تجمع بنات مصر للتغذية السليمة والرياضة

رودي أنا كلت لب أبيض كمان وشربت عصير فراولة

Didem;9566211:
انا لسه وازنه نفسي لقيتنى زدت كيلو بقيت 63
بس مش مشكل
خطيبي اخدني يغديني برا ...اقوله لأ؟؟؟
بس ايه ياعيال
باستا وبيتزا وايس كريم وعينيكوا ماتشوف الا النور
دماغي كانت هتنور من الاكل
بس اما جيت شربت كبايه نعناع حسيت ان بطني راقت شويه بس لسه برضه حاسه انى تقيله ومش قادره اتحرك
اعمل اييييييييييييييه؟؟

لو عندك زبادى كليه من غير سكر حيريحك جدا

paradise rose;9566263:
وانا مبسوطه ومنشكحه باكل اكتر
بس لاحظت انى وانا مضايقه برضه بقيت اكل
يوووووووه تقريبا انا مش ببطل اكل مع ان عندى انيميا اصلا بس انا عارفه انى باكل حاجات مش مفيده اصلااااا

ندااااااااااااااااااااء للبنوتات اللى عااااااااااايزه تخسسسسسس
بصوا ايه رايكواااا نعمل ليسته ونكتب الاوزان الحاليه والوزن اللى عايزين نوصله
ونعمل نظام نمشى عليه كلنا بقدر الامكان وكل اسبوع نوزن ونعدل فى الليسته دى
لو وافقتوا ع النظام دا نبدا فيه من يوم التلات
يعنى اوزنوا بكره وحضروا نفسكوا للدايت ونبدا كلنا التلات ان شاء الله


وانا هاقول نظام دلوقتى ولو عجبكوا نمشى عليه معجبش يبقى نحط غيره المهم قبل يوم التلات عشان كلنا نبقى مستعدين



اولا
الفطار ومعلش لازم فطار بقى تعالو على نفسكوااا
2 بيضه
او
قطعه جبن قريش
او 2 معلقه فول
+طمطمايه+ خياره
+رغيف سن
او ربع رغيف بلدى
او قطعه توست سن


ثانيا الغذاء
طبق سلطه محترممممممممممممم مكون من
2 طماطم+2خيار+2جزر+2فلفل+ربطه جرجير+بقدونس+خس+عصر ليمون او حبه خل
+ربع فرخه مسلوقه او مشويه
او قطعه لحمه بدون دهن مسلوقه او مشويه
او سمكه مشويه
او علبه تونه دايت
+ربع رغيف بلدى
او ملعقتين رز او مكرونه


ثالثا العشا
مفيششششششششششششششششششششششششششششششش
لو جعتى
ممكن علبه زبادى لايت
او خياره او طمطمايه
ومفيش اكل بعد الساعه 9

يمكن تناول الشاى بدون سكر او بسكر دايت
او عصير الفاكهه بدون سكر

الفاكهه قطعه واحده من الفاكهه ماعدا الموز والمانجه والتين والعنب
وتنناول بين الوجبات بعد الوجبه بساعه تقريبا


الجوع لو قرصك اقعدى كلى خس او خيار براحتك

اهم حاجه المشى كل يوم لمده ساعه ويفغضل بعد الغدا بساعتين
نط الحبل
عمل تمارين بنت عذارى

بس خلاص اللى عنده اعتراض يقول واللى مشترك معايا فى النظام يقول عشان نعمل الليسته اهو برضه لما الواحد يشوف وزنه جايز يتكسف على دمه ويبطل اكل

الفكرة كويسة بس الرجيم ده صعب فى التطبيق حيجوع جدا

الحب هو الحياة;9566576:
لو عندك زبادى كليه من غير سكر حيريحك جدا

انتى بنت حلال والله بس ينقع احط عليه معلقه عسل نحل صغننه؟

هو احنا ليه مش مشين على نظام باربى :) انا بعد العشا اكلت توست عليه شوكلاته جااااامد جدااا طعمه لازم تجربيه

Didem;9566211:
انا لسه وازنه نفسي لقيتنى زدت كيلو بقيت 63
بس مش مشكل
خطيبي اخدني يغديني برا ...اقوله لأ؟؟؟
بس ايه ياعيال
باستا وبيتزا وايس كريم وعينيكوا ماتشوف الا النور
دماغي كانت هتنور من الاكل
بس اما جيت شربت كبايه نعناع حسيت ان بطني راقت شويه بس لسه برضه حاسه انى تقيله ومش قادره اتحرك
اعمل اييييييييييييييه؟؟

بالهنا والشفا
طيب مقلتيش اسم المطعم ايه :D
اشربي رايب او كلي زبادي
بس منصحكيش باكتيفيا اعيييييي طعمه وحش اوي

Didem;9566635:
انتى بنت حلال والله بس ينقع احط عليه معلقه عسل نحل صغننه؟

ههههه ماشى صغونة نونو هههههه

باراديس

نظامك تقريباً ده اللى ماشية عليه

ماعدا السمكة المشوية دى :D

بس لازم عشا ومش لازم برضه قبل 9

المهم قبل النوم بساعتين تلاته اهم حاجة

وكمان المشى صعب بالنسبالي النزول من البيت

انا لو ينفع ادخل معاكى بس بريجيمي

ممكن يا قمر

دى برضه شوية معلومات انا كنت كتباها ف موضوع الحملة

وهى اكلات كنت بحاول اعملها دايت علشان انوع ف ريجيمي

وجسمي مياخدش على حاجات معينه علشان لما اخلص الريجيم متنفخش :D


الشيش طاووق الدايت


الفرد بيحتاج سيخ يعنى 8 قطع مكعبات يعنى يساوى تقريباً ربع فرخه


[COLOR=RoyalBlue]- مكعبات فراخ

- شرائح بصل

- شرائح فلفل

- معلقتين صلصة طماطم

- فصين توم

- بهارات لحمه ودى اللى بتدي الطعم

نتبل الفراخ بالتوابل المفضلة ونسيبها ساعه

نسلقها لمده نص ساعه تقريباً مع ربع كوباية مية ف التتبيلة

بعد ما تستوي نخط عليها الفلفل والبصل والطماطم وبهارات اللحمة

يعنى خمس دقايق كده لحد ما تتشرب الطماطم ونطفي عليها

من غير قلي ولا تحمير ولا نقطة زيت واحده الا لو ف الصلصة

طبعاً في ناس بتشويه بس انا بحبه كده اسهل

عملته مرة طلع حلو والتانية مش في طعم الشيش طاووق اوى بس حلو



المسقعة الدايت


- حوالي 2 حبة باذنجان و 2 فلفل مكعبات

- كوباية عصير طماطم

- فصين توم

- ملح وفلفل

- معلقة زيت

- ممكن اضافة لحم مفروم


نضيف كل المكونات على بعض ونسيبها تستوي

وبعدين ممكن نحطها تحت الشواية تنشف

طبعاً طعمها مش زي العادية بس مقبولة


-----


[/COLOR]

الفواكه الممنوعة :

العنب - الموز - التين - المانجو - الكاكا

والممنوعة يعنى نقلل منها اوى الا لو نفسنا هفتنا عليها يعنى :D



الفواكه المسموحة :


البرتقال - اليوسفي - البطيخ - الكانتلوب - الجوافة - الكمترى - التفاح



اجمل حاجة بقى جبتهالكو النهارده


الهرم الغذائي

تا تا تااااااااا


الهرم الغذائي ده العناصر المفروض يتكون منها الطبق بتاعنا

سواء ف الريجيم او لأ


الدهون ومعها سكريات بنسبة قليلة

نسبتهم 5 %

لازم تواجدهم لأن عدم وجود دهون بتؤدي الا

عدم افراز هرمون اليبتين وهو هرمون الشهية

عدم افرازة يؤدي لتناول باقى العناصر بكميات كبيرة مما يؤدي للسمنة



البروتينات الحيوانية - منتجات الألبان


25%


الفواكه - الخضراوات - البقوليات

30%



الخبز - الأرز - الحبوب الكاملة - المكرونة


40 %

----

احنا ممكن اوقات نمشى على الريجيم تمام

لكن لما نوزن نلاقينا منزلناش او نزلنا حاجة بسيطه اوى

فى ناس بتحبط طبعاً لكن هو يحب يطمنكو لأن الميزان مجرد بس وسيلة متابعه

لأن ممكن الدهون تنزل لكن ميظهرش ده على الميزان

فياريت نطول بالنا ومنزهقش بسرعة



وبالتوفيق لكل البنات الحلوة

ويارب اكون افادتكم

الحب هو الحياة;9566733:
ههههه ماشى صغونة نونو هههههه

فعلا بطني ارتاحت شويه الحمد لله ..ربنا يكرمك(f)

hoba555;9566708:
بالهنا والشفا
طيب مقلتيش اسم المطعم ايه :D
اشربي رايب او كلي زبادي
بس منصحكيش باكتيفيا اعيييييي طعمه وحش اوي

عارفه ياهبه لو كان قريب منك كنت قلتلك روحي
المشكله انه هنا فى مكرم عبيد ..بس ايه ايطاليان فوود بقى ودبيتها يابنتى ...هو اكتيفيا اصلا رايب ومتضافله خمائر ولا ايه؟
اصل انا مره جبت زبادي اكتيفيا وفعلا معجبنيش:ss:

rody88;9566707:
هو احنا ليه مش مشين على نظام باربى :) انا بعد العشا اكلت توست عليه شوكلاته جااااامد جدااا طعمه لازم تجربيه

أنا بحاول أمشي عليه على أد ما أقدر :ss:

بأقلم معدتي (a)

وإن شاء الله هجررربه يا قمر :cool:

بألف هنا وشفا يا جميلة وتخن كمان :D (f)(y)

بنات الموضوع ده من هنا في المنتدى

http://forums.3roos.com/t384506.html

للعضوة sandybell2

للنحافة والسمنة

Didem;9566995:
فعلا بطني ارتاحت شويه الحمد لله ..ربنا يكرمك(f)

عارفه ياهبه لو كان قريب منك كنت قلتلك روحي
المشكله انه هنا فى مكرم عبيد ..بس ايه ايطاليان فوود بقى ودبيتها يابنتى ...هو اكتيفيا اصلا رايب ومتضافله خمائر ولا ايه؟
اصل انا مره جبت زبادي اكتيفيا وفعلا معجبنيش:ss:

اكتيفا اصلا زبادي ومضاف عليه فعلا خمائر وحاجات عشان تسهل الهضم بس طعمه وريحته وحشه
هي بيقي دانون اكاتيفيا
انتي شجعتيني اروح مطعم ايطالي جمبي سبارو
هطلب لازنيا ومكرونات بقا واعيش عشان عايز اتخن شويه

Didem;9566301:
ريجيمك قاسي اوي يابارادايس
صعب جدا وبعديم مينفعش نقول مفيش عشا دي
بالعكس ..ده انتى كل ماتاكلى كل ماتحرقى اكتر

بصى انتى ممكن الاكل دا توزيعه على 8 وجبات
وبعدين لو انتى كل ماجعتى اكلتى خس او خيار مش هتحسى بالجوع يعنى
ماهو دايت يعنى لازم تقرصى على نتفسك شويه ودا مش بيجيب انيميا عشان الخضار اللى فيه يعتبر كامل العناصر انتى بدلى فيه براحتك
يعنى ممكن مع الغدا لو بتحبى شربه الخضار تاخدى طبق شربه خضار انا الصراحه مش بحبها ومقدرش اكلها

الحب هو الحياة;9566594:
الفكرة كويسة بس الرجيم ده صعب فى التطبيق حيجوع جدا

ماهو لازم نتعذب شويه بس على فكره انا كنت ماشيه عليه السلطه دى باقعد اكل فيها اليوم كله وبتشبع اوى

cico;9566772:
باراديس

نظامك تقريباً ده اللى ماشية عليه

ماعدا السمكة المشوية دى :D

بس لازم عشا ومش لازم برضه قبل 9

المهم قبل النوم بساعتين تلاته اهم حاجة

وكمان المشى صعب بالنسبالي النزول من البيت

انا لو ينفع ادخل معاكى بس بريجيمي

ممكن يا قمر

ممكن المهم نخس يابنات

يابنات انا مش كاتبه الرجيم دا لازم تمشوا عليه حرفيا فى مننا ميقدرش وفى مننا بيتشغل وفى مننا الحاجه مش هتبقى متوفره عنده
بس انا كنت ماشيه عليه فتره ونزلنى كتير من غير تعب لان فيه عناصر كلها تقريبا ومش بيعمل امساك ولا كدا

لكن تقدرى تبدلى حاجه مكان حاجه
العشا انا بقول بلاش عشان معظمنا بياكل وينام
وصدقونى طبق السلطه بتاع الغدا دا بيشبع اوىىىىىىىىىىى
ولما كنت بتابع مع دكتور قالى كل خس زى مانتى عايزه وخيار زى مانتى عايزه يعنى ممكن الواحده لو حست بجوع تعض تاكل خس او تشرب شاى اخضر زى مابنوته قالت

المشى استبدليه بالتمارين او الجرى فى المكان المهم المجهود
مانتى حتى لو بتاكلى كميه صغيره متحرقتش يبقى مالوش لزمه تجوعى نفسك ع الفاضى لازم مجهوووووووووووووووووود

هنعمل الليسته ولا ايه انا عن نفسى هبدا اهو يوم التلات ان شاء الله


paradise rose >>> الوزن الحالى :70 الوزن المثالى :64وعايزه اجيب ال 60 ان شاء الله

يابنوتة العشا مهم جدا..

انا مشكلتى مش فى انى مش بعرف افطر.. انى بفطر قوووووووى فى الشغل :D


شوفوا الموضوع ده:
http://forums.3roos.com/t449878.html

انا مره سمعت فنانه بس مش فاكره مين بتقول انها بتكل كل حاجه بلنهار وبتعك جامد بس الساعه 7 استوب متاكلش اي حاجه من بعد 7
انا كنت ماشي كده قبل الجواز وكان جسمي ممتاز وكنت بعك جامد اي اكل ولا ببص ده ايه ولا هخس ولا اي كلام من ده
دلوقتي بعد الجوزا اكلي اقل من الاول وبتنخن اكتر مش عارفه ليه بس في حتا تختلف ان بحكم رجوع جوزي من الشغل متاخر فاطبعا موضوع 7 ده منتهي لازم اكل 7 مش بفطر ومش بتعشا هيا وجبه 7 بس وبتخن هتجنن بجد زهقت من اقل حاجه اتخن برغم ان اكلي مفيش

ساره افندي;9568706:
انا مره سمعت فنانه بس مش فاكره مين بتقول انها بتكل كل حاجه بلنهار وبتعك جامد بس الساعه 7 استوب متاكلش اي حاجه من بعد 7
انا كنت ماشي كده قبل الجواز وكان جسمي ممتاز وكنت بعك جامد اي اكل ولا ببص ده ايه ولا هخس ولا اي كلام من ده
دلوقتي بعد الجوزا اكلي اقل من الاول وبتنخن اكتر مش عارفه ليه بس في حتا تختلف ان بحكم رجوع جوزي من الشغل متاخر فاطبعا موضوع 7 ده منتهي لازم اكل 7 مش بفطر ومش بتعشا هيا وجبه 7 بس وبتخن هتجنن بجد زهقت من اقل حاجه اتخن برغم ان اكلي مفيش

بصي يا ساره خصصي لنفسك ساعه في اليوم كده رياضه دي هتظبط الموضوع


انا يا بنات طولي حوالي 156 ووزني حوالي 58 انا مش عايزه اخس بس عندي سوء توزيع يعني انا مثلا عايزه درعاتي وصدري ووشي يملوا شويه المشكله بقي في جنابي يعني من تحت الوسط مع العلم مش عندي هنش جامد لحد الركبه المكان ده مليان شويه هو مش ملاحظ بس مدايقني وبعمل سبورت بس مفيش نتيجه ملاحظه عايزه اخسس المنطقه دي واشدها واعمل فيها عضله خفيفه ادوني اقتراحات او اللي في مثل حالتي تعالو نجتمع

صحيح يا بنات كمان انا لما بعمل سبورت وبشد شويه بيجيني شد عضلي خصوصا في فخدي من فوق عشان دي المنطقه اللي بركز عليها اللي عندها زسيله او كريم استعمله عشان الوجع ده واقدر اكمل رياضه عادي كل يوم تقولي ربنا يجزيها خير

roro cat;9569297:
ب
صحيح يا بنات كمان انا لما بعمل سبورت وبشد شويه بيجيني شد عضلي خصوصا في فخدي من فوق عشان دي المنطقه اللي بركز عليها اللي عندها زسيله او كريم استعمله عشان الوجع ده واقدر اكمل رياضه عادي كل يوم تقولي ربنا يجزيها خير

رورو لما تيجى تلعبى رياضة ابدأى واحدة واحدة لازم تعملى احماء فى الاول بالمشى فى المكان وبعد كده تعملى التمارين. ولما يحصل الشد العضلى ماتوقفيش تفضل تلعبى كل يوم .. ليه بقى؟ بيقولك اول ماتحشى ان عضلاتك اتشدت ده معناه ان الرياضة اللى بتعمليها بدأت تجيب مفعولها مرتين كمان والوجع هيروح والتأثير هيبدأ يظهر.. هتحسى بلياقة أكتر وهتحرقى الدهون أكتر.

ساره افندي;9568706:
انا مره سمعت فنانه بس مش فاكره مين بتقول انها بتكل كل حاجه بلنهار وبتعك جامد بس الساعه 7 استوب متاكلش اي حاجه من بعد 7
انا كنت ماشي كده قبل الجواز وكان جسمي ممتاز وكنت بعك جامد اي اكل ولا ببص ده ايه ولا هخس ولا اي كلام من ده
دلوقتي بعد الجوزا اكلي اقل من الاول وبتنخن اكتر مش عارفه ليه بس في حتا تختلف ان بحكم رجوع جوزي من الشغل متاخر فاطبعا موضوع 7 ده منتهي لازم اكل 7 مش بفطر ومش بتعشا هيا وجبه 7 بس وبتخن هتجنن بجد زهقت من اقل حاجه اتخن برغم ان اكلي مفيش

بصى يا سارة انتى بتتخنى عشان بتاكلى وجبة واحدة بس
ده غلط جدا طبعا.. كل ماتزودى عدد الوجبات كل ما تزودى الحرق..
لازم تفطرى الصبح قبل الساعة 10 ولازم تتغدى ولازم تتعشى.. فى الغدا خدى سلطة وفاكهة وفى العشل كل الاكل عادى مع جوزك بس قللى النشويات شوية وماتاكليش بعد الساعة 9 بالليل مثلا.. وانتى تنظيف البيت والمجهود كويس وممكن تزودى عليه نص ساعة او ساعة كمان تمارين كده فى البيت هيبقى تمام ان شاء الله..


بس بجد يعنى يا بنات اللى ماياكلش بعد الساعة 7 يخس؟؟؟؟؟؟؟؟

قصة كبيرة;9569401:
رورو لما تيجى تلعبى رياضة ابدأى واحدة واحدة لازم تعملى احماء فى الاول بالمشى فى المكان وبعد كده تعملى التمارين. ولما يحصل الشد العضلى ماتوقفيش تفضل تلعبى كل يوم .. ليه بقى؟ بيقولك اول ماتحشى ان عضلاتك اتشدت ده معناه ان الرياضة اللى بتعمليها بدأت تجيب مفعولها مرتين كمان والوجع هيروح والتأثير هيبدأ يظهر.. هتحسى بلياقة أكتر وهتحرقى الدهون أكتر.



بصى يا سارة انتى بتتخنى عشان بتاكلى وجبة واحدة بس
ده غلط جدا طبعا.. كل ماتزودى عدد الوجبات كل ما تزودى الحرق..
لازم تفطرى الصبح قبل الساعة 10 ولازم تتغدى ولازم تتعشى.. فى الغدا خدى سلطة وفاكهة وفى العشل كل الاكل عادى مع جوزك بس قللى النشويات شوية وماتاكليش بعد الساعة 9 بالليل مثلا.. وانتى تنظيف البيت والمجهود كويس وممكن تزودى عليه نص ساعة او ساعة كمان تمارين كده فى البيت هيبقى تمام ان شاء الله..


بس بجد يعنى يا بنات اللى ماياكلش بعد الساعة 7 يخس؟؟؟؟؟؟؟؟

يا بنتي انا مببطلش انا رياضي قديم بس بتكسح يختي والله الالم مش بيروح انا فكرته بيروح مبقدرش اتحرك بقى لما بدوس بالجامد ولازم ابطل كام يوم لما الوجع يخف وبعدين ابدء تاني واتعب تاني وابطل ويخف وهكذا انا على الحال ده من سنتين

لا يا بنتى استمرى وانتى تعبانة الالم هيروح والنتيجة اللى انتى عايزاها هتتحق.. لانى دايما لما ببطل الرياضة ده بيحصلى لما برجع العب تانى ولما بنتظم الالم بيروح