تجمع بنات مصر للتغذية السليمة والرياضة

يا بنات الله يكرمكم اللي عندها سيدهات لرياضه تمارين خاصه بالجزء السفلي وكمان ايروبكس للموضوع ده تنحيف وشد للارداف تبعتلي ربنا يخليكم او تقول بيتجابوا منين وبكام

roro cat;9929899:
يا بنات الله يكرمكم اللي عندها سيدهات لرياضه تمارين خاصه بالجزء السفلي وكمان ايروبكس للموضوع ده تنحيف وشد للارداف تبعتلي ربنا يخليكم او تقول بيتجابوا منين وبكام

بصي يا جميل انا كمان عندي نفس مشكلتك و خصوصا اني لسة والدة سلمي بنتي من 3 شهور فالموضوع تفاقم طبعا...الناس بتولد و تتخن من بطنها انا بئة في الجزء اللي تحت ارداف و جناب ههههه عموما انا عملت سيرش علي افضل جهاز رياضي و لئيت الجميع في كل المنتديات بيتكلمو عن الاوربتراك حتي اوبرا وينفري كانت في حلقة كدة و عاملة استفتاء عن احسن جهاز رياضي و الناس قالت الاوربتراك...انا جبته من اسبوع بس ركبته من يومين بس...و النهاردة اول ما صحيت بلعب عليه حوالي 10 دقايق بس بتكسر بس الجهاز مفيد جداااا للارداف و الشد تحفة ده من تجارب البنات فانتي شوفي لو عايزة جهاز يبئة الاوربتراك او لو عندك وقت فاضي يبئة المشي انا بس مش عارفة امشي علشان سلمي بس انا زمان جربت المشي بالساعات كمان و صدئيني تحفة بس عايز شوية صبر بس هيظبط جسمك كله و ده عن تجربة يا بختها اللي لئية وقت و بتمشي بجد

طيب شوفتوا يا بنات رجيم النقاط الليع املاه هنودة المسلمة ايه راءيكم نبتدي نظبط بيه مع الرياضه كده وربنا يسهل

roro cat;9929899:
يا بنات الله يكرمكم اللي عندها سيدهات لرياضه تمارين خاصه بالجزء السفلي وكمان ايروبكس للموضوع ده تنحيف وشد للارداف تبعتلي ربنا يخليكم او تقول بيتجابوا منين وبكام

roro cat;9718815:
يا عيال انا جبت سكر اسمه سيفتي من الفواكه دي للدايت ينفع كندريل مش عاجبني مع انه مكتوب مناسب لمرضى السكر عارفينه ده؟

بصي يا ستي بمناسبة السكر فانا جربت انواع كتييير معظما كويس مع الحاجات الباردة لكن مع الحاجات السخنة (n) دوااااا و مر و حاجة وحشة بس و انا عند مراة خالي جابتلي سكر فاكهة اسمه تروبيكانا سليم و حطته علي الشاي باللبن و انا كنت عارفة انا هشرب ايه بس المفاجاة بئة ان طعمه عااادي خااااااااالص كني حاطة سكر بجد وهم المشكلة ان انا معرفش في منه هنا في مصر و لا ايه...انا بجيبه من السعودية علشان في ناس هناك و بينزلوا كتيييير فانا بجيب كمية منه و بئضيها كدة..دوروا كدة عليه و لو لئيتوه هاتو منه علي ضمانتي....انا عموما العلبة اللي بتيجي من السعودية فيها 50 كيس و 12.5 ريال

رورو ريجيم النقاط هو هو ريجيم السعرات مفيش فرق بينهم او انا مش لائية فرق بس هو صحي مفيهوش ضرر

والله انا الجزء التحتاني ده عكنني جسمي رفيع وده مبوز جسمي كل ما انزل اشتري لبس اتعقد البناطيل شكلها بيتشوه فوق مش زي تحت خالص بسبب من تحت الوسط للركبه مفيش هنش بس جنبين اجارك الله ولا بطن حتى يلا وعندي سيكل منتظمه عليها تقريبا وبطلع السلم 12 دور ومش فاهمه بحس جنابي بتعرض اكتر مش عارفه صح ولا بيتهياءلي

لا يا حبيبتي مش بتكبر بس انتي الجزء ده ممكن يكون و راثي مثلا علشان كدة صعب انه يخس..فطبعا جسمك كله بيخس الاول و الجزء ده ااااخخخخخخخخخخر حاجة هتنزل علشان كدة انتي بتحسي انه بيكبر بالنسبة لبائي جسمك علشان جسمك بيخس و يقل حجمه و الجزء ده ثابت علي نفس الحجم فبالنسبة لبائي جسمك اللي نزل شكله طبعا اضخم من اللي انتي متعودة عليه...الموضوع ده محتاج صبر و طولة بال اوي و ده افضل يا اما تجربي الميزوثيربي..و انا قريت عن بنت عملته و هو مش غالي دلوئتي علي فكرة و مش حاجة فظيعة يعني..حقن كدة بتاخديها في الجزء اللي انتي محتاجة انه ينزل و طبعا بيمشوكي علي نظام غذائي كمان طول فترة العلاج. اسالي اكتر و استشيري كدة الناس و هما يقولولك...بس نصيحة لو لسة وزنك مش مظبوط ظبطيه الاول يمكن الجناب دي تخس لما توصلي للوزن المثالي و ربنا يعينك و يعينا...انا كمان زيك بس مش جناب بس الجزء الي تحت عموما الارداف بجد حاجة وحشة :( و برضه البنطلونات شكلها يهلك من الضحك و الله بالنسبة للجزء اللي فوق...فوق واحدة و تحت واحدة تانية خااااااالص ههههه

يا بنات دي صورة الاوربتراك اللي انا اشتريته ادعولي بئة اخس و انتظم عليه

roslish;9959885:
يا بنات دي صورة الاوربتراك اللي انا اشتريته ادعولي بئة اخس و انتظم عليه

يارب تخسي والله انا وزني مناسب لطولي 155 وزني 56
هي الجناب دي هفكر في الميزوثيرابي ده بس لو مكان اسعاره كويسه حد يقولي بليز مكان كويس واسعاره حلوه وياريت لو في الجيزة والمناطق اللي حواليها

roro cat;9959896:
يارب تخسي والله انا وزني مناسب لطولي 155 وزني 56
هي الجناب دي هفكر في الميزوثيرابي ده بس لو مكان اسعاره كويسه حد يقولي بليز مكان كويس واسعاره حلوه وياريت لو في الجيزة والمناطق اللي حواليها

و الله كان في بنت عاملته هشفلك الموضوع و ارد عليكي

اشرى;9965719:

يا بنات بليز محتجاكم اووووووووووووووى


انا ان شاء اللة احتمال يبق فرحى على اخر السنة دى والمفروض انى اخس بتاع 15 كيلو المشكلة انى مش عارفة ابدا خااااااااااااااااالص بالعكس حالتى النفسية زفت وعمالة اكل بطريقة فظيعة عايزاكم تحمسونى عشان ابدا معاااااااااكم وكنت عايزة شوية نصايح كدة حلوة عشان ابدا بنفس لان بجد عشان المصاريف والتجهيزات طبعا كلكم عارفين مش هينفع اتابع مع دكتور عايزاكم تحمسونى وتكلمونى شوية كدة وتعقلونى بجد انا عايزاكم تقفوا جمبى

يا حبيبتي لا تقلقي لسة قدامك وقت ثم اللف و التجهيز هينزلوكي جامد بس انتي ظبطي اكلك شوية...و بلاش البيبسي و الايس كريم و الشيوكليت و المحمرااات و كله هيبئة تمام ...و انا معاكي برضه اتجوزت السنة اللي فاتت و بعد ولادة سلمي زدت حوالي 10 او 12 كيلة كمان...تعالي نبتدي مع بعض بس نشجع بعض ايه رايك..و نبئة اصدقاء كفاح :)

الاول بشكرك يا ورده على التجمع الجامد ده يا احسن بنات
انا عايزة اتخن 15 كيلو وباكل ومش عارفه اعمل ايه قولولى بجد انا بفطر وبتغدى وبتعشى وباكل فاكهه وبشرب بيسى وشيكولاته اعمل ايه يا جماعه بجد امنيه حياتى اوصل لوزن 70انا الوقتى 55 وكمان طولى 169 ودى عمالالى ازمه نفسيه نفسيتى تعبانه باستمرار والله كل البناطيل بتاعتى ضيقتها والجيبات مش عارفه البسها خالص

دي اكلات صحية علشان الريجيم و الاكل الصحي جربوها
http://forums.3roos.com/t471121.html (كيكة الفانيليا و الشوكليت) دي كيكة فانيليا و شيكولا تخيلوا بس خفيفة جدا

http://forums.3roos.com/t471121.html (كيكة الفانيليا و الشوكليت) كيكة التفاح و الجزر

http://forums.3roos.com/t467669-2.html (شيش برك تحفة!) شيش برك

roslish;9966269:
يا حبيبتي لا تقلقي لسة قدامك وقت ثم اللف و التجهيز هينزلوكي جامد بس انتي ظبطي اكلك شوية...و بلاش البيبسي و الايس كريم و الشيوكليت و المحمرااات و كله هيبئة تمام ...و انا معاكي برضه اتجوزت السنة اللي فاتت و بعد ولادة سلمي زدت حوالي 10 او 12 كيلة كمان...تعالي نبتدي مع بعض بس نشجع بعض ايه رايك..و نبئة اصدقاء كفاح :)

اشري الف مبروك ياحبيتي الاول
ومتقلقيش انا كنت كده قبل الفرح ومن اللف والتفكير خسيت اوووي رغم اني كنت باكل بطريقه وقاعده ادام التلفزيون
لما روحت افرش شقتي رجعت خاسه اوووي
انتي بس حاولي تمشي كتيررر وتلفي كتيرررر منها لف علي حاجاتك ورياضه المشي افضل حااااااااااااااااااااااااااااااااااااااااااااااااااجه

مين جرب المشى او تمارين البطن ونزلت البطن معه وبعد اد ايه ؟؟؟
انا عندى بطشن وبدات تمارين ومشى بس عايزة حد يكون نفس التجربة ونجحت معه عشان اتشجع

ساره افندي;9979652:
اشري الف مبروك ياحبيتي الاول
ومتقلقيش انا كنت كده قبل الفرح ومن اللف والتفكير خسيت اوووي رغم اني كنت باكل بطريقه وقاعده ادام التلفزيون
لما روحت افرش شقتي رجعت خاسه اوووي
انتي بس حاولي تمشي كتيررر وتلفي كتيرررر منها لف علي حاجاتك ورياضه المشي افضل حااااااااااااااااااااااااااااااااااااااااااااااااااجه

اشري يا حبيبتي زي ما سارة قالت كدة اللف والمشي الكتير هينزلك انتي بس بطلي و نتي ماشية البيبسي و الحاجات دي هي اللي بتخن و بتعوض كل المجهود اللي انتي بتعمليه يعني تخيلي ان بعد ما تمشي ساعتين تشربي بيبسي تعوضي كل الكالوري اللي انتي حرئتيهم...طبعا كدة مش هتخسي...فيا بنتي تعمدي لما تعطشي اول حاجة بدلي البيبسي بالعصير...و يا ريت عصير خالي السكر...و قبل ما تشربي العصير يا بنتي هاتي معاه ازازة مية و اشربيها كلها هتلائي نفسك اترويتي و مش محتاجة لا بيبسي و لا عصير و لابتاع..جربي كدة و علي ضمانتي العطش الشديد من الحر بيوحيلك انك جعانة و عطشانة و تبتدي تتخيلي البيبسي و شكله و انه هيرويكي...بديلي البيبسي بمية سائعة كدة و شوفي الفرق و ربنا معاكي

اولا الف مبروك يا اشرى وبجد عن تجربه اهم حاجه انك تكونى متفائله انك هتخسى لان الاحساس ده هيشجعك اوى انا بعمل دايت من زمان والوقت اللى ابقى فلى مكتئبه وحاسه انى شكلى وحش بجد بتقلب معايا واقعد اكل اكل بدون وعى بصى زى ماالبنات قالولك فى البيبسى وكمان الاكل برة وكل الحاجات دى وعلى فكرة والله فى حاجات كتير بنعملها تتخنا وبتبقى بس مساله تعود هقولك على كام حاجه انا شخصيا عملتهم من كتير ووزنى الحمد لله بينزل انا فى الاول تابعت مع دكاترة كتير اوووى ومن كترهم بقيت انا دكتورة ولقيتهم كلهم بيتفقوا على حاجات واحده اولا عودى نفسك اول متصحى من النوم قبل اى حاجه اشربى كوبيتين ميه على الريق وهاتى خل تفاح وحطى معلقتين صغيرين منه على كوبايه ميه قبل الاكل بربع ساعه يعنى اعملى الحاجات دى قبل متدخلى الحمام وتغسلى وشك وكده ومحدش يقول انا خل التفاح بيهرى الكبد ده يحصل لو خدناه لوحده لكن مخفف بالميه مبيعملش حاجه غير انه بيسد النفس شويه وبعد كده افطرى وحاولى ميبقاش الفطار فى حاجات تقيله يعنى مثلا خدى ربع رغيف بلدى (اوعى الفينو بينفش الجسم اوى) بصى انا عن نفسى من ساعه معملت دايت من سنين كانت الدكتورة بتكتبلى عيش سن من ساعتها وانا مبكلش غيرة وبحبه اوى عارفه ليه بيشبع جدا يعنى انتى لو كلتى ربع رغيف بجد ولا ليه لازمه لكن العيش السن يا سلام بيشبع عشان الرده وانا عن نفسى بيعجبنى طعمه بس هاتى من الفرن مش بتاع فرجلوه والكلام ده وشوفى بقى معاه ايه لو ليكى فى الجبنه القريش حلو وممكن معاها بيضه مسلوقه او فول بس حاولى متحطيش زيت او سمنه عارفه انا بعمل الفول واحط عليه كل البهارت بتاعه الاكل ومن غير اى زيت او كده وبيطلع وهمى ولو متقدريش حطى معلقه زيت
فى حاجه بقى حلو اوى كلنا هنا فى البيت ماشين عليها وعامله نتيجه لينا كلنا ما شاء الله الشاى الاخضر بجد هيفرق معاكى انا فى الاول مكنتش بطيقه وحاسه انه ملوش لازمه بس بجد حلو اوى حاول تشربى 3 مرات فى اليوم بعد الاكل بساعه بصى انا بعمل ايه عشان مكسلش فى الفطار وانا بعمل النسكافيه اعمله واغطيه واسيبه لغايه ميبرد خالص اويبقى دافى اروح شرباه مرة واحده زى الدواء وفى الغدا والعشاه برده وانا بحضرهم اعمله وبعدين اشربه اهم حاجه متكليش بعده بساعه ومتكنويش واكله قبله بساعه وكوبايه العشاء انا بشربها قبل النوم علطول
وحاولى تعودى نفسك على الاكل النى فى نى انا عارفه انه صعب اوى بس والله فى الاول بس بعد كده هتحسى ان مفيش فرق يعنى مثلا الرز حاولى تتعودى على المسلوق والله حلو جدا المكرونه برده لو عيزاها بالصلصه اعمليها نى فى نى حلوة الخضار برده اللحوم متحمريهاش اشويها والفراخ كله كله البطاطس انا كنت بعمله حلوه اوى اسلقها وبعد كده اقطعها زى المتحمرة واحط عليها ملح وفلفل وادخلها الفرن على الشوايه بتطلع حلوة اوى
وخلى لنفسك يوم فرى كلى كل اللى انتى عيزاه وشويه شويه خلى اليوم ده وجبه بس لان هتكون معدتك قفلت شويه واهم حاجه الليل واخرة وما ادراكى ما الليل انا لغايه دلوقتى بعانى منه بحاول امسك نفسى على اد مااقدر
عارفه انا لما الاقى شهيتى اتفتحت وقعدت اكل واقعد اقول لنفسى يا بت كلى هو الواحد بيعيش كام مرة بصى منظرك بقى عامل ازاى بصى وشك داخل لجوه ازاى والحاجات دى وخصوصا طبعا لو قابلت حد بقاله كتير مشافنيش يقعدوا يقولولى ايه ده بقيتى عامله كده ليه وكلام بقى احباط فاول لنفسى ماانا خسيت اهو اكافى نفسى بقى ومش عايزة اقولك افضل اكافى نفسى 3 ايام مثلا المهم اروح اقعد افكتر وانا نازله اشترى لبس قد ايه ببقى محبطه انى مش لاقيه مقاسى واحساسى الفظيع لما البنت بتاعه المحل تبصلى اكنى جربه وتقولى لا مفيش مقاسك ويكون مثلا عنده لغايه2 او 3 اكس لارج ولا لما اكون خارجه مع خطيبى والبلوزة تكون ضاقت من كتر اللغ واقعد طول الوقت شفطه بطنى عشان الكرش ميبانش ولا ولا ولا ولا حاجات كتير اوى وكل ده عشان مش عارفه اقفل بقى بجد يا اشرى الموضوع يستاهل انا عارفه انه فى غايه الصعوبه بس والله فى الاول وبعد كده هتلاقى نفسك انتى اتعودتى على حاجات كتير اوى حلوة انا معاكى انا كمان عامله دايت لغايه فرحى انا هتجوز على العيد يلا نشجع بعض وحاولى حاولى انك تشغلى نفسك اياكى والفضى طول ما الواحد فاضى مبيفكرش الا فى الاكل معلش انا عارفه انى رغايه اوى وكان ممكن اقعد ارغى لغايه اصبح بس كفايه كده انا بس عشان حاسه بيكى اوى حبيت اتكلم معاكى وان شاء الله تخسى وتبقى سمباتيك وقمر