تحدي الأوربتراك،، تعالي ورينا...قدها ولا موقدها؟؟

VIP Lady;9390074:

مشكورة على هالمعلومات المفيدة

ما بربرتي و لا شيء بالعكس استفدت منج واايد
العصر الحين واايد طويل و يصلح لمشي بس الجو أحسه حاار حلاته الليل الولحد يطلع يمشي بس ما أبي بروحي عالأقل احد ويااي

اي صح يختج انا كلش ما عندي لياقة ,, يعني بالمشي يصير عنددي ؟؟

أشوف زوجي اذا لعب عليه ما شاء الله يكمل ربع ساعة بدون ما يوقف وأنا ألعب دقيقتين ثلاث أتعب :ss:

المهم اليوم لعبت عليه 12 دقيقة بس مو مع بعض كل 6 دقايق بروحهم و حرقت كامل 200 كالوريز ,,

نقصت وزني في يومين و الحين أحسه زاد من أكل الكيك و العيش

بأرجع للريجيم

يأ أنا يا ال 7 كيلووو :cool:

ليالي السعوديه;9394464:
السلام عليكم
كيف حالكم ..
حابه أدخل معكم لكن إلى الأن ماعندي الجهاز
طلبته من شركه لها دعايات بالتلفزيون
إيش رايكم أفضل أو اشتريه من المحلات
لقيته بسعر 995 ريال مع مجموعه تمارين

كمام الأمل;9392252:

الله يعينج حبيبتي
يعني طلع صج العله اللي عندي مخرف هههههههههههههههههههه

بالنسبة لسؤالج عن حرق الدهون حرق الدهون في الجسم ما يعتمد على الوقت او عقب مدة معينه يبدأ الجسم يحرق لا طبعا..
طبعا الجسم بيحتاج لطاقة(سعرات حرارية) يستمدها من الغذاء عشان يقدر يقوم بوظائفة اللي اهي وظائفة الداخليه الاساسيه+نشاط الشخص ومجهوده البدني...
المفروض الطاقة اللي تدخل بجسم الانسان تساوي الطاقة اللي يبذلها سواء في وظافه او في نشاطه البدني عشان يبقى الجسم بالوزن المثالي ولو كانت اكثر الجسم بخزنها على شكل دهون...
فانا لو ابي احرق المفروض اخلي الجسم يبذل طاقة اكبر من الطاقة اللي يبذلها في نشاط اعضاه الداخلية ومجهوده البدني...
يعني المفروض يقلل اكل(الطاقة اللي تدخل) ويزيد مجهوده من خلال الرياضه(الطاقة اللي بيحرقها) ففي هالحاله الدهون بتبدأ تحترق...
يعني لو انتي بذلتي طاقة حرقتي فيها 2000 سعر حراري وبنفس الوقت كليتي اكل بما يعادل 2000 سعر حراري في هالحاله وزنج بتم على ماهو وما راح يحرق ولا راح يخزن دهون...
بينما لو بذلتي طاقة بالمجهود الرياضي وبنشاط الاعضاء الداخليه الطبيعي و مثلا 2000سعر حراري وبنفس الوقت كليتي 1000 سعر حراري فجسمج راح يعوض هالنقص من خلال انه بقوم بيحرق الدهون المتخزنه وبحولها حق طاقه وهذي هي الفكره من زيادة المجهود الرياضي وبنفس الوقت اكل طعام صحي ومتوازن..
لانه مافي فايده وحده ذابحه روحها اكل وحلويات وعقب تلعب رياضه ساعتيين وتحرق مثلا في هالساعتيين 2000 سعر حراري واهيي اللي ما كلته مثلا 3000 في الاكل فالجسم اكييد ماراح يحرق اي دهون حتى رغم انه استمرت ساعتيين في ممارسة التمريين الرياضي...
وتره انتي ما تصرويين بعض الاكل شكثر في سعرات احنا كله نقول ما كلينا ما كلينا يعني غالبا المرأه في سن البلوغ واللي وزنها مثالي يعني ماعندها زياده المفروض تحتاج حوالي 2000 سعر حراري لو بس بتحليين بقطعة كييك بالكريمه هذي فيها فوق 500 سعر حراري ومثلا البقلاة لو قطعتيين بقلاوة فيهم حوالي 600 سعر حراري او مثلا وجبه الفاست فود فيها حوالي 1200 سعر حراري فما في فايده تخربطيين كل هالخربطه وتاكليين كل هالكم من السعرات الحرارية حتى لو بنظرج اشياء بسيطه مثلا ما تغدييت بس كليت وجبة فاست فود وقطعة كيك بالنسبة لنا قليل صح؟ لكن اهي في الحقيقه عطتج السعرات اللي تحتاجينها في يومج وزياده فاكييد عشر دقايق رياضيه ماراح تفيدج لانها يدوب بتحرق 200 سعر حراري مثلا على جهاز الاوبتراك..

يعني طريقة حرق الدهون وحده ونظامها واحد يعتمد على مقدار الداخل والخارج من الطاقة لكل يوم ومو على الوقت او الجهاز الرياضي...

بالنسبة للميزان اخذي لج النوع الديجيتال طبعا هذا احسن الانواع حالي العادي زين بس مشكلته يخرف عقب فتره ما يعطي وزن دقيق وغير عن هذا ما يعطي البوينتات...
وفي نوع من الميزان يحسب لج كل جزء من جسمج شكثر في دهون وشكثر في عضلات وهل اهو طبيعي ولا في سمنه ويطبع لج ريبورت بكل هالتفاصيل بس هذا طبعا غالي يستخدمونه في الجيم والاماكن المتخصصه انتي في البيت اخذي لج الديجتال بكون افضل


امبي كاني سندرتج مايسوى علييج سالتي هههههههههههههههههه

VIP Lady;9394605:

ترى سعره زين في المحلات ,,

أنا شريته ب 100 دينار يعني 1000 ريال وكان مسويين عليه عروض بعد يعني قيمته أكثر

مدري عن الاسعار عندكم هناك اكيد ارخص من هني البحرين

ليالي السعوديه;9398558:
لما شفت العروض على الجهاز بالمحل فيه من 1000إلى 1800
إلي ب 1000 صغير وحركته بطيئه شوي أعجبني واحد ب 1450
وراح أخذه هو أو من الشركه

snow__white;9396090:
هالجهاز غني عن التعريف

معروووف انه ينحت الجسم و يشكله

أنا الشوق;9398604:
حياج الله معانا
وانا جهازي اخذته ب700 او 750 وكان عليه عرض
مع انهم على طول يقولون عرض وعرض وهو نفس السعر مايتغير :D

VIP

من وين خذتيه؟؟

VIP Lady;9403686:

انا من اسمع هالكلام أتشقق:D << الي يسمع يقول ما تنزل من على الجهاز ,,
لا بس أحس في أمل جسمي يصير حلووو ,,

ماجيك ستور في مجمع البحرين تحت الطابق الأرضي
هاي كان قبل فترة يمكن 4 أشهر كان مسوويين عليه عررض بس ما أذكر كم كان سعره الأصلي

VIP Lady;9410685:

توووني خلصت لعب على الجهاز ,,

:poster_war:


أكتب اليكم وأنا أنااافخ :tongue: :tongue:

لعبت لمدة 7 دقايق و نص متوااصل << انجاااز
و المسافة حسب ما طلع اليي 2 هل اهو كيلومتر والا شنو ؟؟
و حرقت حوالي 117 كالوريز

العصر بعد بألعب عليه
والليل اذا قدررت بعد
بأحاول أحرق في اليوم 300 اذا الله قدرني

VIP Lady;9392387:

وااااي كلامج واايد يريح وأحسه يدش القلب والمخ و يشجع ,,

مشكورة على هالمعلومات ,, اهيا صج يمكن احنا نعرفها بس طريقتج في الشررح تخلي موضوع الدايت سهل و ما نتملل منه ,,

باجر راح أبدأ صح

ادعولي اكمل على خير وانقص هال 7 كيلو ,, وفوقهم بعد 5 كيلو ههههه

smora;9441450:
ازيكو يا عرايس انا بقا جايه دلوقتى اغظكو عشان انا عملت على الجهاز دلوقتى 45 دقيقه وحرقه 850 كالورى والمسافه 1300 كيلو متر يالا قومى اعملى زيي اما نشوف مين اشتر من مين النهاردة عاوزين نسخن الموضوع والتحدى يكون اقوى وعيزين حماس يا بنات