´ˆ تجهيزات عرائس { ليبيا } لشهر شوال 1430 - 2009 م " الجزء 4 " ˆ`

امورة خطيبي;10393977:
تعرفي ياهنو شن صاير مافيش ولا وحدة عرسها محدد فاصايرنا زي الخمول يعني مافيش حاجة اتحفزك تبي تشري ولا اتجهزي في روحك اني بديت انحس بالملل تبو الحقوانحس بالبرود معاش خاطري نشري شئ مع الدنيا كلها تخفيضات واسعار مغرية سواء الاحدية ولا الملابس وحتى الاثاث تخفيضات لكن ماعنديش رغبة نمشي انشوف بكل

مشكورات يا عروس رايقه ويا نرجس الشرق ونا حنتعبكم شوى بالاسئله لانى ساكنه فى البريقه وانتم عارفين انها شركه نفطيه يعنى ما فيها محلات فلدلك حنحتاجلكم واجد فى معرفة بعض الاماكن ولاكن نشى مر ه مره لبنغازى عندنا بعض الاقارب غادى منها نشوفوهم ومنها نطلعو للسوق وناخد يلى ناقصنى
والمره يلى فاتت مشيت للسنابل وكنت نبى ناخد طقم سيرفيس يعنى صينى وما لقيتش واحديعجبنى بس خديت طقم طناجر سلستيل حلو 5 طناجر وكسكاس ومعاهن براد وبكرجين ب165
وخديت طواسى عصير يلى فيهن عنق طويل لاكن ندمت لانى خديت باكو واحد يعنى 6 مش عارفه كيف ما خديتش باكوين لا تلاته

حتى انى مزال ما ححدنا العرس ومش عارفه شن يلى نشريه من توا وشن يلى نخليه لين يقرب العرس
حتى انى متلخبطه لاكن انا نقول الواحد ياخد الدبش العملى ومتاع الحوش والنوم والحاجات يلى نحنا نقولو عليها ساهله زى مثلا شناطى المكياج والاكسسوارات وشنطق متاع عدة الحمام زى الصابون والشامبو و إلخ.. وزى مثلا عدة الاضافر الحاجات هادى تقولى ساهله لاكن فى وقت الزر تنسيها وتلقى روحك صارفه مبالغ خياليه وانتى حاجات اساسيه مزال ما خديتيها

[GLINT]
يا ينات نبى إسم محلات فى شارع عشرين يلى يبيعو حاجات
عرايسيه و راقيه وخبرونى شن خديتو منهم
وربى يوفقنا ويوفقكم
[/GLINT]

حى حى عالبنات التنبالات
مكسدات عشان فرححكن ما تحدد
تعرفن المفروض تعطونى جائزة انا اعنس مخطوبة فيكن مازال شهرين ونكمل 3 سنوات ونخش 4 وتعرفن مرات ادجينى حالة الملل لكن نقعد اقوى منها وتعرفن اقسم بالله العظيم دايرة بتات اظنى مافى بنت فى بنغازى دايرة زيا نعدى للسوق ونوتى ونطلع من النت فى افكار ونطبق فيهن
تعرفن فى السنوات هذينا شغلت روحى اولا تخرجت وتعلمت المكياج من النت وتعلمت التطييب وتعلمت التعامل مع الزوج والافكار الرومانسية
يعنى تقدرى تستغلى الفترة هذى شوفن الجانب الايجابى وعدن للسوق عشان ما يزركنش الوقت
انا بتاتى كلا درتا بالستايل اللى على ذوقى فيه كم حاجة حصلتهن فى التخفيض
وفى النهاية ما فى الاربى ادعن وربى قال انا عند حسن ظن عبدى بى فاليظن بى مايشاء


[MARK="CC0033"]
[GRADE="00008B FF6347 008000 4B0082"][SIZE=6][COLOR=red]حسيت روحى نعطى فى محاضرة يلا نراجى فى رايكن[/GRADE]
[/MARK][/COLOR][/SIZE]

[FRAME="11 70"]
دلوعة حبيبها انا اسفة ما نقدر نساعدك بالنسبة لشارع عشرين مانشرى منا بكل
[/FRAME]

نرجس الشرق;10392197:
يا بنات من الي سمعت علي البودرة المائية سمر كيك و هل في منها في بنغازي او لا و هل هي البودرة المائية الحمراء او وحدة تانية

هي هي يا عسل البودره المائيه و تعرفي في الميك اب حاجه تحححححححححححفه

و حتى ميك اب السهره غير حطي منها طبقتين بس و اختاري اللون اللي يناسب بشرتك ولا اروع في اخفاء العيوب و توحيد لون الوجه و لا تلمع و لا تخرب بالعرق و لا ايبان في الصور انك حاطه ستوك زي كريم الاساس

مش معقوله يا بنات إستغفرن الله عاد و توكلن عليه و أبدن حاجه حاجه امي الله يحفظها كانت ديما اتقول يا بنتي شغلة البدريه منسيه و دبه دبه والنهار طويل
يعني الحاجه لما اتديريها بكري ما اتحسيها و اتكوني مرتاحه وانتي اتديري فيها
المهم يا حلوات حتى لو طول التجهيز و ما تحدد الفرح فلكل اجل كتاب و الزواج زي الموت و الحياة له اوان محدد
عشان هكي نبي همتك و فرحني بيكن و الحقني في قطار المامات
و عالعموم انا مش من بنغازي لاكن جابتني قسميتي ليها و ليا فيها سنه انحس في روحي و الحمد لله بديت ناخذ خبره
و لو قدرت ننفعكن تأكدن مش حنقصر

المهم يللا يا فالحات انفضن الكسل و التنبله و همتكن يللا و ربي معاكن

حى حى عالبنات التنبالات
مكسدات عشان فرححكن ما تحدد
تعرفن المفروض تعطونى جائزة انا اعنس مخطوبة فيكن مازال شهرين ونكمل 3 سنوات ونخش 4 وتعرفن مرات ادجينى حالة الملل لكن نقعد اقوى منها وتعرفن اقسم بالله العظيم دايرة بتات اظنى مافى بنت فى بنغازى دايرة زيا نعدى للسوق ونوتى ونطلع من النت فى افكار ونطبق فيهن

[COLOR=#ff00ff]مش معقوله يا بنات إستغفرن الله عاد و توكلن عليه و أبدن حاجه حاجه امي الله يحفظها كانت ديما اتقول يا بنتي شغلة البدريه منسيه و دبه دبه والنهار طويل

اهلين نرجوسة ومدام صهيب كيف حالكم ان شاء الله كويس
والله هو كلامكم صح لكن الله غالب امصيطر عليا الشعور وماقدرت نتخلص منه معاش عرفت شن نشري ولاشن نختار اني مازالي الماكياج والراوائح والفيلو وبنزيد شخاشير لحمية ومش عارفة فيه هلبة حاجات لكن دماغي واقف على التفكير صايرله استك

نرجوسة انتي تعتبري صابورة فعلا اربع سنين خطوبة انحس فير روحي مانقدر نتحملهم اني ربي يقويك [/COLOR]

امورة خطيبي;10398522:





اهلين نرجوسة ومدام صهيب كيف حالكم ان شاء الله كويس
والله هو كلامكم صح لكن الله غالب امصيطر عليا الشعور وماقدرت نتخلص منه معاش عرفت شن نشري ولاشن نختار اني مازالي الماكياج والراوائح والفيلو وبنزيد شخاشير لحمية ومش عارفة فيه هلبة حاجات لكن دماغي واقف على التفكير صايرله استك

نرجوسة انتي تعتبري صابورة فعلا اربع سنين خطوبة انحس فير روحي مانقدر نتحملهم اني ربي يقويك

عاطك الهناء يا امورة خطيبي افتحي عيونك والله الملل سيطر عليك ((عروس رايقة)) ربي ايتمملها ع خير انشالله السنة فرحها و بالنسبة للبودرة المائية راهوا عروس هي الي حكتلي عليها قاتلي اتحطيها ع جسمك بدل كريم الاساس و بعدها البودرة و الله تحلف قالت تقعدي كيف الدحيه المقشرة من البياضه و مايبان فيك لا حبوب ولاشي انكنتي من الي عندهم حبوب بسبب الحلوة في ايديك او ضهرك المشكلة انا مش عارفة انه الحمراء اسمها سمر كيك او لا لانها هي قاتلي الحمراء وانا مش عارفتلها اسم

و نزيدك من الشعر بيت الحمراء موجودة و انا عارفتها و استعملتها مرة وحدة في حياتي و خلتني حاجة مش عادية و كاني ماني حاطة حاجة من الاخير نورتني اشوي خدتها ماما كسرتها هههههههههههههههههه قاتلي شن خليتي للمجوزات و قاتلي ما عاد تشريه المهم زمان خديتها بدينار و الاسفنجة كمان بدينار و توا ضني سمعت انها ب 5 و الاسفنحة بدينار او 2 مش متاكدة ع فكرة ماما كان عندها الحق لاني كنت في تانية جامعة يعني ايام الهبال كيف ما ايقولوا ههههههههههههههههههههههههههههه

دلوعةخطيبها;10394422:
[GLINT]
يا ينات نبى إسم محلات فى شارع عشرين يلى يبيعو حاجات
عرايسيه و راقيه وخبرونى شن خديتو منهم
وربى يوفقنا ويوفقكم
[/GLINT]

اسئلي و انشاالله انفيدوكي بس بنقولك بالنسبة لمكياج نصيحة من خيتك ما اتجيش شوره سجليه في قائمة و خليه لعند مايقرب الفرح متلا قبل الفرح ب 20 يوم او شهر لانه له صلاحية فحرام تشريه توا ويخرب و اسالي ديما ع بلد الصنع و الصلاحية ((بلد الصنع )) لاي حاجة تشريها من اجهزة مناشف اي شئ
شارع عشرين بصراحة زحمة ع الفاضي والله يوم ما نمشيله نندم و خلك عاد من الهزيبة الطويلة العريضة من ماما غالي ع الفاضي عندك الحدائق حلوة و بالنسبة لدبش التلقيط القونات القصار و البديات و المتات و البورمودا يعني دبش جيتك امك و خواتك جايتك صاحاتك انا شفت محل في الحدائق اسمه مدمر الاسعار الحق انا مزلت ما خشيتله بس من برا حاجة صح دبش العرض حلو بكل و يلفت النتباه شوفيه عند السمافروا اقريب من بنت العرب للعبايات

صباح الخير حبيباتي..
كيف حالكم اليوم ؟؟
و الله أني عرسي جهزتله في 3 شهور... مادام الفليسات فيه.. و السيارة فيه .. و المحلات على أفى من يشيل زي ما يقولوا..
المهم استفيدي بالوقت في تجهيز List الحاجات الي ناقصة باش مضيعيش فلوسك في حاجات مش ضرورية.. و جهزي بشرتك و شعرك و اشتغلي على جسمك...

:eek:

امورة خطيبي;10398522:





اهلين نرجوسة ومدام صهيب كيف حالكم ان شاء الله كويس
والله هو كلامكم صح لكن الله غالب امصيطر عليا الشعور وماقدرت نتخلص منه معاش عرفت شن نشري ولاشن نختار اني مازالي الماكياج والراوائح والفيلو وبنزيد شخاشير لحمية ومش عارفة فيه هلبة حاجات لكن دماغي واقف على التفكير صايرله استك

نرجوسة انتي تعتبري صابورة فعلا اربع سنين خطوبة انحس فير روحي مانقدر نتحملهم اني ربي يقويك

مش نرجوسة اربع سنين هذى انا عروس رايقة:eek::eek:

دلوعةخطيبها;10394044:
مشكورات يا عروس رايقه ويا نرجس الشرق ونا حنتعبكم شوى بالاسئله لانى ساكنه فى البريقه وانتم عارفين انها شركه نفطيه يعنى ما فيها محلات فلدلك حنحتاجلكم واجد فى معرفة بعض الاماكن ولاكن نشى مر ه مره لبنغازى عندنا بعض الاقارب غادى منها نشوفوهم ومنها نطلعو للسوق وناخد يلى ناقصنى
والمره يلى فاتت مشيت للسنابل وكنت نبى ناخد طقم سيرفيس يعنى صينى وما لقيتش واحديعجبنى بس خديت طقم طناجر سلستيل حلو 5 طناجر وكسكاس ومعاهن براد وبكرجين ب165
وخديت طواسى عصير يلى فيهن عنق طويل لاكن ندمت لانى خديت باكو واحد يعنى 6 مش عارفه كيف ما خديتش باكوين لا تلاته

مش مشكلة حبيبتي نحنا مرة مرة نرتكبوا في اخطا مع ان الحاجة قدمنا و نقدروا انديروها لكن اتجيني لحظة غباء مرة مرة سامحيني ع التعبير بس هضا الي يصيرلي و عاد انروح و نقعد انلوم في روحي المهم كانك القيتي منهن زيدي باكو واحد بس يعني خليه طزينة و كان لا اشري طزينة شكل اخر و هذكي خليها لما ايجوكي ضيوف 6 اشخاص او اقل يعني ما تندمي روحك حتستعمليهن و ما اتخافيش ليش قتلك خودي من كل حاجة طزينه لانه احتمال ايجنك هدايا من كل حاجة ( القهوة-الشاهي- العصير) حتفتحي محل اشكال و الوان و تقعد عندك اكتر من طزينة هدي نصيحتي
و بالنسبة لطقم الطناجر والله حتي انا قالولي الستيل خير من التيفال لان الستيل اتشيله لاي منظف انحاس اينظفه و يقعد يلمع لمع و كانه جديد عكس التيفال ( يعني كترة الاستعمال)

تعرفن انا فلوسي موجودات حتي انا مشكلتي شنو في الشيل و الجيب يعني خويا ديما مشغول و لو شالني ما انطول بكل ديما ساعتين او ساعه ونص و نروح و ما غبك السوق يبي دهوير و شوف و المشكلة التانية قلة التحديد و اتخافي تشري حاجة ما تلقي و ين اتحطيها في الشقة و تلاقي روحك مش مستعملتيها تخسرك افلوس و خلاص و قلة التحديد حتي هي بس اول امس طلعت و شريت اشوي حاجات شريت طاقم روب ديشمبر ابتاع الحمام طبعا انا شفت الخمامات كلهن و نصيحة الي في الصندوق ما تشرنه راهو غالي و قطع واجدة ع الفاضي و يعني متلا فرش الحمام مش حلو لونه ابتاع الطاقم

قتلك عروس رايقه الست امخاد طبعن هن للضيوف شن خديت شكل الاوجوه عاديات او كيف انا جيت بناخدهن ستان زي ابتاع الورغان الطرفين ب 15 بعدها قالولي حرام تاخديهن للضيوف خوي 6 اوجوه عاديات شوي خديت 2 ستان ليا شن رائيك

مش نرجوسة اربع سنين هذى انا عروس رايقة:eek::eek:

سوري عروس رايقة شكلي حتى التركيز امتعاي بدي ينقص

نرجوسة هادي بودرة سمر كيك دورتها في النت



وفيه حتى البودرة المائية ماكس فاكتور اما احسن زعمة ؟؟؟

امورة خطيبي;10399251:


سوري عروس رايقة شكلي حتى التركيز امتعاي بدي ينقص

نرجوسة هادي بودرة سمر كيك دورتها في النت






وفيه حتى البودرة المائية ماكس فاكتور اما احسن زعمة ؟؟؟

ايوه يا امورة هدي هيا شكرتها ليا وحده عروس بس كنت نبي انتاكد ربي ايفرحك انشالله دوري عليها قالك ممتازة تخليك دحية مقشرة و حتي للوجه سمحها بس عاد مش اديريها و تطلعي بيها للشارع خليها للسهرات و انحسها احسن من كريم الاساس لانه ايمسخ الفيلو و القفاطين