيف ما قاتلك عروس صهيب تستحقيلها و في الي يشكر في هومر بصراحة انا لعند توا ما جيتش شورها بس هي الافضل للعبايات و السواري و بالنسبة للطاقم الصيني و الله لنقني كرهته لاني كل ما نلقي واحد نبدا نقتنع بيه فجاة نكرهه و الذهبي ما القيته بكل لانهم ايقولولي الطلب ع الفضي و الفضي عاد قعد شعبي عام المهم سوق المصرية فيه انا مرة مشيت في رمضان ب 95 و قالي انساعدك فيه 125 قطعة و بالنسبة للتباسي ابتاع كل يوم انا بصراحة في البداية مشيت لمحل و بديت عاد انلم في التباسي اشكال و احجام بس صاحبة ماما شاطرة و تفهم في الحاجة الحلوة قاتلي انتي عروس مش لازم يقعدن تباسيك كل وحدة من شكل فا ختارتلي طقم اكل غداء فيه 47 قطعة و ب25 بس مع العلم انه برة ب 45 و الله حلو و راقي بكل هكي احسن و بعدين توا نشري في النهاية نحنا مش قاعدين ع بنك روما عشان انلموا السوق كله والله زايد تلقي روحك حاجات واجد انتي شاريتيهن و مش حتستعمليهن بس عشان ترضي حاجة في نفسك وخلاص و تعرفي بعد ما شريت الطقم هضا حتي المق ابتاع الحليب تهايلي مش حنشري لاني بنستعمله في كل حاجة يومية و تبي اي حاجة اسئلي وانا انشاءالله حنفيدك و مش حنبخل عليك بمعلومة وعندك عروس رايقة مشأالله عليها رحلة طويلة من البتات و شاطرة تعرف مش حتقصر عليك

شكرا يا نرجس حشمتينى والله:o:o:o:wink::wink:

وياحنة الفواحة هذى يبيع فيها محل الاوجلى الى تحت مصحة المروة تخيلى بكم
3دينار الحقى خوذى منها قبل ما تكمل
والزيت العطرى امتاعها فيه 2.5 وفيه 4 بسس امتاع 4 احلى بواجد
واى خدمة حااااااااااضر

يا بنات من الي سمعت علي البودرة المائية سمر كيك و هل في منها في بنغازي او لا و هل هي البودرة المائية الحمراء او وحدة تانية

يا بنات من الي سمعت علي البودرة المائية سمر كيك و هل في منها في بنغازي او لا و هل هي البودرة المائية الحمراء او وحدة تانية

نرجوسة شن الجو والله حتى اني اول مرة نسمع بيها البودرة المائية هادي وين القيتيها قصدي شن اتدير وللجسم ولا للوجه

شكرا يا عروس صهيب على توضيحك
بارك الله فيك

السلام عليكم وشنو أخباركم جميعا ووين وصلتو في التجهيزات

يابنات عندي استفسار بخصوص قسم التسويق في المنتدى لقيت حاجة لنفخ الشفايف وتوريدها من وحدة من الامارات تقريبا شن رايكم في هادي المنتجات

وحاجة اخرى اسمها زيت النمل لمنع نمو الشعر ارجوكم اللي عندها معلومة اتفيدنا بهالخصوص

السلام عليكم وشنو أخباركم جميعا ووين وصلتو في التجهيزات

تعرفي ياهنو شن صاير مافيش ولا وحدة عرسها محدد فاصايرنا زي الخمول يعني مافيش حاجة اتحفزك تبي تشري ولا اتجهزي في روحك اني بديت انحس بالملل تبو الحقوانحس بالبرود معاش خاطري نشري شئ مع الدنيا كلها تخفيضات واسعار مغرية سواء الاحدية ولا الملابس وحتى الاثاث تخفيضات لكن ماعنديش رغبة نمشي انشوف بكل