رجيم حلو 10 كيلو بالشهر بدون حرمان

هاي غداي لليوم الثاني
عباره عن
تونا مع عصرة ليمون وملح وفلفل أسود+شريحتين خبز اسمر +تبوله(حطيت فيها 1م ص زيت زيتون مثل امس)ضفت عليها صماق اليوم

اليوم ماسويت رياضه كله قاعده
بكره ان شاء الله
العصر كلت 3 قطع من البطيخ الاحمر الباااارد
حسيت بالانتعااش
:D

وينكم يا بنات .!!
قاعده احط لكم يومياتي بالتفصيل الممل وبالصور عشان اشجعكم تبتدون معانا انا والنويره
ريجيمنا هاي ما ينزل الوزن بسرعه
علشان مايرجع وزننا اللي نزلنا بسرعه
وهذا هو المطلوب
مانبي ننزل فال10 ايام 10 كيلو ويترهدل جسمنا ووجهنا ..
10 كيلو فالشهر حلويييييييين
يلا اشتطوا عنا خلي نشجع بعض

عشاي لليوم الثاني
عباره عن سندويش بيض مع خس وطماط مع صحن صغير خس وبقدونس وطماط
على فكره هالسندويش العجيب دايما اسويه لزوجي بس اضيف عليه سلايس جبن بس لأن رجيمنا مايسمح لي اكل جبن فماحطيت ..

عليج بالعافية كتكوته نايمة انا الحين اتصفح النت وميته جوع
انا عشاي اليوم مثلج ان شاء الله والحين رايحه اسوي العشاء

لالا قاعده
قبل شوي كلت بيضه مع 2 توست وحليب خالي الدسم حطيت فيه شوية نسكافيه بدون سكر

السلام عليكم

خسااارة والله توني شايفة الموضوع كنت ابغي اسوي رجيم بس ابغي رجيم عدل مثل هذا والحين اليوم ثالث توني اشوفه

يصير انضم معاكم؟ :o تقبلوني؟؟

وبقول لكم شيء بعد :o انا إرادتي ضعيفة ما اقدر اتقيد بشيء لازم اخربط
ساعدوني اذا دخلت هني واعترفت لكم اني ما اتبعت الرجيم هاوشوني ههههه هزأوني ابغي تشجيع وحماس.

انا ارضّع واحس بالجوع طول الوقت وامتن بشكل غير طبيعي مازدت اكلي هذا هو بس المتون يزيد :(

كرشتي وش كبرها صايرة لأني من ولدت متنت زيادة وهذا اول حمل لي وصرت جذي :confused:
بداية الزواج كان وزني 64 وكان روعة ويناسب طولي 162
وبعد الزواج والحمل والولادة وصلت الحين 78 من آخر مرة وزنته :ss: ابغي ارجعه الى سابق عهده واكثر لين قدرت..

وعجبتني الصور اختي كتكوتة تشجع الواحد يسوي رجيم :D

وشكراَ

هلا فيج اختي ~sweety girl~
شوفي حبيبتي انا مثلج ماالتزم بريجيم معين دايما ثاني يوم اخربط فالاكل وأخربه هذا إذا ماكان من أول يوم فالليل
بس هالمره غييييييير !!مشيت بحذافيره
مادري يمكن عشان الصور اللي احطها مشجعتني ..
وغير ان الريجيم هاي مايحسسني لا بجووع ولا بصداع مثل باقي الريجيمات
وفي اعتقادي العسل مسوي فوايده في سد جاجتنا للسكر علشان جذيه مانحس بصداع

تقدرين تبتدين بس مب من ثالث يوم لا
ابتدي من أول يوم وحطي يومياتج واحنا بنتابع معاج
حاولي تحطين صور وجباتج تره تشجع وتخليج تستمرين
واذا ماقدرتي اكتبي حتى لو كلمتين قوليلنا شنو كلتي او شربتي ..
لا تقطعين هذا اهم شي
اذا قطعتي احنا بنترجمها انج خربتي الريجيم
بالنسبه للرضاعه
زيدي كمية السوائل مثل الشاي الأخضر والنعناع بدون ولا نقطة سكر

والخضراوات مهمه حق الرضاعه ..اكلي خس خالي او بروكلي أو سوي لج ملوخيه في يوم الدياي(صدر) بس حطي الكميه المسموحه لليوم من الزيت (1 ملعقه صغيره )لا تحطين فيها ماجي واذا ماتعرفين الطريقه انا بعلمج ..المهم انج تزيدين الخضره لأنها مفيده وايد للرضاعه اسئليني انا
ولا تنسين المااااااااااي
تحركي فالبيت انزلي واركبي الدرج كم مره ..ارقصي حتى لو بدون اغاني ..في سي دي يبيعونه في فيرجن يعلم الرقص الشرقي حلوو منها تنزلين وزنج ومنها تتعلمين لزوجج ههههههههه
لا تحطين امل انج تنزلين ال10 كيلو كلهم .. 8 ولا 6 كيلو حلووووووييييييييييييين تره ..انا جذي حاطه فبالي ماابي اعشم نفسي وحط في بالي اني بنزل 10 كيلو وعلى نهاية الشهر يصيدني احباط لا تكفيني فالبدايه 6 او 8 كيلو ..
وبعد الشهر هاي بينزل وزنج تدريجيا لأن معدتج بتصغر وبتحسين انج ماتقدرين تاكلين وايد وهذا غير تأنيب الضمير..لأنج بتخافين يرجع وزنج اللي نزلتيه

ولا تنسين كوب الماي بالعسل الطبيعي والليمون مثل ما قالت كتكوته يعطيج نشاط

انا اليوم حسيت بالفرق..... دوامي الطابق الثاني والدرج جداً متعب كل يوم ما اوصل المكتب الا انا منتهي من كثر التعب...... بس اليوم الحمد لله رب العالمين حسيت بالفرق صحيح تعبت بس مومثل كل مره

جان وديتي معاج خيار وخس الدوام احسن لج من الدايجستيف !!
ان شاء الله لو تاكلينلج درزن عادي

امس شريت بيف ستيك من كارفور وفركته بحبة ثوم ورشيت عليه ملح وترسته فلفل اسود مطحون فرش وخليته فالثلاجه لين اليوم علشان يتتبل عدل المفروض فالوصفه احط زيت زيتون بس حطيت قلت يمكن احتاجه في شي ثاني
واليوم على 2 ونص بشويه وبسويله صلصه خذتها من موقع

Steak Sauce Recipe - How to Make Homemade Steak Sauce Video - About.com

مع بروكلي أخضر مسلوق لمدة 3 دقايق

بصور لكم الطبق بعدين..تابعوني:wink:

تصدقين عاد نسيت ما جبت معاي شي اليوم
يلا بكره ان شاء الله ما انسى


انتظر طبقج علشان اطبقه في الايام اليايه

اما انا غداي ............بشوي برجر جاهز وبسوي صلصة المشروم معاه

سلامات يا حلوات كيفكم وشو اخبار الرجيم معاكم

أنا بديت فيه من يوم السبت وحاسة حالي مرتاحة عليه

بس ما أقدرت أشرب الليمون عم اشرب الماي الدافي والعسل

وكله ماشي تمام واليوم وجبة الغدا فررري

متى بنوزن؟؟؟ أي يوم

اها يعني باديه قبلنا بيومين
حلووو
تدرين احسن شي نوزن مره فالاسبوع يعني انتي توزنين كل سبت وانا والنويره نوزن كل اثنين الصبح على الريق قبل لا نشرب الماي الدافي مع الليمون
اشرايكم؟

ان شاء الله خلاص كل اثنين نوزن ونشوووووف وان شاء الله خير

بنات كيفكم

انا بديت من الخميس ونقصت 2 كيلو بس انا ارضع وحسيت انو الحليب خف شوي ويش اسوي عالشان ما يأثر على الرضاعه وما اقطع الريجيم؟؟؟

نوريه القاسم
زيدي كمية السلطات وبالذات اللون الاخضر +السوائل (شوربات خالية الدسم ومااااااي وشاي اخضر بالنعناع وغيرهم من السوائل خالية السكر والدسم والأفضل تكون طبيعيه)
ماشاء الله كيلوين في 6 ايام ممتاززززز
الفال لنا ان شاءالله
استمري



اما انا الحين قاعده انتظر البطاطا تستوي سلقتها وليلحين مااستوت
وكل شي بارز اما الصلصه عندي منها جاهزه لأن مافيه وقت اسويها بنفسي بديت احس بقرصة جووع
سويت تمارين ضغط ونط الحبل والطوق ورقص شرقي خخخ والكروس ترينينغ
مجموع وقت التمارين نص ساعه او شوي اكثر
وخذت لي شاور بااارد الحين
وبروح اشوف البطاطا استوت ولا لاااء