تجمع بنات مصر للتغذية السليمة والرياضة

نور الهدى;9578155:
رورو تمرين انك تنزلى لتحت زى تمرين المدرسة واحنا صغيربن وانك تيجى على نفسك اكتر لغايه ما كف ايدك يوصل للارض مش اطراف اصابعك طبعا الكلام ده بياخد فترة لغايه ما توصلى للحكايه دى بيزبط جامد المنطقة وبتبقى زى بتاعت الاجانب فى الافلام:wink: بس ممكن يأثر على شكل الساق بيرفعها وبخليها تتقسم من النص بس مش متأكده من التمرين ده ولا تماريين تانيه وحاجة تانية انا ما بطلت تماريين وطبعا باكل كتير تخنت وبقى جسمى مصرى ماعدتش رفيعة زى الاجانب فلازم الاستمرار على الرياضة عموما لو حد زى بياكل كتير انا يا جماعه عندى فيديوهات رياضة كتيره على الكمبيوتر لكل مناطق الجسم كنت بنزلها من النت من زمان لو حد عايز بس قولولى ازاى سؤال بقى لو حد بيستخدم زيت الزيتون او التمر فى اكله او يعرف حد يقولى ايه الانواع الكويسه علشان نفسى استخدمهم فى اكلى وفى انواع كتيره ومش عارفة مين الاحسن

اممممم ممكن تنزل الفيديوهات دى لو سمحتى يا قمر :)

نور الهدى

إبعتيلى الفيديهوات لو أمكن ؟ :)

بنات وانا راجعة البيت دلوقتى لقيت الاوربتراك فى التوحيد والنور بتاع رمسيس واسعاره من 650 - 700 جنيه

فشفوشة فينك انا بقيت مش باكل بقالى يومين معرفش ليه كدة نقسيتى المشلكة لما بتزعل شوية نفسى بتروح خالص مش عارفة بقى

أنا أهه يا رودي بس مكسوفة من نفسي عشان كده مش بقول

أنا إمبارح متغديتش

فطرت رغيف عيش مع جبنة رومي وزبادي وأكلت مولتو بالشيكولاتة وشربت نص كوباية عصير فراولة

وإتعشيت فول وبطاطس وقبل ما انام كلت نص رغيف بجبنة رومي وكلت غريبة وبسكويت

ده إمبارح

النهاردة بقى

مفطرتش

وإتغديت تونة برضه ( حساها أسهل وأبسط غدا في النظام اللي كتبته باربي ) كلت تونة مع رغيف عيش وشربت بست برتقال وكلت غريبة وبسكويت برضه

لسه بقى متعشيتش بس هاكل بيتزا إن شاء الله

بعد العشا هاجي أقول لك عملت إيه بالظبط

ازيكوا يا بناتيت

حلو اوي الموضوع الجميل دا

انا مشكلتي عاااااااوزة اخس نفسي اخس بجد يا جماعة ياما بدات ريجيم بس لا يمكن استمر ابدا
لازم ابوظ الريجيم وازيد كمان اكتر من الاول

والوقتي كمان بمتحن وحكاية الاكل مش مظبطة خالص
حد هنا بيمتحن يقولي بيعمل اية في الاكل
خلاص بجد قربت اعد جوة التلاجة من كتر ما انا راحة جاية عليها

بنات عايزة اخد كورس فيتامينات كده حاسه شكلي تعبان تفتكرو اخد ايه ولا مينفعش كده ولا زم دكتور ؟

فى فيتامينات اسمها مينرافيت.. الدكتورة كانت ادتهالى اما جالى نزيف قبل كده وقالتلى هى كده كده كويسة وهتمدنى باللى محتاجاه حتى لو حصلى حمل او كده. فدى اعتقد انها هتبقى كويسة ومفيش منها اثار جانبية.وانتى لما تيجى تشترى اسألى الصيدلى لو فى اثار جانبية.. اتأكدى من أهل العلم احسن يعنى.

رووووووووووودي أنا كلت بيتزا وكلت موزة

قوليلي أخبااااااااااااااااااااارك

أنا شوية كده وهعمل أي منظر برضه

انا النهاردة اول عن اخر اكلت واحد كانولينى الصبح و الغدا باتيه و سيبسى و مفيش بقى ان ادعيلى ان ربنا يريح بالى و اتبسط عشان اعرف اكل طيب احنا كدة مش بناكل نعمل ايه بقى و الفطار عندى عذاااب

ربنا يريح بالك يااااااااااااااااارب ويسعدك

أنا مبكونش عاوزة آكل بس بفتكر التنافس وإني هوزن نفسي بعد إسبوع

عاوزة ألاقيني زدت ولو ربع كيلو عشان أتشجع وأكمل

شدي حيلك بقى وإديها عشا جامد

كاسندرا انتى لو اكلتى خضار وفاكهة ماتخافيش عمر الفيتامينات ماهتزيد لدرجة ان جسمك يتأثر بشكل سليى... ليه؟ لان اصلا خضارنا وفاكهتنا مرشوش عليهم مبيدات ومتنيلين بالهرمونات يعنى نص فايدتهم راحت فعلا.. اهم حاجة طبق السلطة على الغدا..
وفى الفطار كلى طمطماية على خياراية..
وبالليل كلى فاكهة. الفاكهة تاكليها قبل الاكل بساعة مثلا او بعد الاكل بساعتين..
ولو طابخين خضار كلى برضه

عارفة لما الدكتورة ادتنى الفيتامينات انا قولتلها انى باكل خضار كتير جدا وفاكهة وكده قالتلى نفس الحوار بتاع الهرمونات ده وقالتلى مش معنى انك بتاكلى كتير ان كل اكلك يكون فيه غذا بس كويس انك بتاكلى الحاجات دى وانا هكلمهالك بفيتامين عشان انا كان عندى نزيف يعنى وكده كده الباقى بتاعه بينزل مع الفضلات..

قصة كبيرة;9585874:
كاسندرا انتى لو اكلتى خضار وفاكهة ماتخافيش عمر الفيتامينات ماهتزيد لدرجة ان جسمك يتأثر بشكل سليى... ليه؟ لان اصلا خضارنا وفاكهتنا مرشوش عليهم مبيدات ومتنيلين بالهرمونات يعنى نص فايدتهم راحت فعلا.. اهم حاجة طبق السلطة على الغدا..
وفى الفطار كلى طمطماية على خياراية..
وبالليل كلى فاكهة. الفاكهة تاكليها قبل الاكل بساعة مثلا او بعد الاكل بساعتين..
ولو طابخين خضار كلى برضه

عارفة لما الدكتورة ادتنى الفيتامينات انا قولتلها انى باكل خضار كتير جدا وفاكهة وكده قالتلى نفس الحوار بتاع الهرمونات ده وقالتلى مش معنى انك بتاكلى كتير ان كل اكلك يكون فيه غذا بس كويس انك بتاكلى الحاجات دى وانا هكلمهالك بفيتامين عشان انا كان عندى نزيف يعنى وكده كده الباقى بتاعه بينزل مع الفضلات..

ربنا يسعدك يارب يعني افتح على الرابع عادي اصل انا بحب اصلا الخضار والفاكهه جدا بس بخاف زي ما قلتلك لكن كده تمام

انا بس مش هزود طماطم عشان الاملاح وجزر قالوا كترة غلط لكن الخيار والخس والجرجير وكده عادي اظن

بس معلش تنصحيني اخد فيتامين مع دول ولا مش لازمنى ؟ انا لسه انسه بس عندي هالات ووشي مش عاجبنب بسبب الاكل والسهر انا عارفه لاني لما اتعدلت بقيت واحده تانيه فاخد فيتامين ولا هيبقى كتير ؟؟

وهي الدكتورة دي هنا في القاهرة دمتورة تغذيه ولا ايه

اسفه اووي تعبتك بس انا حاسه اني اعرفك انتي قديمه وغيرتي اسمك ولا انا بيتهيألي ؟؟؟؟؟

ايوة يا بنتى انا بيبوووووو هههههههههههههه
لا دى مش دكتورة تغذية دى دكتورة نسا وادتنى الفيتامين بقولك لما كان جالى نزيف قبل كده فكان لازم اتغذى يعنى وقالتلى انه مفيش منه ضرر.. بصى لو عايزة تجيبيه زيادة تأكيد هاتيه بس اسألى الصيدلية الاول.. انا بصراحة مش بحب افتى يعنى. وده فيتامين ينفع للبنت والست..

مينرافيت اللى بقولك عليه ده فيه فيتامينات ومعادن.. ربما يكون الصيدلى عنده حاجة أنسب ليكى.. بس ممكن تبدأى بالخضار والفاكهة كده فترة جربى شوفى ايه اللى هيحصل الاول.. واشربى لبن بقى.. وماتقوليش مش بحبه.. اشربيه ساقع او دافى حطى عليه موز او جوافة او شيكولاتة اى حاجة بس اشربيه .. بس ماتحطيش عليه شاى وولا نسكافيه ها هيجيلك هشاشة يا باشا

ونامى بدرى بقى :D

قصة كبيرة;9586346:
ايوة يا بنتى انا بيبوووووو هههههههههههههه
لا دى مش دكتورة تغذية دى دكتورة نسا وادتنى الفيتامين بقولك لما كان جالى نزيف قبل كده فكان لازم اتغذى يعنى وقالتلى انه مفيش منه ضرر.. بصى لو عايزة تجيبيه زيادة تأكيد هاتيه بس اسألى الصيدلية الاول.. انا بصراحة مش بحب افتى يعنى. وده فيتامين ينفع للبنت والست..

مينرافيت اللى بقولك عليه ده فيه فيتامينات ومعادن.. ربما يكون الصيدلى عنده حاجة أنسب ليكى.. بس ممكن تبدأى بالخضار والفاكهة كده فترة جربى شوفى ايه اللى هيحصل الاول.. واشربى لبن بقى.. وماتقوليش مش بحبه.. اشربيه ساقع او دافى حطى عليه موز او جوافة او شيكولاتة اى حاجة بس اشربيه .. بس ماتحطيش عليه شاى وولا نسكافيه ها هيجيلك هشاشة يا باشا

ونامى بدرى بقى :D

يا مجرررررررررررررررررررررررمه بيبو يا بت وانا اقول ياربي مش ممكن ههههههههههه بس جامده انا حسيت بيكي ممواه

طيب هعمل كل اللي بتقوليه بس سؤال زكي هو صحيح في فرق بين اللبن ساقع او سخن ؟؟؟ بتفرق في الافاده يعني ؟اصل ماما مصممه اشربه سخن وتقولي كده افيد ههههههههه مش فاهمه ليه يعني وانا بحبه ساااااااقع

بنات انا كتضايقه اوى اوى انا كنت عامله دايت مع دكتورة و خسيت وبقيت حلوة كده ومزة وجسمى كان متظبت وكنت بمشى اى نعم كان عندى شويه بطن بس كنت كويسه وبعديها اتغريت بنفسى وبطلت الدايت ورغم انى مبكلش كتير بس كمان بطلت المشى دلوقتى اكتشفت انى تخنت تانى طبعا هتستغربوا ايه اكتشفت فجاه فعلا فجاه لانى انا مش بخرج كتير وبطلت اوزن نفسى انهرده لقيت خطيبى بيقولى انتى تخنتى تانى مش عايزة اقولكوا اكنه جاب سكينه وحطها فى قلبى انا اصلا مبستحملش حد يقولى انتى خنتى دى ابدا انا اقول اه حد تانى مش يقول بجد مش طايقاه ولا طايقه نفسى المشكله يا بنات انى طول ما انا ماشيه مع دكتروة انا منضبطه لكن لوحدى لا وانا عايزة اعتمد على نفسى عشان كده سبتها وقولت انا همشى لوحدى لكن للاسف فشلت او شوفت نفسى المشكله الاكبر بقى انى لما بتضايق بقعد اكل ومحسش بنفسى زى دلوقتى حاسه انى هقوم اكل التلاجه بسلكها وماسكه نفسى قولت احكيلكوا تصبرونى انا محبطه اوىىىىىىىى

kasndra;9586521:
يا مجرررررررررررررررررررررررمه بيبو يا بت وانا اقول ياربي مش ممكن ههههههههههه بس جامده انا حسيت بيكي ممواه

طيب هعمل كل اللي بتقوليه بس سؤال زكي هو صحيح في فرق بين اللبن ساقع او سخن ؟؟؟ بتفرق في الافاده يعني ؟اصل ماما مصممه اشربه سخن وتقولي كده افيد ههههههههه مش فاهمه ليه يعني وانا بحبه ساااااااقع

هههههههههههههه
لا بصراحة اول مرة اسمع ان فى فرق بين السخن والساقع.. انا بحبه ساقع برضه :D وبعدين ماحنا كنا بنرضعه ساقع من امهاتنا :D يابنتى اى حاجة المهم تشربيه

شيكو 2008;9586526:
بنات انا كتضايقه اوى اوى انا كنت عامله دايت مع دكتورة و خسيت وبقيت حلوة كده ومزة وجسمى كان متظبت وكنت بمشى اى نعم كان عندى شويه بطن بس كنت كويسه وبعديها اتغريت بنفسى وبطلت الدايت ورغم انى مبكلش كتير بس كمان بطلت المشى دلوقتى اكتشفت انى تخنت تانى طبعا هتستغربوا ايه اكتشفت فجاه فعلا فجاه لانى انا مش بخرج كتير وبطلت اوزن نفسى انهرده لقيت خطيبى بيقولى انتى تخنتى تانى مش عايزة اقولكوا اكنه جاب سكينه وحطها فى قلبى انا اصلا مبستحملش حد يقولى انتى خنتى دى ابدا انا اقول اه حد تانى مش يقول بجد مش طايقاه ولا طايقه نفسى المشكله يا بنات انى طول ما انا ماشيه مع دكتروة انا منضبطه لكن لوحدى لا وانا عايزة اعتمد على نفسى عشان كده سبتها وقولت انا همشى لوحدى لكن للاسف فشلت او شوفت نفسى المشكله الاكبر بقى انى لما بتضايق بقعد اكل ومحسش بنفسى زى دلوقتى حاسه انى هقوم اكل التلاجه بسلكها وماسكه نفسى قولت احكيلكوا تصبرونى انا محبطه اوىىىىىىىى

بصى ماتضايقيش نفسك

بس ده اللى كنت بقوله
هو ان الواحدة ماينفعش تعمل دايت تعيش على سكر دايت وتمنع النشويات والكلام ده.. ليه؟ لانك بتحطى جسمك فى حرمان اول ماتخسى وتبطلى الدايت وترجعى تاكلى جسمك هيلاقى الحاجات اللى كان محروم منها فهيخزنها جواه ومش هيحرقها فتتخنى أكتر
عشان كده النظام الصحى الصح ان تاكلى من كل حاجة بس بكميات اقل وانتى مع الوقت اكلتك هتقل.. وتخلى الطبيعى بتاعك ان اكلك يبقى صحى مفيهوش دهون كتير.. والطبيعى بتاعك يبقى فيه رياضة ومشى.. يبقى سستم حياة مش مجرد وقت عايزة اخس فيه وخلاص..
قللى أكلك واحدة واحدة وعليكى بالرياضة بقى..

بصى انا اصلا بعمل دايت من زمان وفى حاجات كتير عليها اتعودت عليها من الدايت حتى لو مش بعمل دايت وفرحانه بيها اوى يعنى مثلا انا اتعودت على الرز المسلوق وبحبه جدا والعيش السن نادرا مباكل فينو او بلدى الخضار كله باكله نى فى نى وبحبه اوى حتى البتنجان كنت بموت فى المسقعه دلوقتى اتعودت اكله برده نى فى نى يعنى انا فعلا غيرت حاجات كتير بقالى مثلا 5 سنين او كتر اتعودت على كده انا مشكلتى فى الحاجات الهايفه بتاعه بره والحلويات خصوصا وكمان انا عندى البيت هنا دايما شايفين ان انا رفيعه وانى معنديش صحه وعارفه نظام انتى داخله على مسئوليه وجواز لازم تقوى نفسك والكلام ده ومشكلتى انى معنديش وسط يا اكل يا مكولش يا اقفل بالمفتاح يا افتح السابع وبجد نفسى ابطل العادة دى بس مش عارفه
الا صحيح فى بنوته بتقول ان معلقه عسل كل يوم على الريق بتزود الحرق ده بجد دى يعنى دكتور قالها ولا ايه وحد جربها

شيكو 2008;9586526:
بنات انا كتضايقه اوى اوى انا كنت عامله دايت مع دكتورة و خسيت وبقيت حلوة كده ومزة وجسمى كان متظبت وكنت بمشى اى نعم كان عندى شويه بطن بس كنت كويسه وبعديها اتغريت بنفسى وبطلت الدايت ورغم انى مبكلش كتير بس كمان بطلت المشى دلوقتى اكتشفت انى تخنت تانى طبعا هتستغربوا ايه اكتشفت فجاه فعلا فجاه لانى انا مش بخرج كتير وبطلت اوزن نفسى انهرده لقيت خطيبى بيقولى انتى تخنتى تانى مش عايزة اقولكوا اكنه جاب سكينه وحطها فى قلبى انا اصلا مبستحملش حد يقولى انتى خنتى دى ابدا انا اقول اه حد تانى مش يقول بجد مش طايقاه ولا طايقه نفسى المشكله يا بنات انى طول ما انا ماشيه مع دكتروة انا منضبطه لكن لوحدى لا وانا عايزة اعتمد على نفسى عشان كده سبتها وقولت انا همشى لوحدى لكن للاسف فشلت او شوفت نفسى المشكله الاكبر بقى انى لما بتضايق بقعد اكل ومحسش بنفسى زى دلوقتى حاسه انى هقوم اكل التلاجه بسلكها وماسكه نفسى قولت احكيلكوا تصبرونى انا محبطه اوىىىىىىىى

انا عندى نفس مشكلتك
بس انا لسه فالاول
حاسه انى هتخن لا نفسى مفتوحه قوى على الاكل
والحر مش مشجعنى على رياضه
وكمان ارتفعت نسبة الانميا عندى من الريجيم
فالكسل زااااااااااااااااااااااااااااااااااااااااااااااااااااااااااااااااااااااد
مكسله ودايما متعصبه ومشطايقه نفسى
وباكل
بحاول ارجع لريجيمى مشعارفه وكل يوم اقول بكره
وخايفه اتفاجأ فيوم